墾丁茶房 (已結業)

放工約朋友油塘食飯，見呢間唔洗點排隊，就試吓。叫咗雞煲同四季豆煲，原本無咩期望，因為以為無咩人排隊，味道應該一般，但又唔係喎，兩個煲都好惹味。比想像中好，下次會再試其他菜式。

走了趟鯉魚門見餓就去附近大本型醫肚。想食特別點就去了墾丁茶房。下午茶時段客人不多，就連侍應都不多。餐到了但飲品等了很久都不上。食完個餐了飲料還未到，望到水吧上放了幾杯飲料等人派送，原來堂上得一個經理。叫了兩個套餐:特色滷水拼盤+香菇肉燥飯+熱蜂蜜紅茶，高雄蔥香肉排+香菇肉燥飯+凍蜂蜜紅茶，都好味。肉排鬆脆肉嫩唔會太乾，滷水拼盤個汁都好味。唯一不滿是原來台灣菜不是用珍珠米？另外蜂蜜紅茶出奇地好飲。

Tonight is fridayyyyy🥳 決定同爸爸兩個人去撐枱腳😌 去咗油塘大本營食台灣嘢😆 夜晚七點左右嘅時間去到，入邊已經坐滿晒人~Menu:比起早一兩個月黎食嘅時候，多咗好多選擇🤭1️⃣ 山楂鳳梨雞球 （$57）我覺得呢款餸簡直係墾丁茶房MVP! 必叫！孫甜度適中，雞球炸完咬落去仲係好嫩🥰2️⃣ 特色滷水拼盤（$55）呢個滷水拼盤有四隻雞翼、兩塊白蘿蔔、三片鴨胸、同一堆豬耳～ 滷水整體來講都煮得好入味，白蘿蔔真係炆得好軟身 🤣而家嘅香菇肉燥飯仲多咗酸菜伴碟，不過…肉燥嘅份量真係比以往少咗六成左右🤢 係呢一點有啲小失望😵‍💫私心覺得，如果杯蜂蜜紅茶可以少甜就更好啦😆

今天到墾丁買外賣，🤫唔係台灣嘅墾丁，係油塘大本型嘅墾丁茶房呀😉晚市外賣滿$100有9折，揀左花膠雲腿雞🐔鍋肉燥飯套+餐葱香肉排🐷肉燥飯套餐。呢2 個餐都係我呢位吃貨嘅摯愛😚佢地嘅賣相ok啦，份量算足夠。但有點失望嘅係雞肉略嫌有點‘鞋’，無口感喔🥺🥺麻麻地。希望可以改善一下啦⋯至於肉排🐷唔會韌，配埋葱油好味呀，無令我失望🤗呢個套餐可以選擇凍蜂蜜紅茶，但係我就覺得佢太甜喇。我發覺經常都好甜，店主真係要認真改善下呀。

今日order 左花膠雲腿雞鍋肉燥飯，紅燒牛肉蕃茄湯麵+肉燥飯，配熱蜂蜜紅茶。花膠雲腿雞鍋唔錯呀，份量足夠，雞肉唔會‘鞋’，有湯味，有少少配菜，係唔錯嘅選擇😋紅燒牛肉唔韌，幾好味。湯麵尚算爽，好彩唔會淋。鹽酥雞排麻辣湯麵份量足夠，但炸粉太多，有點硬，有點鹹，麻麻地😕油淋淋 NOT OK 喔🥲麵唔算好辣，啱我口味。至於杯蜂蜜紅茶，茶味尚算ok，但就覺得太甜，我加左熱滾水溝淡d先飲😁。希望店主可以改善一下，唔好咁甜啦。

近來食過好味又抵食嘅台式野。餐廳想營造城市中的墾丁嘅悠閑聚腳點，設計上以藍白做主調，再加木質素材，的確令人有種放鬆嘅度假感覺。沙發位置坐得舒服，望哂成間餐廳，空間感好夠。⭐️蒜香肉排肉操飯餐 $55肉質軟滑，蔥蒜調味好香，送飯特別惹味。因為有蔥油，所以整體偏油，但不至於油膩，好值得試👍🏻🍚肉燥飯調味剛剛好，唔太鹹，肉燥汁比較濕身，所以食落唔覺得口乾。睇落細細一碗，其實都好飽。⭐️鹽酥雞排肉操飯餐 $57雞排份量多，夠熱夠香脆，調味粉 (紫菜粉、梅子粉、七味粉) 味道正常，最鐘意梅子粉甜甜地幾開胃。⭐️熱蜂蜜紅茶 (跟餐)天然嘅蜂蜜香味，唔會假甜，反而有好清新嘅香甜味，食完炸野飲特別潤喉舒服。食物款式唔多，但啱我口味，整體好食，價錢又唔貴😆有機會會再幫襯～

椒鹽雞扒麻辣湯麵 加杯凍蜂蜜紅茶$57紋椒鹽雞扒食落呢，都覺得味道可以嘅， 淨係雞扒嘅醃製味道可以， ， 但係呢個雞扒真係真心講係冇乜肉， 食落唔會覺得好柔嫩多汁， 舊炸雞扒唔夠水份， 最後結論就係好過某XXC 嘅連鎖餐廳嘅炸雞囉， 起碼唔會乾爭爭， 口痕痕而又想食得好少少嘅炸雞扒可以選佢嘅，， 麻辣湯麵， 個面呢就同啲湯汁唔係好夾 ，個湯底可以, 又香又甜同埋麻， 本小妹唔覺唔覺飲咗好多湯底 面呢就反而淨好多＞.＜，，， 杯凍嘅蜂蜜紅茶幾好飲燒汁京蒽肉扒加肉燥飯 熱奶茶 $60紋京蔥肉扒炒得唔錯很惹味好有鑊氣， 燒汁好特別幾好食， 肉燥飯唔會太鹹 好食但係呢間餐廳人手好緊湊， 一係落單要好耐， 一係張單就送錯枱號， 幫襯過呢間三次，有兩次張單都送錯的

整個商場行咗一轉，最後決定去墾丁，坐半圓卡座，點了麻辣海鮮鴨血鍋及花膠雞煲配鹵肉飯，再加碟鹽酥雞。上菜時雞鍋熱辣辣，略微多油，雞仍有雪味，鍋內都有不同蔬菜，鹵肉飯加半隻糖芯蛋。配搭唔錯。麻辣鴨血海鮮鍋的麻辣味好食，有痳痺口感。魚塊大件但冇魚味，配有冬粉蔬菜。鹽酥雞麻麻，炸粉太多，剩係食到炸粉食唔到雞。整體感想，實惠但未至於好食。主要係食材處理問題，不然，都可以係可以回頭餐廳！

星期日同老公嚟呢度叫咗個高雄薑蔥肉排飯,超好味飯鋪滿肉燥,肉燥味道鮮甜,而且很有口感🌟再配上半隻非常入味的鹵水蛋和爽口豆角粒😋😋吃起來令整個飯更有口感值得一提的是排骨非常鬆軟,一點也不嚡🌞🌞

滑雞煲，60蚊，上臺時不敢相信，問埋侍應，話呢個係正常份量，一個煲就四五舊雞，一隻蝦開兩邊唔會再點呢個餐茶餐廳呢個價錢，周街既正常份量，都唔係咁啦，係唔係講緊笑？

年紀有番咁上下間唔中都會睇下中醫調理身體， 今日就去咗油塘睇一位老中醫，代煲藥大概兩個鐘，多謝呢三位朋友仔陪我喺呢段時間食吓嘢傾吓計。我哋揀咗油塘大本型中心嘅一間台式餐廳，座位幾舒適，價錢又抵，無論小食定套餐份量滿意，味道都唔錯。追加小食：+$19煎台式鍋貼，少少焦香。+$18豆香唐生菜，但醬幾好，我唔太鐘意食菜都食咗兩條。+$21手搖脆雞翼，外脆內嫩又入味。招牌套餐：秘製紅燒牛肉蕃茄湯麵，紅燒牛肉厚身又淋，湯底香濃，麵條都唔錯。高雄蔥香肉排，肉排一啲都唔鞋唔韌，肉燥飯舖滿肉燥。精選茶餐：沙茶牛肉煎雙蛋湯即食麵+手搖脆雞翼，我覺得沙茶牛肉好味過沙嗲。香葉鹽酥雞及蒜香台灣腸拼肉燥湯新竹米粉，茶餐嘅鹽酥雞雖然係雞粒唔係雞扒，但肉都係滑嘅，而且都幾多，台灣腸煎得夠香。熱奶茶凍好立克，好重奶味。+$8凍珍珠奶茶

茶餐餐牌有啲寫到明迷你既，我都無叫，因為好肚餓。見到個沙嗲牛肉脆豬包+ 地瓜條配凍或熱飲$36。無寫「迷你」既，諗住正常麥當勞包size。結果係一個細到無論既包皮？呃錢既！就黎隻叉都大隻過佢。啲牛肉極咸！個包ok既，但細到咁真係第一次見。之前食過佢啲午餐都叫正常，係等得耐又漏單，漏完單一輪，先話俾你知你叫既野全部都無貨，要你再揀過。今次完全中伏！個包咁細，唔該寫到明係迷你喇。真係唔會再有下次。$36 一個茶餐唔係平，但俾啲咁既野人食。

疫情😷期間6pm後禁堂食，所以就call外賣喺屋企🏚食。佢哋嘅外賣食物盒執得好整齊企理，每個食物盒、膠杯都會包得妥當。唔會好似有啲餐廳咁會執到亂晒，或者會倒瀉d汁或飲品。1. 台式三寶肉燥飯三寶：黑燥豬🐷軟骨、台灣腸、麻辣肥牛🐂。賣相唔錯，唔單止份量足夠，調味都啱啱好，唔會太鹹。☺️。特別想like佢嘅豬軟骨肉，味道唔錯。但肥牛較碎，有少少梅😅有點失望😕鹽穌雞塊🐔湯麵雞肉尚算可以，但係外皮炸到有點硬，整體感覺油淋淋的，unlike🥲🥲紅燒牛肉🐂湯麵牛肉味道不過不失，可以接受，但湯有點鹹喔😯平時都鍾意飲佢嘅凍紅茶，但係今次冰有成半杯咁多，太過份喇😠😡但係網上Apps冇得叫少d冰，希望佢哋會改善一下啦🤓今次外賣有點失望，但都會比機會佢嘅。

今次到油塘大本型品嚐台式風味😋，墾丁茶房，原本最初到香港時有5間分店，到今日只剩下最後一間，但水準依然保持得很好。😊先看看餐廳環境，簡潔舒適，令人有家的感覺，亦將台灣的感覺帶到這裡。😊今次點了高雄蔥香肉排配滷肉飯，飯的份量少但肉排賣相還可以，肉排加了薑蔥，將薑蔥塗滿肉蟹表面後再吃，口感一流，滿口油香😋。但飯的份量真的比較少，對大胃王來說可能不夠。若果是台灣美食迷的粉絲，記得要盡快去油塘大本型品嚐，否則連這間結業就錯失良機了！

疫情之下放lunch都冇得去街食，唯有叫外賣。咁啱當日見到其中一個外賣網站做緊墾丁茶房半價，睇menu覺得都幾豐富，就落咗單。當日叫左蔥爆豬扒台式肉燥飯，配凍紅茶。30幾蚊一個飯（半價左因為），豬扒份量絕對唔野少，都有五至六舊，海量蔥花，都幾入味，豬扒肉一咬就離骨，非常唔錯！同事叫既鹽酥雞扒肉燥飯都讚不絕口！我地夾份叫多左份花枝丸同鹵水拼盤。花枝丸送到黎無雞扒個種脆香，同滲左油。鹵水拼盤份量唔係好多，但都有齊哂豆腐、滷蛋、豬耳，叫做入味。