壹匯中菜廳 (東港城) (已結業)

拎了3人不搭枱飛，等了半小時叫我們入去11號枱。源路見啲職員好大力掉餐具入餐車，有隻餐匙被掉爛，碎片仲差點彈上我手臂😱去到11號枱，係一張目測2尺半乘2尺半的方枱，但一邊貼牆，另一邊被隔離大圓枱所阻，根本只能坐兩人，而非三人。上一手食客亦只有兩位，因為現場只有兩張座椅。一位短髮中年女侍應叫我兩人坐一邊，我答：「唔可以」。她說：「咁我拉斜佢囉。」冇拉到就走咗去。我叫住佢：「你要張二人枱坐三人，都要俾三張櫈我咖。」佢喝我：「我咪做緊囉！你唔見我做緊咩......（下刪一埋無禮言語）」我忍唔到，應佢一句：「你張枱未整好就叫我入黎，又叫我兩人坐一邊，又未有櫈，又唔講，我點知你係去做其他野定咩？」然後佢不停大聲講：「喂！我唔係响度俾你地發我脾氣！你唔見我做野咩？我唔係响度俾你地發洩！唔鍾意就唔好坐！痴線...（又下刪一埋我根本唔想聽我說話）」其實我真係想應佢「我根本未有櫈坐囉！」但都係唔同佢一般見識了！基於呢位侍應的「熱情招待」，加上其他侍應都好似同所有杯碗碟有仇咁，就算等了半小時，我們都決定起身走人。等間又係佢serve 我張枱，真係費事！跟住我地一路行出去，就聽到佢地walkie talki

阿媽早上本來約了阿姨，早上在將軍澳坑口「寶寧路」診所裡面進行檢查，阿媽在檢查前，於坑口飲茶食午飯。可惜後來才發現，以前她在坑口指定的中式酒樓，位於「東港城」的「潮人飯堂」已經結業關門很久。所以我們三人最後唯有，在「東港城」另一間位於二樓，日資超級市場「一田超市」旁邊的中式茶樓「壹匯中菜廳」裡面食個簡單的午飯，怎料食到一半我就感覺到「壹匯中菜廳」有少許伏味。我之所以在「壹匯中菜廳」中伏，原因主要有兩點，第一，「壹匯中菜廳」全場環境被大量播映新聞臺的電視機圍堵着，令我在整個午餐過程避無可避，只能望向中間的石屎柱，什麽也不望就算。第二，就是原來「壹匯中菜廳」的點餐紙，幾乎完全沒有雞飯可以食，結果我在點餐紙裡面最低要求的燒味飯也完全找不到，我隔着手機看其他食評才看見有「燒味飯」。後來阿媽跟「壹匯中菜廳」侍應懇求，把「粟米肉粒飯」裡面的豬肉改為雞粒，我才能「倖免於難」。雖然「壹匯中菜廳」的侍應都算能夠從善如流，為我臨時改點了一碟，收據裡面寫上名義叫做「廚部手寫單」的粟米「雞粒」飯，但是粟米「雞粒」飯最後的大小和份量，也是偏向細小和偏小。不過，粟米獻汁的實際份量也算很多，而且粟米獻汁的味道也算很甜

在一般酒樓套餐來說算是味道不錯，但十二位$8888又好似貴左啲喎！蒸魚算是剛剛好，幾新鮮。炸子雞也不錯。其他都普普通通沒有什麼特別。由於媽咪識人，服務算很不錯了。

今日跟家人到壹匯中菜廳飲茶，10時左右落單，共點了11個點心，約15分鐘便上第一個點心：鮮竹卷，再多等10分鐘左右部分點心陸續到來，那時已聽到服務員間話D單落錯曬，當時我地不以為然，坐到50分鐘左右仍有3個點心未到，分別是流沙包，鮮竹牛肉，粉果，就舉手叫應來問，舉左好耐都冇人理，終於有人應，就同佢講仍有3個點心未到，她問都冇問，有冇check差咩點心，隨口就話有D點心係耐D，我地就繼續等，又等多10分鐘左右仲係冇聲氣，我地又再舉手想叫侍應，點知冇人理不特止，有D見到你舉手當睇唔到，又或者係你身邊行過望都冇望，結果我大聲叫人，先有人行過來問咩事。因為我地坐收銀旁邊，收銀印張單出來，個侍應問我地差既係唔係後加，我地話只係10點時落過一次單，冇後加，跟住佢就行開，個時已11點。佢行開後，我地細睇張單，先發現張單佢地分開落，第一次10：04，第二次10：37，好明顯有人落漏左。其實佢地10：30個時發現落漏，就應同客講，要D客等左成個鐘D野仲未齊。而且11點應該漏既都來啦。又再等左幾分鐘依然冇野到，真係火都來，環顧成區，一個侍應都冇，唯有同旁邊個收銀講叫佢叫D侍應來理下D客，亦順便問係咪之前漏

提早食團年飯，今次揀咗呢間酒樓嘅金豬好運宴，首先想做個鴻運乳豬全體，乳豬烤得香脆，肥瘦均勻，對於我呢啲好怕肥膩嘅人來講有啖啖肉食。跟住上咗個上湯焗大蝦球衣面，伊面撈埋茨汁都幾好食，而且個蝦球係炸嘅，食落香脆。然後上咗個彩雲帶子蚌片，帶子細粒，而且望落賣相唔吸引，蚌片味道普通。發財好事大利個蠔豉好濃味，配埋個竹笙四喜生翅味道又幾夾，不過個瑤柱花膠伴菜蛋就有啲失望，瑤柱偏少，而且個菜好鹹。不過條清蒸海斑同豉油王脆皮雞都值得一讚，清蒸海斑有魚味，而且唔腥，質素唔錯，想再食多一次，而且個脆皮雞個皮都炸得好香脆，雞肉都好嫩滑，值得讚賞。最後個糯米飯同薑汁千層糕就不過不失，個薑汁千層糕冇乜薑汁味，但就食得出有紅棗味。雖然佢環境都唔算窄，坐得都算寬敞，但係可能因為多人，呢間餐廳連我哋食都未食完就趕住幫我地埋單，好似要講我哋走咁樣，令我哋要急急腳咁食，食都食得唔安落，我覺得呢樣有待改善。

今日同媽咪行完山之後搭車到東港城食午餐，我們大約十二點鐘到達，平時行東港城已經有留意壹匯中菜廳，今次是我們第一次在這裏飲茶， 酒樓環境坐得舒服， 我們叫了燒賣皇$28.8， 煎韭菜餃$24.8， 翡翠鮮蝦腸$28.8， 九王熟蛋炒河粉$48， 牛肉球$22.8，雞包仔$22.8， 茶價每位$9，再加一服務費。九王熟蛋炒河粉 ~ 炒得乾身不太油膩，但味道偏淡。翡翠鮮蝦腸 ~ 皮薄鮮蝦新鮮彈牙，上枱的時候熱辣辣幾好味。煎韭菜餃 ~ 煎得好香，餡料有韭菜和蝦，裏面還有肉汁。雞包仔 ~ 麵包蒸得好鬆軟，但餡料偏小。燒賣皇 ~ 啖啖肉即叫即蒸，味道新鮮。牛肉球 ~ 味道一般。今次到這裏飲茶的感覺都唔錯，下次可以試下晚市。

小弟昨晚與家人到壹匯吃飯，打算開開心心安享一頓豐富晚餐，服務員為我們開茶點菜後就一直不理會我們，上菜時更全程黑面，我們舉手要求一些服務更沒理會，到最後壽包竟然少了一個就上菜， 那麼求其敷衍嘅態度，真的受不了。

今晚是跟奶奶慶祝生日,  在開飯啦看見這飯店,  見圖片及幾個評語都可以接受,  就不妨一試,.  我們訂了一圍,  今晚食客不多, 因是閒日,  我想應該招呼會好一點,  但真令人失望,  每吃完的東西,  都不會自動收拾,  飲完的荼水,  叫她們加,   她們都不願意地,  黑口黑面,  點解有這樣態度,  服務員是不少,  每個人只顧出面擺放桌上的杯蝶,  是預備明早的茶市,  但當時只是晚上9,00  我們還有餸菜未上, 當吃完所有的餸菜,  等了很久,  還有壽桃及生果, 唔催都唔上,  壽桃個數更不足,  真不理解這樣經營都可以生存,  你們去食真的要想清楚.

假日嘆茶並不是老人家的專利， 無論是大人或小朋友，都會是感覺到其實是一種享受，享受更不需要分年齡界限的。今天首次 品嚐它的美食， 细看點心紙，款式不是太多，唯獨是有一兩款的名稱頗為特別 分別有花膠魚肚扎，百花蒸釀魚肚及清香菊花卷 。至於賣相方面， 便是一個 豬仔外型的豆沙包。當然還點了其他一般茶樓的點心及廚味部以上食物中，燒鵝瀨粉最好味，滑口兼幼小的濑粉很少會碰上，燒鹅又夠香口，湯底味濃，價錢比一般快餐店還要平宜，抵食。美味食物配上環境又舒適，真是人生至好享受。

今日嚟咗東港城飲下午茶佢哋啲環境其實都OK嘅但服務就真係麻麻地囉我唔知佢哋係分區域定係乜嘢要佢地幫手加熱水佢竟然話唔關佢事做乜唔叫第二個人做真係好得人驚佢嘅腸粉真係好好味又滑又軟其他點心都係好唔錯叫咗個招牌炒米粉佢入邊好足料有好多唔同嘅海鮮叫咗個雞包仔比BB食BB食得超開心佢嘅蒸排骨都好好味不過唔記得咗影相成日都會黎食晚飯同飲下茶希望佢哋真係認真解決下服務差呢個問題如果唔係啲嘢好食都唔會有人再嚟啦

琴日又係唔想煮飯 又再落去食叫左個孖寶餐 龍蝦伊面 加 蔥油雞另外再叫個特價魚 加多個雜菜煲 蔥油個汁勁正 所以就算龍蝦有伊面底都叫咗個白飯 用汁撈飯👍🏻條魚雖然係特價 但都好大條又唔腥雜菜煲入邊有好多海鮮而且個魚湯底用嚟飲都好清甜服務都唔錯 雖然人手唔多 但佢地都好快手無水好快就幫特地加水又同我地傾下計咁仲有送左糖水比我地食酒樓環境其實都算係咁 唔會話太迫 我擺bb車都得呀 好多時去酒樓就係怕好迫 搞到bb車都擺唔到 所以依間我成日都食🤤👍🏻❤️

呢個位置開過好多間酒樓，過過好多手，我覺得壹匯做得最好，，入面都放到好多枱，環境黎講屬於有d逼，但整體感覺企理衛生，其實出街食野，好怕唔乾淨，，一堆人去食圍菜，最怕唔夠飽，但我地10個人食都唔係好食得晒😂😂呢個燒雞個人認為係做得出色既，皮脆肉嫩，唔會做到柴晒咁，係誠意之作🤤🤤整體味道做得唔會太鹹，岩岩好，而且無個種食完一碟等一碟出既苦況，上菜既速度黎講幾好，d野又唔會話上到枱就已經凍晒，而且就算坐係一邊都無比侍應冷落，係幾適合一大班人食野既地方👍🏻

有朋遠方回港，晚飯洗塵唔想去咁遠食，呢間5月來食過覺得好食又不算貴，服務員又好禮貌，食物又大碟，最緊要是好味，朋友回港小住，又不想去太遠食，咁就屋企附近找食啦，因為食過先有信心介紹食，我們共6人，叫餸食都好方便，朋友最想食龍蝦伊麵，就一定必叫了！而且重係孖寶價錢超底呀！最開心係食完重有紅豆糖水送添糖水甜品竟然又夠熱龍蝦孖寶:上湯波士頓 龍蝦伊麵底 脆皮燒雞半隻馬拉盞通菜豚肉 蟲草蒸班頭肉乾煸玉豆茶樹菇 瑤柱海皇冬瓜盅紅豆沙

本不是去這間食晚飯，無意中行行過去 女侍應笑容很甜美 😀又熱情招待和介紹。便看看有咩食～價錢不算貴，終於入了這間食晚飯了。醬皇大連鮑魚(半打)一向食開清蒸 今次是煎炸的煎炸好香口味道唔錯 我食了兩隻😋柚子蜜明蝦球柚子甜甜酸酸蝦球好大隻味道好好 ，好開胃😀女女最愛瑤柱海皇冬瓜盅配料足啱晒熱天飲每人可飲超過兩碗彩雲生煎班球魚肉好大塊 啖啖肉好香口 好鮮味馬拉盞通菜豚肉通菜亞女愛食豚肉亞仔愛食有少少辣味 老公最愛辣味 送飯一流乾撈銀芽粉絲鮮帶子粉絲炒得很乾身帶子大大粒價錢便宜

諗住嘆完茶返工，近近地黎呢度好似冇咁逼人，原來有原因⋯⋯服務態度問題。同台有人受唔住，開完卡就話走，唔飲。 皮蛋瘦肉粥冇皮蛋，咸水角扁⋯⋯油益味好勁⋯冇服務都期望食物有質素，失望。