城八日本料理

营业中

休息中

冇左見城之後要食正宗壽司🍣梗係去城八菜單同以前見城一樣最愛自選八件壽司🍣午餐另外仲有一款卷物 味噌湯 及茶碗蒸壽司🍣件件新鮮 好味😋茶碗蒸香滑絕對是尖沙咀區壽司🍣的首選

電話預訂了 1:30pm 我地一行4人準時到達店舖結果服務員話因特殊情況 (禁堂食令前一天)無留位俾我 要求我到門外排隊當時大概有十數人係門口等緊…我問服務員咁我訂位做乜?佢話佢哋開12點,“一點半留張枱俾你?我唔會囉”(以上exact wordings, 理直氣壯)我問咁點解訂位時唔講?佢話唔好意思 同事唔記得講 ……門外 烈日當空34度 最後我哋放棄了於是 我白白浪費了那個午餐機會…奉勸各位 如有重要約會 小心中伏此店言而無信 誠信破產 好唔好食都無下次

前身是見城日本料理，在很久很久以前，在棉登徑盡頭有一間由日本人主理的日本料理店。當時不會日文，根本上是溝通不到的，客人也以日本人居多。我曾經兩次到訪，二十多年前，晚餐也要$800@。早幾年日本人已經回鄉，已由港人廚師接手，並以改咗名為城八。裝修大致依舊，午市的套餐也好像也是差不多，但店內換來的足港人廚師、店員的廣東話招呼聲，港客居多了。日本料理以食材質優新鮮取勝，小女兒第一次在壽司bar 午膳還是興奮莫名。三個人叫了兩客Assorted Sushi Lunch Set 有八件自選壽司及一個卷物$240@；另外一份銀鱈魚照燒定食$170。小女兒對個吞拿腩及馬驥海膽軍艦還是十分滿意。我自己叫的銀鱈魚照燒定食便覺得一般般，但miso soup 及蒸蛋還是用心之作。這個午餐價錢仍然是值得推薦！我們同時都在懷緬一下昔日的光景。ps 雖然是疫情關係，午市還是要訂位好啲。

老闆約咗客人到城八開會,有幸一齊陪同,重溫久違了的 Omakase 味道! 今次坐吧枱,由城八大師傅主理食物.一邊飲Sake一邊品嚐師傅超一流的料理,一邊傾生意,真係寄工作於娛樂嘅至高體現!!城八不愧為棉登徑的隠世高級日本料理,所有刺身都由日本直送,加上師傅一流的刀法,所有刺身都新鮮美味,令人一食難忘.我地全晚都由厨師拍版,深海池魚,牡丹蝦,吞拿魚,螺肉,鮑魚,赤鯥....食到一半我已經忘記咗映相,依家腍起都流口水

好想好想去食返餐壽司，半omakase啦，師傅會介紹有咩好食，我地自己再揀返想食既刺身壽司。推介，赤鯥好肥美，三文魚籽係唔會咸，鮮味，超新鮮因為包住三文魚籽既膜仲係度清酒選擇就唔太多，下次再去都唔知飲咩好，今次已經飲左兩款大吟釀

今日週年紀念，老婆嗌咗城八到會，週年紀念又真係唔同d嘅，見到咁多野食可以開心成個禮拜，有深海池魚、甜蝦、三文魚、海膽、油甘魚等等勁多野食！難得咁正經咁慶祝紀念日，都幾感動，嗌埋成班friend一齊~刺身拼盤我最鐘意，一盤已經有好多款刺身，而且望落個樣勁靚，最適合影相打卡鋪相~刺身好新鮮，肉質非常好，好肥美~每一款都好鮮甜，而且大細適中，唔會話d肉肥過頭或者係細塊得濟，我覺得口感剛好~最驚喜嘅係會有專門嘅師傅到場幫我地整刺身，好有儀式感！多謝老婆

城八這間餐廳之前有朋友向我介紹，剛好今日約左好朋友出街，便先搵資料找找附近有哪些餐廳好介紹。朋友喜歡日本菜，上Openrice 看到餐廳的評價也不錯，餐廳環境亦好似不錯,所以決定訂位了！ 餐廳環境真的不錯，座位寬敞舒適，不會坐得不舒服，感覺上好好。我們點了網上其他人推薦的食品，有長崎生蠔、海膽、三文魚臉頰壽司、帶子、喜之刺、還有其他…不過這幾款都是我和友人最喜歡吃的。總括而言，海產非常新鮮！看到師父處理得細心,雖然望上去好似好只是乾紫菜包住帶子,但吃進口就很不同，口感佳，這麼簡單的整法,都那麼好吃，我都介紹大家去嚐嚐。

星期五,女朋友生日,所以特登請左假,帶左佢去左行街食飯,陪佢,一日既行程一早已經安排好,生日禮物都安排好,晚餐都安排好晒!我女朋友話全日最滿意既係晚餐我同佢都食得好開心,所以特登上嚟打番個好評先!我地兩個最中意都係食日本野,所我地成日都去日本嫁!食日本野基本要叫當然係刺身,壽司,一品料理呢3樣先,我地最注重就係呢3樣, 刺身,壽司,都好新鮮,特別係北寄貝,最中意就係佢既口感仲要好鮮甜,正!一品料理係有特色,好中意食呢間,一定會番嚟食!

琴日番工俾老細,省左幾句,成個人心情差到不得了,唔想甘唔開心呀!所以一定要令自己開心番,一個令自己開心番既原因就是，食好野，所以就即刻打電話俾朋友問下最近有咩好介紹，之後就介紹左呢間俾我啦入到去感覺已經合適我,門面好日本格調入面好開朗既感覺,舒適!我叫左嚮螺刺身,白蝦壽司,喜之刺,銀雪魚,一個人差唔多啦~朋友真係無介紹錯!嚮螺刺身好 新鮮,好有咬口,好爽呀! 白蝦壽司上面有柚子皮帶出白蝦既鮮甜味,好中意! 喜之刺同銀雪魚都好正!我都推介大家食!

非常後悔，大叫中伏，以為有見城八成，點知兩成都無，CP性價比可能係全尖沙咀最低，選了午餐最貴選擇$290嘅壽司飯盒，點知不單只無前菜，蒸蛋淨係有一條一厘米長嘅八爪魚腳，飯盒米唔係日本米，只係有假蟹柳、魚蛋，同埋普遍魚；餐具亦都係平庸，餐廳無裝修，師傅無熱情，希望餐廳可以正視改善，等從前熟客有理由再來。

今日見完客無野做，可以早收工✌🏾✌🏾見有少少餓餓地，同埋好耐無食日本野想食下，就去左呢間餐廳享受一下我一個人的tea time喇～～～😁😁😁首先我點左碗大蜆清湯，粒蜆大大粒！仲要好新鮮😋蜆肉完全無霉味！！食落去啖啖鮮甜味～～啲湯亦都有好清香既蜆肉味🤩令人大開胃口黎食日本野，緊係唔少得叫刺身啦😍😍😍我叫左最鍾意食既甜蝦同埋toro刺身～質素唔錯👍🏾全部都好新鮮肥美！啖啖肉🤗🤗🤗🤗🤗真係好正！之後仲叫左一客凍豆腐，豆腐上面有海帶同番茄作配襯，夾埋一齊食真係絕配😱豆腐既淡淡豆香味，再加埋海帶同番茄，有一種好清新既感覺，刺身食得多會有種油膩感，食完刺身再食呢個豆腐，就可以將嗰種油膩感減輕一點點喇✌🏾✌🏾除此之外，我仲叫左白玉粟米，賣相望落去同平時食開嘅粟米有啲唔同，顏色比較偏向淡白色，點知食落去超有驚喜🤠唔好睇佢比一般粟米淺色咁多，就以為佢唔甜，呢隻粟米係超級爽嫩鮮甜😃而且十分之juicy添！！真係好有驚喜🤩🤩🤩🤩最後仲叫咗燒喜之刺，燒過之後外皮好香脆，但入面既肉一啲都唔鞋，仲好嫩滑，再加上佢配有蘿蔔蓉酸汁，食完成個人都好開胃醒神🖖🏾🖖🏾🖖🏾

為左慶祝,我決定食正啲嚟獎賞下自己,所以我嚟到呢間城八,餐廳高質素得嚟又唔會話太貴,整體嚟講都好抵食!!!我點左份海膽壽司,勁足料!啲海膽多到鋪滿左個面,連啲飯都遮住晒啊,每一啖入口都有啖啖海膽係到,好正,跟著我仲試左佢地既深海池魚刺身,刺身厚度攞得岩岩好,有口感得嚟又唔會話丸厚,師傅手勢非常好,我仲食左佢地既清酒煮大蜆,蜆有肉無沙,放落清酒到一齊煮勁鮮甜.而且佢仲有呢個清酒供應,可以暢飲暢食,讚啊!

經過之前係旺角區中過一次伏之後, 我揀餐廳開飯前都會上網做定research先.見到呢間城八好似不錯.今次黎到尖沙咀同家人慶祝細妹18歲生日, 唔經唔覺就咁大個了.廢話唔多講, 去圖!我地叫左一碟超大既刺身拼盤, 有牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口呢D平時成日都食到既野.雖然係常見既魚生,但我真係未見過平時有咁大碟而且又咁高水準.平時好怕食螺驚咬唔爛既我居然覺得好爽食到停唔到口.而細妹就中意牡丹蝦, 夠鮮又夠肥.之後我地叫左個燉蛋, 係咸既.見menu話有白粟米食就再叫左黎試, 呢隻粟米比起平時既更爽口.因為娘親唔係幾中意魚生, 我地就再叫左條燒喜之次比佢食.

今日特登帶我個壽星朋友黎尖沙咀呢間城八食生日飯，佢係一間日本餐廳，而我就好中意食日本料理所以帶左佢黎我地叫左個刺身拼盤，拼盤入面有既刺身種類好多款式，一個拼盤已經可以食到好多想食既刺身。每款都好新鮮，夠鮮味，非常高質素，冇得頂呀！而且佢既大小剛好，厚薄適中，岩岩好一啖擺落口，魚鮮味同鮮甜味真係正啊！壽司同樣好高質素，入口即溶而且佢唔止係得茶，佢仲有其他沖既飲品，我點左一杯咖啡，味道可以食到我同朋友無停過口，一面滿足，呢間餐廳絕對係值得推薦～

今日收工老細話要獎勵下我地班同事帶左我地黎城八食飯,呢度唔係有人帶既話應該都幾難搵, 既然係老闆請, 我唔客氣啦!首先係刺身拼盤, 有超多野食! 牡丹蝦、鮑魚、油甘、響螺、肥吞拿、吞拿魚, 如果只叫呢一碟既話應該都要2個人先食得曬!之後仲有拆肉毛蟹，大大份，拆到2碟出來, 真係唔怕唔夠分.之後再叫左TORO SUSHI, 純粹老闆喜歡.熟食方面我地叫左蕃薯天婦羅, 之前係葵芳食過D黑心鋪頭用麵粉當天婦羅粉, 呢度炸得岩岩好, 而且食得出係真天婦羅粉!另外我又食左燒牛扒, 牛扒好林, 都JUICY既去得日式餐廳當然唔少得飲返幾啖清酒啦!