坤記腸粉

营业中

休息中

一直想一次過試哂的"香港三名物"。路過發現坤記有"王牌套餐"只需$25,包魚蛋四粒，燒賣四粒，再加三條腸粉。魚蛋，燒賣，腸粉size比一般的檔舖大1.5倍，抵食度爆燈但...但就係失手在將三種食物放在一起，而又不用牛油纸隔著，結果所有食物的醬汁都係有甜醬，芝麻，花生醬的味道😐咖哩魚蛋沒了咖哩味，辣椒豉油燒賣也失去了靈魂😥再把腸粉放落在一碟過多醬汁鼓油咁混埋嘅醬料內，天啊!本以為一次能滿足我的欲望，最终感覺係，活生生把所有食材白白糟蹋了。飽肚重要，但更多人是追求香港的原味道。抵讚的是姐姐們的街坊温情，隨時可以免費加醬料，份量也可按個人食量加錢購買，彈性非常高

其實坤記係樓下開左好耐,唔知係咪同大圍同一間,成日覺得叫坤記都係坤人既XD今日又要曬阿雀,食完樂樂雞有D熱氣,停一停先XD試下坤記腸粉先,佢有三個大細,我要左中間既$16/8條,淨係要豉油麻醬芝麻,多豉油既,上到公園放好阿雀曬太陽,我又縮埋一邊開餐,原來8條都幾多~篤一條睇下,好似唔錯,雖然哩d腸粉都係交貨黎,但係我都試過食過好難食既,真唔明就咁蒸點解都會咁XD跟住就要撈均佢地,盡量令每條腸粉都沾滿醬汁,冇曬白色,要變曬黑媽媽XDD哩知程序好易篤穿膠袋,要小心進行XDD篤起一條沾滿醬汁既腸粉放入口,嗯,ok既,都幾滑,唔錯,但係有d 好長XDDD篤住會條條揈,成身成面都係汁,哩個下次要叫佢切好D XD總結,OK既,好飽,$16,又搞掂一餐.食完腸粉,又曬完雀,返屋企做家務.

好多friend都話畀我聽呢間「 坤記腸粉」啲嘢食好掂好好味，於是我就把心一橫老遠嚟到呢個區去試下睇下係咪真係傳聞咁好食。睇住個registered果區係「深水埗」！但其實location原來就比較近「石硤尾」真係行到我人都傻！仲要喺一條唔睇見過嘅內街巷仔隔離，所以我未食就先失望。睇一睇個門面有好多openrice嘅介紹，仲有好多美食家介紹過，原來真係名店！出咗名係全港最滑嘅腸粉！我就買咗$20腸粉，企喺「立食位」嗰度食。呢間啲腸粉真係夠經典！佢嘅質感真真正正係滑如絲，絕對係「滑不溜口」腸粉嘅典範！ 全港最滑，實至名歸！但呢個質感，而唔係味道。味道，就係冇乜米味，當然加咗各色嘅醬料，例如麻醬、甜醬、豉油、辣醬之後，係ok嘅。但係單純以白腸粉嘅味道嚟講，我意思係「味道」而唔係質感，就未達標準。 又係一間德個名嘅名店。

路過深水埗，有d肚餓想食小小野見到坤記腸粉，諗住應該係食腸粉好出名喇點知見到係普通現成腸粉有點失望但唔緊要，都要食野見到有份墨魚三寶 就要一份啦出奇地好食有一串魚蛋燒賣同墨魚個燒賣好「林」，超好食魚蛋大大粒呢間可以encore呀

今天訓晏左又約左人，時間好趕，唯有快速出門口……去到深水埗餓住肚等朋友，見到間小食，諗住食串燒賣頂住肚先……間小食係巷度，有些人企係度食緊，等左一陣，原來全部人都叫腸粉，咁我忍唔住都叫左腸粉加燒賣，味道唔錯，間小食雖然係巷度，清潔度都好好……企係度食住等朋友……唔錯選擇

本身d野食都不過不失，個腸粉又真係幾滑，醬料都足，價錢就叫做貴小小，但都值。不過服務態度就真係整差，去買野食仲要俾錢受氣。話說今日去買個早餐外賣，$20有炒面同皮蛋瘦肉粥，佢用一個細膠袋裝左碗粥，之後想係上面包埋用油紙包既炒面，我即時問可唔可以分開裝，因為咁樣我食炒面果時冇野裝，用手托住會成手油，佢聽完完全冇反應，我再三重覆佢都唔理我，最後用一個不厭其煩既態度「掉」多一個袋仔俾我示意我自己包，冇錯，真係掉出黎，隨即佢收左我放係收銀碟上既20蚊，可能唔小心定唔知發脾氣，整跌左個碟，佢拎番起又掉番上台，點知飛左出行人路。恕我心情唔好又忙於將包炒面分袋，所以我冇幫佢執。經過呢一次，我一定唔會再幫襯其實做野做得咁唔開心，點解唔轉工？