士多啤梨甜品餐廳 (已結業)

可能我唔係堂食啦所以d service一般啦不過佢個意大利芝士餅就好係好食所以冇咩理個service既問題都會幫襯

一向上open rice 呢個網，見好多朋友對呢間食肆既評語都唔係咁正面，尤其是係指佢地既服務有問題。講真，我真係一次都未幫襯過呢間野，前曰我行經家樂商場，經過呢間食肆，好奇心之下望下d 職員係點做野，d 食客個表情又係點，開頭睇都冇乜野，係d 侍應多d 野講，企埋一邊係咁吹水，食客們都唔見有乜唔滿意既神情，之不過~~~~~~就係果個moment 終於比我見到個驚哧鏡頭，有個著住類似經理服既男職員，當眾~~~~~了牙，而且仲了得好肉緊，幾乎半邊咀比佢「嬌」起，the main point is 佢站立既位置正正係大堂座位與座位之閶，亦即係即場為食客們表演佢了牙既奇技，當時我望到眼都瓊埋，我估自己當時個樣一定好「有趣」，以致呢位「了牙先生」一邊了一邊望住我~~~~~~~~~~~~~天呀，果度係食肆，唔該你身為該處staff，做事之前先用大腦過濾一下先啦，做得出就做。

哈哈~黎到先知原來有咁多人對我地d員工有咁多comment ga~o係度講返聲對唔住啦...我之前(23/5/05-06年一月)o係呢間野做part time ge~~好彩我睇返d comment~~再睇返自己日記~果幾日我都都冇返工..kaka~~~呢間野其實係賣貴左..一件蛋糕其實係由一個2磅gei蛋糕~開10件黎賣ge~~不過2月開始~已經開左12件喇,,.我都覺得咁樣唔好....因為我地都會自己買返ga~~~同埋佢d tiramisu cup都細左~不過冇平到ga~而堂食貴d~~其實都岩ge~因為始終係mk區~租都幾貴..果間野又細..如果個個入去都食20幾蚊就走..佢做唔住ga~而家呢間野個個月蝕緊ga~

我一家人,兩大兩細去沙田連城廣場分店食,叫左龍利柳豬骨湯麵,pizza.等的時候已經見很多食客不滿,等了很久,pizza無乜料, 豬骨湯麵變左喇沙湯麵(辣的) 完全唔小朋友食, 叫侍應換過, 佢啞口無言, 又唔俾返應. OK 我唔要佢換, 加多個公司三文治,叫佢快馬, 佢居然同我講: 快馬?? 食完找數分點$1xx, 經理找完拿過黎, 我拿起所有錢, 佢打開個本薄好久, 我起身, 佢先好悔氣同我講多謝.

ｄ　意大利芝士餅正而且又平大家可以去試一試不過話曬一分錢一分貨唔好攞黎同ｄ高檔比好

我係去沙田連城廣場o個間。lunch set 叫o左個煙三文魚闊條麵，好明顯係微波爐叮ｏ既～ｄ所謂ｏ既煙三文魚一舊舊，好似罐頭開出黎咁！ｄ汁就好似水一樣！四十蚊一餐，做唔到應有ｏ既水準！間ｏ野裝修係幾靚～ｏ野食賣相都好吸引．．但食落就知咩事囉～唔會再去了！

我唔明點解一間餐廳可以差成咁但係都仲唔執o羅？!首先，環境唔掂，對面間臭豆腐實在太太太太太臭啦~ 跟本無可能坐低食，勁難頂o羅! 食物方面，試個佢o地o既waffle(難食過starbuckso個D喎，你話幾難食啦!)，chocolate cake (中文名叫軟心朱古力蛋糕，我以為係D乜咁特別，咪又係一件cut cake~ 美心咁o既質素但係收你廿幾$件!!!)。佢o地"好出名"個隻士多o卑利千層酥，我想知出名乜？難食到死~ D酥皮非常硬，個custard稀到似奶水，D strawberries少到我以為係裝飾品o羅~ 個D choco-strawberry上面o既所謂朱古力物體我見到已經想喊! 身為朱古力o既die hard fans，我絕對接受唔到呢間o野用D黑色甜醬(差過大陸朱古力呀!!!)冒充朱古力o羅!!!!! 激死!!! 至於服務，咩服務呀？20-30分鐘先有人理你呢D算得係服務嗎？I don't think so!!!!!

the food is good but the services are bad~!and the food is expensive!!!!!!!!!

這連鎖食店的服務質素咁差係有原因，因為慳錢所以請埋侍應都係無乜經驗又或者係散工，流動性又高，邊會有服務丫，其實咁都無問題，但係d旦糕因為咁而收貴d就唔值啦，外買旦糕收二十幾蚊，但堂食就收三十幾蚊...哇......搵笨咩！個經理話因為有服務，.......依d叫服務.....唉....真係咁都得，重有丫！d旦糕細左，我數過之先一個切10件，現在一個切12件，價錢不變......簡直係黑店....>_<

今次第一次食, 不過唔會有第二次!想叫野食, 但成間餐廳都無人應,激鬼死!!D餅同其他野食,又貴又唔好食又細件!埋單D態度又唔好噃!

都係比佢個d 甜品咁靚賣相吸引入去，諗住試下囉，結果失望而回．．．價錢真係貴左ｄ，食個tea都要＄40仲要係質素差．．．！個cheese cake都ok，點知個招牌貨"士多啤梨酥餅"真係唔掂，完全no taste，酥皮又唔脆，點再去食啊!!!

$42一個香芒雞肉薄餅, 原來size得六吋, 一個人食都唔夠飽. 個酥皮係好香牛油味, 但餡料芒果多過雞肉, 而且後者有肥肉又有雪味, 下次係食都會食另一種餡料

我12月26號去o架收皮啦叫極都冇人應都唔知o的係度人做乜o個個好似經理(肥肥地,個樣唔多醒目個位)做曬手勢都好似睇唔到我o地叫人咁其他女侍應又唔知點咁(長頭髮!)呢頭話等陣個頭就唔見o左叫埋單就好快o既冇可能再去

27/11今日同個朋友去左呢間strawberry forever食野, 一入到去有個白白地既侍應講歡迎光臨同帶位,俾menu.之後我同朋友睇左好耐都唔知食咩..就周圍望下,只見有兩個女同事同個經理傾計傾到哈哈大笑,反而個白雪雪女同事就走黎問我地可以take order未..仲介紹我地食香蔥之士薄餅/果仁糙米飯饟茄子/濃情蜜意..個白雪雪女同事好得意,take完order我同朋友問佢"白雪雪小姐,點解得你一個人做野既?"佢就話"下?唔係呀!佢地都做緊野呀!做咩叫我白雪雪小姐"我地話"係呀,佢地傾緊計囉,算唔算係做野呀?"佢就微笑然後有個肥肥地既叫佢唔知做咩佢又行開左喇.之後有野食黎,係個肥肥地既侍應拎黎."拍"一聲放低左又行返轉頭傾計.唉!見到個白雪雪就慘.食完埋單走就同白雪雪講byebye.佢就好nice咁同我地講多謝哂byebye 喇.食物都幾好,唔錯!sevrice就..有好有唔好啦!

俾佢門面吸引咗入去, 個環境係唔差, 幾好坐, 但食物質素同個價錢唔相稱.士多啤梨cake得個酸味, 杯野飲都唔記得咩名啦, 因為唔好味!食個tea都要$40大元, 可惜唔值呢個價!