坤記粥店

营业中

休息中

男友說要帶我去「港式貓cafe」-《坤記粥店》…（我經常走經店子門外，卻很少吃耶！！！）有見待會還要吃晚餐，故只點了綠豆沙（$8），質感不太「稠身」，但海帶及綠豆份量算多，更是煮至「起沙」的啊。以這個價錢來說合格有餘，甜一甜、清清熱也不錯喔。 男友的艇仔粥（$12），目測下配料不少，十元頭買來一碗「有料粥」，「咁抵食，已經買少見少喇！」。炸兩（$8），看著阿姐把米漿倒進蒸盤，蒸好粉皮後加入「油炸鬼（炸油條）」捲好，呵呵。無論是炸兩也好、「齋腸粉」也好，我這位「醬人」都愛下很多很多很多很多很多很多很多很多調味醬，還非常喜歡「混醬」啊，就是甜醬、麻醬再加辣醬，灑上白芝麻就更香口惹味。之不過這客要跟男友分享，所以比較收歛，只下了豉油（醬油）、甜醬及白芝麻而已。ps. 這裡的「油炸鬼（炸油條）」也是由阿姐於店內炸、而非來貨貨色，但我們那客早已放涼、不脆了，若碰巧遇上「新鮮炸起」的話，那就好嚕。一頓非常港式的下午茶，才$28，「美食無分貴賤，平嘢都可以好食」。然而，來這裡的另一目的是為了貓貓。男友跟我說他某晚到來時有貓貓伴吃唷。但不知是否因時間尚早、貓貓仍在睡覺中，故未能一見耶！附上男友上次的照

坤記粥品d粥係幾好，幾足料架，叫左碗柴魚花生粥，粥底唔算棉，但好足料，都有幾多野食。但個腸粉真係唔得，叫左個炸兩食，個皮凍既，d豉油好咸，唔得。另外叫左個叉燒腸，好少少，係暖既，但d叉燒無肉味，無叉燒味，劣

未試過食一間粥店有咁劣質食品好耐冇食過粥檔, 上星期下晝經過深水步元州街見有間粥店, 而且係舊式的, 就決定入去食.叫左皮蛋瘦肉粥同炸兩, 一個字形容-----"劣"一坐低叫完野食, 唔使一分鐘, 碟炸兩同粥就已經放在我面前.先食炸兩, 膠粉皮又凍又硬, 油炸鬼又淋又靭, 真係擺出去畀狗食都冇狗吼再食碗粥, 咸到飛起, 雖然材料都算多, 但真係咸到入唔到口, 食完之後要狂灌一支水先有番味覺仲有一件事, 令到我不得不上黎開飯網留言, 就係我食野期間, 粥店其中一個阿姐員工搭枱坐我對面(我係坐最近廚房樓梯底張枱), 同一邊食野一邊擘大喉嚨同另一張枱個阿姐講野, 口沬橫飛, 口水直噴到我D炸兩同碗粥上, 又冇禮貌, 而且好唔衛生, 簡直令人反胃, 攪到我要即刻走, 總之呢間"坤記粥店"就係店如其名, 唔使旨意再有下次, 真係嬲到出煙!

好多年未食過坤記的粥啦..上星期跟老公一齊去食番個午餐..傳統的老牌粥店,坐下就叫了至愛的生菜魚球粥,老公食的係牛肉粥,再來炒面,蘿蔔糕和炸兩,亞姐的記性真係好,唔使寫單,聽左就記得,真佩服!!d鯪魚球好彈牙,有六粒架,,粥也很綿,熱騰騰的粥特別好味,食到炸兩就真係好味道,d油炸鬼好脆,腸粉都好薄,剛剛好!!在入面食野好有懷舊feel,雖然唔坐得耐呀,因為午市都好多人,但食落有水準,不會水還水米還米咁,好味!!坐得迫一d都ok啦

在早餐食有味粥,好多時都係第三,四選.尤其是不想吃茶記的ABC,去酒樓飲茶.就會想到吃碗粥,腸粉.元州街的"坤記",又是不知有多少年光景.早上前來吃碗粥,通常是一碗艇仔粥,今次就加多隻皮蛋,再要炸兩.有味粥通常一放材料在碗,再倒些滾燙的粥底便上,前後可以不用十秒,如果你坐在廚房面前的話.炸兩竟最先上,心知不妙.再回頭一看,原來一早整定多碟來備用.既然煮到埋來,便吃.炸兩過淋,腸粉皮凍冰冰,而且吃落有點皺.情況一如雙方在隔晚大戰數回合之後,兩者互相吸乾對方.導致這碟炸兩,皮凍且粗,炸兩淋劈劈之苟且殘喘局面.歌神的名曲"半斤八兩"之中,說出濕水炮仗點會響,我就說,"八蚊炸兩,濕水炸兩點會響".最後,碟炸兩當然吃剩.皮蛋艇仔粥呢?其粥底偏稀,吃落米香不彰,材料倒也算多,但其油溢味過重的花生,吃到口立立,很不爽說.深水埠坐擁很多有水準的麵店,但說到吃有味粥,還是乖乖回到去九龍城.

2/2, 係吉之島$10 店買完嘢, 發現原來旁邊有間「坤記粥店」架!嘩~~~ 我仲未食「早餐」架! 見到啲粥同油炸鬼, feel 到自己勁肚餓啦!仲要係咁凍既天氣下, 比我見到佢啲油炸鬼係啱啱炸起架!睇嚟佢哋係習慣每次keep 住只炸幾條, 唔會好似其他粥店咁,成日炸定哂幾十條係度, 過晒氣, 搞到好難食! 坐底後, 諗都唔諗, 就叫咗碗「皮蛋廋肉粥」($11) 同「油炸鬼」($4),個粥唔駛講, 好好食! 條油炸鬼真係仲熱辣辣架! 正~~~~~~!! 真係好耐冇食過咁新鮮既油炸鬼呢! 食完超飽超滿足, 同埋咁先有氣有力去買餸架嘛~~之前食個間係北河街個邊, 真係唔知呢度都有間, 但其實係咪同一個老闆既呢?因為我發現, 呢度既「皮蛋廋肉粥」平$0.5 既???