壽司郎 (屯門市廣場1期)

营业中

休息中

今日係11月29號，專登攞一日假期，但係點解平日都咁多人我哋15:15去到屯門市廣場，攞左飛先，都要等佰幾個位，行左1個鐘左右，去到都要等多15mins🙈終於入到去，好好彩，我地坐架位海螺雙味，卡特拉娜，鰻魚壽司，青魚壽司，沙甸魚壽司，墨魚壽司先講講佢個海螺，好鮮甜好好味，仲有佢個沙甸魚一啲都唔腥好有魚味，仲有呢度必叫嘅卡特拉娜，好creamy好滑好好味最後我哋叫咗個炸物，就係炸墨魚，上到枱都係熱辣辣嘅都係即叫即炸好香口我好味我買單之前我最後嗌多個鰻魚壽司正正正

屯門壽司郎都開左一段時間 都仲係咁多人等 平日晚市由5:30左右拎飛等到差唔多8:30先入到🥱歲末大感謝🎌周打蜆湯麵🍜 ⭐️⭐️⭐️⭐️⭐️濃濃嘅忌廉味 又唔會太膩 蜆肉鮮甜 麵質較硬身 推介👍🏻特盛天婦羅小帆立貝軍艦🍤 ⭐️⭐️賣相一般 小帆立貝脆身既 微暖 無咩驚喜 如果唔係特別好帆立貝 可以唔一試🤏🏻其他都正正常常水準 唔特別推介 但係炙燒壽司都係每次必叫🍣炙燒後既芝士再加埋香濃既魚脂味 簡直係天作之合 perfect match🤤唯一有小小不足 啲壽司坐完高速列車🚄 刺身同埋飯團係分開咗🥲兩個人食左16碟 大滿足🤤

同女朋友一早出門口行山，行到下午 4:00 先返到嚟食午飯，一於去壽司郎 買個外賣拎走食， 嚟到壽司郎門口一如以往咁多人排隊， 我哋開咗門口落單買外賣， 仲揀緊食咩好嘅時候竟然聽到職員叫咪話BAR 枱有位，有飛嘅客人可以入，問有冇人坐bar枱， 於是我哋順便一問係咪有位，我哋係唔係可以入去，點知職員話可以！嘩，壽司郎🍣點會等都唔洗等都入得噤好！難以置信！不過可能真係噤岩有位，時間又早，出面排隊嘅人可能等大枱或者等5-6點食飯都唔定，只可以噤說服自己食野冇筷子，職員唔見影入到去食野張枱冇筷子！入面亦冇職員周圍行，完全無助，呢個位真係超扣分；好彩 隔離枱見到我哋喺度搵筷子， 就問我哋係唔係要筷子，於是俾咗佢哋枱上嘅筷子盒我哋。由於好鬼肚餓 拎起塊板就瘋狂點嘢食，叫左包括：1.蝦3味2.厚切三文魚3.茶碗蒸4.天婦羅拼盤5.海膽苔包6.中吞拿魚腩7.大吞拿魚腩8.拔絲番薯9.帶子10.焦糖布甸11.… 點左一陣，輸送帶5分鐘左右就會將野食送到黎，都幾快！個人幾鍾意佢啲提示音效，聽到會好開心🥳！食物嘅質素當然冇叫我地失望，天婦羅脆，刺身新鮮，海膽其實味道正常，但色水就深色左啲，唔知係咪擺耐左🙂

等左3.5 個鐘先有得食，好彩屯門都叫做有野行，拎完票飲杯coffee, 再行下DONKI/ Muji/ uniqo , 咁就差唔多夠鐘不過要留意下佢d 碟上的顏色啱唔啱，今次比完錢後先發現佢上錯碟，平碟上左貴碟，數碟時無留意，見啱數，但我全部的野都係點單，比完錢見貴碟數量多左😫推介海膽拉麵

其實理解唔到點解咁多人食，唯一解釋應該係香港人真係好鍾意排隊，見到人牌，自己又走去排，好奇心大。味道唔算好好，其實整體都好一般，一來排隊好長，二來員工好急速，各樣野都好一般，成個環境好嘈吵，如果唔係朋友要來，我都唔會黎。價錢中等，反正質素唔算極度高，所以佢收呢個中等價錢算係咁，香港有另一間更平嘅旋轉壽司，其實質素同佢都差唔多⋯呢間野，真係食兩次就食到厭左，不過都有值得讚揚喂喂，就係覺得佢哋海膽壽司唔錯，海膽唔算好臭，都幾有鮮味，其他來講就比較一般。

成日睇到話壽司郎性價比有幾高，但排隊既比例一樣咁高。今次配合天時地利人和，終於有機會俾我食到啦🎊一開鋪去，都要等左半個鐘，先入到場。入到去，個裝修都好有日本迴轉壽司店既感覺，各食客都唔會好見到大家既食相😌壽司郎既魚類壽司🍣比較多款，有別其他壽司店係貝類或者卷物多。另外，壽司郎對三文魚、吞拿魚、鰻魚，都有不同部位或食法選擇，仲有其他少食啲既魚，例如：沙甸魚、池魚等。海膽同三文魚子都可以😌但我個人最鍾意嘅係中吞拿魚腩，魚味同魚油味既比例岩岩好，唔會邊個搶啲。壽司之外，仲有甜品，有我鍾意食既芭菲😍一杯甜品內裡充滿多種口感，有凍冰冰既雪糕、好sweet既紅豆蓉、彈牙丸子、脆卜卜既脆片，食完就劃上完美句號😋

第二次食壽司郎😋今次幸運地只等了40分鐘左右便可入座了～今次有多款入秋後新加的壽司，毫無懸念，今天的第一位是北海道產沙甸魚，口感嫩滑、油香豐潤、鮮美非常！第二位是秋刀魚😌同樣是當季必試，缺點是有少許細骨⋯⋯還有必吃的赤身（吞拿魚）、蔥花吞拿魚腩軍艦、赤蝦與鯖箱押，赤蝦味鮮彈牙、性價比高，而鯖箱押則是上一次的更令人驚艷，熱辣辣，醋鯖味很開胃，今次只是稍稍微暖，沒那麼軟糯。小肌與間八不錯吃。鯡魚卵昆布口感脆卜卜而且外間少見，可以一試！另外我們終於試了壽司郎的炸物，薯條真的好味（如果有茄汁就perfect🥺），珍寶魷魚天婦羅也炸得很脆身👍🏻最後是每個到壽司郎都推介的甜點，我們試了期間限定的北海道南瓜焦糖燉蛋蛋糕，香甜軟滑，作為這一餐的結尾很圓滿😋❌白鳥貝帶腥臭味，而且好韌咬不開，絕不推介

-🦄壽司郎 @sushiro.hk-好可惜上個月9月份嘅時候 食唔到壽司郎明明我係每月一次 例行公事架嘛 不過唔緊要事關上個月嘅期間限定 對我而言都不太吸引😌等到而家去食10月份期間限定 🍁秋の恵み🍁-♦️三文魚三味 サーモンHkd22▪️Rating🌕🌕🌕🌗🌑個人覺得一隻金碟就食到3款三文魚都幾抵食望落色澤唔錯 會見到微微嘅油光 尚算新鮮而且有兩件都係三文魚腩 肥美嘅腩位呀…呵鍾意食三文魚嘅 今個限定可以一試佢 唔錯架-♦️鰹魚 かつお Hkd12▪️Rating🌕🌕🌕🌗🌑鰹魚大塊嘅 色澤都唔錯 不過就略嫌薄咗啲食落魚肉嘅質感較紮實 不過好可惜嘅係🥶我食到有筋 稍微影響到佢嘅口感 要扣啲分味道上 雖然配上蔥花及薑蓉 卻比較清淡喔睇嚟都係一款油脂分泌唔太旺盛嘅一款壽司♦️炙燒伊佐木 いさき Hkd17▪️Rating🌕🌗🌑🌑🌑-其實見到有伊佐木食嘅時候 我都幾興奮幾開心不過真心好可惜 想像吓好似食緊皺皮橡筋咁大部分位置嘅魚肉都唔係好咬到 比較韌 滿頭問號最後我放棄咗 食咗一粒就無食了 真心唔掂喎🥲如果大家準備去食10月期間限定 可以慳返 唔好拎佢-♦️間八 かんぱち Hkd17▪️Rating🌕🌕🌕🌗

想食壽司郎 係屋企一樣食到♥️外賣揀好左哂 好快又送到就算堂食食唔到 食外賣都要•極上吞拿魚散壽司🍱大吞拿魚腩 中吞魚魚腩 吞拿魚 長鰭吞拿魚 蔥花吞拿魚•壽司郎嚴選盛盒🍱長鰭吞拿魚 油甘魚 厚切三文魚 魷魚 炙燒三文魚腩 北寄貝 熟蝦 赤蝦 玉子燒 鰻魚•精選三文魚盛合🍱炙燒三文魚腩 三文魚腩 厚切三文魚 三文魚卷食物質素中規中矩 雖然無得係門市咁逐件逐件叫 但一SET SET都好方便呀 坐係屋企慢慢嘆住食都好爽呀🍣

去壽司郎，每人食十碟是基本吧😂試了幾款壽司郎本月限定🐱劍魚腩$17厚切，而且很新鮮，很喜歡劍魚的濃濃魚油味，腩位更是肥美！🐱厚切長鰭腩肉$12抵！一點都唔腥，新鮮！🐱生七味醬漬長鰭吞拿魚$12加了七味醬漬之後更惹味，但我覺得還是厚切長鰭腩肉感覺更新鮮，魚味更香！🐱濃厚海膽拌麵 $32強烈推薦海膽或芝士控吃！本來擔心沒有註明產地的海膽會腥，但卻意外鮮味，份量不多，但有濃濃芝士味，拌麵效果佳！😑本次最失望是三文魚腩$17，很多筋位咬不太開！

🔖唔洗講咁多。性價比極高既壽司店。不過可以比多少少資訊大家🤪💡‼️食屯門壽司郎攻略‼️💡每一個鐘當無No Show既正常情況下黎講可以叫到大約50幾張飛。所以星期六日想食的話，10:30拎到飛但又唔係第一轉（大概No.1-55）入去食既朋友們，號碼係120之內，就會大約11:45-12:15入得。今次我拎既係「210號」，01:45終於入得！🍽唔洗介紹，大家鐘意食咩隨便叫😂特別講下我鐘意食咩😋🍽香蔥赤蝦 $12面頭個d香蔥香到呢，咬落去食落口令到成舊壽司變左好juice!!!唔洗再加豉油去食都得，因為本身舊壽司都有醬汁，夠哂味。🍽蔥花吞拿魚海苔 $12其實同香蔥赤蝦一樣，面頭d香蔥係精華，再連埋個舊吞拿魚蓉，10分！🍽卡達蓮娜（甜品）面層係焦糖，下層似燉蛋，又似布甸既感覺，口感軟軟，唔會太甜，好吃！😋食物：️9/10🤵🏽‍♂️服務：8/10🍴環境：8/10💰消費：$200🤩性價比：9.5/10

十一黃金週放假又適逢收到政府嘅消費券咁高興，所以走一轉商場閒逛放鬆一下心情之前從阿囝口中聽聞壽司郞可以用手機追蹤到排隊情況，所以吃完早餐就順便行去攞張籌號，預咗排到晚餐時間店舖11:00開門，我哋11:06到店取籌第一時間O咗咀除咗無諗過開門6分鐘已經去到456籌號咁誇張其次係個冧巴竟然係我剛剛煲完咗果齣韓劇「Squad Game」勝出者（男主角李政宰）嘅遊戲編號好嚇人回歸正傳，攞完籌走去豐擇和超市消費完再返屋企瞓個靚覺，黃昏5:15剛好到我哋入座，壽司都係貼地平民價，價位以顏色碟分為$12、$17、$22和$27，拉麵和甜品芭菲就分別為$32，飲品由$17-$59不等。席間我哋以個人喜好去選擇壽司並不是以價錢點歺，由於輸送帶上嘅壽司偏向吞拿魚和三文魚居多，所以我哋亦有用電腦點餐，個人認為款式仍然欠豐富，而食物質素比較普通，刺身不可以話不新鮮，而是入口沒有魚香鮮甜嘅感覺😅而且有一丶兩款更帶有魚鯹味🤭所以吃完之後沒有齒甲留香嘅滋味😮‍💨總括來說，個人認為試過一次已經足夠滿足到自己嘅好奇心喇😜

堂食好似永遠都係mission impossible咁, 一係就係奇奇怪怪嘅時間先唔使排好耐 一係就等到天荒地老所以決左外賣仲要好快手就有雖然唔係每款壽司都有 同埋淨係得set, 但唔使等就有得食 都算係咁價錢同堂食差唔多 自取仲有折(網上外賣平台價, 外賣自取8折)壽司郎嚴選盛盒 (2人前) $180有成10款共20件壽司而且都算大件貫徹抵食嘅作風有吞拿魚、鰻魚、油甘魚、赤蝦 etc~好好食就肯定唔會咖啦但都唔會難食 完全對得住價錢三文魚盛盒 (1人前) $90幾款嘅三文魚壽司, 質素都還可以啦吞拿魚蓉軍艦 (6貫) $58厚厚嘅一層吞拿魚蓉都幾鮮甜 唔錯烏賊及鰈魚鰭邊壽司 (6貫) $58中間好調皮咁夾住塊紫蘇葉🥶依盒最一般無乜特別

咁岩星期一放假打算平日人少d 應該好快入到座所以就黎試下排隊大約11點左右黎到拎飛當時見到嗌到50號我張飛係134號心裡寒一寒 但都專登黎到就決心等-屯市壽司郎有度好就係隔離係玩具店 夾公仔鋪岩哂帶住小朋友既爸爸媽媽無小朋友嘅 可以落2層行下DONKI 唔使怕悶周圍行緊期間仲可以得閒入app望下叫到幾多號飛我等左半個鐘左右 就可以順利入座了！-可以直接拎壽司 又可以自己落單 等佢係上層輸送帶送過黎感覺上自己落單好似會新鮮d 哈哈壽司方面試左舊吞拿魚 無咩味…反而平時食放題既刺身仲有味過佢其他壽司都不過不失吧…十幾蚊有兩舊 就不能期望太多-甜品方面叫左白桃雪糕同卡達蓮娜估唔到係成餐飯食得最驚喜最開心既時刻白桃雪糕經輸送帶送黎時候掉左舊白桃落碟侍應見到都好好心幫我地換過杯有2-3舊白桃肉桃味雪葩同雪糕最下層係蛋糕真係食得好滿足啊！！！卡達蓮娜好抱歉佢真係太好味 好味到我唔記得影相😭上層焦糖面下層好似芝士蛋糕 布丁 燉蛋 雪糕既感覺實在無法形容有幾好味總之係必食之選食完真係返唔到轉頭！-總括黎講甜品真係救左好多分

壽司郎每一次經過都排長龍， 終於今日的起心肝下晝四點鐘排隊攞位， 好在沒有停止取筹。 不用排隊直接取飛， 等了一個多小時終於可以入座。 侍應禮貌不錯，詳細解釋 落單的詳情，茶杯，筷子及washiba的位置. 我急不及待立刻點餐, 上菜的速度也快, 壽司的質量也不錯, 份量不少. 本人尤其欣賞特長鰻魚及期間限定的宇治抹茶蛋糕, 很有日本風味, 而且價錢也算合理, 最便宜的只是十二元一碟, 有兩件壽司. 由於太多人， 只限食60分鐘, 其實到了45分鐘已經截單了. 最後整體來說滿意，會再光顧.