堅信號上海生煎皇 (新都城中心二期) (已結業)

好多年前已經有幫襯過旺角嗰間正宗上海生煎皇，果陣好出名係Oscar(江若琳老公)開，但今年旺角店新址重開改名堅信號，以爸爸結業的印刷廠為名。招牌生煎包相當出名，經過於是入去一試🤩由於午餐時段有套餐，組合配搭同款式都相當多，呢個價錢包食小食和飲品合理。👓上海粗炒 $60份量相當大碟，顏色夠深色味道夠濃味，有菇片肉絲椰菜。👓堅信號秘製厚切豬扒配菜飯 $60豬扒真係好厚，醬汁味道帶少少甜似燒汁。菜飯好食，夠菜粒夠濃味。👓堅信號上海生煎包(兩個）跟餐叫左兩份午餐，每份都揀跟配生煎包😙個皮夠薄，底部香脆，肉餡鎖到汁。食完兩個已經飽左1/3肚。

最近work from home，好幾天不出門，都不知道吃什麼好。見到朋友推薦，中午就出來吃飯啦～ 寶林有好多好吃😋的，且性價比極高。其實也沒有必要天天去中環辦公，家附近，就有好多美食。.酸甜菠蘿咕嚕肉 全素＄60沒想到新豬肉這麼好吃😋愛上了。出名吃飯，再也不用擔心沒有素食的選擇了。不但保存了肉的鮮美，卻一點都不油膩。特別喜愛，點亮了今天一整天。.麻辣青瓜 麻辣正宗，青瓜新鮮入味。補充一天的維生素，又滿足了口福。.迷你蟲草花雲吞雞 ＄18沒想到迷你的湯煲，內容一點不少，湯很鮮美不說，還有小個雞腿，兩個餛飩，很多蔬菜。簡直物超所值。.皮蛋豆腐 ＄28超級美味，豆腐嫰滑，入味，皮蛋香蔥和鮮椒，絕對是這道菜的精華。沒想到，商場裡面的餐廳，竟然做出了五星級酒店的水平。精緻在於用心。超級讚👍餐廳衛生做得很好，貼心服務，放心體驗。...堅信號上海生煎皇將軍澳貿業路8號新都城中心2期1樓1070-1071號舖

是日為了爆汁生煎包慕名而來， 希望會食到皮薄爆汁又可口既生煎包。 坐低落單沒耐，生煎包就送上，服務人員貼心地提示會爆汁，要小心享用。 雖然係會爆汁，但因為生煎包只是微溫，湯汁因而變得油膩。餡料味道普通，唔難食亦唔算好味。包底都煎得尚算脆，但有樣好唔掂，就係灑了蔥花同黑芝麻既包皮，食落去口感係糊糊地和溶溶地。講真食到我驚驚地。 再講返賣相，其實一d都唔似熱辣辣整起咁飽滿，所以唔掂都係有跡可屬。價錢又唔係便，食物質素又欠佳，除了失望，仲覺得堅伏！

#merry豬覓食在寶林商場開左堅信號一路都想去試，但次次經過都好多人。今日行過見到唔曬等位當然要去試下。-入座之前店員好貼心先消毒座位，又會提供紙袋比食客放口罩～-同媽媽叫左一個tea set一個lunch set，兩個set既份量都唔少😆-堅信號秘製厚切豬排菜飯豬排好大塊，外皮有少少甜，兩個人share就岩岩好。菜飯軟硬適中，比較淡口，連埋豬排一齊食就最岩-堅信號生煎包跟lunch set可以揀一款小食，我地揀左生煎包，又兩個。上檯個陣職員仲特登提我地要小心熱，好細心～ 生煎包外皮香脆，咬落入面有好多湯汁😋-四川擔擔麵擔擔麵花生醬既味既濃，湯又唔會太油，不過如果可以再辣少少就會更好-麻辣青瓜呢個小食有驚喜，青瓜非常脆，加上麻辣汁好開胃-整體黎講，份量同味道都唔錯，再加上職員都好注意衛生，係疫情下就算堂食都可以食得放心😊

我係一個生煎包迷 喺香港食過好多間 暫時得2間最近似江蘇口味堅信號係其中一間因為要做到爆汁效果都非易事 ，仲要皮底薄，先係一粒完美既生煎包！難得開喺附近 一於買份生煎包回家品嚐 依家仲要有優惠HKD30/4個 好抵不過只限外賣優惠，堂食就要收返正價了買到返家仲微暖！ 一咬 依然好多肉汁 不錯不錯！ 我隊友冇聽我講 一咬 d汁飛到幾丈遠笑左不過我同隊友都覺得mini size 左如果可以更大粒就更滿足如果可以長期做優惠就更好啦

平時有時食完飯經過都見到有人排隊食，今日早去食飯見到無人，望下個餐牌原來甘抵，平均$60就有主食加小食加飲品，就入去試下先！一入去已好驚喜，因為估唔到呢d餐廳都會甘貼心提供口罩袋👍🏽👍🏽叫左兩款，1。擔擔面+雞絲粉皮（$53）擔擔面好香，佢餐牌話辣，但食落又完全唔覺辣，連唔食辣既朋友都話覺唔辣，所以怕辣既人下次都可以叫，幾惹味！加咪佢原來仲有好多肉碎，更加有口感雞絲粉皮都好正，好多醬😍2。豬扒菜飯 + 生煎包兩件（$60）估唔到會甘多舊豬扒，豬扒好juicy，食到好重蜜糖味，甜甜地好滋味！菜飯又要勁大碗，包保大食既人都會話夠飽生煎包就必試架啦，一上木台店員亦好細心提醒小心辣口！一食，真係好爆汁同好熱haha，但舊肉都超大舊，原來甘惹味唔怪得甘出名！！ 真係食到好飽，勁抵食！抵食lunch又一推介。📍堅信號生煎皇 （TKO)#fikafoodie

新都城大多數係大集團餐廳，想食上海野，只有上海婆婆，但已經食到好厭啦，見到開堅信號真係心心眼之前係元朗食過，都覺得唔錯，以後癮起想食生煎包落樓下就得😊今晚點左外婆紅燒肉湯麵同上海粗炒，嘢食嚟到擺上台，熱辣辣出晒煙，治癒❤️外婆紅燒肉湯麵個紅燒肉要讚👍🏻，大大嚿，有三嚿，大滿足。擺落口，又香又甜又軟，真係好味，屋企都無整得咁好食😂個湯清清地，配埋一齊食個鹹味啱啱好。至於粗炒，可能由於有好多蔬菜嘅關係係偏甜嘅，色水好靚但一d都唔咸，食完唔口渴唔會話好想飮水，正。衛生方面亦好好，提供即棄餐具同口罩套，入餐廳嗰陣，員工亦會主動叫客人用酒精搓手，會再幫襯😊早餐，午餐，下午茶都可以係到解決！ 款式又多，有辣有唔辣 ，仲有素食選擇， 價錢親民，好抵食！菜色味道傳統正宗，可以一解我思念上海之情

生煎包係香港唔係好多地方有得食最近堅信號生煎皇多左好多分店今日就試試佢員工服務好好咁招呼我地量體溫同比口罩袋我地見佢地會用消毒液抺枱👍🏻佢地午市套餐都幾抵食套餐$53起有主食、小食同茉香綠菜就算唔想食套餐 散叫都有好多選擇上海擔擔麵份量充足 有一大堆肉碎係麵上😍麵條比較粗身 好似油麵咁粗湯底濃郁 麵條都幾掛湯糖醋排骨菜飯菜飯本身有小小調味 排骨燘得好淋好入味酸酸甜甜好開胃小食方面揀左佢地招牌菜上海生煎包同埋京汁茄子上海生煎包生煎包熱辣辣包底煎得好香脆 肉餡滿滿的 入面好juicy建議大家要慢慢食 🤣如果唔係會好易辣親個嘴京汁茄子醬汁都係酸酸甜甜加上剁碎既蒜頭芫茜都不錯整體來講幾抵食雖然價錢親民 但係份量充足味道都不錯😊

今日嚟到呢間生煎包專門店，但估唔到其他菜式都一樣咁高質!招牌生煎包呢個基本上每台都一定會食，因為整得皮薄而多肉汁又唔會過咸，口感同味道都配合得好好。煎既時間亦都岩岩好，脆邊又唔會太硬，真係隔一排就會想食一次!雞絲粉皮粉皮同埋雞絲都有好多，爽口而且味道夠鮮，麻醬亦都唔會太咸搶哂味，作為前菜真係夠哂開胃!厚切豬排擔擔麵呢個好有驚喜，因為豬排煎得好香脆而且肉汁十足，肉質亦都好嫩滑，食落好令人回味! 擔擔麵湯底有花生碎同埋擔擔麵醬調配得好出色，咸味同埋辣味都適中，加上麵身好彈牙，食落掛湯又唔會漏!外婆紅燒肉配菜飯紅燒肉大大舊而且煮得好淋，入口鬆化既口感加上醬汁真係送飯一流! 肥瘦亦都合比例，最重要係厚切，一大啖放入口勁滿足!

今晚又要去做針灸，雖已約5:30pm，但以前一次的經驗來睇，等候加完成已很晚，還是要先來一頓Early Dinner。成日見開張不久的堅信號門口常有人排隊，那麼受歡迎，一於今晚試試。門口牆身貼滿菜式相片，還有超大張的滴汁生煎包圖片，好誘人呀！走進內裏，地方不算大，正正方方的格局，環境光猛，地方骨子企理，設有三排二至四人枱，界了隔板，而每塊板都貼上新登場菜式，真是懂得善用資源。每枱都放了點菜紙、筆、醋和辣醬。看看點菜紙，單點菜式分別有招牌包點、涼菜、小食、熱炒、飯類、黃魚濃湯、麵類、素小食、湯和飲品。還有抵食精選午餐和下午茶餐，選擇不少，經濟實惠。********************抵食精選午餐由11:00am-17:00pm，時間頗長，正! 1+2+3的確抵食，趁還未過17:00，就點一份。主菜有十款選擇，我當然看中雪菜黃魚濃湯拉麵，而小食就有六款選擇，不用考慮就要了上海生煎包。飲品奉送茉莉綠茶，亦可加錢揀選其他。********************雪菜黃魚濃湯拉麵($75)賣相一流，身為魚痴的我見到都不禁垂涎。兩件煎得金黃可口的黃魚邊脆、皮滑兼肉嫩，魚肉片片分明。湯底雖不算非

前排見新都城二期開咗間新野，係食上海野。呢一日就約咗個friend嚟食Tea。鋪面唔算大，不過都唔算太迫。先唔講嘢食好唔好食，第一個感覺就係經理同埋啲員工都好有禮貌，服務態度真係好好，對於我來講淨係呢點都加100分。疫情期間，仲好貼心咁預備左口罩套俾我哋。睇吓個Menu真係嚇親人，個tea都係$30-40。老實講，出面食個茶餐廳都唔止呢個價，仲要係商場鋪。咁我就滿心歡喜嗌左T2四川擔擔麵+T8堅信號生煎包+孜然雞中翼，再加配左兩個小食，一個紅油抄手同一個迷你蟲草花雲吞雞。個人覺得最好食係隻雞翼，又香又脆（心心眼），值得再戰。個生煎包都不錯，個底夠脆，入邊又鎖住到啲汁。另外個擔擔麵份量非常之大，同一個lunch冇分別，大家真係唔好當佢係一個Tea咁簡單...真係會好飽。味道方面都係正常水準，個湯底唔會太多人太膩，亦都冇乜味精。而呢個雲吞雞個白胡椒味略嫌太重不過整體係幾好，又幾夠料，隻雞鎚個size同嗌個隻雞翼一樣大！個人比較喜歡食辣野，平時都食得幾辣，所以覺得個紅油抄手個辣平較淡。換過角度諗，其實都幾適合唔食得辣嘅人去試lmao。btw 下午茶餐仲有送嘢飲，杯豆漿都唔錯又夠大杯！兩個下午

生煎包（$36）堅信號既主打菜式～底層脆，皮薄，一咬落去就有熱辣辣湯汁流出，建議大家食既時候小心 😂雞絲粉皮（$28）唔係特別有亮點，但叫做一切正常，屬於健康之選 🍗上海粗炒（$58）份量足夠，麵條有咬口，而且唔會太油 😄京蔥牛肉（$52）比想像中多京蔥，相對個上海粗炒就油多左少少啦，不過都屬於可接受範圍之內 👌🏻胡麻醬拌茄子（$26）茄子無油膩感，亦無多餘既調味，味道清淡，同樣係健康之選 🍆酸辣湯（$23）建議鍾意食辣既朋友試下 👍🏻凍豆漿（$13）食到一半既時候先黎，所以唔記得左影 🤣

🌎堅信號上海生煎皇 (將軍澳)寶琳近期開左間主要食生煎包既餐廳，門外都多人排隊 唔通好好味？一於去試下 我地叫左必食既生煎包 估唔到咁好味 下次再食過▫️堅信號生煎包（必食）生煎包新鮮出爐 熱騰騰 細心嘅員工都提我地小心食 我慢慢咬一啖 啜啖湯汁 再加埋肉餡 真係好鮮味 調味恰當 而且肉質鮮甜夠嫩 最後個包底真係好好味 炸到黃金酥脆 咬落去脆卜卜 一定要食 ▫️ 厚切豬扒菜飯（推介）燒過表面嘅豬扒 少少焦香嘅感覺 食落肉質腍滑感覺好像半肥叉燒 而且冇骨 可以盡情大大啖食 配上一啖飯菜飯食 好滿足！▫️ 上海粗炒熱辣辣嘅炒麵，配料有肉絲、冬菇絲及椰菜，味道亦算可以，如果加上豆瓣醬食，更加美味人均消費：$75環境衛生：8/10推介指數：8.6/10📍將軍澳貿業路8號新都城中心2期1樓1070-1071號舖

我在回家一小時巳預先落單，叫左:。生煎包。上海粗炒我早左15分鐘到，仲特登行一陣，夠鐘先去攞。回家開盒，全部係凍晒……唔係因外賣問題，而係一早做好攤到凍左……我微波爐熱返d面，味道偏淡……面條較粗質地厚身，我都接受;煎包脆底我估新鮮整好會好食……內鲜肉味道一般咁個預早落單定時自取功能有乜意思？另外有個選擇可以環保要外賣餐具……我選左否一樣係附有餐具價錢係算平，但份量較小不建議外賣，或者堂食較好

原來新都城廣場多咗好多新食店，例如今日同女友食既堅信號上海生煎包。- 生煎包我哋當然要試吓招牌菜生煎包，表面脹卜卜，灑上芝麻更吸引。味道方面生煎包嗰皮好脆，湯汁非常澎湃，半肥瘦肉餡非常鮮濃。- 蒜泥白肉蒜味唔會太搶，不過略嫌白肉切得太厚。- 外婆紅燒肉菜飯紅燒肉不得了😍，每件都係厚切，燜得非常入味，而且肥而不膩，送飯一流，三扒兩撥已經食曬所有菜飯，值得一提既係飯粒非常煙韌。- 四川擔擔麵花生味非常突出，麻辣醬汁伴隨豬肉碎和蔥花，香濃惹味。自己偏向幼身麵條，堅信號採用既麵條口感似油麵。之前大部份新都城既餐廳價格都偏貴，住將軍澳既我都好少去新都城廣場食飯，不過堅信號既出現將會令我去新都城廣場既意欲增加。