壽司郎 (瓊華中心)

营业中

休息中

雖然壽司郎2019年已由日本進駐香港，但從未試過。聽聞好食而且抵食，但往往要排好耐隊先至有得食，所以沒有打算去。剛巧有個朋友搬咗去旺角返工，星期日晚有佢嘅幫忙替我哋先攞籌。看網上資訊攞到飛都要排幾個鐘，所以朋友2:30pm已經攞咗壽。當時已經要排二百幾個號碼。叫號碼比預期快，於是朋友再在3:30去攞籌。可能過咗唔飯但又未到晚飯時間，一樣比預期輪得快。朋友再次在4:30pm幫我地攞籌，今次籌號九百幾，同樣要輪二百幾個。我哋諗住預計應該7:00一定有得食。應該是越接近晚飯時間就叫得越慢，最後都要將近8:30先至入座，真誇張！但非常感激朋友的幫忙！食過一次就夠，要搞咁耐先至可以食一餐，怕怕！下次想去都係平日去好啲。原來入座時間限1小時，排咁耐真是有啲不甘心呢！限食1小時覺得有啲捉心理，客人必定怕唔夠時間會盡量叫多啲嘢食，我哋就係有咁嘅心態，所以短短一個鐘頭四個人就叫咗三十幾碟嘢。真心如果慢慢食，未必會叫咁多。好彩啲嘢都OK好食，比大型連鎖壽司店新鮮及好味，而且價錢平一截！我哋四個人都係食咗五百幾！但相信短期內唔會再去第二次，食得咁辛苦一次就夠，無謂再浪費寶貴時間去排隊。

聽咁多人說好正好正，又咁多人肯排兩小時，故一直想試吃一次。不過，總體味道感覺是比元氣優勝，和板長差不多，比千両差一些。不過寿司種類的選擇上，好似多一些！為何覺得麻麻地？可能不好彩，第一件放入口的是赤貝，感覺到明顯的腥味及爽甜欠奉！第二是三文魚，一般店也好少有腥味的，這兒就較明顯！故keep不到B, 真的只有B - -。其餘其實也合格的，大Toro看上去可能有點近乎中和大之間的部分，魚脂在室温下已溶化，但當然沒有優質的入口那種甜。 原條海鳗，肉質綿軟，吃不到刺是最驚喜的地方，因近十年八年，就算在日本鰻魚飯專門店吃，也常有刺，可以燒得較香及醬汁稍調低甜度，因沒人想吃寿司時，像吃甜品吧！壽喜燒牛肉，汁反而冇咁甜，但肉就overdone到有點柴及老！鮮蝦牛油果卷，這穩陣之算，也未見突出，熟蝦肉沒什麼味，牛油果的香滑感又不明顯，魚籽卜卜脆的感覺又不強，紫菜因是反卷，香味也更難突顯，吃到就只有較甜的白色沙律醬的膩。醬燒帆立貝是鮮甜的，也是當天最出色的一款。螢光魷魚軍艦也有彈性不腥，松葉蟹蟹膏軍艦的蟹膏好creamy，不過鹹，又沒腥味，蟹肉雖鮮甜不夠，起碼份量不少及肉質有彈性，唯獨紫菜潮了一些，故就

壽司郎 (旺角)旺角彌敦道628號瓊華中心地庫為咗大大大祭而嚟😍 星期六 11:32拎籌，14:03入座😂 等左就嚟3粒鐘😂🙈估唔到今時今日即使開左咁多間分店加上荃灣開左SEN SEN Donki，壽司郎都仲係要等咁耐😂🙈以往去開佐敦店 (已結業)，今次第一次嚟旺角店～ 即將入座時，仲見到d人拎籌號碼722 😨😱小妹之前係同一款壽司重覆order幾碟嚟食，今次就專登叫多啲唔同款式嚟試吓😚🍣大切特選大吞拿魚腩 x2碟超正🤤啲網狀魚油脂分布好靚，魚油爆發晒出嚟🤤一咬仲有大toro魚香，多魚油所以溶點低，入口即溶咁🤤諗起都想再食😋後悔掛住食其他款搞到飽晒肚，order唔落多2碟😣厚切中吞拿魚腩 x1碟幾厚身，無筋，有魚香大切三文魚 x2碟幾厚身，大塊過三文魚腩，魚味淡，朋友話唔及三文魚腩咁有魚香，佢比較鐘意食三文魚腩三文魚腩 x2碟好有魚香厚切玉子燒 x1碟厚身！ 朋友話食落普通，無蛋味，同坊間玉子燒相比，呢款隱約多陣薑味1.5倍卡達拉娜 x1碟小妹第一次食🤩 原來係口感凍凍哋質地似雪糕，有焦糖脆面的雲呢拿籽cream cheese甜品秋刀魚 x1碟薑蓉係面，但秋刀魚食落唔腥，薑蓉反而蓋過晒

佐敦舖正式結業之際，旺角瓊華呢到就新開張，就係瓊華地牢，呢日係平日，下晝2點幾半多啲去到，都要等差唔多40分鐘位，去一轉銀行整少少野，開APP check住status～做緊大大大祭，即係某啲款會加大份量，會寫到明大切，或者有啲係寫厚切，我發現左，咦，壽司郎加左啲新款壽司，小肌，係日本個邊嘅壽司舖好常見，但係香港澳門大陸嘅壽司舖／日式餐廳都極少見到小肌，有啲驚喜不過呢日小肌質素一般，唔算新鮮，不過12蚊係香港食到小肌已經好滿足

今日係星期六，壽司郎10:30就開門，早左半個鐘嚟排隊，係佢一開嘅時候就已經可以入去食，其實都唔算等得好耐。入到去係有60分鐘嘅時間俾你食，所有嘅壽司其實都好抵，味道都唔錯。當中我認為最值得食嘅就係期間推出緊嘅特大油甘魚腩，特大拖羅同埋軟殼蟹呢三款都超大碟，而且魚無筋好新鮮，拖羅入口即溶都係27$ ，呢個價錢絕對係超值，軟殼蟹簡直係可以用誇張黎形容，啲蟹係完全蓋住啲飯，成半隻蟹咁。好好味佢啲甜品同雪糕都值得食。如果平時唔洗排隊，一定係會揀壽司朗。

🎏熊妹俾人放飛機✈️，冇計啦，小朋友最緊要，唔緊要，咁熊妹就同熊妹家族食個即興嘅《壽司郎》啦！‪📌旺角瓊華中心‬分店新開張🎊，都知道要排幾個鐘先食到，熊妹話要食嘅，就梗係由熊妹擔當呢份任務啦！📌大概‪晚上6:55‬抵疊，好彩都仲有walk-in飛派，即刻咁返張飛仔先🗳！📌瓊華中心呢間分店幾好㗎，雖然餐廳喺地牢，不過地面門口有個顯示牌顯示即將有枱嘅籌號，得閒行吓街又可以過嚟望吓，唔使又要落到去地牢行上行落咁麻煩咁辛苦。📌唔知係咪因為星期一 Blue Monday🤖嘅關係，‪7:45‬就有枱，竟然一個鐘都唔使就有，會唔會係上天嘅憐憫啊？唔使老人家等咁耐。📌旺角分店劃分二人枱同四人卡位，全部圍住個旋轉壽司輸送帶黎坐，有智能iPad點餐，點餐後製作好嘅食物就會驚輸送帶直接送到屬於食客張枱嘅位置，然後自己喺輸送帶上面拎食物就可以啦，自助形式幾特別，真係好似去咗日本咁。📌不過限時一個鐘，最好就係等位嘅時候睇定想食乜嘢，一坐低就即刻點餐，咁樣可以慳返啲時間。📌《壽司郎》嘅出名就係平價得來又高質嘅壽司🍣，$12一碟已經有好多靚款魚生揀，三文魚、吞拿魚、北寄貝、刺身蝦、魷魚、海螺呢啲都係$12一碟，會唔會

🎃南瓜卡達拉娜 $17常駐係原味 呢款就係期間限定一路都聽講係壽司郎必試中層似南瓜味雪糕 配搭抹茶餅底好有驚喜唯獨係頂層嘅焦糖太甜🥛牛奶味軟雪糕 $17軟雪糕比較甜 食落更加似煉奶味質地少少張唔會太流質🍠日式焦糖蕃薯 $12呢款可以話係少伏😩理想中係暖嘅然後外脆內軟但嚟到時凍冰冰然後外皮亦比較韌最緊要係因為每條都俾厚厚嘅焦糖包裹著所以真係好 甜建議超級螞蟻人先好叫😣

好感動，終於有機會食壽司郎🤩🤩十二點扲飛三點幾就入座，一入去就光速點野食😂野食都係光速送到😆醬烤鰈魚鰭邊($12)🐟三文魚腩($12)🐟蝦三味($17)🦐小肌($12)🐟赤鯥($17)🐟腐皮($12🍙原條海鰻 ($27)🐟鯡魚卵昆布($17)白鳥貝($12) 🐚海松食貝($12)🐚南瓜天婦羅($12)🎃小肌-估佢唔好，竟然唔腥重要好食😋赤鯥-層皮燒香左，魚油出晒黎，正😝白鳥貝-無乜特別🥲海松食貝-有驚喜，似赤貝口感😍啲飯唔算大舊，所以其實食多幾碟都冇乜問題😂其他壽司都唔錯，價錢好抵！

壽司郎除左壽司好味，好多人都大讚佢嘅甜品，我就中意食佢地嘅芭菲，但今次就試左佢另外兩款甜品，但就有啲失望，味道唔係話特別出色🥸❣️北海道南瓜焦糖燉蛋蛋糕 $17都係原味嘅卡達拉娜好食啲，呢一款就多咗南瓜嘅味道，有啲過甜，但同樣都係有脆脆嘅焦糖面🍬❣️牛奶味軟雪糕配曲奇 $17雪糕冇之前食芭菲個時咁濃，牛奶味比較淡，食落質感都比較水，而塊曲奇係腍身嘅，可能擺得比較耐，呢個唔推介🙅🏻‍♀️*須加一服務費👅好味度：7.5（10分滿分）兩款甜品都冇咩特別，如果係壽司郎食甜品都係食番芭菲好啦，除非你唔怕伏🥶

一向都知壽司郎要排好耐先食到，所以專登揀咗平日黎食，仲要係4、5點嘅非繁忙時間，都等左40分鐘左右，估唔到佢登陸香港開咗咁多間分店都仲係咁受大眾歡迎～👍🏻最中意食佢嘅赤蝦，好大件刺身，啖啖肉😋，香蔥赤蝦今次第一次叫，上面嘅香蔥好香，好似蔥油拌麵d香蔥咁。仲有每次必叫嘅三文魚腩配三文魚籽同真鯛，保持一貫水準，海縲亦夠爽。整體來說，雖然款式唔算多同花巧，不過刺身質素唔錯，算係性價比高嘅壽司鋪，真係值得一食再食架～

今日去食壽司郎，平時都成日嚟開，其他食物同壽司平常質素，唔係話差，但以呢個價錢cp值唔低，但唯獨是甜品卡達拉挪唔掂，下便係芝士，上面係焦糖，上面個焦糖有一半係黑色，勁燶，個廚房應該係燒過頭，食落去完全係苦味，下面個芝士係幾好食，芝士味道幾濃，凍凍地，好似食緊雪糕咁，但係上面個焦糖完全食唔落口，個焦糖食咗兩啖之後都食唔落口，完全唔明白點解咁燶仲可以出比客，同埋1.5倍量嘅卡達拉挪份量太多，食得多會好滯，唔明白點解唔出返1倍量。

自己一個人去食，非繁忙時段都等咗一個鐘，實在太難等，好在有座位俾人坐住等。食材都幾新鮮，價位唔算貴，最平12一碟，最貴27，仲可以平板落單即整，有傳送帶直送唔使人手跟，好快

當無論什麼時候去到壽司郎都人山人海，但又好想試。那就唯有預先計劃哪天有整天時間在餐廳附近活動/hea~12點近1點攞籌，最後到5點半左右先入得 不過好彩壽司郎app有個功能，可以睇到叫到幾多號，同叫號過後30分鐘內報到都可以補上。據reception 哥哥所講，當日1點左右就暫停攞籌。直到5點幾先視乎情況再派，所以穩陣的話，還是早點去攞完再係附近行下會好D。。。老實講，壽司郎未至於非常好食，水準算平平，大概比大牌日式放題店好少少。(可能剛去完貴價壽司店食不久，對壽司要求也提高了)不過款式多，價錢便宜，對比起來性價比也拉高了!!當天我們兩個人食咗18碟，有不同價錢，一個甜品及茶碗蒸，加埋一先$330.-因為人數眾多，入座起計1小時便要交枱。入座時問之前有冇黎過，答無佢會好快同你講一次流程 (快到我聽唔到講咩....不過理解既)枱上有個點餐pad，每次限點4碟，因為迴轉帶中會有條專線到你枱，但大概只可以入到4碟。另外當然就是自己在迴轉帶攞。除了一般的手握 / 軍艦 / 細卷壽司外，還有一款押壽司，也有一些有點古怪的熟肉壽司。另外也有沙律/烏冬/炸物/甜品等~~飲品方面除了免費的綠茶，也有汽

想食壽司郎，以前食開佐敦，現第一次試旺角。網上个个話起碼等3個鐘才吃到，唯一唔駛等咁耐就只有早上開門前排隊等1小時，咁就開門即入座。星期六早上9:27am店， 已有2個人排隊， 我排第3， 9：41分已經有10個排，10點已排出樓梯。10：27分開門可以入得， 已經有壽司廻轉可以食。即時點餐，10:32分已經有壽司送達，快。弓10：41分見9成滿座11：15分食完， 門口飛號去到128。溫馨提示： 如果想唔駛排咁耐， 可以早上9：30～9：55排隊， 那一定第一輪入座， 否則分分鐘要第二輛11：30後才入座。（人多另計）推介。海螺双味👍，特大虎蝦天婦羅👍，炸軟殼蟹👍，珍寶魷魚天婦羅👍。炸物夠熱夠脆其次。鯖魚押壽司，鳗魚卷，鰹魚。甜品。朱古力香莓芭菲☺，南瓜蛋糕（好味） 不過好掛念卡達拉娜45mins 快速食完， 點餐快， 送壽司也快， 食得又快。 2人戰績25碟。。$480旺角店壽司飯細件d,＜以前佐敦好像大dd＞魚生新鮮， 唔覺好腥，炸物夠熱脆。 滿足

壽司郎係香港不斷咁開分店 不過開親既分店都係一樣咁多人食咁多人等位 每次都要預返一個鐘頭以上 對上一次食已經係一年前 個陣仲有得用App book位 如果book到位既就可以唔洗等咁耐 見咁耐冇食 又見到今個月十月份又有新野 每個月都會有一個期間限定既Menu 今次俾佢個甜品吸引左 我地今次揀係旺角分店度食 等位等得耐都唔怕 附近有大把野行 我地晏晝五點鐘去拎飛 拎左張五百幾號既飛 但當時只係叫到四百幾 諗住都要有排等 但竟然等左個半鐘就有位了 照舊用餐時間一個鐘 今次唔太肚餓 所以只係每人食左少少 都係食返每次必食既同今個月期間限定既壽司 三文魚 蝦 三文魚籽 海螺 壽司同之前一樣咁新鮮咁好味 今次特登黎試期間限定既蜜瓜雪葩 但完全係中晒伏 食落係好重蜜瓜味 但完全唔覺得好味 可以唔洗試