壹．咖啡店 (已結業)

一個雨後的週六下午，行經這家咖啡室，門口有小盆栽的擺設，很有文藝范呢，決定試一試下午茶！一進門，個場唔大，安排位坐低後，感覺位子雖然偏擠，但服務員態度親切，給人感覺很好下午茶款式選擇很多，價錢中等，有好幾款都想食下味，最後點了個抹茶窩夫，而朋友就點了熱狗餐。上菜速度都幾快，一上菜見到隻得意熊貓仔，都驚喜喔！綠茶窩夫鬆軟，綠茶味都幾突出，仲有少少餘溫，配上甜甜凍凍的雲尼拿雪糕啱啱好，不太甜也不大膩，感覺滿意！至於熱狗，份量很足，值得一試！

同朋友行完街,路過此店,見裝修幾靚,餐牌又幾吸引,就入去試試! 😌😌店內周邊都擺放不同古舊既擺設,別有一番風味落完order,好快就黎頭盤有沙律,有餐包,有餐湯羅宋湯有點鹹,但材料豐富粟米忌廉湯,多粟米,好cream好滑而餐包熱辣辣,配有香草牛油供客人使用外脆內軟,淨係頭盤,都已經覺得好豐富!!BBQ豬仔骨伴碟精美,賣相一流,😍😍骨上有包上錫紙,以便客人拿起又吾會整污糟隻手,可見廚師心思細密味道一試難忘,酸酸甜甜,好開胃不過略嫌份量少了點西冷扒一上菜,我地不禁哇左一聲塊扒如此大塊,兩個女仔share食都有啲嫌多😂絕對物超所值肉質鬆軟,,香濃肉汁,一流享受!飯上混有紅米,認真健康!最後仲送上咖啡味奶凍真係太豐富了!!價錢相宜,環境優美,服務又ok既豐富又美味真係物超所值,我會再翻泥幫襯架!😍😍😍😍

儘管餐桌上的彩色瓷磚再美，電視台再多推介，我都應該不會再光臨了。原因是牛扒難食到一個過份的地步。餐包、餐湯、沙拉、焗飯、小食都勉強合格，正常茶記質素（但比茶記貴）。但那件肉眼扒可謂畢生最難食之一，梳打扒不是罪，但肉質又霉又鹹至一個程度，令人吃幾口已不敢再食。請不要當顧客是傻的。牛扒出現如此問題只有兩個可能：一是少人點，於是醃製時間過久以至又鹹又霉。二是來貨根本有問題，要靠醃來遮蓋肉的極度不新鮮。希望管理層和買手正視食物安全問題，不要再讓這種「牛扒」上桌了。

行到攰，就想揾地方坐低小休一會！原來得如酒樓斜對面開咗一間餐廳，一直都入去試下！見餐廳內裝修設計特别！係門口見到餐牌 選擇幾多！就係咁就入咗去啦！我揀了一個忌廉層層金磚士配上士多啤梨雪糕～雪糕係士多啤梨味不錯！一磚磚多士都幾脆！但係硬咗d ！多士有牛油！不是忌廉！所以有些肥膩的感覺！味道麻麻！但係勝在碟上有藝術作品！有一棵樹，使碟上出現了一幅美麗嘅圖畫！只想把它珍藏起！

去開油尖旺. 揾間餐廳食個飯先.  今次去佐Kitchen One. 禮拜六都頗多人. 於是入去等位. 都仲有位. 於是就叫佐一個牛扒一個三文魚天使麵.先黎一個沙律.湯.同麵包. 沙律OK. 忌廉湯可以. 不過個羅宋湯就偏酸.然後就黎左個天使麵. 三文魚OK. 但係個白汁毫無味道. 曬佐三文魚.  然後就係個牛扒. 嘩. 完全唔得. 唔係話好似連鎖快餐店個種牛扒. 咬都咬唔開. 而係落佐太多粉. 完全唔似一塊肉. 軟林林. 無咬口.最後黎左個果凍. 不過不失. 呢度環境服務都OK.  但係D主菜就真係失色. 下次都唔會再黎.

喺旺角行街行到攰攰地去到油麻地想揾間cafe食下飯hea下經過碧街見到呢間門面幾靚, 入面又無咩人價錢又大眾化就入去試下晚餐好多選擇, 起碼起過二十款晚餐跟湯,沙律,主菜和飲品可加點甜品&小食羅宋湯有香濃蕃茄味忌廉湯正常無特別點餐包食好味加點了沙律&薯角, 無太大驚喜豬肋骨, 焗得乾左少少, 細細舊, 味道尚可白汁青口意粉, 汁夠多, 味道一般, 好多青口 最後點了甜品tiramisu作完滿結尾 兩個人總共大約250蚊食物唔可以叫好好食, 但地方坐得舒服今時今日香港舖租咁貴, 呢個價錢有咁既質素算唔錯

4個人點三個餐，比個waitor惡言話最少一人一個餐。算！豪比你，照order lor叫咗牛扒，超un, 無肉味羊扒 - 無so味，但煮到上半part熟，下半part生，如此這般的半成熟，真係第一次見，欽敬！三文魚已叫正常，起碼叫熟！豬手 - 食落似橡膠，咬極化唔開最極品係意粉，炒完無味，食落仲要章住個口，食2談已經唔想食waitor態度亦一流，枱面擺滿野好似我地唔啱咁，一副不滿的面口！唔該曬！去唔去呢度食？大家諗吓啦

依幾個星期小小豬都要去油麻地上興趣班，一上就嚟個半鐘，天寒地凍緊係唔好係街流連，所以就近近地係附近嘅餐廳食個下午茶餐啦~ 其實一踏入餐廳時，都有一點點驚喜，因為佢地入面嘅佈置都幾特別，有一種懷舊嘅氣氛，都幾特別呀~我地叫左兩SET下午茶之後，先嚟兩杯飲品啦~老公嘅賓尼迪蛋火腿厚多士~老公話味道麻麻，佢嗰一個酸醋味都幾濃，食完整SET下午茶之後都勁口渴呀！我呢？當老公完全KO左佢SET之後，我仲等左好耐都未到，最後忍唔住問個職員。原來我所ORDER嘅雪糕窩夫嘅窩夫壞左，點解過左成大半個鐘仲要係我問先通知，真係有點兒.......嬲嬲地。為左唔洗等咁耐，所以我只係簡單咁叫左件Tiramisu就算了~味道真係勁麻麻，完全冇Tiramisu應有嘅香味同味道，勁淡身，真係有點失望！

剛剛跟友人在附近逛完街經過此店，見到晚市的價錢十分合理，便入去光顧一下。*SET DENNIER 有2頁，選擇頗多、款式亦非常吸引。*沙律，忌廉湯及餐包。菜沙律加上青瓜粒，栗米粒及芝麻醬，十分開胃；餐包有預先微微烘熱。*黑松露大蝦帶子炒意大利粉一上碟已有陣陣黑松露味傳入我的鼻。蝦口感爽口彈牙，但本身味道偏淡，靠意粉剩下的黑松露汁沾上作提味，帶子熟度剛好，而意粉質感較硬，但用作炒意粉的話，口感極佳，加入少許白汁混炒，美味十足。*美式肉眼扒跟白飯配燒汁。肉眼份量十足，吃下去十分JUICY，肉質頗軟腍。雜菜經牛油略炒，可口滋味。但燒汁則略嚴奇怪，怎樣試都試不出什麼味道，大概介乎肉汁及燒汁但味道偏淡。*魚手指及炸著角眼闊肚窄的我倆另加$35點了2樣小食。其中另我喜出望外的是炸著角，這亦不是我們想像的雪藏入貨的行貨，而是用新鮮薯仔切半及香炸而成，誠意十足。結帳前，店員送上提子果凍杯及我們，有前菜、餐湯、餐包、主菜、飲品及甜品每人只需百多元，十分滿意。

食物平平，當時並沒有打算寫食評所以沒有影相，但服務員最後服務差都極點，所以只有影下收據。星期六下午二時，以為過了繁忙時間，但一樣多人。坐位迫，卡位兩個人坐一邊，搭枱ORDER 了西西里芝士焗牛柳粒飯焗芝士肉醬溫泉蛋意粉落order 服務員又無問我地飲咩湯我地叫左一個忌廉湯就行左去要追幾次先落埋個羅宋湯忌廉湯 偏稀，味道正常羅宋湯 過咸西西里芝士焗牛柳粒飯除了偏咸外，味道不錯，牛柳粒夠林入味，牛柳粒亦都唔算少焗芝士肉醬溫泉蛋意粉其實只係普通的肉醬意粉，而焗得很少時間，沒有焗意粉的香咖啡 是苦的，可能說是難飲熱華田 是稀稀的

和朋友短聚，油麻地找個地方歇一歇，這裏裝修以這裏舊區而言，算有主題特色的小店，空間很小，逼一點，食物款式屬西式茶餐的選擇，但算潮流些，如有班尼迪旦，價錢不貴，迷你一點。但吃過後，食物質素只屬平平，有改進空間。是日叫了2個茶餐。班尼迪旦露筍多士: 上台，一吃，不夠熱，可能已放涼了一點。旦。。。很一般，沒有流心，只像一些醬放在多士面，露筍幼幼的，但很夾味道，如旦好吃一點，整個茶餐感覺就不一樣了。朋友點了焗雞扒飯，雖然熱騰騰，但汁不夠覆蓋飯面，雞只有數件，白飯底，賣相一般，不及其他地方。如下午茶平平地，吃些連鎖快餐店以外的，這裏也可考慮，但不要抱太高期望。

開頭睇到個menu好似幾好咁，咁就入去食啦..入到去啲座位都算迫，咁因為肚餓關係就叫左野食先叫左個鐵板牛肉飯+黑牛。媽咪就叫左個茄汁焗豬柳飯。個湯唔錯，幾好飲！睇相好似好正，點知黎到完全錯哂，未試過食鐵板飯食到要撈起哂啲野。個板太熱，個汁太甜，一撞落板就知奶野，成個汁黑哂，一陣𤓓味，食落去個汁𤓓到苦，啲牛幾好食都無用。豬柳飯啲豬柳幾林，但無味個飯全程得茄汁味唯一可取就係啲牛肉幾好食，杯黑牛正常過唔正常，諗住食完個飯當埋晚餐，點知最後都係要去食其他野做晚餐！總知No next time

初初諗住呢姦西餐咁平諗住d質素麻麻地！點知食完又覺得比高級既西餐差唔多！我點左個西冷牛排七成熟！！我女朋友就點左個煙三文魚沙律！牛排既生熟程度就六至七成啱啱好！好小平價餐廳可以做到咁！通常你叫七成都係比全熟你！！味道同口感都好好！唔會太過硬！好重牛香味！！沙律既菜都幾新鮮！個沙律汁好特別！唔同我出面食開既沙律沙！！

同男友收工 想系屋企樓下搵下野食撐下枱腳 見呢間野有時排晒長龍 就試試 每個set都會有既野 食完呢個完全吾會再相影底開心share 囉 同埋惡夢就開始黎 個系中間淋同凍既 所謂既蒜蓉飽冇蒜蓉味 仲要牛油得小小 @@ 但個餐湯就不過不失啦我地叫左一個肉眼扒配薯菜 7成吾系7成 似5成左右 都算啲根多到佔左一半 姐系只食得一半 另外再叫左個 黑松露大蝦帶子炒意粉（（（嘩 ... 黑松露你去左邊丫）））成碟都系碎菇 點解吾叫 碎菇大蝦帶子炒意粉呢？大蝦冇味個心仲要系淋淋地軟軟地 其實系咪都熟？個帶子只系是但一邊有叫做輕輕煎左一煎 咁姐系半熟半刺身？？？？ 總括我地對個呢間野 失望 @@ 冇下次

見佢開張冇幾耐諗住試下，西冷牛扒同一塊擦子膠一樣，切都切唔開，焗厚切黑豚豬柳真係好厚，但成塊豬柳係冇味，個飯就甜既，d升級小食炸手指魚炸薯角就一口都係油，羅宋湯就溝水既，大家樂仲好食過佢……