壽司廣廚房 (已結業)

好耐冇返過鄉下，於是思鄉病又發作我上網搵到呢間餐廳，就帶父母黎止下日本啦癮餐廳位於沙田新城市頂層，平日晚市人流都幾多，愈夜愈多人tim!入座後發現好多選擇，套餐會抵過散叫！於是我地點左個套餐，有饅魚蛋飯、日本湯、炸物、天婦羅🍤我點左個炸蝦天婦羅🍤實在太好食！外脆內軟，食到蝦既鮮味！！👅👅而我就點左個魚生飯，入面有帶子、海膽等等！帶子仲要係厚切，入口即融，好鮮甜！另外我地都散叫左d壽司🍣全部都好好食

實在太過分！餐牌同嘢食根本係兩回事。就算啲相影靚啲，現實中都唔係相差咁遠。仲要佢個員工夠膽同我講：啲相只係俾你去imagine。相中蟹肉係新鮮嘅蟹鉗，現實中係碎上的雪櫃蟹絲。現實中真係小得好寒酸，仲要收人二百幾蚊。問過員工，個員工問我想點，我失望到即刻退返佢。叫咗其他嘢食，雖然都係略貴，味道還可以，可惜份量真的太寒酸了。就算鋪租貴，都唔需要額人呃得咁緊要。你可以少份量，但係唔該唔好影假相呃人，唔該！大家想俾人呃嘅話，請你盡快去試啦。

非常難得在星期六沙田新城市午餐，不用排隊。加上壽司廣的旗號，更有一番衝動去試裝修簡樸，有一點日本地道風味。午餐選擇好多，其中發現餐牌裏的定食 $2百頭，有12件壽司加蒸蛋， 比廚師精選 $3百中，更加抵食， 當中壽司質素亦不錯，足夠份量的。另外試咗個燒銀鱈魚， 喜歡銀雪魚的朋友應該覺得非常之好食， 魚皮燒得香而肉身一點都不乾。 還有份量非常大，2個人吃不完。之外也食咗海膽魚子意粉， 感覺海膽味還好，稍微希望佢可以再濃味多點。 淨海膽加魚子吃下有點dry。整體都覺得抵食，合理

放左學之後同朋友晚餐 想食日本野就黎左呢到其實佢用料都幾新鮮 魚生個D都係靚同解鮮味 份量都正常但價錢黎講就要成300蚊一個人先飽似乎就偏貴左少少我諗晚餐就末必會再黎 始終咁既價錢選擇好多朋友話午餐平好多 如果係既話都可以一試既

🍙好日本既日本料理🍙有細心位 餐廳會有紙條寫點食法 淨係當魚生飯 已經好好食 三文魚 吞拿 帶子 魷魚 海鰻魚仔 簡直可以用鮮黎形容佢 至於茶漬飯 好重菇味 即使不斷落鰻魚茶 都唔怕鹹 皆因鰻魚好出 鮮味重😊見到特製一字以為會好食d 好拉小編錯拉 🤦🏻‍♀️係就係海鰻好食 但其他就認真麻麻 三百蚊到底小編食左d乜😅🤣特別一講呢到d海膽 好似食便便咁🤢食完口勁臭

由細到大都係沙田住！講真沙田有咩食，都係過晒！仲環都唔知有咩好食！去到新城市都係食黎食去都係果啲！但係今次上左去7樓，發現有一間漏網之魚，係未食過，就入去試下啦！————-壽司set去食壽司，其實真係咩都想食，款款食一啲就岩！呢到就係有個set係有12件壽司，每款一件，比您試晒唔同既壽司！岩晒等呢啲選擇困難既人！加試佢有埋前菜！一個set兩個人食都夠丫！————刺身拼盤再來一個刺身拼盤，叫左一個有六款，每款都有兩件！真係大滿足！總結：服務很好！不時加水！安排位置快！環境舒服，闊落！

Book左7點但唔知點解餐廳好似冇準備，之後要我地等一等，不過依d好小事，最後都好快比到位我。入到去店員都好有禮貌，服務態度好好，在場既職員大多都似係日本人黎。去返正題，我就叫左兩個豪華套餐，而我就揀左A (滑蛋鰻魚小鍋)，C (照燒銀鱈魚)，D (牛扒 Beef Steak)，F (照燒雞肉)。首先前菜，分別係沙津，魚子豆糕同芝士，芝士個碟個味道好濃郁，會食到好想繼續食。跟住去到刺身，幾好食。個滑蛋鰻魚都ok，滑蛋撈埋鰻魚一齊食個下既味道幾夾。雞肉面頭上落d蔥花加埋d燒汁味道唔錯，幾滑。鱈魚ok。牛肉都幾嫩滑，不過不失。天婦羅個到炸得好好，好鬆脆。

沙田新城市廣場食肆不嬲都好多,又可以拍到車 ,又唔會離我屋企太遠，都係好選擇，今次去到7樓sushi hiro。中吞拿魚腩刺身：我的至愛吞拿魚刺身，見到一刻都已經好開心，賣相睇亦都好肥美，第一啖擺入口完全係融化在我口中，魚嘅質感亦都非常之新鮮。油甘魚刺身：經常都食開油甘魚刺身的我，要求都一樣高，要好新鮮，油份比例相當之高，今次亦都冇令我失望， 切嘅厚度亦相當好。鰻魚飯套餐：未黎飯之前都會有個熱燉蛋畀你食，蛋夠香，內裏仲有我都配料。鰻魚燒得都幾香口，魚質地都好實在， 鰻魚汁同個飯都好夾。因為當日是午餐，所以食嘅份量都不算太多 ，建議可以三四個人過嚟食，因為餐牌實在太多選擇，最好真係可以泊到車，唔使擔心交通，地鐵巴士都方便。

今日和太太往新城市廣場壽司廣廚房食午餐, 我們點了壽司廣kitchen豪華套餐, 北海道壽司和豚肉生薑燒和白飯。壽司廣kitchen豪華套餐主菜我點了滑蛋鰻魚小鍋和照燒雞肉, 除了主菜外, 有前菜, 沙律、刺身、味噌湯、天婦羅、漬物和白飯, 前菜有銀魚乾茄子及魚籽凍豆腐, 銀魚乾食落惹味, 茹茄子味道鮮甜；魚籽新鮮鮮甜, 豆腐香滑；沙律有車厘茄, 粟米粒和沙律菜, 食落新鮮爽口；刺身有三文魚和吞拿魚等, 食落新鮮, 入口即熔；味噌湯鹹度適中；天婦羅有青椒, 南瓜、魚和蝦, 青椒和南瓜炸得乾身爽脆, 魚炸得香口, 食落啖啖肉；炸蝦炸得金黃,食落彈牙惹味；漬物有青瓜, 食落爽脆胃,白飯食落軟綿；主菜滑蛋鰻魚小鍋滑蛋香滑, 鰻魚入口鮮甜, 蔥花能帶出鰻魚和滑蛋的美味；照燒雞肉雞肉燒得肉質鮮嫩, 食落惹味, 總結整份豪華套餐份量十足, 食落美味；北海道壽司有海膽壽司, 蟹肉軍艦、吞拿魚壽司、三文魚壽司和玉子壽司等, 海膽壽司食落鮮甜, 蟹肉軍艦蟹肉爽口、吞拿魚壽司入口即熔、三文魚壽司食落鮮甜和玉子壽司蛋味香滑, 整份北海道壽司款式豐富, 食落新鮮美味；最後我們點了豚肉生薑燒, 豚肉食落有油花,

點了一個和牛鍋，和牛唔預期佢多，但配料也超少，一人份也要260。和牛的味道還可，但實在太少，只有8塊左右。非常普通的蕎麥麵+天婦羅 也要160，味道是達到正常水平，但唔抵食壽司set 200，有10件左右，還是食迴轉壽司好。以上兩個人食，還好本身唔算餓，否則要食飽埋單要過千，看評價還是要多看看舊的，最近的評價不知為什麼都是好評，但食完覺中伏。人均價100-200 根本不可能，沙田咁多食店，無必要揀這間，沒有下次⋯

臨近 christmas , 約左好友近近地黎沙田食飯~~我地叫左個12件壽司set 、 一個北海道海膽手卷、蟹肉忌廉餅~~12 件壽司set , 包前菜x2、麵豉湯，自選12件壽司~~我地揀左吞拿魚腩、深海池魚、左口魚、蔥碎吞拿魚腩、帶子、魷魚、海膽、三文魚籽、油甘魚、鰤魚、金目鯛 etc...真心覺得賣相好靚，同埋款款都好新鮮～$350 真係一d 都唔貴，可以自選揀自己中意既，唔洗師傅發辦~個北海道海膽手卷真係冇得輸，食落鮮味香甜，唔會有腥澀味，NICE!!另外個蟹肉忌廉餅都好唔錯，即叫即炸，入面又夠熱，食落又唔會好CREAMY~~唔會膩!!OVERALL 環境舒服，食物質素好OK~ 有機會會再黎!

臨近聖誕自然跟同事跟餐好的～沙田上邊有間日本菜，跟坐得不大舒適的樓上鋪貴幾十元，難得假日前想坐得好吃得好，便挑了這間試試看。座位相當寬敞舒服，燈光明亮又不會很吵，挺不錯。我點的是壽司廣御膳$180，有沙律、茶蒸碗又有麵鼓湯作前菜。另有份刺身，共3款，意外地吞拿魚很不錯。除了刺身也有煎銀鱈魚作配飯用。銀鱈魚挺香沒什麼雪藏味。然後又有天婦羅可配飯吃。炸得還不錯不會過火喉。蝦肉也結實彈口。特別的豐富多款吃得很開心很香。同事則點了款刺身飯也是$280，料足且滿滿一碗也幾鮮，份量不少。另一位則點了壽司，也是$180。11件加甜蛋。挺飽足～

平時好少咁快ENCORE 同一間餐廳， 不過今日好特別，佢地攪左個吞拿魚解體表演 + 自助餐的活動。搵左一個鐘意食吞拿魚既朋友仔一齊去。$580 一位， 我食完之後覺得超值呀!去左日本好多次，都冇機會睇到吞拿魚解體表演 ，今日竟然係香港睇到~~聴聞佢地集團都係第一次攪，好慶幸可以參與。師傅用日文解釋，經理用廣東話翻譯。師傅原來係壽司廣集團既老闆兼總廚，老闆親身上陣，可見呢個活動佢地幾重視。今日條吞拿魚有大約54KG，一個人真係拎唔起喎。介紹話原來吞拿魚有7,8個品種，今次用黑吞拿魚，算係較高級的一種。切完個頭，師傅會慢慢解釋，有個叫"腦天" 既部位，近頭頂，只可切出2小舊咋。另外仲有面珠位，又係勁珍貴切開左個身，肉色好靚，粉粉的。師傅指出大TORO，中TORO，同赤身既位置。我至愛既吞拿魚腩蓉原來咁樣挖出黎平時既壽司吧枱位，搖身一變變左自助餐位，放滿不同既食物吞拿魚沙律因為掛住睇表演同不停食，所以唔係影左好多食物，當中唔少得即切新鮮吞拿魚刺身，其實仲有幾款炸物，湯，壽司，刺身，沙律，迷你漢堡扒，甜品有2款蛋糕，中途又每枱派頭先挖出黎既吞拿魚蓉做既手卷，最後仲可以點烏冬或SOBA。除左食

聖誕節最佳嘅節目就係睇燈飾，每年都會去沙田嘅空中花園浪漫一下，吸收經驗都係早啲去冇咁多人影多啲靚相。逛完一個圈入返商場啱啱好肚餓，就喺附近嘅食店睇吓有咩食，見最多人等位嘅就係廣 壽司，咁一於食返一版手握壽司先過癮。打開餐牌有好多選擇，我地叫左一個豪華套餐，一人前 $280。驟眼睇已經好豐富，兩個女仔share可能都會飽。首先係前菜同沙律，開胃冷盤夠晒醒神。然後可以自選揀一款魚料理，老公最愛滑蛋鰻魚小窩，烹調得好有水準，魚肉甘香嫩滑又好味，不知不覺好快就食晒。終於等到主菜牛扒啦！薄切煎得剛剛好，我最鍾意就係多汁啦！配上燒汁食碗飯。之後仲有味噌湯濕潤一下個口。差不多到最後有什錦天婦羅，即叫即炸真係要等來啲，食物熱辣辣新鮮值得等。今晚好搞笑唔知點解刺身反而最遲先至上枱，嘢食多到我差啲唔記得咗 刺身三種。刺身新鮮又肥美。老公叫左個 北海道壽司 $200，有驚喜的海膽新鮮又唔腥；三文魚子、吞拿魚夠晒鮮甜；帶子刺身彈牙肉厚。排隊列陣賣相吸引，食落新鮮而且款式非常豐富。壽司係主打一定新鮮。估唔到食日本料理竟然最後可以食到超有水準嘅甜品，焦糖香蕉法式多士 $65 是今晚完美的句號！

星期日晚兩個人行完山去左新城市覓食，因為四點幾已經食左茶記所以吾算好肚餓。7點幾去到等左10分鐘左右就有得入啦～吾想食太heavy,所以叫左一人份a4和牛壽喜燒，$200 北海道sushi set + 一杯蘋果茶。先上壽喜燒，係薄身靚牛，味道不錯之後上壽司set ($200)，軍艦個三個冇得輸，其他款都好好食蘋果茶都幾好飲~In short, 食物質素唔錢，不過今次有打底先食 覺得份量啱啱好，如果係肚餓來吃，可能唔夠我哋食如果壽喜燒個鍋有多啲嘢食會好啲!