士多啤梨甜品餐廳 (已結業)

買左件Chocolate Truffle Cake番去食,好”朱古力”呀!好似食緊朱古力咁!算大件,個蛋糕實實地,唔係mousse個種,但係又唔太硬,幾好食!話時話,呢間分店似乎太開揚,坐係度食野可能會唔係咁自在…P.S. 外賣平d 呀($22)! 堂食要$35(+10%),唔抵!

午間無聊，蕩進店內，吃了士多啤梨窩夫--賣相精緻又夠份量，可惜不夠香且太實太粗糙(我理想的是外脆內鬆，好香烘焙氣牛油味)最失敗是作賣點的士多啤梨好酸好生澀，以前吃過的士多啤梨千層也有同樣通病。然後喝上一杯Strawberry Vrigin--是果味香檳，有一顆圓渾的士多啤梨在飽含汽泡的金色液體中載浮載沉，果如處女，浪漫綺麗。(2004_07_14)

在九龍灣淘大廣場2期也開了一間，在鴻星酒家樓下。(By editor : updated. thx)

我想拎啲士多啤利傢俬返屋企^^"

你地講果d未夠我咁差！我今日十二點幾行過尖沙咀LCX果間strawberry forever本來一心買幾件餅食下！點知佢地企餅位的果個男仔都唔知乜事！帽又無、圍裙又無，成個樣好似未睏醒咁走黎問我有乜野想要！不過我唸住買餅買完就走！點知我買件千層穌！條戌利成件餅(橙)到跌左唔知去左邊，我初頭都唔為意！以為佢會掉左佢就算！點知佢夠膽死將果件爛餅(橙)返比我！我緊係吧幾火叫佢換！佢仲夠膽死話件餅唔係好爛遮無事和，唔洗換啦...........癡線！之後仲要係佢d同事見到叫佢換佢先肯換！最攪笑的係到我走果刻個男仔死都唔肯將件爛餅掉左佢！依然放係雪櫃等下一個人買！大佬呀！廿蚊買件餅！仲要買件爛餅！唔係呀！呢間咁的野有d咁的人！我就一定唔會再去買野！睇佢幾時關門大吉！

見到佢d甜品咁靚，咪諗住試下囉，order佐兩樣食物，個cheese cake都ok，點知個招牌貨"士多啤梨酥餅"真係唔掂，完全無味，酥皮唔脆，d cream 無味，最慘就係連d士多啤梨都無乜味，點叫我再去食啊!

見佢咁靚咪去試下啦,ORDER了一個Strawberry格仔餅,成$40蚊一客,有兩塊勁"濃"的格仔餅夾住一大pat cream,cream係幾滑,但係個strawberry sauce同strawberry勁酸!另order一個朱古力軟心蛋糕,佢話係推介,但係size細得可憐,一啖可以食晒個隻,朱古力味雖然不錯,但太唔抵食啦($50)另一個TEA SET係蒜泥燒豬脾肉,有三支豬脾仔,呢個反而OK,咸了一點但可以接受,賣$35,有一杯DRINK跟埋我覺得以佢呢D商場OPEN環境食DESERT賣咁高價,真係好唔抵啊!!

這家cafe 出名菜式以strawberry 為主，看看餐牌，真的很多strawberry，連pasta、sandwich 也有strawberry 的。我要了件cheesecake，朋友要了客salmon spring rolls，味道都不錯，不過就貴了點。

好耐之前同朋友去tea,叫左杯唔知咩berry既飲品,嘩...好難飲,仲要廿幾蚊杯啊,又要加一,真係掉左d錢佢好過..仲要越開越多分店,有無搞錯..

唔係好鐘意呢間餐廳,因為覺得佢好呃錢士多啤利拿破崙-- 好似係佢招牌菜,所以叫左個,賣相ok,似係一般酒店貨式(只係指個樣) ,味道就唔算驚喜,不過買$38一件就真係禁住搶,話哂佢又唔係真係酒店,條氣最唔順就係拎走只係$20,有乜理由take away同堂食會差咁遠炸朱古力雲吞-- 初初覺得好似幾得意幾特別咁,其實係用麵粉皮包左少少朱古力拎去炸,個皮脆脆地,入面d朱古力溶溶地(唔算多朱古力醬),配左個雲呢拿sauce,口感同味道都幾特別0既,不過40幾蚊得五小舊,(冇誇張,真係五"小舊",size好細粒),真係唔太值茄汁海鮮意粉-- 呢個我冇點食,係豬仔叫0既,我只係"new"左兩啖試下,不過就我所見係好細兜,味道一般過一般,係又買成40幾蚊,真係離譜呢度環境唔好,響商場入口,仲要係幾open下,好嘈,好似坐響商場中間或者可以話響條街到食野咁,都唔似坐響間餐廳到,一句講哂,唔好坐服務都唔算好,冇咩禮貌、求其、冇笑容、目無表情

士多啤梨芝士蛋糕,SORRY呀!

今日行過,入左黎食甜品,叫左一個士多啤梨吉士脆香千層酥$38,朋友要左個士多啤梨芝士蛋糕$35,兩個都好靚,不過就麻麻地好食同埋好似貴左D,另外每個甜品加多$10有杯士多啤梨飲品,幾好,唔太甜!(圖中係士多啤梨芝士蛋糕)

圖中係士多啤梨吉士脆香千層酥!

d 野係幾好食,不過...貴左d~總括黎講都幾好...~

我地2個人叫左2個set din一個有沙律(又少又係罐頭!)主菜: 焗銀雪魚飯(唔係焗飯, only焗左條魚!)餐飲: 士多啤梨cappuccino (又淡, 成杯刨冰咁…lee杯特飲仲要加多15蚊)另一個冇前菜or餐湯得個忌廉雜菜天使麵….係好細份, 又少料埋單…要成百幾蚊…唔係咁飽, 味道又唔突出, 唔抵食!