壽司安

营业中

休息中

葵涌廣場賣手卷的小店不勝枚舉，我自己也未曾全部吃遍，今次我就試了二樓的壽司安日式料理，相對同層的手卷店人流較少，但沒損我的興致。壽司安日式料理其實有不少手卷和小食選擇，不過我只想吃個輕盈的下午茶，所以只點了一個雙色海膽手卷。比起同層的手卷店，壽司安的手卷好多了，壽司醋飯酸度剛好，又不鬆散，紫菜頗有脆度，儘管有少許豉油滴漏，手卷也算包得紮實。海膽給得豐富，至於鮮甜度則一般，起碼太不會太冰凍，可以接受。下次有機會的話，我想嚐嚐它的小食，大家都吃得津津有味。

今年冬至及聖誕全家做節，一早沒有打算去外食，打算留在家中pizza &壽司，無意中行到商場見人排隊試一試啦，點知一試，驚喜滿分，之後介紹身邊朋友都要訂呢一間------壽司安。真係給人驚喜，兩大盒大大的壽司，好味且新鮮，帶子/ 鮮蝦/ 所有魚生都非常新鮮，鮮甜架，救命仲要大大粒帶子，大大片魚生，仲要咁新鮮，至於壽司飯都俾小朋友清哂，真係“煙煙韌韌”好香好好味，老闆好細心，仲要包得好好，幾遠路都不怕。大家不妨試下!一定冇介紹錯!好抵食丫!

三文魚手卷買一送一定價抬高至26蚊再以買一送一吸引你。三文魚又冇人哋其他舖頭嘅咁厚切，只不過單單嘅平兩蚊，換返嚟嘅就係薄咗三文魚，同一塊唔脆嘅紫菜。問心失望既。不過我都明白咁平唔可以要求啲咩。外型就， 正常嘢嚟嘅睇落仲會比平時嘅大舊， 不過都要講下去個飯，其實煮得唔錯， 個飯粒粒分明，同壽司醋嘅比例，我就覺得差唔多， 唔會太酸。 另一樣嘢就係佢嘅 壽司豉油，有分辣同唔辣有兩種，任君選擇，完全唔需要加waisabi。

當日行葵涌廣場，睇食評同場兩間壽司店的海膽都有讚有彈，決定兩間都試下，大X足人流多款式多，呢間壽司安水靜河飛，收錢哥哥仔又串串貢，但無壞吖，差極都係跌幾十啫……但無諗過呢間水靜河飛既海膽竟然有料理店的水準鮮。甜。比起大X足好食好多，蟹膏亦好食，唯一要彈就係份量好似差少少，唔係好夠半板**由於太肚餓又諗住試下關係，所以無影食物相**

今日又去左我最鍾意行嘅廣場，就係葵涌廣場喇💪💪自從葵涌廣場將二樓裝修完之後，增設左一個美食區，我個人來說覺得係一個唔錯嘅設計。今次去葵涌廣場，就去左試呢間壽司安日式料理，但就唔係食壽司，係試呢個燒玉子，雖然相同實物好大分別，但佢每份嘅燒玉子都係即叫即整，雖然係咁，但又唔需要等好耐。當接左份燒玉子，見到啲燒玉子，唔會太燶，每粒都冇厚度，第一啖咬落去，佢嘅外皮係脆，但佢入面好軟熟，加上燒玉子上面有蟹子同千島醬，配合得天衣無縫。所以大家下次去開呢間舖頭除左食壽司之外，仲可以試下佢嘅燒玉子💪💪

行葵涌廣場除左行街買衫之外，最最最重點當然係"搵食"喇😋😋。依家葵廣越開越多賣日式手卷既鋪頭，而今日我揀左食依間係見到佢既海膽手卷望落特別新鮮，而且顏色唔似其他鋪有啲好暗淡（好似土黃色），所以決定試試依間👍🏼👍🏼一拎起手勁足料😳好大份，未食已經流曬口水😂係香港大部分食既都有一陣臭味，但依個一啲臭味都冇，非常新鮮同好食。而且可以見到佢既顏色好鮮，好有光澤👍🏼👍🏼👍🏼👍🏼

呢個手卷都幾耐之前食，岩岩終於記得補反個食評比佢呢個系半板既海膽手卷，食落海膽好薄，味道冇咩特別，食5到海膽既鮮味，冇網上傳得甘吸引紫菜都系偏淋身，5香脆。都屬於多飯既類別，食完海膽變食白飯雖然5系難食但5太推介

今日放假，一個人閒遊葵涌廣場以前d野食都唔算少，依家更加成共巷成巿見到這間舖價錢比另一間平，就點了一客手卷食之前有問豉油有無辣......食咗一啖就無加野食晒，證明佢地食材唔錯。

上次食過同層數既一間好多人排隊既壽司店，今次再黎葵芳就試呢間，叫左個價值$55築地村刺身飯，出黎既畫大失所望，咁相片同現實不相附我理解，但d刺身得陣雪味，個飯都唔係好有壽司米既感覺，講真我情願食爭鮮，起碼飽肚

聽說葵廣最近開了數間日式壽司手卷店，這天經過當然要品嚐。雖然壽司安不是最長人龍的一間，但選擇繁多，價錢合理，便決定惠顧。這次選了蟹籽配三文魚手卷，厚厚的三文魚呈新鮮的橙色，飯的份量也蠻多，是帶著微溫的。蟹籽粒粒爽脆，可惜三文魚卻沒有足夠魚味，紫菜亦不夠香脆，飯也不帶半點壽司醋的味道。不過以這個平民價來說，以是超值，但確實有進步的空間。

之前成日聽人講葵涌廣場食手卷好抵食, 由其係海膽, 有成半板架, 咁黎到葵廣緊係要食下啦, 於是我同朋友行到去2樓, 嘩......真係好多野食呀....仲成條街都變左小食店.哈哈....仲唔比我搵你到, 佢有2款海膽, 一款係普通既...一款係加拿大既, 嘻嘻一心黎食海膽既我, 緊係食好D個隻啦, 咁我就選左加拿大呢隻, 嘩...真係好多喎....不過........佢D紫菜係淋淋的點解會咁架, 明明應該係新鮮整架, 好啦....試下個海膽先, 嗯.....都幾新鮮.....都好有海膽既鮮味, 係D紫菜淋淋的, 感覺不太好.而我朋友無芝士不歡, 所以就叫左個芝士蟹籽黎食.....哈哈....又係好多料, 佈滿成個手卷面, 只不過.....佢既紫菜仍然係淋淋的, 點解呀??? 

葵涌廣場越開越多手卷店！你又食過幾多間？你問我邊間最好，只可以答你各有千秋！今日就第一次試壽司安呢款海膽帶子手卷帶子帶甜，無腥味！海膽就一般紫菜，可能夜左去所以唔淋淋地

嚟去話冇哂馬糞海膽轉食加拿大海膽啦試下點知。。。好失望加拿大海膽手卷 $48hm... 唔好食一嚟到就好似圖中咁，好亂一pat咁海膽唔鮮味啲飯食到底有啲重酸醋味下次唔會再食呢隻！不過點都想試埋馬糞海膽

見葵涌廣場開咗咁多小食店😍，就特登係元朗黎到呢度覓食，一見到呢間舖就比$30半板海膽手卷吸引左😍😍😍，即刻買黎試下，可能因為即叫即整，等候既時間都相對較長。🙊海膽手卷尚算新鮮，咁既價錢有咁多海膽，其實都算唔差，最可惜係食晒面頭既海膽之後，手卷入面就得返啲飯，有啲寡，同埋，紫菜唔夠脆，比較難咬，不過整體黎講都幾值得食。👍🏻原隻軟殼蟹手卷比較普通，份量雖然大但軟殼蟹唔夠脆，可能是因為不夠新鮮，以及吃到中段才發現不是原隻軟殼蟹😂，有少少失望！

本想試半板海膽卷，點知佢話賣晒，只有加拿大馬糞海膽卷（貴啲），以及雙拼卷，即海膽拼凡立貝或赤蝦。只好試了海膽拼凡立貝（貴過半板海膽$10），好難食 早知試排長龍的大滿足。