塚田農場

营业中

休息中

📍塚田農場 (尖沙咀)呢間餐廳多數嘅位置都係望住維港景，仲有得出露台打下卡。食物款式又多又特別，有唔少日本鄉土料理。🍕南蠻炸雞年糕薄餅 $108Pizza皮係用糯米粉搓成，口感好特別😍。表面超級酥脆，裏面黏黏哋，煙煙韌韌。加埋芝士同火腿，鹹香又有啲煙燻嘅味道。炸雞份量唔多，不過焗完仲係好juicy。🐟甑島醃銀帶鯡魚茶葉天婦羅 $98銀帶鯡魚肉質柔軟，連魚頭同魚骨都食得。味道類似其他銀身魚，一樣都係偏濃。🍤海老天婦羅壽司卷 $98 捲得扎實，夾起唔會散開。天婦羅蝦彈牙鮮甜，配合幼滑嘅牛油果質感好豐富。🥚塚田農場玉子布甸 $48Creme brulee幼滑重蛋味，雲尼拿味唔出。焦脆略厚但夠晒卜卜脆。📍塚田農場 (尖沙咀)尖沙咀廣東道3-27號海港城海運大廈2樓OTE 202號舖

睇openrice見有啲好評，即管試試，點知即中伏。1. 入座已經話冇壽司師傅，吓唔係嘛？師傅都冇，點樣做呀？2. 食物品質完全對唔住價位:～鷄腿拉麵$148，鷄似用壓力㷛煮過，拉麵質地奇怪似是泡軟泡腍，湯頭超肥超咸。跟餐小食南蠻鷄，直頭係雪櫃攞出嚟，雪到死死實實！~ 銀鳕魚餐收$208，分量超少，兩啖食完，味道一般。3. 服務員質素不合格，上菜時竟然成碗湯由托盤倒瀉在地上……今次結論係呢間只可飲嘢食景！

海港城出左名最多海景餐廳，行到又攰又餓，當然要搵間餐廳抖一抖，休息是為了行更多的街！今日就黎到主打日本菜既塚田農場。位置位於海運大廈近LCX，商場行到尾就係，好易搵到。環境落地大玻璃可以飽覽維港景色，醉人夜景下一嚐美食，生活態度。🫶🏻食物餐廳主打美人火鍋、壽司、火鍋、炸物；除左美人鍋，美人卷都較新推出的美人料理新成員之一，均選用皮膚友善之食材，愛靚又愛食既女仔就岩哂！補充骨膠原同時又可以食好西，win win! 今日口啖啖就唔打邊爐，叫幾款輕食過下口癮算🤤🍣三文魚牛油果美人卷加入日式食材既美人卷晶瑩剔透又煙韌三文魚mix牛油果完美配搭內餡仲有軟滑忌廉芝士同巨量新鮮蔬菜搭配既醬汁係有d似bb沙律醬，食落好幸福。🐟吞拿魚長芋美人卷雖然都係美人卷，但大家既粉卷皮係完全唔一樣吞拿魚長芋美人卷係比較挺身爽滑包裹住吞拿魚刺身、蟹籽、淮生都係大量蔬菜、忌廉芝士及芝麻葉點蘸醬油吃起來反正有少少越南米紙卷既fusion風味🍚三文魚親子鹽昆布炒飯細細份，輕食鐵板飯鐵板啫兩啫，食慾大增職員會係客人面前將蛋漿翻拌炒飯配上三文魚碎及三文魚子所有材料都炒到粒粒均勻，香氣撲鼻鐵板熱力新鮮出爐飯焦脆卜卜，熟左既魚子魚

就到情人節 因為🐻🐻想睇海景嘅關係 我哋就揀咗位於海港城海運大廈嗰邊嘅塚田農場到食 雖然我哋book唔到海景位 但都望到尖沙咀夜景 餐廳環境都頗寬敞舒適🐻🐻叫咗以下食物:吞拿魚長芋美人卷 - $68此卷是不錯的小食 除了生菜新鮮 內裏的淮山也十分爽口 卷上嘅吞拿魚係味道嘅主要來源 點埋wasabi豉油就好似食緊吞拿魚刺食咁 唔會膩梳乎厘玉子燒•鰻魚 - $108這個玉子燒富有蛋香 外脆 內裏口感綿密 但味道單一 幸好加了鰻魚 味道濃郁 增添了味道嘅層次三文魚親子鹽昆布炒飯 - $118依個炒飯雖然食材不算特別 卻意外地好味 可能係因為店員在鐵板最熱時才加上蛋漿令到蛋在飯上十分嫩滑飯卻仍然乾身唔濕 三文魚粒同三文魚籽都頗多 飯裏微微帶有昆布嘅味道 十分不錯抹茶雪糕最中(monaka ice cream)- $48所謂嘅<最中> 即日本傳統上嘅甜品 是一塊薄皮烤成型後在中間加入雪糕和紅豆 今次依個就像麥當勞雪糕筒製成嘅餅夾著抹茶雪糕 味道偏甜 茶味不重 雪糕上有紅豆和金箔 顯得更高級些💫Overall： 4/5 (食物正常 海景一流🥰)

早幾日海港城睇風景，上天台睇企鵝同埋大笨象，發現咗呢間餐廳，擁有絕靚嘅維多利亞港景色，就咁，今日得閒就來了。欣賞對岸摩天輪同埋璀璨的燈飾之餘，都要嗌啲嘢食嘅，前菜“日本產油漬生蚝”似乎好吸引，一份有5隻，生蚝下邊仲有洋葱配菜，少少辣嘅洋葱同埋油漬生蚝咁食法真係第一次，蚝本身的鮮味，醃咗豉油等醬汁，提升生蚝的味道，唔錯，一定要試。麵和飯的選擇有4款，我哋揀咗其中兩款，“ 沖繩大島魷魚配豚肉炒麵”的魷魚ok，可以多就更加好，豚肉薄切都惹味，正常哋好食；"三文魚親子鹽昆布炒飯" 鐵鑊上，有三文魚粒粒，大人，小朋友都啱食，而最好係待應會喺你面前加個蛋即時炒，香氣四溢。飯後甜品“抹茶紅豆雪糕”，淨係聽個名都知一定唔會差㗎喇。

去海港城食飯，朋友介紹揀呢間，難怪去到咁多人排隊啦😊😊豚肉厚切吉列豬扒，豬扒炸得外脆內軟，欣賞佢炸得好脆口同埋薄身，真係滿滿既幸福，重點完全冇油膩感🤩三文魚親子鹽昆布炒飯，店員會在你面前打蛋，再用匙羹炒幾下，令到炒飯十分夠鑊氣，同埋好夠熱，而且有三文魚十分之香，再加上親子，口感層次100分🤪鰻魚忌廉芝士美人卷，其實係米紙卷，每款美人卷配嘅醬汁都唔同加，酸味味汁幾開胃😜😜

An enjoyable dinner with a view. New menu from Kagoshima, everything is simply fine and delicious. Good news is, happy hour starting at 2pm to last daily, buy one get one free新正頭二訪這間餐廳海港城分店，望住個無遮擋大海景他他條條食個開年飯，仲試咗新menu嘅鹿兒島料理。坐吧檯無用餐時間限制座位也闊落，同時可以邊食邊欣賞mixologist節奏有序地調製雞尾酒很有趣，happy hour買一送一爽呀Kagoshima Collagen Chicken Rice鹿兒島の鄉土料理「雞飯」> 雞胸肉幾嫩、另上一壺雞湯比客人自己倒入飯內，飯面有個濃厚雞湯啫喱令湯頭更甜，配菜有薩摩芋片青蔥、紫洋蔥等爽脆好味，份量偏少Grilled Fish Cod炙燒明太子 > 明太子夠香辣口感“拍拍脆”，送酒一流Mont Blanc Ice Cream with Sweet Potato 薩摩芋・紫薯蓉雪糕> 兩

中西情人節首選，好浪費氣氛舒適高質環境及美食最啱情侶打咭之選。免治雞肉蛋炒飯，嘩❤️用鐵板上熱辣辣咋咋聲好香d飯被蛋槳包圍，賣桐相巳經好靚😍😍仲好香口添，最正係有飯焦脆卜卜勁惹味👍👍火焰三文魚卷，好靚呀用三文魚包住啖啖肉，裡面係我致愛既牛油果好新鮮嘅感覺“正”💯呀炭燒走地雞配稻庭烏冬，嘩👍個味道同係秋田食嘅走地雞味道一毛一樣架，好似返咗秋田咁呀d回憶返晒泥呀💯💯話明走地雞d肉係好弹牙同好滑架💯💯，將d烏冬放入走地雞d湯到食，好味道到不得了🥰🥰飲品仲買一送一叫左個巨峰梳打同芒果梳打好抵呀👍👍塚田農場尖沙咀廣東道3-27號海港城海運大廈2樓OTE202號舖

今日嚟咗尖沙咀食飯，呢間餐廳開咗咁耐都係第一次入來食，原來都好full house，而且成間餐廳都可以望到海景，空間感十足！見到好多客人都有叫呢度嘅sigature美人鍋，同行朋友唔係好肚餓，叫咗幾樣食物就算。鰻魚忌廉芝士美人卷，脹卜卜嘅卷物，入面包住生菜、鰻魚、忌廉芝士，食落口感好豐富，忌廉芝士味道香濃，仲有生菜嘅爽脆！旁邊有類似味噌嘅醬汁，但個人覺得醬汁味道偏咸，唔落醬汁會更好食！唐揚甑島海老，香口小吃，超適合一路傾計一路送酒！味道帶微鹹，蝦殼夠脆。塚田梳乎厘玉子燒-蟹肉，作為呢度嘅推介菜之一，點可以唔叫！餐廳會係上菜時係客人面前倒出玉子燒梳乎厘，空氣感十足，震騰騰，又幾新穎！味道玉子燒偏甜，口感鬆軟，同平時玉子燒嘅口感大大不同。三文魚親子鹽昆布炒飯，鐵板形式上，職員會係客人面前將蛋漿撈勻至滑蛋。炒飯乾身，配上三文魚碎更加畫龍點睛！去到仲有飲品優惠，全場飲品買一送一，叫咗2杯Yuzu Sake 同Umenoyado Lychee，都只係$88，抵！

無睇大海景主打日式料理，好多人食美人鍋😀，味道都唔錯👍🏽❥ 炭燒清酒(結)味噌鹿兒島天然豚里肌肉 $198炭燒味幾重，特別用清酒醃製，肉質特別鬆軟爽口，類似豬頸肉，完全唔韌唔鞋🥹，肥瘦相間，肉味濃郁😎❥ 鰻魚忌廉芝士美人卷 $68有芝士忌廉鰻魚紅蘿蔔絲青瓜絲等，米紙卷口感，味道靠蘸秘制醬汁，好特別😀❥ 梳乎厘玉子燒 $108上檯前用煎pan裝熱辣辣，玉子燒火候控制得好好，超嫩滑🥳，蛋味好香濃，唔知係咪落左好多蛋🤭𝓞𝓿𝓮𝓻𝓪𝓵𝓵❀抵食：⁶ ⁄ ₁ ₀ ✿美味：⁸ ⁄ ₁ ₀❀回頭：⁶ ⁄ ₁ ₀ ✿人均：$₂ ₀ ₀ - ₂ ₅ ₀🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 દ ᵕ̈ ૩ @annasan.cat

塚田農場(尖沙咀)尖沙咀海港城海運大廈OTE 2樓202舖整間餐廳大部份座位都可以望到海景，有室內室p外，望住個海一邊食嘢，格外美味。座位舒服，嘢食精美，景色一流炙熱明太子 $68將明太子面層用火槍燒到金香可口，每口咬落去都咬到明太子嘅粒粒，味道不太咸，又唔腥，辣度適中，配飯食又得，就咁食都得炭燒鹽麴大蒜豚里肌肉 $198呢塊肌肉可揀清酒味噌味同鹽麴大蒜味，本人鐘意濃味，所以揀後者，塊肉燒到好淋，好有炭香味，份量適中，好食鹿兒島鄉土料理 骨膠原雞飯 $128期間閒定菜式，就試下呢個雞飯。熱辣辣骨膠原湯，好濃好有膠質。飯有好多材料，樣樣都好食，湯倒入個雞飯度，食落暖笠笠，成身暖哂

尖沙咀海港城嘅❣️塚田農場❣️主打日本菜，無論壽司、火鍋、炸物都有提供，而最特式就係佢地嘅美人鍋同美人卷，啱哂貪靚嘅女士們。餐廳更可以飽覽維港景色，難怪成日都咁多人。𝗕𝘂𝗯𝘂推介🔥👍 三文魚牛油果美人卷美人卷近似越南米紙卷，加入日式食材，健康又好味。今次我就揀咗三文魚同牛油果呢個完美配搭，配上各款新鮮蔬菜，食落爽口，食多幾件都唔會滯💕👍 炭燒黑薩摩走地雞配稻庭烏冬上枱平平無奇，食落好有驚喜💯 黑薩摩走地雞作為餐廳招牌，肉質嫩滑之餘非常彈牙，帶炭燒香。充滿肉汁嘅湯汁配上煙韌烏冬，每一啖都係精華。📍塚田農場 尖沙咀廣東道3-27號海港城海運大廈2樓OTE 202號

一上枱覺得個豚肉分量好少，擺得好求其，整個餐味道也一般。餐飲成杯都係冰，小朋友點飲，撈起d冰無左三分一杯，大冬天駛唔駛放咁多。天婦羅後上，阿女話好食。枱與枱之間好密，先預訂卡位會舒服好多。

✨美人涮鍋 和風雞白湯(和牛) $788唔知關美人咩事😂賣相好壯觀好開心😍和牛底下全部菜😋好味啊不過都唔平 ✨和牛壽司盛盒$568Total 14件壽司 點生蛋醬油甜甜地好味 和牛無筋 ✨梳乎厘蟹肉玉子燒$108賣相成個菠蘿包咁🤓好嫩滑好味啊 蟹肉集中係中間 ✨炭燒黑薩摩地雞$278炭燒得好香 無炸咁熱氣 點wasabi 好夾 總括食物多選擇 味道係唔錯 不過少貴要book 位 夠鐘真係會叫你走味道：8/10服務：7/10環境：8/10 座位闊落 有海景✨性價比：7/10加一：✅

2023年第一餐希望食得好好地咁陽光曬住食Order咗美人鍋，影相一流，識落好似好多，但係其實兩個人唔係好夠食，亦都冇乜嘢醬汁可以選擇，最後問經理攞咗芝麻醬，唔夠辣點算冇辣椒醬，亦都冇Tabasco,再問咗經理攞咗七味粉，好過冇餐廳景色一流，食物睇落好好食，食落都唔錯，不過唔夠飽，再攞餐牌睇其實冇乜嘢揀，結果嗌咗甜品，食落都唔錯可惜匙羹超污糟換咗第二隻都係污糟到第三隻終於OK跟住再睇頭上吊燈，原來好多塵，果然唔係酒店級嘅餐廳真係真係差好多，但係收緊酒店給級的價錢個經理更不得了，因為新年所以著啲全新嘅白色T恤，食完之後小心地check一次完全冇污糟，結果個經理仔個給我收拾餐具滴左啲汁落張枱度收晒之後我發現我黐咗一點菜汁….. 我sure 喺條仔弄汚糟我件衫 很失望 如果係酒店食 我一定投訴到底 喺呢度唯有下次唔好食，或者避開坐出邊