壽司廣廚房 (已結業)

今晚去沙田行街，之後搵日本菜食，就黎壽司廣～我同朋友先叫左個一盤北海道壽司，入面咩都有，eg 海膽、三文魚子、吞拿魚、帶子、etc overall 賣相吸引，食落新鮮，唔錯～另外點左個雞烏冬，份量好多，雞肉嫩滑，烏冬滑溜，好ok!仲share 左個蜆湯，好多大粒肥美既蜆，好鮮好甜～而串燒，最中意既係雞翼、雞腎、燒得好香！最尾仲叫左個甜品，香蕉french toast，好足料，吐司整到熱辣辣，仲有雪糕，好滿足！

去完沙田影燈飾就黎左食野醫肚，最中意食日本菜嫁喇。見到哩間日本餐廳好有feel ，好似去左日本當地咁。打開餐牌見到有好多選擇，我地叫左一個一人豪華set、海鰻玉子丼同黃蘿蔔吞拿魚腩碎卷。個set咁多野食夠晒2個人食，有2款前菜同沙律，食完好開胃呀。自選揀一款魚料理，我地揀左照燒銀鱈魚，我本身係好中意食西京燒。銀鱈魚煎得好有水準，外皮脆而魚肉好滑，配上燒汁就好快食左一碗飯。味噌湯多豆腐海帶，味道剛好。仲有什錦天婦羅，叫哩個set食真係好開心，張台好快擺滿食物，好治癮又好味。即叫即炸熱辣辣，薄炸皮食落唔覺好油。除左魚，另可自選一款肉料理，我地揀左照燒雞肉。雞肉去骨啖啖肉，雞肉好林又入味，不錯！打到哩度我真係覺得個set抵食，包埋厚切3款刺身，出面單叫都成舊水。刺身新鮮，又肥美。落單前店員溫馨提示海鰻有別於鰻魚，肉質口感唔同，我地話ok。一上台見到滿滿玉子同海鰻真係好興奮。海鰻肉質就較林，少左份彈牙，唔腥既，出面較少食到，丼飯份量好大，好足料，好味。

一田大減價，掃完貨倦倦地，老公話揾個舒服嘅地方坐下食飯，就去 壽司廣廚房。這間店嘅裝橫非常舒適，坐位設計寬躺，最重要這裡嘅服務員，包括有兩位日本大媽，她們嘅服務態度都係親切有禮的，給人家的感覺。前菜和沙律好快送到！前菜有漬牛蒡加芝士和三文魚子白果豆腐，沙律裡面有新鮮嘅沙律菜（你唔會見到有黃邊，即切咗放耐內嗰啲）有芝麻豆腐、玉子、切半嘅車厘茄和細細粒麵包糠，切細嘅配料好易入口！(最怕原粒茄和大粒麵包糠撐住個口）我們叫了一個12件壽司定食，是師傅發板的和一個熱食定食，裡面嘅款式非常豐富，有前菜2款、沙律、刺身三款、二款主菜、天婦羅四款、漬物、麵豉湯同埋靚飯。當中包括大拖羅魚腩、深海池魚、赤貝、帶子、海膽、三文魚籽等⋯⋯依度嘅壽司係主打，一定新鮮，但今次最特別係有鱈白子壽司。這味鱈白子在市面上少見，據說非常有益，口感軟滑又鮮味無比。接着，就上刺身啦！依度嘅魚生當然真啦，都唔使講！熟食這個餐還有四款天婦羅。有蝦、秋葵、小魚和茄子，炸漿薄一點油膩都冇，成個套餐的組合真係好豐富。燒銀鱈，個燒汁好好味又唔會搶咗銀鱈魚嘅油脂香、銀鱈魚肉質又滑，佐飯一流。牛扒到啦！煎得啱好，最重要汁嘅味道會偏鹹，啱啱好

今日同朋友去沙田行街，晚飯時分朋友提議食日本嘢，立即上openrice搵下附近有咩好食，見到有間日本菜好多LIKE ，就一於試下啦。餐廳 係新城市廣場，地點非常就腳，而且面積非常大，入到去一D都唔會覺得焗促。食物種類非常多，壽司、定食、日式火鍋、炸物，一應俱全，另外MEUN 入面亦都有套餐，方便選擇。我地今次就叫左個一人豪華套餐加壽司都已經非常夠食。豪華套餐真係非常豪華，首先係一個前菜，芝士粒加魚子豆腐，同埋一個沙律，非常開胃。然後刺身拼盤，包括三文魚、吞拿魚、牡丹蝦，非常鮮甜。第三道菜就係一個魚料理，有三款選擇，我地就揀左西京燒三文魚試下，三文魚燒得非常靚，而且非常厚身，外脆內嫩。再嚟就係一個肉料理，同樣都係有三款選擇，我地就揀左照燒雞肉，雞肉燒得啱啱好，一D都唔會嚡，而且配合燒汁，非常好食。而且套餐仲會跟一個飯同埋麵豉湯，加埋什錦天婦羅，真係非常豐富，多到夠SHARE 食。另外餐廳仲有一個開放式既壽司吧，比你可以睇下師父既功架，所以點可以唔試下佢D壽司呢。我地叫左吞拿魚卷、三文魚壽司、太卷，壽司非常出色，而且太卷份量非常之大，材料亦豐富，亦直得推介。

鄰近聖誕，朋友邀約到沙田新城市廣場睇聖誕燈飾，影下靚相，見時間尚早，便先吃晚飯。見到壽司廣做推介鍋物，今天天氣突然轉冷，正好暖下身。一入去，見有數名師傅正在Bar枱後面整魚生壽司，刀工了得，手法純熟，真是一大享受。餐牌裹，有多樣款式，炸物，鍋物，燒物，湯麵，烏東，再加上手卷、壽司，真係會有選擇困難症出現。最終都係選了一個日本豬排胡麻鍋及一個特盛套餐。先來套餐2款前菜，有芝士牛蒡，豆腐配三文魚子，雖然細細件，但好好味，還有沙律什菜，跟著來麵豉湯。還有刺身，三文魚及吞拿魚厚切，好肥美。什錦天婦羅，有蝦、秋葵及南瓜，好鬆化，炸醬做到剛好，出來仍脆口。滑蛋鳗魚小鍋，D蛋好滑，鰻魚煎得剛好。最後是牛排一片，好juicy 多汁，餐跟珍珠米白飯一碗好足夠了，我的鍋物，配上有十數片黑豚肉，真係好抵食，豚肉好鮮甜美味，配上胡麻醬，出奇地好好味。朋友忍不住又叫了鰻魚手卷，鰻魚太好味了，所以忍不住又加單。總括而言，都算抵食，超正。

又約咗朋友入沙田食日本野，今次呢間日本餐廳係響新城市廣場，環境算寧靜，職員都好有禮貌咁招呼我地，坐底之後就有人即刻幫我地斟茶，我哋見到有唰唰鍋，就點左個A4和牛涮涮鍋，同埋海鮮丼飯再點左啲小食，點餐之後，職員話涮涮鍋需要嘅位置都比較多，仲幫我地換張四人枱。服務方面都唔錯嘅。A4和牛涮涮鍋（$260）先到，一人份唔算好多，和牛啲紋好靚，食落勁香牛味，佢會另外上兩碗醬汁，一碗係燒汁，酸酸地，好解膩，點和牛好食，另一碗係芝麻醬，點其他素菜好食。北海道丼（$250）海膽清甜，帶子夠鮮味，好鮮甜！魚子撈飯一流，呢個份量兩個人食一個岩岩好！什錦串燒（$100）整體味道偏淡，自己加啲7味粉先覺得好少少。軟殼蟹小卷（$95）軟殼蟹都脆嘅，又好香，裡面有牛油果增加creamy感覺。不過我見好多人點佢嘅壽司🍣，應該佢啲壽司都唔錯👍有機會試吓佢啲壽司都好———————————————————店名：壽司廣廚房 環境🏝：8/10服務💁🏼‍♀️：7/10 價錢💰：6/10食物質素🍝：7/10 整體🙆🏻‍♂️：7/10 地址:沙田沙田正街18號新城市廣場一期7樓708號舖

好耐無食壽司啦！今日終於可以同fd黎呢間一直想去的壽司掂，店主唔知係咪日本人！好似！😊😊☺️☺️點左一個套餐！超低食，擺盤好靚，而且刺身都好新鮮.😍😍正啊😎覺得佢薄薄的牛肉扒好正，味道好夠，而且好d肉好滑！服務員都好nice，會過黎問我地d嘢好唔好食啊？佢地都好貼心！我都兩個人坐四個位，雖然出邊好多人排緊隊，但店主都無叫我地分一半作為。👍🏻👍🏻環境唔錯，幾舒服！係商場入邊！都係一間值得推介ge日本餐廳🙌🏻🙌🏻🙌🏻👍🏻

係呢個新城市廣場血拼完一番，緊係要食D好野"胃"勞下自己。今日朋友介紹黎到呢間日式餐廳，見入面夠哂光猛，空間感夠大，睇落都好舒服，一於衝入去先黎叫左兩個set lunch~呢個蒸水蛋夠哂嫩滑，仲好香蛋味，正!特選海鮮丼入面都有齊哂我中意食既吞拿魚，煎蛋，三文魚子，帶子，甜蝦同海膽特選壽司入面有吞拿魚，海膽，三文魚子，帆立貝，三文魚大家可能都留意到，兩個SET食既都好似(因為我真係好中意食呢幾款，所以朋友冇得點選擇!!WAKAAA)，成餐飯都夠哂鮮味~性價比高，雖然唔算好平，但係呢個場同呢個質素，真係唔錯嫁!!!

今天跟朋友在新城市廣場逛街，朋友是日本控，提議不如食日本菜，我雖然對壽司不特別有愛，但也樂於奉陪。餐牌超厚一本，朋友翻完有點選擇困難，最後她選了特選海鮮丼，照片賣相很美，實物的確很浮誇醋飯的上面鋪著很多的海鮮，有海膽、帶子、牡丹蝦、三文魚腩、三文魚籽，仲有長腳蟹腳、拖羅、香蔥吞拿魚蓉等等。聽她說味道幾好，款式多個口不會食到‘wear’曬。感覺海鮮仲多過飯，朋友最後吃不完。價錢少貴，但非常豐盛，都可一吃。至於我自己，因為非常的揀飲擇食，很多套餐內都有我不愛的食物，所以決定單點壽司，只挑自己喜歡的，反正我胃口細，點到飽也不會太貴。揀了帶子海膽牡丹蝦蟹肉玉子。中規中矩啦，牡丹蝦好爽口，海膽不苦，價錢以新城市來講算正常價位。欣賞它壽司飯不死實，握得不錯，口感一定比起連鎖店用機器啤出來好。值得一提是有些店員是日本人，雖然語言不太通，但落單交流沒困難，不錯。

星期六同阿媽去行街，之後去了食晚餐。這間在新城市廣場的壽司店，未夠七點都幾人乎滿座，人流超旺。炙燒魚丼有三文魚及油甘魚，表面以火槍燒至半熟，裏面還帶點刺身狀，魚肉有油脂的焦香，肉質鮮甜，油甘魚略燒後油脂爆出，充滿整個口腔，而且白飯煙韌及收了魚油香味，整個飯十分好味。牛肉蕎麥湯麵自家製蕎麥麵比平時製乾的麵條多點煙韌，麵條以手工製作所以每條都有點不一，濕度亦較高，不會太乾太硬，薄切牛肉煮至半生熟，之後在湯內浸至熟，肉質嫩腍。天蝦卷炸蝦爽彈而且鬆脆，飯卷包得得大件。炸蟹肉忌廉外面炸至金黃色，裏面包著蟹肉絲及忌廉，味道有蟹鮮甜。抹茶朱古力蛋糕抹茶有很重的牛油香味，反而奶味不濃，配上紅豆蓉，蛋糕鬆軟有抹茶香味，龍邊還有些生果伴碟，十分吸睛。

這個週末 媽子約了住沙田的呀姨行街躺睡了半天 閒著沒事的我也跟著相陪 新城市廣場真的超爆多人 假日更可怕買野行街逛一田 累了自然由我來覓食找上了這間 不用怎麼排隊的日本餐廳餐牌款式多元化 生食熟食都很多選擇-🍣北海道壽司 $200呀媽懶惰 見倒這盤壽司款式啱口味就直接選了這個組合 免得選擇困難內含八款壽司 及香蔥吞拿魚蓉小卷海膽帶子玉子三文魚腩 呀媽都喜歡小卷鯛魚赤身蟹肉鮭魚籽 正常貨色二百蚊大商場現握壽司嚟講 算抵食-🍱壽司廣Kitchen豪華套餐 $280前菜漬物沙律 刺身甜蝦三文魚吞拿魚魚料理選了照燒銀鱈魚 嫩滑卻又清淡肉料理選牛扒 微甜的日式燒法有牛味醬汁很好配白飯 仲有脆身天婦羅什錦的確是豐富豪華套餐 直頭飽到上心口-🍢日本產串燒盛盒 $100喜歡它日式醬汁濃郁惹味 稍嫌不夠熱雞翼最正邊邊脆身肉不鞋 雞肉串滑溜其他味道也不錯 如果份量大點會更好-個人覺得熟食及豪華套餐性價比不錯整體而言以大商場餐廳來講還算可以

放假陪老婆去了沙田一田掃貨，之後就上去了這間廚司廣廚房食飯補充體力。我們各點了一個豪華套餐，有小食、天婦羅、燒魚及肉等，十分豐富。前菜有三文魚子豆腐及水牛芝士，前者魚子鮮帶咸味。沙律是自製的芝麻豆腐配沙律菜，幾有特色。刺身三款包括三文魚、吞拿魚及油甘魚，全部色澤鮮艷且新鮮，味道鮮甜，其中油甘魚油脂最為豐富。西京燒三文魚煎至表面金黃，魚肉鮮甜嫩滑。照燒銀鱈魚比三文魚更滑，魚皮帶點香脆，油脂豐富。牛扒比較薄，但牛扒嫩腍帶點燒肉焦香。照燒雞肉較厚，照燒汁的甜味滲入雞肉內，送飯一流。什錦天婦羅有茄子、魚及蝦等，炸漿很薄且夠脆。最後還有麵豉湯及漬物。雖然價錢不便宜，但一次過可以試到幾款日本菜式，而且味道不俗，店員服務親切，值得支持。

家姐有張咭啲積分差不多到期，所以要盡快用咗佢。佢早已有晒心水，就係去買個部抽濕機去奉獻教會。中午前就陪咗佢去沙田第一城6樓的電器店買機。店員落足咀頭，氹咗佢買咗部飛哥，不過要自取，咪即係要我幫佢搬去教會囉。佢見我黑晒面，就話請我食完飯先搬機。佢吩咐完店員，一陣食完飯先返去攞機。近近地，緊係上樓上7樓搵食啦。既然係要我搬機，自然體力要付出唔少，我又點會同佢客氣，就屈佢請我去壽司廣。叫咗兩個sets，一個係刺身御膳定食$210。另一個係兩味迷你飯&湯套餐$180。第一個餐裡面包括日式沙律和麵豉麵，兩樣都係大路嘢，味道正常。繼而就係一大碟6款刺身加玉子。高級嘢，好新鮮㗎，絕對無令人失望。有帶子啦、三文魚啦、吞拿魚啦、油甘、甜蝦等等，oishi到不得了。第二個餐其實係一個1+1+1的套餐加送一個蒸滑蛋，我哋揀咗蔥吞拿魚腩碎丼、鰻魚飯和三文魚頭麵豉湯。呢個丼係用日本米煮的，上面鋪滿吞拿魚腩碎，再加些香蔥和紫菜，所以味道更香。分咗啲半碗來食，吞拿魚腩碎係超好味的。一如其名，真係好滑。鰻魚好肥美，個鰻魚汁亦非常惹味。加咗三文魚頭的麵豉湯的確比傳統的麵豉湯好味，因為多了三文魚的魚鮮味。魚頭亦有好多肉，

人不能太餓，否則會容易發嬲。而係發嬲既時候，最好就係用美食平衡返情緒。今日原本打算入沙田睇愛麗斯展覽，點知落雨唔開，空歡喜一場😭😭😭😭, 得返商場入面過細booth, 認真唔夠喉。 唯有去揾好野食啦就食壽司廣啦呢度環境簡潔為主，有卡位和壽司枱可座。我仲發現職員好多都係日本人，招呼時特別温文有禮，令我心情都舒服返啲座底睇餐牌已覺肚子餓揀食物喇北海道丼$250刺身份量多，大大件又鮮甜，性價比高。尤其是海膽有成板咁多，顏色鮮艷有光澤，嗅上黎甜甜的，冇苦味碗飯大到足夠二人份🙈帶子又大又厚身，口感一流壽喜燒$220 （牛肉鍋）苦中一點甜，所以我揀壽喜燒。而我決定係冇錯既，甜甜既湯底，我忍唔住令左黎做埋湯飯材料不算多，但有特色。有日本年糕和粉絲，煙煙韌勒的，口感爆燈主角牛肉也很新鮮，紋理分佈清晰，有牛味，灼後size沒有縮水或散開，唔錯。甜品要左焦糖香蕉法式多士$65西多士有三件，外面燒至金黃色，外脆內軟，不太甜，好吃，得三件唔夠食🙄好在仲有香蕉、雪糕和杏仁片伴碟,咁先夠過隱。食飽呢餐，心情好返好多，仲決定擇日再黎睇愛麗斯同食壽司廣

壽司廣名氣大到在香港無人不曉最近集團在沙田開了間壽司廣廚房今晚剛好在附近就來嚐鮮壽司必定是這的主打北海道壽司共有十二件最矚目是三文魚籽和海膽海水味濃郁有天然的鮮味壽司飯握得好飯溫度適宜吞拿魚是赤身魚味很突出這十二件壽司絕對是水準之作油甘魚魚鮫燒在時令餐牌上四大件肉質肥厚滲出淡淡魚香是愛魚之朋友必吃之選另外點了天婦羅熱烏冬天婦羅即叫即炸粉漿香脆可口配上滑溜的烏冬叫人吃不停口最後點了三文魚手捲和海膽手捲紫菜新鮮脆口質素仍能保持高水準