墾丁茶房 (已結業)

「墾丁茶房」故名思義就係主打台灣菜。一踏進餐廳，就感覺處身於渡假感覺，藍藍拼黃色的裝潢，有一種relax 的感覺... 加上店內的擺設沒有港式餐廳的密集性的枱枱凳凳，未進餐時，已加了不少分數。細看menu,, 「墾丁茶房」招牌菜是酥炸雞排🍗🍗🍗，那我當然試試這款招牌菜拼肉燥飯（下午茶時間）。店員準備好3款調味粉給我加在雞排上（包括七味粉，梅子粉及海苔粉）。大大件熱騰騰的雞排加上調味粉，香口鬆軟多肉汁，好比處身於台灣一樣有口福了另外肉燥飯的米是用真珠米，配上肉燥及半隻溫泉蛋，唔洗雞排已經足夠餸菜吃飯...

本人嘗試早餐遲咗1分鐘都無得入座，最奇怪是他們早餐營業時間係11點25分，本人26分去到有個職員望自己隻手錶後就話過咗時候，今日下午茶時段2點半開始，本人加太太早5分鐘坐下來後，有個肥職員擺底午飯菜單後，我們接著說想要下午茶菜單，誰不知職員立即趕我們離開餐廳不可以早5分鐘坐下的，要準時出面入嚟先可以，我心想有生意都唔做，算了，油塘得呢間長期有位坐嘅餐廳，原因得簡單，他們做事及對待客人的態度，可想而知，好快就應該有第二間頂上

叫咗一份公司三文治 ，三文治中間嘅薯條係用 番薯炸嘅 ，我好想知道呢啲係咪台灣嘅特色 ， 三文治啲餡 非常鬆散 ，唔講得上有乜嘢口感 菜好少， 蛋好少 ，超細嘅午餐肉 用一條 草串起 啲麵包的一份三十九蚊嘅公司三文治 ，雖然有包嘢飲，但係 唔覺得值回票價。

早上運動完有D肚餓,去左附近商場內既餐廳醫一醫個肚先,所以就去墾丁茶房,餐廳環境裝修都好有台灣夏天FEEL,有燈塔既牆紙,真係好似去左墾丁既感覺!店員安排左我去坐卡位~睇完MENU都發覺早餐都幾多元化同選擇都幾多下~最後就選左五香豬排煎雙蛋即食麵配熱柚子蜜($32),等左一陣野飲就上檯,熱柚子蜜偏甜,柚子蜜較多~而五香豬排煎雙蛋即食麵有2塊豬排,都幾大塊同肉質都好唸身,而煎蛋都好香濃~即食麵又唔會太唸/硬,味道適中~✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！✨✨✨✨✨✨✨✨✨✨

今日去到大本型，成日都想試呢間 墾丁茶房， 因為睇Menu 覺得佢好吸引,四點幾去到呢度， 服務員畀咗個下午茶menu我，但係我覺得d嘢食麻麻。唔係太啱我食，於是我叫咗佢哋嘅推介，蔥油炸排骨配上台灣肉碎飯。睇相就好似炸到好靚咁，但係食落味道就真係麻麻啦， 排骨肉完全不入味而且， 炸漿同肉有啲分離 ,唔太好食！而且得5小塊，可能只係一塊豬扒切5小份。所以感覺唔太 肥膩 ！幸好係,台灣肉碎飯同糖心蛋比較有水準如果以55元嚟食嚟個餐，我覺得唔太值得！

古法生炒牛肉飯，柱侯牛腩炆蘿蔔鍋加肉燥飯，凍珍珠奶茶，凍蜂蜜檸檬紅茶1.柱侯牛腩炆蘿蔔加肉燥飯：牛腩炆得夠淋， 蘿蔔炆得夠入味， 個汁夠濃味， 真係想嚟多碗白飯吖 。當中肉燥飯仲家隻流心蛋， 簡直絕配！2.古法生炒牛肉飯：每粒飯都炒到一粒粒好爽口， 牛肉夠鮮味，食唔到有梳打粉醃肉味。3.凍蜂蜜檸檬紅茶，只需加四蚊大大杯，性價比超高， 飲落好清新。4.凍珍珠奶茶：味道同台灣飲嘅一樣， 因為糖水係自己加，所以甜度可以自己控制，十分細心。環境坐得舒服， 服務態度唔錯 。呢間“墾丁茶房” 嘅主旨正是城市中的墾丁， 為顧客在喧鬧煩囂嘅生活中提供一個休閒的聚腳點。人人一邊世嚐台式美食，一邊與有人分享逸，放鬆好心情。

平日做野辛苦，又成日遲放工，所以星期六要食返個Good Morning幫自己打打氣！早左起身，平時呢度好多人，今日呢度又有位，所以黎左油塘呢間台灣餐廳食。裝修係走懇丁陽光海灘路線，藍藍的天空個人走入去都有朝氣d！開心d!早餐有台式港式，想食蕃茄湯餐肉，所以揀左B2，下次再食新竹米粉！野菌芝士奄列幾好食，菇都多，而芝士洋蔥加埋，呢個係不敗組合，點整都會好食紐紋粉個湯係濃，但略嫌唔夠蕃茄味，多返少少就好！

天氣涼涼地諗住食啲辣野，就點左呢個麻香排骨鍋+肉燥飯，上台時聞到有啲燶味，鍋裡有茄子，蓮藕，排骨，少麻不辣，再配肉燥飯，本身肉燥飯係好味，兩樣都係濃味一齊食，唔係咁配，有點失望台式珍珠奶茶，shake得太勁，實質得半杯泡半杯奶茶

黎到大本型，有好多非主流嘅食店。今次揀左呢間懇丁茶房。星期日嘅晚上餐廳內只坐滿一半人。店內主要用波波燈黎裝飾兩個人分別點了：花雕蜂蜜豬排+肉燥飯香葉三杯雞鍋+肉燥飯首先講下肉燥飯，肉燥同飯嘅份量剛剛好呀有時出面啲肉燥配得太多搞到成碗飯好鹹，呢度就無呢個問題。呢個就係花雕蜂蜜豬扒，數過有成六塊大大塊又厚嘅扒，好足料呀！塊扒唔會好肥，花雕味雖然食唔出，但蜜味搭夠就好濃味，好juicy，另外配菜有幾舊蕃茄仔同桃。三杯雞鍋，香味撲鼻同樣好多舊雞，雖然食落有少少油，但感覺好有鑊氣。味道同一般外面嘅三杯雞差不多呢杯珍珠奶茶一定要講下，習慣order時都會要求少甜少冰，好特別地原來呢間店嘅珍奶係無冰架，而且會另上糖漿自己倒落去調較甜度。呢杯珍奶上半好似有啲咖啡泡咁，唔知係咪奶定係打碎晒嘅冰打到好綿咁。非常鍾意呢種可以自己調較甜度嘅，因為普遍台式飲品都偏甜。今餐承惠每人七十蚊咋，仲要唔洗加一，物有所值

今日放假周圍行下，去到油塘大本型搵食。見到有間墾丁茶房環境唔錯，就入去試下。可能時值午餐時段，人潮比較多，但去到門口時已經有侍應生招呼，唔使5分鐘即帶位入座。入座後即提供清水及餐牌，滿臉笑容叫你慢慢睇；餐牌選擇都算多，價錢亦不貴。我有食物敏感，需要特別詢問清楚；店員都十分有耐性回答，仲幫我特別同廚房交代。真心覺得服務員水準夠，態度好。值得一讚環境唔會太吵，座位亦舒適；適合想享受一個寧靜下午的我。點了一個滷水拼盤＋肉燥飯，當然唔少得一杯珍珠奶茶啦！餐點好快上枱，食物外觀不俗；味道亦不錯。重點試飲珍珠奶茶。。。。GOOD好有地道台灣風味，珍珠夠Ｑ，奶茶味濃。好合我胃口。下次再來一定會ENCORE~

星期五食lunch，本身諗住去大本型foodcourt，但係因為我哋實在太多個人，所以搵唔到位，然之後，我哋12個人就去咗食墾丁茶房。睇個名就知係食台灣野。我叫咗個鹽酥雞扒湯麵，隨餐附送凍或者熱嘅蜂蜜紅茶。大概7至8分鐘後，碗麵就到左啦，鹽酥雞扒係另上嘅。碗麵裏面有好多一粒粒綠色嘅物體，我冇估錯嘅話應該係豆角，都幾好食。首先，呢啲豆角充滿水份，咬落去非常脆口，咁好味又要係健康嘅嘢食，真係想食多啲。好彩，豆角嘅份量都唔算少，食到最後都仲有。呢啲麵條，亦都整得幾好，起碼佢做到有個台灣麵嘅感覺，雖然同台灣嘅紅燒牛肉麵湯底唔同，但佢個湯底清得黎又幾好食。最後就要講講個鹽酥雞扒，最令我驚喜嘅係，個鹽酥雞扒並唔會好似豪大大雞扒嗰啲幫你落咗好多粉去調味，佢上枱個鹽酥雞扒淨係會炸左同埋落少少粉，另外可唔可以上三日唔同嘅調味粉俾你自己調味，自己選擇落調味粉嘅份量，鹹味辣味自己揀，先至係老闆。總結：下次黎食嘅話我唔會依個餐，因為我覺得，呢間餐廳仲有好多嘢食可以俾我發掘。

去到大本營，想試d唔係連鎖嘅嘢食，就揀咗呢間。門口個阿姐見我睇緊出面嘅餐牌，問我啱唔啱食，啱食就入去。我推住BB車入去，佢冇講有BB櫈，就安排左一張圓枱（梳化櫈)，我話BB要坐有椅背嘅櫈(因為要套便攜BB櫈），問佢可唔可以坐入邊(因為入面先至有椅背櫈)。個阿姐極不情願咁俾我哋坐入面，我先發覺原來入面有BB櫈，於是我就話，如果有BB櫈，咁我可以坐番頭先嗰張圓枱，不過會唔會阻住你嘅通道？估唔到佢直接話「阻呀」然後我問咁你想我哋坐邊張枱（因為我見佢黑晒面，我以為有啲枱唔坐得），但係佢又話「是但你啦」🙄Anyway終於坐低左，叫嘢食，其實餐牌得幾頁，有幾款小菜配肉燥飯，另外有少量麵、泡飯選擇，其中一頁餐牌可以加配小食，大致係咁上下。冇幾耐隔離枱嚟咗一家人，可能佢地人多啲想叫多啲唔同款嘅嘢食，但係見餐牌選擇「唔多」，就問阿姐係咪得咁多，阿姐寸咀mode話係呀，然後個人都未行轉背，就話「咁多仲唔夠呀」🙄🙄食物呢其實就OK嘅，除咗個小食台式腸份量同埋相誇張咗少少之外，其他都OK，飲品都正常。

今天外出工作經油塘大本營商場。又到下午茶時間，肚子又開始餓了。想吃個茶餐輕鬆後，再繼續緊湊的行程。早幾日都在這𥚃吃過好幾間餐廳。今次找一間未試過的，就「墾丁茶房」主打台灣特色，希望會是一次享受美食體驗。餐廳的環境很切合主題。侍應生的服務態度不太友善及有點傲慢，坐下等了五分鐘她才派點菜單，然後又遲遲的走過來取單。最後足足等了十分鐘才完成。整個餐上枱又用了十分鐘。總共用了二十分鐘。我點了手搖脆雞翼，煎餃子及迷你香菇魯肉飯及熱蜂蜜紅茶。手搖脆雞翼有兩隻雞中翼，是剛剛炸起的。外脆內軟，肉質鮮嫩，味道濃郁。煎餃子，皮脆肉嫩，餡料有椰菜及醃豬肉。醃豬肉有股濃烈醬油的香味配合清淡的椰菜，有中和餡料濃郁味道的作用。它的味道，好像在超市買急凍煎餃子般。迷你香茹魯肉燥飯有香茹魯肉，青豆角粒，流心蛋及白飯。香茹是鮮草菇碎，爽軟彈牙。魯肉的肉質鮮嫩鬆軟，肉味濃郁。加上，獻汁濃郁，味道濃烈。用來撈飯最好不過。青豆角粒，色澤翠綠，味道像田園風味，口感爽軟。流心蛋有半隻，蛋黃小半成熟。蛋黃汁呈現半凝固狀態，蛋味香濃。蛋黃汁流質地嫩滑。白飯的飯粒身脹脹地，鬆軟綿密，口感也不俗。熱蜂蜜紅茶，熱辣辣的。茶味"超級"濃郁。

早上經常都會到墾丁食早餐，中意佢坐位舒適，比較闊落，但上星期幾天都爆哂，門口仲要等位，可能是暑假d小朋友唔洗返學，見入面好多阿媽同仔女，於是今個星期我早少少落去，果然，雖然卡位都冇了，但起碼唔洗等位，上個月都知佢轉左新menu,雖然大同小異，不過多左3色蛋豬骨粥同炒麵/銀針粉，我想叫炒麵，但已經冇哂，都未夠10點半，唯有要銀針粉啦！反正都好少會食到銀針粉。個粥夠杰身是我喜歡的口感，材料都好足，可惜應該係唔夠人手，個樣似係 扚起咗但冇人傳菜，個粥面已鯨鯨地，食落口只是暖暖地，唉～另外個銀針粉應該都係廚房所淨無多， 撈底果浸，所以好油下，下次都係穩陣d食返西式算了。西式一直都好ok既，雖然價位唔低。

星期六同小朋友係大本型玩完去左墾丁茶房食下午茶，味道不錯。但全店好像只有一位名叫孝賢嘅哥哥會采你同工作！其他十問九唔應，碗都難執，枱就好多有位，不過枱面擺哂之前客人嘅碗碟無人執，最好笑門口有個肥哥哥，只係行來行去，見到枱面有碗就張左邊搬去右邊，成間店d員工都懶洋洋！食物ok的，不過服務就唔好預有！