夏麵館 (已搬遷) 新店位置

前次等位良久，怎料坐下方發覺招牌麵全賣光了，一怒之下離座而去。是日在佐敦，覓食不易，時維下午五時，想圓方的夏麵館應不用等位太久。於是乘公車抵圓方，等了五分鐘左右入座。點了「蝦爆鱔麵」、「香菇麵筋」及「夏府燜肉」，其後見時間不早，可當晚餐，再追加「雪菜黃魚麵」。蝦爆鱔麵很普通，份量不少，味道不過不失，說沒放味精是騙人的，只是味道也不太壞。香菇麵筋及夏府燜肉份量較少，以燜肉為佳，味道在香港而言較獨特，有點像在滬吃的傳統濃油赤醬的上海菜。香菇麵筋是一整塊麵筋上覆以香菇，與平日所吃不同。雪菜黃魚麵是壓卷之作，黃魚味頗鮮，麵條有嚼勁，雪菜味頗咸，幸好麵湯近乎白開水，可以沖淡雪菜咸味。侍應服務不過不失，可能尚未到繁忙時間吧，我們五時多入座，六時多離開。總括而言，食物不過不失，麵條份量頗足，與香港其他食肆有點不同，至於其他菜式份量偏小巧。如果要花時間等位似乎不值得，要受閑氣更不值得。

自己唔算係食家,一向都係睇人哋d食評多今次真係好想話俾大家知呢間嘢d服務真係差到爆...我嗰日去食LUNCH,原本入到去都覺得環境好舒服,仲播懷舊歌...好有心思同特色....再加上人流不絕,所以感覺都唔錯但冇幾耐,我發現我張檯係唔平,有少少搖嚟搖去,我就同個waiter (TXM) 講,希望佢可以安排其他檯,或者攞D嘢墊一墊....點知佢聽我講完之後,係咁易望兩望就話'冇檯換喎'之後就行咗去,我即刻叫住佢可唔可以搵D紙墊一墊,佢就即刻黑哂面, 好唔耐煩咁行過嚟話其實張檯本身可以調較,但係佢未搬走哂檯上D餐具就托起張檯,我同我老公就好狼狽咁攞住D餐具喺隻手度...可惜佢越攪張檯就越斜.又手忙腳亂,我好心叫佢唔好攪,D食物HOLD住先,等有檯嗰陣我轉第二張,佢話:'咁而家冇檯喎,你食住先啦' (食到就唔駛叫你轉啦=.=")我: 咁你同個帶位講聲先,同我HOLD住D食物咪得囉佢就行咗去喇....但冇幾耐,我D食物就出咗喇喎佢又行埋嚟我:唔係HOLD住D唔食物嘅咩??佢:咁而家出咗嚟咪放喺張檯度先囉之後我都未識反應佢就張D嘢擺上檯之後其他FOOD就陸續嚟喇.....我哋冇掂過D食物雖然之後我

第1次到圓方行街...見到哩間野咁多人排咪試下囉!!!!等位等左都唔係好耐...入到去坐底到點完菜都唔夠五分鐘竟然一杯茶都無囉...仲要出埋單收我茶錢....問左2次先至肯俾杯茶..等左差不多半個鐘先有野食....隔離枱遲過我地入都食緊啦~哩D都算!!食完之後由於趕住睇戲~~叫埋單D侍應都唔理..咪行出去埋單囉....點知佢地D態度差到爆...黑口黑面~~好似好唔耐煩咁...等你俾錢...有冇搞錯吖...我去食碗雲飩麵埋單D呀姐都會講聲多謝啦.....佢地一句都唔講仲好唔耐煩咁等你俾錢...哇!!態度差到爆!!!

今日無無聊聊上網尋找美食時候見到夏麵館既評語... 本人並非什麼出名食評家,只是想平心而論罷了!今次留言純粹個人意見~本人到此餐廳惠顧已有數次之多,但看過其他評語後, 在此想作出一些回應. 對於此餐廳既食評, 本人認為尚有改善空間...致於環境方面, 本人覺得要認真處理, 是關此餐廳坐落在一所高級商場內,並且是室內環境, 唯一令本人震驚的是有很多很渺小並會飛的小昆蟲死心不惜的在食店內巡遊...真係唔知佢地(很渺小並會飛的小昆蟲)想點???而在服務方面, 本人則應為是個別侍應既問題, 可能本人比較幸運,遇上大部分侍應都有十分好的服務態度.落單點菜時我朋友問那名叫rocky既侍應有什麼好推介,他很仔細地講解給我朋友知,走既時間仲好有禮貌送我們離開並給予我們卡片;另一次, 一名叫shing既侍應十分親切的給我們落單; 還有一次,一名叫sing既侍應動作很快手, 而且很仔細的留意到我們坐的桌面既情況, 我朋友覺得他很醒目, 但本人不否認此食店內有些不大醒目並且很不專業既侍應, 但整體服務是可以的...記得其中一段食評覺得帶位姐姐態度惡劣, 但我和朋友們斬覺得她很親切可人, 有一次我和七位朋友被

又係同媽咪週圍去試新野食.....因為我係食素既, 所以叫左素餃.....結果.....黎到......見唔到有煙出, 咬落去係暖既, d 皮亦好厚...好難食....希望佢地會改善, 如果唔係就取消呢樣野好過!

見平時咁多人等位, 就同家人一共3個平日lunch time試菜.當日餐單:毛豆雪菜擔擔麵嫩雞麵上湯娃娃菜爆蝦腰先講毛豆雪菜, 成30幾蚊, 超細碟, 都又咸擔擔麵, 無乜料, 個湯ok但沒有驚喜.雞麵又係一般水準娃娃菜, 超甜, 不過唔係自然的甜, 是人工加糖, 食到家人媽媽聲.爆蝦腰, 成70蚊, 份量又係好少, 而且不好吃.聽聞呢間野係國內好成功, 亦好好味, 估唔到嚟到香港咁....個人認為王加沙好食好多

價錢相對便宜會係呢間餐廳晚晚旺場既原因。我去果日係1月17日, 服務唔差播! 帶位姐姐見我6個人, 等來等去都只有4 人台, 叫我地坐住先, 都ok呀...食物ok 好味, 不過略為偏咸, 可以話超咸!!食果時味道好, 食完番屋企一定要食番水果同飲多d 水!!燻蛋咸, 炒面又咸, 個膳糊又咸又多油, 其實同出面差唔多。可能都係呢類菜既特式。唔係好出色, 如果為左去圓方行下, 平平地會係一個落腳點, 不過既然一場黎到, 洗多少少食餐好既都值得既!

前幾日同個朋友去左夏麵館食野, 我地每人叫左一碗擔擔麵, 等左成15分鐘, 我地既擔擔麵先到, 其實都唔算等得太耐, 開初見到碗麵好似好辣咁, 但係食落, 覺得okay喎~唔係太辣之餘, 仲覺得幾好食, d麵質亦都好夠爽同埋幾彈牙, 口感真係不錯呢! 不過我地都覺得份量唔夠, 得個碗大, 如果份量再加多d, 會更好!幾好呀~下次我都會再黎試下其他野~佢d價錢都幾合理!話晒間野都o係圓方喎~

想試這餐廳很久了，終於有機會一試。午餐時間人不算十分多，我倆排了十多分鐘就可以入座了。點了擔擔麵，紅油抄手和小籠包。擔擔麵($38)︰好像水汪汪的，賣相不太吸引，而且顏色還令人覺得辣。不過吃下去又是另一回事，麵條很彈牙的，而且湯也不太辣，不過好像少了一點花生的香味吧。紅油抄手($28)︰皮很薄而餡料也蠻好吃的，比較有驚喜是的紅油也十分香呢。小籠包($24)︰我倆都覺得這小籠包不差，皮薄薄的而湯汁不少，而且有鮮味。座位都很擁擠，而且看你一吃完就來收拾餐具。也許太多人的緣故吧，沒有甚麼服務可言。

次次行過夏麵館都見好多人排隊, 諗住應該係正野,就同朋友試一次啦!2 個人叫左2個擔擔麵,小籠包同上海炒麵.擔擔麵既麵身好腍, 湯底甚"稀", 有花生碎但冇花生味, 完全唔覺得係食緊擔擔麵.小籠包不過不失,上海炒麵就好難收貨,成五十蚊碟麵, 但仲難食過街邊既炒麵. 死實實既鹹味,連鼓油應有既味道都蓋過晒,d 料又少, 一住食一住呻笨. 食4樣野要成2百幾蚊, 又唔好食又唔飽,一定冇下次!服務都唔係好ok, 添茶次次要人叫, d 服務員企埋一堆, 見到都側側膊. 叫得果4樣野, 等左25分鐘, 催左3次先黎得齊, 老實講, 真係唔明點解仲咁多人排隊......

I would like to share my bad experience in this restaurant with you guys.Last night, my friend and I went to there for dinner. Before the dinner, we were very excited about it; however we are very disappointed after the dinner.First of all, I don’t talk about the food, I talk about the service. To be honest, this is one of the worst service restaurants I have experienced in my lift. After the receptionist arranged the table for us, we found that it was very cold around our seats due to the air c

同姊妹聖誕聚會,想起未去過Element,於是順便黎試試此人氣食店,7:30等位只需20分鐘, 由於有不食內臟和魚的,因此沒有點黃魚麵和腰花麵等等,點了:1.煙燻蛋-雖然係溏心,但$22/1隻,比較貴!2.麻辣海哲-幾香,唔係好辣3.小籠包-1籠4隻,有肉汁,幾好4.排骨擔擔麵-湯底幾鮮,擔擔辣汁可以分開上,排骨1件5.紅油抄手-唔辣,但D肉好滑6.上湯娃娃菜-一般7. 薺菜炒年糕-略濕,普通8.擂沙湯丸-4粒,新鮮做,要等,好好味,有黑芝麻餡,正!埋單:$330,整體ok,服務幾好,下次經過會試下招牌麵,專程黎食我就唔會lu! 　

係openrice睇見呢間新食肆o既評價都唔係咁好, 喊多過笑, 所以有點兒卻步. 不過, 上星期終於有機會試下係咪真係咁差喇, 因為有人請食飯. 不過只係午餐... 哈哈.. 我叫左個咩咩蝦爆鱔煨麵, 同事問侍應湯麵同煨麵有何不同, 侍應都好有耐性解答. 煨麵比較腍, 湯麵比較爽云云... 除左個麵, 仲叫左小籠包, 紅油抄手, 唔記得咩雞...小籠包, 紅油抄手都ok架喎, 小籠包有好多湯, 皮都可以話薄. 味道正常. 而紅油抄手就唔係咁辣, 不過好滑. 到個麵喇, 好大碗, 同之前o既朋友講話四五十蚊一碗好細o既麵仲一定唔飽咁話.. 點知, 好大碗呀.. 不過, d蝦仁好細隻, 有十隻左右, d鱔就係黃鱔, 唔係咁多囉, 不過都起碼夠飽o既…仲有, 差d漏左碟雞, 味道幾好, 不過好肥好多羔..整體黎講, 只係食個名囉, 有咩特別??? 唔太清楚…唔口渴掛. 但係食評話o既漏單差d出現, 個排骨湯麵等左好耐先到…八個人一共食左$550左右.. 70蚊一個人, 唔貴就假

1. 服務落單混亂,送錯食物及亂上桌,遇上外國客,招呼特別殷勤,崇洋心態不值鼓勵,應該公平對待所有客人2. 食物黃魚煨麵,除了湯底可喜之外,魚肉稀巴爛的,根本吃不到魚.麵也是煮過了時,稔得有點過份,口感很差.與其賣麵,倒不如只賣黃魚煨湯好了清炒蝦仁蝦是碎碎的,而且非常油膩,很差擔擔麵麵也是稔的,撈麵而麵身太稔,撈出來的結果很嘔心蟹粉小籠包吃不出有蟹粉,而且包的皮做得好厚,包亦沒有湯汁3. 總結ELEMENTS內一間比較廉價的餐廳,而且同時在傳媒吹棒之下,光顧人數之多絕對嚇人!而餐廳卻未能消化得到,而弄至百般不討好,打爛上海的金漆招牌,希望若干時間後能站得住腳.

各位，我作為正宗上海仔，我覺得呢間店真係好食!猶其是鎮店黃魚煨麵$58，我連碗湯都一滴不留!唯一評語就係偏貴!