壽司郎 (屯門市廣場1期)

营业中

休息中

排隊就一定好食？排隊冇問題，我大把時間，不過我真係唔覺好，第一服務唔好，第二環境嘈到爆，嘈過街市，第三食物一般。📌服務：我叫咗雪糕，雪糕嚟咗，點知完全冇匙羹，上一張枱用晒啲匙羹佢哋都唔補返，最搞笑係個店員仲叫我幫佢擺返啲匙羹落個兜度，冇病嗎？真係差到無倫！！！口罩袋，竟然提供膠袋，超級唔環保，尤其是佢哋每日咁多客人，如果因為膠袋平啲就用，咁真係太差了，每台客都讚佢哋唔少錢啦，唔使一仙幾毫都慳掛📌環境：真係嘈到爆，不論係餐廳出面定係裏面，好多嘈吵聲，全部都係有呢間店發出嚟！出面就不停叫號碼，嘈過街市，入面就不停有啲食物到站聲，登登登登，每一台都不停叫嘢食，所以登咗幾萬聲，聽到頭都暈！📌食物：平價嘅嘢只有吞拿魚比較抵食，不過最平嗰隻$12吞拿魚，爭先都優秀過佢，壽司郎嘅吞拿魚色澤靚，不過冇乜味道，淡而無味⋯⋯而且壽司飯好鬆散，唔知佢哋人手定係機整，總之就係好鬆散，食到啲飯跌晒落啲豉油另外就係啲豉油超級鹹，鹹到不得了！自家醬油，出到咁鹹，發生咩事？最後就係啲綠茶粉，個樽根本到唔出，不停塞住晒，好難倒，日本都唔會咁，起碼有隻匙羹仔！佢哋好驚人用晒啲綠茶粉？唯一值得食係甜品。但係如果為咗食甜品要

DONKI開幕第一日，三號風球+黃雨。12:09 攞號碼票～（No.381號）13:50 295號～14:05 315號～14:40 430號～使用壽司郎手機app可查閱叫號狀況🌞換句說話大約2個鐘就已經到381號啦，職員安排補飛可以入到去。職員服務有禮、餐後有優惠劵用、用具及所需用品配料應有盡有、日本日本日本日本只能不停說日本來形容身處的環境哦！$32 白桃芭菲推薦食物五星⭐️⭐️⭐️⭐️⭐️賺取印花玩公仔方法：消費滿$80一個印花。每到三、六、九，三嘅倍數：得到萌抱壽司精品（小）一個印花數目到12 ：獲得中型萌抱壽司精品一個印花數目去到24: 大型萌抱壽司精品一個。一定會再去返食推薦食物， 白桃芭菲雪糕。會再去返食。味道真好！是次人均消費大約$170。當中已+1服務費。謝謝壽司郎讓我感受到今次愉快的餐享服務體驗！

由於壽司郎每次都好多人等位，app有做緊外賣自取優惠，有八折， 於是好快拎到壽司叫左兩個一人份量既，只係72蚊一盒。一盒10件。可能拎到返屋企都一段時間，始終堂食新鮮啲。不過佢啲刺身真係幾唔錯，夠厚身。鰻魚壽司個燒味好香，而且好大塊，性價比非常高。佢地啲服務都唔錯，我遲咗去拎壽司，見到佢哋會將啲壽司唔使入雪櫃，等到客人過嚟拎，先拎返出嚟，確保壽司嘅新鮮程度。所以人好多，但佢哋啲態度都唔會好差。

屯門開左壽司郎一排，但係熱潮未退，大家係未開門一個鐘前已經排隊，呢個玩法好難搞🤯膽粗粗問下外賣等幾耐先，雖然只得指定盛盒揀，有分1~3人前，比起現場無了期等位，都算吸引㗎，所以就叫哂3款1人前反屋企食🌟A 超人氣盛盒 $88油甘魚、魷魚、三文魚、帆立貝、赤蝦、中吞拿魚腩、鰻魚+吞拿魚軍艦共8款壽司🍣🌟B 壽司郎特製盛盒 $88炙燒芝士三文魚、炙燒羅勒三文魚、醬烤鰈魚鰭邊、壽喜燒牛排、鰻魚、醬烤帆立貝、厚切燒鯖魚+炙燒赤蝦共8款壽司🍣🌟C 超值三文魚盛盒 $88三文魚軍艦、炙燒三文魚、煙熏三文魚、厚切三文魚+三文魚腩，每款2件，共10件壽司🍣試完呢3款盛盒終於明點解大家會甘瘋狂排隊，以甘平價錢食到呢個中上質素嘅壽司🍣真係好、抵、食、吖！件件壽司都好新鮮，連壽司飯都好有咬口

中午大約4:30去拎飛行一陣睇完場戲8:30左右入座第一次黎，喺門口都排咗一陣見到情況都幾混亂，有好多人堆晒喺門口入面嘅店員不斷開咪廣播，叫等位既人唔好聚集喺門口叫到聲都沙埋，其實都無乜作用⋯而企我附近亦有人唔知道已經停咗Walk in，跟左門口既人龍排隊⋯希望可以改善下等位嘅安排，喺店外告示提醒客人～應該真係太好生意，一枱接一枱見到枱面同梳化仲未清潔好⋯仲有飯粒同水漬⋯食物方面，蝦3味、烏賊、蔥花吞拿魚軍艦、炙燒羅勒三文魚、吞拿魚紫菜包、蟹膏軍艦⋯等等都中規中矩，尚算新鮮，唔會好腥好霉～可以一試鹽味牛排、魷魚拌辣醬軍艦⋯比較失色，可以skip烏賊配鱈魚子⋯如圖示⋯切得比手指尾更幼⋯牛奶味卡達拉娜聽講係必試嘅甜品，口感似雪糕，唔會太甜牛奶味好重，如果焦糖可以再焦香啲會更好總結係，唔使排隊既話先會再黎食⋯

聽到有熱愛壽司郎嘅朋友話某啲分店嘅食物質素開始有少少失守令仲未試過食嘅我都有啲擔心！不過今日去到屯門呢間分店令我可以好有信心咁講，壽司郎性價比真係超高！足足等咗三個鐘，已經餓到升天但呢嚿拖羅再將我推上天堂真係好好食！唯一要講就係塊紫菜淋咗。因為我係拎迴轉緊嗰啲。然後竟然畀我見到有我畢生至愛（之一）嘅左口魚裙邊，見到有兩款，即刻比較下，上面嗰個係腩...真係有好明顯分別，上面嗰嚿係真係入口即溶.....好味到喊然後我發覺有個凍版嘅茶碗蒸，即刻試試。面頭嘅jelly超級好食...最後試咗鰹魚，老實說呢個麻麻地。感覺唔算新鮮，同我喺沖繩食到嘅差好遠。愛上咗壽司郎真係唔知點算，因為排隊排親死。希望分店增加，都可以保持到食物質素🙏🙏💛💛

-🦄壽司郎 @sushiro.hk-好吧 到了我第19回的壽司郎月記 無錯 一個月一次今次嚟到7月限定 第1日就去咗食 試新嘢🤤不過好可惜 最期待嘅喜之次壽司暫時未有供應而另一款魷魚筒飯 亦都好快 就已經售罄 食唔到…所以今次 呢兩款壽司都食唔到 傷心欲絕 唉😮‍💨-♦️北海道產真烏賊配鱈魚子 Hkd12▪️Rating🌕🌕🌕🌑🌑本身無諗住食佢 不過我見佢明太子都好大篤我純粹比啲明太子所吸引 然後拎咗一碟試吓果然最好食都係明太子嘅部分 魷魚就麻麻地好難形容魷魚嘅口感 口感好有趣 唔難食嘅不過都係個句 如果唔係明太子 我唔會拎呢碟鬼叫我係明太子嘅忠實粉絲咩 明太子真係好好食-♦️北海道產海膽海苔包 Hkd27▪️Rating🌕🌕🌗🌑🌑其實我真係唔係好明白 每次食壽司郎海膽都中伏但係 當我每次見到佢出海膽嘅時候 我又會好想食唔知我係咩心態 一次又一次咁比機會佢…再失望-不過呢個北海道產海膽 唔難食嘅 味道一般般啦睇返壽司郎嘅官方介紹 係用咗北海道小川海膽然後諗返我上個月食Omakase都係食小川海膽兩者真係差好遠呢😂壽司郎呢款海膽無甜味雖然無苦味都無任何怪味 入口尚算Creamy嘅不過味道上真係差

話就想食壽司郎好耐都無的起心肝去等位‼️‼️琴日就10:30去拎飛🙈 等到15:00先有得食有好多款式選擇👍🏿 好多出面都無好食就唔特別講啦🤣 講d唔洗試既我地覺得吞拿魚同海膽唔夠新鮮啦三文魚牛油果卷🥑🥑🥑🥑中間仲有青瓜🤔 遮左牛油果既味同口感抵食之選蝦三味$17🦐🦐🦐一蝶有三款蝦仲可以留quota食多幾款濃厚芝士達拉娜🧀一定要食😋😋😋😋 面頭脆脆焦糖濃郁又滑既芝士🥰 好幸福

此店在屯門已開店數個月了，今天終於有機會一嘗，於早上11時排隊拿票，籌號#335，原以為要晚餐才吃到，怎知在家昅住APP時，下午三點半左右就輪到了，連忙急急腳去拿位進場食餐，可能今日是假期，門外很多人排隊，好熱鬧呀。因我們是第一次吃壽司郎，一坐下後店員便先來簡單介紹如何點餐及有什麼要注意，用餐時間是一小時及每次點菜祗可4項，我們馬上動工點菜，又在運輸帶上拿取想食的東西，出菜時間都好快，終在有限的時間完成用餐。👍🏻可能真係好多人幫襯，材料全都很新鮮。魚生小拼盆$39，可以一試，但現場另有銀碟$17，三種蝦的刺身壽司仲底食，掛住食唔記得影相添😅，大家記得試吓。食過正餐總要食埋甜點才完美，甜點實則都有很多款，囝囝說芭菲必點，但我覺得芝士條仲好食，味道非常有驚喜，$22真底食又好味，焦糖皮卜卜脆，糕身芝士味香濃又不死甜，真的好好味😋如夠一粒鐘時，電子屏幕會自動提醒的，叫咗埋單店員會過來數點及覆單價，我們走的時候出現兩條長龍，一是walk in 拿位，另一條是付錢找數，水泄不通，一D都唔似疫情期，都未話唔誇張。

人數：2個（男女）日期：5月尾時間：10:30天氣：焗熱首先擔心再次食唔到，我地weekday放假早左一個鐘去排隊，哈！排第二（笑左）但有樣唔好係關商場事，就係一滴風都無，又熱又焗。排到就黎10點就開始要兜圈排啦，愈黎愈多人10:30派飛，派完就企埋一邊等安排入座。第一次食乜都想試，仲有啲期間限定：有蝦兩食，帶子，海膽，中拖，油甘魚（特別啲個個）同蒸蛋仲有湯整體評分：中上🍣🍣🍣🍣前菜：湯偏咸，但蒸蛋encore，有鮮味好食壽司：飯略嫌易散開，刺新鮮，個蝦同油甘魚個個真係幾好食服務：講解個個職員好細心環境：迴轉帶幾乾淨整潔清潔：滿意

壽司郎有幾出名唔洗多講呢日我們5點拎飛，都大約8點先有得食CP值咁高，都值得等既入座後店員都好細心問我地係咪第一次黎食，然後再介紹各種既壽司款式同操作，等到咁肚餓一坐低就係咁落order呢到既壽司款式多而且質素唔錯，壽司飯握得實，唔會一夾就會散晒，溫度適中，唔會冷冰冰玉子燒都幾大塊，吞拿魚沙律亦足料，份量好多鰻魚卷幾好食，醬汁多而且鰻魚慷慨焦糖蕃薯價錢平平地，估唔到都有驚喜。味道濃郁，亦吸引晒焦糖味，每啖入面都有非常香口既甜味池魚肉質爽彈，上面加左薑蓉及蔥花，提升左魚鮮味中拖羅都只係$17碟，魚油香而且肥美，入口即融整體質素有驚喜，重點係價錢親民好彩有app可以睇住叫號，等位時可以放心行街，唔洗呆等幾個鐘

屯門這間壽司郎開張到現在，每天都要排隊排得很誇張，每次經過都會見到人流不斷，想經過排飛，但都沒了walk in的籌號能拿。有一天我老婆突然說想嘗試吃壽司郎，過幾天後，我就很早很早去了排隊，就是為了嘗試一番，而早起的鳥兒有蟲吃，我都成功可成為第一位拿籌的。等到10:15分左右，可以拿籌號了好了，10:30進場，坐下後工作人員服務都很好，會細心為第一次吃壽司郎的人介紹各種細節，聽後我們就開吃啦首先 我們由於第一個進場，迴轉帶上的就確保是最新鮮了， 的確不負所望，他多人排不是沒原因，材料 是新鮮的，味道 是讓我感受到日本的味道，價錢更是物有所值絕對值得大家來試試

屯市人流實在太多啦，壽司郎門口日日都keep住咁多人，拎完飛商場買完野，大約兩個鐘就可以食。用iPad落order，好方便。上菜速度好快，每次只可以order五樣嘢.一坐低見回轉帶嘅三文魚好靚即刻拎咗先☺️肥美新鮮有三文魚味👍🏻真係連鎖壽司店最好食嘅三文魚😆軟殼蟹、炸到好脆加埋沙律醬食一流。海膽、靚海膽加埋塊紫菜好脆👍🏻👍🏻牛舌好一般，冇下次今日嘅油甘魚特別好食，好新鮮三食蝦，好抵食👍🏻炸玻璃蝦一上枱已經好香，炸得好靚👍🏻玻璃蝦細細隻加埋啲炸粉好夾。最後要用甜品做Ending上面係白桃肉、雪糕、桃味雪杷下面係吉士蛋糕😁完美ending 🥰

✅壽司郎壽司郎相信大家都唔陌生！今次都係我第5定第6次食今次就試吓係屯門新開既分店🤣個日12:15去到拎飛結果我地等左2個半小時 1445先入坐由午餐等到下午茶😂食完之後我都讚嘆自己同朋友既毅力🤣好 入返正題😂😂😂😂佢每個月都會有限定新品 大概就係呢樣野無時無刻都會有人為佢而排隊🔆6月既限定有鹿兒島產稻烤鰹魚 $12其實我都唔係好形容到鰹魚既實際味道感覺就好似呑拿魚咁🤔佢個表皮係有燒過加胡椒 都幾特別的🔆芝士味卡達拉娜 $22卡達拉娜係壽司郎必點既甜品今次推出左芝士味食落冇原味咁甜而且感覺更似芝士蛋糕🍰😆我本人就好鐘意啦🥰🔆刺身六點盛 $39呢個好似係夏天新品 都出左一段時間但我就第一次食啦 所以就叫黎試下啦佢總共有6款唔同刺身 每款各一件有三文魚 魷魚 呑拿魚 赤蝦 劍魚同赤貝想食魚生但又唔想食咁多飯既話 叫呢個就啱哂啦🥰其他壽司都係正常水準 不過等咁耐真係唔會太想再去😂😂完全想像唔到開埋donki之後會係點 可能要早餐時間拎定夜晚既時段😂😂😂地址: 屯門屯順街1號屯門市廣場1期2樓2192-2193號舖

➿屯門店自開業以來，無論咩時間都是排滿人。閒日的下午，輪候左四百多張票，終於入到屯門壽司郎大門。不要問我用左幾多時間，要問自己能給幾多時間，因為說不定，看造化。➿ 3位女子食左27碟，各9，打和。我的推薦菜，排名分先後：第一位：帶子好大件，超肥美新鮮，好滿足。第二位：海膽加紫菜，正面衝擊左我嘅味蕾，配上一口白飯，這配搭絕呀！第三位：我唔係好識食拖羅，但呢件拖羅魚腩魚油超香，入口即溶，好高分。第四位特別的口感，紫蘇葉發揮到很大的作用。第五位好有誠意的蟹肉和蟹羔，喜歡蟹的朋友必點。總結：對，頭三都是黑碟，最貴嘅$27，可以話黑色碟嘅都好好食💸