壹玖陸零 (已結業)

這間餐廳位於觀塘成業工業大廈，名字很特別叫1960，但不清楚與這年份有沒有關係。餐廳面積不太大，兩邊是紅磚牆，牆身上掛有60年代一些著名歌星相片，如貓王皮禮士利，佈置也簡單，有少許卡位，其餘多是二人枱，餐廳有少許懷舊味道，一直播放著八九十年代英文流行曲。晚餐的前菜是薯仔忌廉湯配沙律，沙律有蕃茄仔，桃和菜，算是開胃。主菜我們揀了香煎肉眼柳配薯角，牛排煎得ok，配以醬汁，也很夾配。另一款主菜是黑松露卡邦尼火腿意粉，這道菜煮得好吃，而且聞到黑松露香味，意粉稔度剛剛好，不會太稔，意粉也不鹹。還有一道主菜是德國腸配酸菜，有幾款不同的香腸，都煎得香，各有特色，十分惹味。小食有鳳尾蝦，入口蝦肉爽滑配以香脆的蒜片，很美味可口。這餐廳各款菜式都不錯，而且價錢不算貴，所以入座率不錯。

到工厦尋美食之來到1960😊Spanish fresh prawns 'Aglio E Olio'西班牙欖油蒜片鳳🦐🦐🦐🦐🦐鳳尾蝦大隻爽甜，蒜片炸到好香，兩者都吸收曬欖油嘅香味。😋😋😋😋😋'Bratwurst' platters with sauerkraut and potato wedges烤焗德國腸拼盤伴德國酸椰菜薯角🍴🍴🍴🍴德國腸有三款分量好大，有埋酸椰菜一齊食就唔會咁漏。😋😋😋😋Classified fried NZ Rib-Eye with fresh potatoes 紐西蘭肉眼扒配薯🥩🥩🥩🥩🥩巨型嘅肉眼扒食落去好冧，加埋個燒汁好正。😋😋😋😋😋Black truffle pasta carbonara with parma ham巴拿馬火腿配黑松露醬卡邦尼意🍝🍝🍝🍝🍝火腿分量好多，意粉硬度啱啱好，黑松露醬配埋芝士一齊好香濃。😋😋😋😋😋

食過今次lunch我正式封呢間喺成業街嘅西餐廳成為觀塘區性價比最高嘅一間推薦大家試試佢👍 🎖️認證🎖️煙三文魚忌廉菠菜意粉／意大利飯 我揀咗意大利飯 除咗擺面嘅煙三文魚好多好好食之外意大利飯嘅忌廉汁都好香 仲有熟咗嘅三文魚碎同埋滿滿嘅菠菜好味到停唔到口 太誇張 $68 完全無唸過食到咁水平條出面西餐呢個級數至少$98 $108 烤菠蘿豬頸肉沙律朋友話今日唔係好肚餓 食少少嘢就算 所以嗌咗呢個沙律見佢$58 唸住係輕食 點知餐一到 大碟到我唸住佢比錯餐我跟手問經理 原來真係同一碟唔好講本身餓唔餓 呢個份量$58真係痴線唔純係平 仲要好食 我都搵唔到任何挑剔位仲有碗湯跟埋 唔錯的 加$2 飲杯檸檬茶 食到咁 都係一人60幾蚊的事所以點解會話🎖️性價比認證🙏試一次就明準備試埋佢夜晚Ps : 服務好好 座位舒服 有情調 打卡都得

收工行過成業見到1960個廣告牌，記起之前朋友話唔少foodie都介紹過，佢自己食完都話好食又抵食，所以上去試下。個menu價錢親民，最貴鋸塊扒都係百中，其他都係百鬆又有湯有沙律跟，睇落又真係幾抵食！一支公叫左個紐西蘭肉眼鋸下，又估唔到塊扒幾大塊，牛味濃，廚師煎得幾好冇煎到乾晒。跟餐沙律本身諗住同出面餐廳咁，細細兜比你濕下口，估唔到佢成碟咁比你，個汁又酸酸哋幾醒胃。個忌廉湯幾濃味，杰身唔似出面開水淡茂茂嗰啲餐湯。鋸塊扒食埋d薯菜加埋個沙律同埋碗湯，都咪話唔飽，200蚊唔洗飽住落樓，真係好抵食！

近排工作關係成日要來回觀塘⋯⋯😬呢一間真係變咗我嘅飯堂甘濟🤤🤤🤤先講個lunch 選擇未去到話好多 但係佢哋實在太抵食 $78食咗個雞扒意粉 又有湯/沙律 個雞扒大過我隻手掌 實屬誇張 呢一個價錢呢一個份量質素 已經冇得輸 如果我落地鋪食呢個價錢都真係唔會有呢個份量 lunch 求飽姐😂😂😂😂跟住有時做嘢夜左都會拉埋同事落嚟食 夜晚就仲誇張 $150左右人均消費 又有湯又有沙律 未食主菜都3成飽 佢個香腸拼盤大份到三條麻甩佬都食唔晒 期望佢有咁多菜式俾我試

朋友準備移民，就腳係觀塘揀咗間餐廳今日夜晚黎到唔算多人，環境好好配上音樂好適合吹水兩個人食叫咗四樣野1. 肉眼扒，好味，某啲位熟左少少2. 泰式豬頸肉，夠入味，開胃3. 鹽燒牛脷，大件好味，可以再熱多少少4. 比目魚總括嚟講都係中上水平，好好食，係薯角凍左少少，重點要介紹番個 <比目魚>，堅爆好食，入口即化肉質非常嫩滑，魚皮又脆，絕對推介一試另外值得一讚係啲員工，好有禮貌，有啲似日本人咁有禮貌，值得加分。下次會再黎。

來到觀塘工業區搵到呢間1960 見佢紅磚牆裝修己有feel， 入去食咗個lunch，叫左份雞扒lunch，有餐湯，加兩蚊有凍熱檸茶，加$18有薯條，薯條好大份新鮮炸 好香Cajun味，雞扒大份 煎得香 唔算柴 香料味配合得幾好 食左$96 飽到全日唔使再食野 我見到前後有人點pasta個啲 都幾靚幾香咁 呢間我應該會再來試下其他食物

觀塘美食日記之十一月西餐❤️喺疫情最嚴重嘅時候，知道呢間餐廳繼續堅持落去一直都好想幫襯啊！😝之前同朋友都食過一次🙂老細認得我好開心🥺仲請我地食雞翼🎁豬扒沙律仲有個忌廉湯，不過唔記得咗影🤣味道Okay 重點係沙律好大份 雖然係送嘅，不過一啲都唔失禮，後尾知道岩岩新推出，味道唔錯👍主菜係紐西蘭肉眼扒！ 🥰超好味真係好香！伴碟有薯角雜菜加燒汁 五成岩岩好😃埋單二百蚊都唔駛 飽到差少少番唔到屋企🥹值得一讚係店員嘅服務都真係幾好，好好禮貌！問佢問題真係好有心機慢慢答你 ！坐得都幾闊落，卡位舒服。推薦👍👍👍改善：播新歌得唔得 隻隻都係英文舊歌未聽過🤣 同埋唔駛咁大份 真係食肥人😂

有睇開我嘅食評都知道我好鍾意食呢間餐廳今次就算唔順路都要特登去試見到佢轉晒新嘅Menu 今次係我食過咁多次覺得最好嘅一次價錢平 好食 大份 怕佢會蝕錢開頭以為佢沙律同湯二揀一 估唔到係兩樣一齊上 一個價錢 一沙律一湯一主菜 開頭以為係普通嘅餐湯 不過飲落去好香濃 而豬扒沙律亦都好新鮮 其實食咗個沙律同飲咗個湯之後已經有三四成飽🙂黑松露芝士焗薯條 我個人非常喜歡及推薦 好大份好足料只係$58 薯條炸得好香好脆 熱辣辣 配埋黑松露同埋芝士食真係一流 🥳比目魚一上枱嘅時候我同我個friend都驚喜得緊要 塊魚扒大過我塊面 煎得好香好多肉汁一啲都唔覺得油膩 唔使點任何醬汁都好食好重魚味 好新鮮 唯獨是係佢唔夠歐洲海鱸咁實淨 仲要配埋薯菜 加埋真係誇張 好大份 價錢只係$158 😝紐西蘭肉眼扒配薯菜 $168呢個價錢真係冇得輸㗎 呢塊嘢如果去其他西餐廳食 分分鐘過兩舊水仲要係散嗌 好食過之前嗰塊西冷 配埋燒汁煎嘅成數啱啱好 啖啖肉唔會太老 油脂分布平均 牛味亦都相當之唔錯 👍🥰🥰Ig搵番張menu 當晚食唔曬 飽到上心口 埋單都係一人二百鬆少少

平日夜晚去到都唔少人被安排坐中間啲2人枱一坐低 店員已經比多張櫈我哋放袋🎒👜過咗無耐有枱卡位走即刻問我哋想唔想換枱😌另外仲有不得不提喺點餐時佢見到小馬上網load唔到即刻好醒水咁提我哋可以連wifi點完餐仲即刻拎2隻碟比我哋share食添1960心靈雞湯 $78 🙆🏿‍♀️抱住試伏嘅心態去叫嚟到嗰陣我哋嘩咗一聲駛唔駛成隻雞髀咁上呀😲😲😲佢個味係雞湯底嘅南瓜湯🎃再加埋一堆薯仔粒 小稠 但都尚算順滑大大隻雞髀好足料 佔咗三分之一隻碗🍗而且肉質鮮嫩軟腍 拆肉連湯飲💯開胃拼盤二人前 (Ham, Chorizo, Salami) $78 🙆🏿‍♀️每次見到有呢個前菜 就會忍唔住叫Ham係我哋兩個最鍾意食嘅柔軟得嚟 又帶出到油脂香味 味道亦好細緻Chorizo會比較有咬口入口有少少辣辣哋 更加刺激到味蕾Salami就咁睇已經好靚咁有啲脂肪粒 食落好香口 有啲軟又有啲嚼勁咁另外想講佢仲比咗一羮黑松露醬 超香超濃味單支瘋味雞翼。秘密醬 (10件) $58 🙆🏿‍♀️推！上枱已經好吸引 熱辣辣出晒煙單支比較易入口 食落唔會好狼狽同埋想講 雖然係單骨 但佢每一件都唔係細隻佢嘅秘密醬食得好過癮有少少甜 又有少少辣

觀塘真係好多工廈美食🤣 唔search都唔知foodie朋友帶路去咗間復古feel 西餐廳～入面以1960復古風 + 紅磗牆設計為主閒日7點都full左一大半 人氣🔥食物質素也很不錯✨推！📍白酒煮青口配麵包條 (2人份） ($138）呢個小食小編係見台台都叫所以try try～黎到已經用一大個黑鍋裝😍份量好足 食極都仲有 無沙又入味個sauce都好重味 不過小編傾向忌廉汁多d🥺麵包條好脆口 都索汁✨如可改做法包🥖口感會更好👅📍慢煮日本活性水飼育豬肉眼配薯菜 ($128）小編個main都諗左好耐要食咩😆因為揀豬🐷好驚會剪到好乾好難咬點知好！有！驚！喜！🎉肉汁爆juicy 唔柴👍🏻 油脂比例剛好雖然食落口有少少油 但肉質真係完勝薯條🍟係好幼身個款 正常發揮不過小編個擺盤有d怪 打卡唔係咁靚hahaha📍芫茜青醬忌廉汁煮波菜戒子雲吞 ($118)小編真係好小食西式雲吞😿比想像中好食😋個汁又creamy又rich青醬入面有芫茜碎 但味道唔算濃～雲吞入面有豬肉+波菜 細細粒一口食😎小朋友食應該啱哂🤌🏻小編諗左好似戒子represent for咩🤣朋友話係個shape似戒子😆———————————

-觀塘多野食真係係人都知求其上一間工廈😂可能都揾到好西食今次呢間都幾隱世下😛唔係朋友介紹都唔知有間cp值幾高既餐廳😎而且價錢都幾抵食👍🏻餐廳仲以港式懷舊做主題——————————————————🍴白酒煮青口配麵包條($138)平時食西餐都無咩前菜係有青口食雖然只係前菜 但呢個價錢係二人份量所以食落都好多青口🤭青口都煮到好淋👍🏻無乜沙麵包條可以點湯一齊食 不過佢嗰隻麵包條係脆身啲如果係偏淋少少嘅麵包條點湯一齊食更正🤓——————————————————🍴慢煮日本活性水飼育豬肉眼配特選薯菜($128)食親西餐都好怕食豬扒同燒雞因為怕煮到啲肉質好”鞋”但今次見到佢哋Menu 係用慢煮方式嚟煮豬扒🐷感覺上可以值得一試😏食完之後就知道自己冇叫錯😆首先 肉質完全唔”鞋”🤩而且肥瘦適中肥肉唔會好膩 有啲位仲食到係爽口添🤤十分推薦呢道菜比大家‼️不過略嫌塊扒細咗少少 男士食未必夠飽——————————————————🍴芫荽青醬忌廉汁煮菠菜戒指雲吞($118)呢個雲吞🥟係意想不到咁好食🤭雖然有落青醬 但因為溝咗忌廉嘅關係食落青醬味唔算好重 反而芫荽味係勁香😚每粒雲吞都十分掛汁 而且全部都細細粒 一啖一粒

今次試左呢間「壹玖陸零」，除咗裝修有feel之外，嘢食都好唔錯😛經過可以一試🥩經典煎封紐西蘭穀飼西冷配特選薯菜 $138必叫❣️基本上當日每一枱都會叫呢個，個西冷5成熟岩岩好，肉夠厚身邊位帶少少脂肪，中間粉嫩多汁💦配埋烤蒜同烤蔬菜，呢個價錢真係超值，推介！🥘西班牙變奏海鮮意大利飯 $128有2大隻蝦🦐，飯中間亦有唔同海鮮，例如三文魚、青口等，仲有辣肉腸🍖飯軟硬度適中，如果可以再咸多dd會更好👍🏻🍞酸種多士2件 $24(加配)推介💕多士好香牛油味，表面夠香脆，因為係酸種所以咬落煙靱，正😋🍟黑松露薯條 $48用幼薯條，炸起熱辣辣，黑松露醬好食😘酸酸地黑松露味幾濃好惹味，值得一試🌶️西班牙辣肉腸炒墨魚咀 $68熱辣辣用鑊仔上菜，有大量蒜片🧄墨魚咀好爽口，呢個前菜幾岩配啤酒😂🍌邪惡批 $68呢個批堅邪惡，批中間有花生醬、香蕉🍌、朱古力醬🍫同oreo雪糕，螞蟻人仲可以落埋糖漿🍯建議share黎食👯‍♂️🍎凍荔枝蘋果梳打 $14/凍無花果蜜香紅茶 $14(加配)2杯都水準ok👌🏻唔會太甜，亦都唔會有好假嘅水果味，可以試吓👌🏻Overall當日晚市都好旺場，建議大家要book位，同埋見小店人手有限，食物都

餐廳🍽以紅磚牆 • 復古式裝修，仲有名人掛畫🖼播住經典英文歌🎶，氣氛唔錯🙆🏻‍♀️野食質素仲有驚喜🤩，用料夠足 • 性價比高👏🏻依家仲係餐廳感謝祭💖晚市(𝟏𝟖:𝟎𝟎 - 𝟐𝟐:𝟎𝟎)全單有𝟖折優惠🈹~•~•~•~•~•~•~•~•~•~•~•~•~•~•~•~•~•~•~• ▪心靈雞湯 ($78)成隻雞髀🍗上好足料，雞肉仲嫰嫁😙仲加左好多薯仔粒🥔底既雞湯🐔加左南瓜，飲落甜甜地🎃.▪𝟓𝟓度慢煮楓糖三文魚 ($178)三文魚🐟連脆脆皮，表面再搽上薄薄既楓糖🍁慢煮方式，唔會抽乾晒💦即使魚肉咁厚身🤌🏻，都仲滑滑既🧏🏻‍♀️旁邊仲有勁多脆卜卜✨炸蓮藕片。.▪𝟏𝟐小時慢煮法式紅酒燴澳洲牛面肉 ($198)原個鑄鐵煲上枱(*店員溫馨提示💕叫我地小心熱☄️🔥)表面先煎封 • 煎香️🔥，再加紅酒汁慢煮𝟏𝟐𝐡𝐫𝐬🍷⏱牛面肉𝐒𝐢𝐳𝐞好厚 • 勁大舊，紅酒汁夠入味🍷依個部位脂肪唔多，但完全唔韌 • 好淋，肉味又濃😎中間層筋膜都煮到黏黏既狀態(重點❣️係豐富既骨膠原呀💃🏻)用叉都可以輕易分開到🍴仲有甘荀仔🥕 • 菇菇🍄 • 勁多𝐒𝐦𝐨𝐨𝐭𝐡 𝐒𝐦𝐨𝐨𝐭𝐡薯蓉🥔.▪芫荽青醬忌廉汁煮菠菜戒指雲吞 • Ｖ($118)勁大份量

[ 壹玖陸零 1960 ]觀塘午餐選擇多，今次嚟呢間位於成業街，地點都幾就腳。 ✿ 慢煮日本活性水飼育豬肉眼🐖 配特選薯菜 $128好厚身嘅豬肉眼，煎得焦香，不會過燶，食落啖啖肉👅配咗幼身薯條、沙律菜、秋葵🥗✿ 經典煎封紐西蘭穀飼西冷(10oz)🥩 配特選薯菜 $138份量都好夠有成10oz，非常厚肉，肉質鮮嫩多汁，7成熟切開色澤吸引，牛味突出，亦都唔會煎得太過火，配上芥末醬好夾。✿ 單支瘋味雞翼X秘密醬(10件） $58雞皮好香脆，肉質juicy，10件雞翼都切開哂，秘密醬汁好惹味，令口感非常豐富，$58真係超值，同朋友share食啱哂👍🏻✿ 熱朱古力 跟餐 半價$162杯朱古力拉花都好靚，跟餐只係$16，都幾抵飲。飲落朱古力香滑，甜度剛好！總結🫦餐廳裝修得好有60，70 年代特色，播住經典嘅英文歌，坐得舒適。食物有質素，絕對同價錢成正比，會再嚟食阿😋✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿壹玖陸零 1960地址: 觀塘成業街19-21號成業工業大廈1樓26號舖電話: 36197096✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿