壹海城粥麵店

营业中

休息中

如果不是有人推荐，可能永远不会想到这里会有好吃的蒸鱼鱼可选的蛮多豉汁蒸白鳝。味道很鲜美白鳝肉质也很紧实耐吃白切鸡味道还不错陈皮牛肉肠粉吃着不咋好吃，牛肉很腥很淀粉感，不要点还是来吃蒸鱼吧~米饭我觉得也是做的蛮不错的！

街坊食肆自然供應街坊食品：粥，腸粉，粉麵，碟頭飯.... 不過最難得也是主角是即叫即做的多款蒸或煎魚餐，夠晒家庭風味。之前試粥和腸粉，有信心後今日點了冬菜蒸黃花。初時有點猶豫因為不是游水魚是否適合蒸？上桌一嚐，味道鮮甜，口感嫩滑，不再猶豫地下箸。隨餐還有油菜一碟、豆漿或加3元可選濃郁的菜乾豬肺湯。57元就享用了一頓一般茶餐廳、甚至酒樓找不到的愜意午餐。至於服務，店內嬸嬸直接了當告知食品選擇，還何需要求人家客客氣氣笑面迎人呢？

第一次試呢間舖，叫咗外賣，先前已經見到呢間舖頭評語姐姐態度惡劣，點知等外賣途中，見到廚房佬大聲呼喝樓面的姐姐，到我取餐攞外賣時，樓面的另一個大叔大聲呼喝我「你食乜嘢啊？」「行埋一面自己加醬油」態度極惡劣😤😤😤試問一間鋪裏面全部人都負面情緒，佢哋又點會乾淨衛生處理好自己啲食材吖！！！真係唔明點解要受你地氣，我就唔會再有下次啦香港多謝晒你哋呢啲舖頭，搞衰晒香港嘅餐飲業聲譽，我都決定返深圳食嘢啦，無謂再受氣

充滿人情味的粥店，朝朝都好多人幫襯，用料十足，味道一流👍🏻我嗌左艇仔粥加炸兩套餐，粥料豐富味道剛好，炸兩都香脆新鮮，加多$2有多杯鮮豆漿，整個套餐$36非常抵食！

係大角咀富榮花園附近 日立咗好多年係街坊經常幫襯既粥店 早餐大份又抵食架我就嗌咗個豬紅瘦肉粥配炒米粉加兩蚊仲有豆漿總共都係36蚊豬紅瘦肉是以豬肉經過處理後切成片狀，在熱油中炒至變色，再加入粥中煮熟的一種肉類。豬紅瘦肉粥的口感滑嫩，肉質鮮嫩，味道鮮美。豬紅瘦肉粥是一道營養豐富的食物，豬肉含有豐富的蛋白質和維生素B群，而粥則含有較多的碳水化合物和纖維，能夠提供身體所需的營養。壹海城粥麵店大角咀海庭道16號富榮花園地下M號舖

搬咗嚟附近住，見有朋友介紹話唔錯，所以去試試～食物質數還可以，不過個阿姐態度真係唔得，一入去已經問佢有冇炒米粉，佢用好肯定嘅語氣答我：有～另外再叫左個炸両，佢話冇，諗住算啦，有炒米粉都得啦，點知比曬錢先同我講冇😕之後仲要冇同個廚房講，搞到我等左好耐，之後問佢要辣醬，佢勁冇禮貌咁叫我自己落～應該冇下次了～～

梅菜蒸黃花魚套餐$55——-超推介又來到奧海城上堂，有了上次覓食經驗。今次轉個地點，找到屋苑的街坊小店。在奧海城二期對面穿過巴士總站，已見到很多茶餐廳及街坊美食。店外招牌是粥麵店，在門外已聞到煲白粥的香味，被吸引到此店午餐。🍽️坐下來發現有蒸魚食馬上改變主意，點了蒸黃花魚，套餐包－碟菜及白飯。送豆漿，但我改選「是日靚湯+$3」。🐟落單時店員溫馨提示了是即蒸的，所以需時。我不介意，因蒸魚只需5- 8分鐘及現蒸的才好吃🌱當天是菜心配蠔油，沒有多油，菜心甜及幼嫩🍚包白飯一碗，有飯香，軟硬適中🫕是日靚湯赤小豆粉葛煲豬骨，有驚喜，不是列水，不是味精湯，是真材實料的自家靚湯，好味到把所有湯渣都吃掉🖼️店內是舊式小店裝修，光線比較灰暗，但坐下來感覺ok，不會污糟。見進來光顧的客人老中青的都有。想信很多是街坊及附近工作的人。不愧為有家的味道街坊小店。綜合食物環境價錢，是很好的午餐選擇。

係附近想搵間食粥嘅已經買少見少,而好食嘅粥麵店仲要有油器賣嘅仲更加缺乏！真係想食都無得食！以往行過附近呢間壹海城，永遠不會幫襯。但上次想食粥，無選擇之下只好自己煲，但油炸鬼真係攪唔到。唯有打算幫襯下，竟然有驚喜!呢排食咗幾次壹海城，食物質素大大提升油器咬落口外脆內軟又唔會油淋淋，同以前硬掘掘又係附近想搵間食粥嘅已經買少見少,而好食嘅粥麵店仲要有油器賣嘅仲更加缺乏而往行過附近呢間壹海城，永遠不會幫襯。但上次想食粥，無選擇之下只好自己煲，但油炸鬼真係攪唔到。唯有打算幫襯下，竟然有驚喜!呢排食咗幾次壹海城，食物質素大大提升油器咬落口外脆內軟又唔會油淋淋，同以前硬掘掘又油淋淋嘅口感完全兩回事😅粥底好綿唔會水汪汪仲要而家一至日都有早餐同下午茶餐，有心做真係差好遠。唯一希望佢哋係衛生方面可以改善一下，油淋淋嘅檯櫈係比較難令人接受。

小妹好鍾意去不同粥品店，睇吓邊間好味啲，最主要係睇吓佢啲炸兩，夠唔夠新鮮，會唔會用啲林啤啤嘅油炸鬼🤣🤣今次路經大角咀，見到呢間粥店，就入嚟試吓，見到佢哋餐牌都幾特別，有好多款唔同腸粉，竟然連魚片腸粉都有，而且價格都算實惠！👍🏻👍🏻魚片腸粉裏面都算好多魚肉，確實係有少少腥味，不過都算係魚肉嘅香味，佢哋嘅做法仲加入左姜同聰，可以癖腥👌🏻👌🏻👍🏻👍🏻👍🏻而呢度嘅炸兩就好一般，都唔算難食，一般周街都係呢個質素，其實要搵到好食都係好難，油炸鬼唔算好脆，不過未至於林啤啤既

由於新冠肺炎疫情，未有好轉，外賣是另一選擇。自行到食店外賣自取，已經是我生活的一部分。今次去一間小店，清清地叫碗魚片粥+條油炸鬼，回家吃！今日主要想講碗粥：白白綿綿又熱辣辣的粥底(睇吓D蔥花大大粒，店員落上去就冚蓋，回到家仲仍然穩在粥上)非常多的薄切魚片，吃到尾仲有魚片！這並不是生滾粥，但都好有鮮魚味；因為有魚片，要加薑絲癖腥味(其實魚片唔腥)。由於本人喜歡吃薑製品，所以特別欣賞它嘅厚切生薑絲，可以叫薑條😂，與粥一同吃，真係食到「索索聲」，仲有薑汁流出口內，又如一粥兩味。非常美味可口！

午飯時想獨自休息下，去了比較人少的茶餐廳吃個普通雲呑撈。雲呑尚算不錯，但大媽的服務就真的不得了，無里禮貌。叫了杯熱奶茶多奶，等了半小時再問，才說這只有凍奶茶。改凍咖啡，又說沒有凍咖啡。聽到另一客人說要醋又沒有醋。這還算是一間茶餐廳嗎? 要咩冇咩個撈粗啲麵硬guid guid，完全談不上好吃。但39hkd一碗，又多雲呑，算抵同飽啦!

早前在這裏吃過豬潤腸，看到牆上餐牌的價格很吸引，本想試試。但今日太早來了，唯有改吃下午茶。$32有菜有麵有飲品，看來很合理。於是同朋友分別要了鮮蝦雲吞麵和手打牛丸麵，配西生菜和芥蘭。以下午茶來說份量其實足夠。但看到得三粒餸，還是覺得有點淒涼。不過手打牛丸都幾好味。咬落不會很硬實，而且有濃濃的牛丸鮮味。而鮮蝦雲吞也皮薄鮮美。湯底淡淡的䶨水味，麵質爽滑有口感。芥蘭好鮮甜又不硬，有點爽脆。而且上菜時熱度剛好。反而西生菜有少少涼，不夠熱。還好豪油放在旁邊，沒有把西生菜弄醎。西生菜清爽，要是熱的會很好。還有留意到下面的橙色嗎？當初以為是紅蘿蔔粒。心相麵店通常都是一鍋湯底什麼都放下去煮，黏著其他餸也見怪不怪。誰不知是一堆蛋殼！唉，每次和朋友去食飯，被加料的總是我。真的有夠"運"。店員立即想幫我換過。但只是蛋殼，無謂浪費半碟菜，所以我說不用了。然後，前前後後店裏所有員工、廚師都走出來跟我道歉，還拿出罪證（兩隻熟雞蛋，其中一隻爆開了）給我看，搞得我又好笑又不好意思。但，這就是街坊食店的自然態度。他們不怕其他食客聽到看到，七嘴八舌去考究為何西生菜上有這麼大塊蛋殼，知道是某員工煮雞蛋自己食，就拿着雞蛋跟我

話說嚟到星期六緊係食下啲特別嘢，路過大角咀就決定食呢間蝦子麵。叫左蝦子鵝腸撈麵同埋韮菜餃，味道還好，蝦子算多嘅，麵都ok。韮菜餃正常，皮唔太厚，口感味道都ok。價錢唔算貴，環境衛生可以接受。

夜晚想食得清淡啲，所以想搵間粥店食下。呢間粥店嘅粥真係有好多選擇，清淡嘅粥有、連蟹粥都有。我哋就叫咗豬膶粥食喇，粥底好綿，豬膶嘅份量都唔少。另外都叫咗墨丸麵，墨丸彈牙，湯底睇相都知夠清唔油，麵亦都冇鹼水味。黎到粥店梗係要叫我最愛嘅炸兩食啦，不過呢個炸兩就有啲令我失望喇。一來上枱已經凍冰冰，二來油炸鬼好淋，連少少脆位都無，唔知係咪因為我夜晚先叫，所以擺咗好耐好耐呢😥另外甜醬麻醬等等係自己任落的，麻醬比較鞋口，即使加左醬，炸兩都係唔好食😟

生病了可是爸媽都不在家只好落樓買點粥吃我記得這家店應該是新開的, 在這之前好像也是粥品店但名字是不一樣因為這是一個平日的上早食客不多, 平均一個普通粥品只需10多元就有更有一些不同的套餐給選擇我點了一個皮蛋瘦肉粥和炸兩皮蛋瘦肉粥食評：皮蛋和瘦肉的比例很合適，不會只有皮蛋或是瘦肉，而粥就煲到很綿，份量十分足，而且SIZE其實蠻大的，即使普通吃也很飽肚炸兩食評：這道菜很巧師傅的手工，很難想像小店也能將其整到皮薄和油炸鬼香趣，送粥一流