壽司郎 (黃埔天地)

营业中

休息中

起紅磡開咗咁耐 都係第一次食到成日都排長龍 咩時間都咁多人 好誇張佢比起元氣多好多款 第一次食直頭咩都想試 不過食量有限1️⃣熟蝦壽司🦐 ($12)呢個冇乜特別 熟蝦好似有啲太硬 不過不失2️⃣蟹柳沙律壽司 ($12)呢個係見佢個蟹柳好大條 好吸引所以叫的確味道唔錯 蟹柳勁厚 咬落一條條 比較甜 不過唔好期望有蟹味😂同埋唔好俾佢面頭嗰推沙律醬嚇親3️⃣茶碗蒸🥚 ($19)好多人推介呢個 size算大 仲好熱辣辣 個蛋勁幼滑 又好出蛋味 味道夠鹹之後又好足料 有日式魚蛋 冬菇 帶子 白果 好好食😋4️⃣嫩雞排壽司🐔 ($12)第一次見雞排配壽司 幾得意 佢個雞排好薄身 又真係幾滑嫩 冇望落咁乾面上面落咗照曉汁 少少甜甜地估唔到又幾好食5️⃣藍鰭吞拿魚🐟 ($12)佢其實超級多吞拿魚壽司款 一開始睇唔出呢個係吞拿魚 因為勁淺色 食落亦唔重吞拿魚味 不過肉質幾嫩 偶而有啲根韌位感覺普普通通6️⃣帆立貝壽司 ($12)呢個有啲失望 因為佢個帆立貝好細 得一粒切半 之後味道亦唔夠鮮甜 唔係好值7️⃣原味卡達拉娜🍮面頭有一層焦糖 下面係vanilla布甸食幾啖唔錯 好味不過越食越甜所以建議同人分享-整體壽司多款 味道都唔錯

呢度簡直係我最愛食肆頭十名我真係好鍾意排隊呢刻完全感受到自己係一個香港人壽司郎排隊有兩個重點一係開鋪前半個鐘開始排隊一係拎完飛 行兩個鐘再返去簡單黎講，唔排隊唔好諗住食到壽司郎應該無咩香港人唔識我最愛嘅係羅勒三文魚$12牛油果炸蝦卷仲有厚切三文魚腩🤤🤤🤤等我下個月再去食先Openrice價錢💸：7.5/10抵食👍：7.5/10環境🤳：6/10味道😻：7/10份量🍽️：N/A良心♥️：N/A

新出品無舊出品好壽司郎每月均會推出不同盛宴來滿足港人愛嘗鮮的胃口，今次9月以吞拿魚作主打，推出幾款新品！就試左以下兩款新品炙燒呑拿魚扒$12 炙燒過後帶微微焦香，好厚實，都係生既吞拿魚好食d。生七味醬漬長鰭呑拿魚$12 添了醬油漬，添上一份鹹鮮味道，但味道唔太夾，好奇怪。鍾意食吞拿魚嘅可以一試😊最後吞拿魚壽司都係本來的特選中吞拿魚腩握壽司$17，蔥花吞拿魚軍艦$12 同鐵火卷$12 最搵陣。再搭上必食既松葉蟹軍艦$17 同醬烤帆立貝握壽司$27 就可以飽住走了.人均: $100 - $150抵食: 💰💰💰💰💰味道: 😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

試左好多款壽司🍣、小食、甜品🍮淨係介紹一啲我會再想食既:海膽拌麪🍜海膽未至於十分鮮甜但無腥臭味👌🏻麪質爽彈煙韌😻撈勻啲海膽令麪更creamy比想像中好食😋蟹膏軍艦🦀蟹膏份量好足👍🏻唔會好腥帶少少鹹香一啖食曬成舊超滿足🥰中吞拿魚魚配醬漬海膽入口即溶💯正☺️鰻魚厚實👍🏻一啖食唔曬肉質較穴子結實、有咬口微微燒過加埋鰻魚汁🧉好難唔好食🤣帆立貝超大粒🤩新鮮、厚肉🎉味道尚算鮮甜赤蝦/甜蝦🦐大隻肉質軟糯☺️甜味無甜蝦突出甜蝦一客有好多隻係上面性價比高💰三文魚腩🍣大塊油脂豐腴🍾卡達拉娜🧈口感creamy味道似焦糖燉蛋🍳食得多會有少少甜適合開心share👯‍♂️甜薯🍠甜薯被糖漿包住🍯形成脆既口感增加左甜味外凍內熱🧊♨️味覺同口感層次都好豐富✅整體而言，壽司新鮮👏🏻全部大件、厚切性價比高🤤除左要排隊之外無其他挑剔既地方我會避開peak hour再去食🤡

香港人十個有八都當日本係第二個家，放假去旅行，日本一定係其中一個選擇，政府的隔離政策，令到好多鐘意食壽司的香港人好難先可以飛去日本一解鄉愁，排隊食壽司郎就係其中一個可以一解鄉愁嘅做法，而且依個做法嘅CP值高係最高嘅。壽司郎佢多時令嘢食，又多新款壽司，而舊有嘅壽司款式水準又穩定，魚貨款式出邊好多好少地方有得食，重價錢超合理，一個人平均$200內一定食到飽晒，不過最慘係要停超耐位，平均每次食起碼都要等2個鐘起跳。但如果想一解鄉愁嘅壽司郎絶對係最好嘅選擇嚟呢。

壽司郎開業咁耐，人龍仍然冇減過，同朋友都等咗好耐先有得食，食物一樣質素唔錯。脆炸薯條唔錯，炸得幾香口，而有個焦糖返薯條都好好食，佢凍冰冰焦糖包住番薯脆脆地，幾過癮。

平日既星期三黎到呢間壽司郎，好彩都唔算太多人，等咗大約半個鐘至九個字就可以入去食。距離上一次食已經好耐啦，我哋一行二人坐喺吧枱位上喺iPad點餐後就等佢送過嚟咁肚餓當然叫咗壽司先， 壽司都幾好味😋以呢個價錢來講普遍質素都不錯我好鍾意食鰻魚我覺得呢個鰻魚壽司好好食三文魚都唔錯，夠厚另外仲叫咗茶碗蒸同牛肉可樂餅，都好好味茶碗蒸夠滑，仲有好大粒帶子喺入邊添 天婦羅都炸得好香脆，天婦羅汁要另叫免費的最後食埋個甜品，卡達拉拿同芝士蛋糕🍰好好味勁滿足

fai.lok非常直接，先黎個總結壽司郎係比另一間迴轉壽司好食啲啲同新鮮啲，但同一個價錢但你要接受到等2個小時，值唔值得就自己決定當然現在壽司郎都有電子拎票等位，有些人仲會拎左票去行街影相後，返到去就食得紅磡黃埔店通常5:30至6:00就停止派飛天然藍鰭大吞拿魚腩  ($27)厚，色水好，新鲜，好淋，但未去到入口即溶，油脂比例剛剛好天然藍鰭中吞拿魚腩  ($17)食完27蚊大吞拿魚，就會覺得中吞拿魚好普通，但都食到魚既質感，魚香味強烈吞拿魚 ($12)普通外賣盒吞拿魚 ，但就新鮮啲極上鰻魚 ($27)好厚肉，無咩細骨蔥花吞拿魚軍艦 ($12)吞拿魚調味幾好，但吞拿魚就有啲過份碎同爛炙燒芝士三文魚 ($12)燒得岩岩好，唔會太熟，提升到三文魚本身油香始終覺得芝士同三文魚真係好夾 三文魚腩厚身、魚油味濃白桃味芭菲 ($32)甜品有驚喜，個底係蛋糕加上三舊白桃，芭菲同白桃雪糕蜆肉麵豉湯 ($17)個湯得個鹹字，當自己食下蜆肉仔算赤蝦 爽口彈牙而且又鮮甜

依家要在香港食到性價比都到位的壽司店，其實都真係好難🥲 米芝蓮星星的食唔起，無聲但又有名氣既你訂唔到位，但幾百蚊一個omakase既店，有啲真係搵你笨…而sushiro…認真，我開頭好驚係元氣啲friend…一直都無興趣。今日我男友竟然3點半就去左拎飛，晚上7:00約左我係門口等，去到都要等半個鐘先入到…（見佢咁神人去拎籌，我梗係陪佢食啦）當我食第一件時，心想，唔錯喎，講緊係$12/2件既壽司呀…到我再食知「梳乎厘海鰻」時，OMG!!太肥美了❤️❤️再點左6件來吃，之後8掛幾錢碟，原來都係$12😱😱😱最後，兩位賣單都只係$400，實在食得太爽了。終於明白點解咁多人排隊了。

壽司郎八月限定二週年創業祭，推介11款食品當然都要試下啦日本産烤牛肉海膽 $27 烤牛肉夠腍，不過本身有醬汁，唔係好食得出海膽味。中呑拿魚魚腩配醬漬海膽 $17 同烤牛肉一樣，醬汁蓋過海膽鮮味。中呑拿魚腩係好食既。梳乎里海鰻 $12 入口溶化的海鰻，好食炙燒赤鯪 $17 燒到乾身的赤鯪，有點咬口，口感唔錯。特大三文魚腩配新洋蔥汁 $12 幾大塊三文魚，洋蔥汁味唔係好搶。特盛甜蝦 $12 之前推出過，一啖七隻甜蝦的口感。劍魚腩 $17 跟炙燒信州味噌金華鯖魚 $12 無咩特別特盛蔥花呑拿魚軍艦 $12 無貨無得試…和牛可樂餅 $17 比朋友食晒無試到…炙燒半溶芝士蛋糕 $22 面層焦糖微脆，中間芝士蛋糕有點似入口溶化，好食但偏甜。.今日黃埔店11點15分拎籌都要等兩個半鐘，真係好誇張！但都唔夠我朋友誇張，兩個人食左35碟壽司！！特大帆立貝 $27食左真係返唔到轉頭！望返$17兩件帆立貝覺得唔OK囉蟹柳天婦羅 $12 熱辣辣，外脆內軟，好抵食海膽撈麵 $32 實物與圖片不符，但都幾好食，好似食緊西式Creamy意粉咁，少少偏鹹南瓜天婦羅 擺位幾靚，五塊南瓜，多甜但略嫌太薄切，只係食到炸粉的

9 0 的 味 蕾日本迴轉壽司大軍進攻香港都成年啦，鍾意排隊嘅香港人到底食咗幾多次呢？.我應該總共食咗10次😂.不過我就唔算好鍾意排隊，所以有好幾次就同啲朋友外賣自取返屋企食😋.💥咁食過咁多次有啲乜嘢我係必點？.📣排名不分先後:1.三文魚腩厚身、香口、魚油味濃、零雪味2.中拖羅口感唔會偏溶，魚香味強烈，價錢OJ.3.炙燒左口魚燒左好強魚油爆出黎，咬落去軟綿綿，魚油香味極濃.其他壽司都係中上質素，你要omakase質素就無咖啦，亦都唔會有咁多特色設計既壽司，不過佢嘅質素肯定好過其他連鎖壽司店

今日weekdays 5:30walkin拎飛 可能因為依家到到都開分店所以我地6點零就入得,唔算話等好耐app book真係唔會book到，所以想食？walkin好過！今期既新野都係係北海道產🤎北海道產特大帆立貝 $27真係好大粒，好鮮甜必食10分比足10分！🤎北海道產海膽海菭包 $27變相無帶子咁抵食啦，因為海膽好mini！to be honest，都係鮮甜既10分比8分🤎黑碟係 特選大吞拿魚腩 $27都係一樣咁正既不過薄切左🤎銀碟係 特選中吞拿魚腩 $17個人 比較鍾意食中吞拿魚腩因為厚過大吞拿魚腩好多，更加滿足10分比足10分！🤎北海道產栗子馬鈴薯 $17呢個真係好普通，味道都只係薯仔起呢個名係因為外形似栗子？不推薦試🤎炸雞軟骨 $27好味，唔會太咸，脆卜卜可加檸檬汁只仡份量太少，會唔夠侯10分比9分！🤎松葉蟹軍艦 $17蟹膏實在太好味了必食10分比足10分！🤎南瓜天婦羅 $12炸粉唔會好多，南瓜片切得好薄炸得脆卜卜可加檸檬汁🤎炙燒三文魚田樂味僧 $12三文魚好肥美，入口即熔10分我比8分！🤎蟹膏軍艦 $12真係好唔孤寒，滿滿既蟹膏好好味10分比足10分！🤎鮮蝦天婦羅 $12炸

Wheeee (｡･ω･｡)ﾉ٩(˃̶͈̀௰˂̶͈́)و【壽司郎新品　咁啱唔使等】其實前排先食完一次壽司郎，但唔知做乜又好想再食😂 所以又去咗walk in，嗰陣已經十一點，但勁好彩唔使排隊就入到去🥳 之前星期日去等真係等到佛誕嘅同時，可能因為今日係閒日嘅關係，等都唔使等🥸～我是Menu～濃厚海膽拌麵 $32上一次嚟都冇呢個海膽拌麵，今次見到即刻嗌咗嚟食，之前喺日本都食過一次，但我覺得香港嘅好似正啲😛 個麵煮得啱啱好，軟硬適中，撈埋海膽醬嚟食真係好惹味🤤 仲有啲紫菜同紫蘇葉，同啲海膽醬好夾🥺 最緊要係仲有啲海膽喺面！一碗大概有4嚿啦，我哋就覺得好抵喇，去開壽司郎嘅話可以試吓啊！～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻🐻總分：💛💛💛💛地址：壽司郎 (紅磡)紅磡黃埔天地享膳坊(第4期)地下G10號舖

我要叫外賣呀大佬，你hold住條線唔聽電話係咪想蛇王呀？早幾日我打咗成兩個鐘頭電話都冇人聽，你哋咁樣係算咩意思？係咩服務態度？係咪唔想做生意？希望壽司郎老闆睇到呢段文字，提醒員工改善服務質素

今次去咗黃埔嘅壽司樓因為係下午茶嘅關係都需要等半粒鐘，晚上就真係唔會去食，冇能力等兩個鐘。黃埔嘅壽司郎餐具比較黏立，枱面亦都係，味道相對冇佐敦分店咁好食，自動壽司帶原來都可以送錯嘅，期間送壽司嚟嘅時候係有送錯其他壽司。最喜歡珍寶魷魚壽司，唔知而家係咪粒飯細咗，所以顯得個魷魚特別大。