多多車仔麵

营业中

休息中

多多車仔麵，之前已經見過這間店舖，它經常推廣這個聰明哥豬扒，友人叫了，我就叫其他試一試。兩個下午茶車仔麵，都只是$67 ，但沒有包飲料，但其實我買外賣在家中吃，沒有飲料也沒所謂。我的腩肉海帶豬腸，海帶份量也不少，算是比較獨特，但由於湯底味道不太濃，而且我加的辣子汁，也不太香濃，因此成碗面起上來都比較味淡，不太像在吃車仔麵。腩肉份量還算不少，也肥瘦均勻，不會太乾太瘦。豬扒腐角豬紅油麵，湯底味道偏淡，友人那個好像加了沙嗲汁，但味道都是輕鹹，因為沙嗲汁不算太濃香。但這個聰明哥豬扒確是不錯，因為門面都經常掛住這個聰明哥豬扒的招徠推廣，其實有點兒像元朗那些爽爽豬扒，沒有使用大量醃肉粉，因此肉味還是得以保留，但又不覺得太過鞋身或是乾。

月尾又係時候食下啲平民美食💛平時食車仔麵嗌開蘿蔔豬紅咖喱魷魚，嚟到多多車仔麵男朋友介紹我一定要食特別推介嘅聰明哥豬扒，食過就明點解佢次次都會嗌！聰明哥豬扒外層酥脆，大大塊切件方便食，豬扒肉質腍身又入味，仲有肉汁添，絕對係必點嘅！炸魚皮亦係出面比較少見嘅有骨炸魚皮，厚身得嚟特別脆又香口；豬紅同加咗鹵汁嘅湯底好夾，加埋惹味嘅蒜辣子，簡單又滿足。餐單上仲有推介嘅金牌乳鴿同豬扒包，下次唔想食車仔麵嘅話都可以試下！

突然想食車仔麵，以為同火炭同一間，就去試下。一入去，就叫我搭枱，中間有冇板，搭枱？個刻好餓，見對面又係個學生，唸住食完快走算。用箱頭筆落單，張單格都唔係大，好彩老花唔嚴重，叫咗「聰明哥豬扒」、豬腸同豬耳，加咗罐零可樂，49蚊。豬扒唔錯，味道好香，都一大塊。湯底比較咸，麵份量較其他店少，豬腸同豬耳就少得可憐，豬耳林到唔駛咬，豬腸細粒到差D睇唔到。其實見當時全店滿，一枱接一枱，外賣一單接一單，生意都應該唔差，但駛啱駛咁寒酸。。 同埋呢類餐廳既店員都係有一個常見情況，就係店員不停傾，嘈到你係想快D食完走。一心想支持小店，但都要值得先得架。相信我唔會再去。

由佢新店開張到依加都唔算多人食, 大家都去排隔離八鯨😅但多多都好好食架!~餐牌幾多餸揀, 大部分都係大路野💁🏻‍♀️<聰明哥豬扒& 魚餅& 柱侯牛腩>魚餅入面有啲五色蔬菜朋友, 唔係咁岩我口味柱侯牛腩配腩汁(相認)🙌🏻因為煮得都夠腍, 唔會柴皮痴牙, 都唔錯😋<聰明哥豬扒& 貢丸& 大腸>⭐️聰明哥豬扒⭐️面脆但入面絕對唔會柴皮, +$2必試呀!😆(唔知有冇知音人)連住骨既肉最嫩最好食👍🏻貢丸唔講啦😂大腸都好正🤤一黎唔係到到有得食, 有又未必好食~ 大腸配腩汁(係呀又係腩汁)好好味👍🏻------------------------------車仔麵黎講算係上品, 希望聰明哥豬扒可以比多啲人發掘啦😉 好多舖頭已經好多人排啦, 肚餓等唔到真係可以試下多多車仔麵💁🏻‍♀️

呢間多多車仔麵 (大埔)好味及非常抵食，$38三餸一麵，由其係個豬扒，特別推薦！！車仔麵份量適中，好多餸及麵類選擇，店鋪職員非常好客，最重要最重要係黃色圈！多多支持👍🏻會再幫襯！

因為唔熟大埔，搵左一陣至去到鋪位，店內位置坐得舒服， 叫左著名嘅聰明哥豬扒（只加$2抵食），因為急不及待吃了一塊，所以照片係冇左舊嘅，豬扒非常入味，薄外脆內有肉汁，夠香口另外叫左豬腸：乾淨又夠淋豬皮：外觀平平無奇，但出乎意料好味，完全無油憶味道咖喱魷魚：夠爽又入味白蘿蔔：可能現時季節蘿蔔未係最甜，無渣算合格牛腩：不過不失，有咬口（每枱都有微辣菜脯任食，好味又新鮮，加落碗車仔麵一齊食更好味）好食車仔麵唔易搵，多多值得推介！

喺大埔唔知食啲乜嘢好 🙄就求其睇下有冇車仔麵好食啦就搵到有呢一間嘢 一入到去呢間嘢入面 食嚇都唔算少 但係啲員工都好有禮貌咁樣教我點樣塡 又遞筆畀我 感覺好好🤓🤓我就嗌咗一個叫做聰明哥炸豬扒 唔係話超好食但係都幾有風味 唔錯唔錯 車仔麵嗌咗麻辣小辣 個人覺得小辣唔係好夠辣另外我仲嗌咗個燒乳鴿 不過唔記得咗影相 上菜嘅時候已經急不及待要食 皮脆肉嫩不過就冇淮鹽唔畀我哋 但其實都夠鹹㗎啦 總括而言 味道唔錯 但係我一個人食 一個面加個豬扒 再加個燒乳鴿 就有啲多囉😂😂😂 下次唔好眼闊肚窄叫咁多

此店已開一段時間，食物正常，應該都幾新鮮，所以夜D就會吾齊嘢，呢個應該系好事，老板娘好認真及全力去做，食物種類有D特別，吾只一般品種，最特別系有所謂套餐，有乳鴿食極之少有，乳鴿雖然比吾上出名大食店，但車仔面有乳鴿食真系第一次，大埔其實都有吾少車仔面，隔近有一間都幾出名，所以競爭都幾大，店內平時人流一般，但有時都要門口排隊，大家要比D耐性，想隨便都可以食乳鴿，呢度真系值得推介重有收起既蒜蓉辣椒油都值得推介，絕對可以將面提升效果，真系吾講得笑

黎開大埔搵朋友，咁啱行到附近見到呢間車仔麵都幾平，就同朋友入左黎食。舖內既環境幾乾淨，D位都幾闊落。值得一提既係，每個座位都有一個QR code，可以用手機落單，非常環保。Menu，有好多選擇，可以用枱面既QR code落單。豆漿。朋友叫左枝竹、咖喱魷魚、炸魚皮、甜酸齋。炸魚皮超脆，係有埋魚骨果種。枝竹同甜酸齋正常冇咩特別。魷魚好脆好好食。我叫左聰明哥豬扒、紅腸、魚餅。豬扒係佢特別推介既，幾juicy，厚身而且幾大塊，而且幾入味。店員好有禮貌，舖頭入面都幾好坐，第一次見用手機落單既車仔麵舖。鍾意車仔麵既朋友不妨黎試下，抵食而且幾好味。

之前外賣過一次，覺得都幾好食知道佢係大埔良心小店更加要有大大力支持D料新鮮，肉唔會硬/無味聰明哥豬扒好味又唔會炸到乾晒，牛腩淋👍🏻咖哩魷魚味夠又有口感，唔係浸到化晒個種下次要試下乳鴿，今日遲左賣晒最正係有辣菜圃任食👍🏻👍🏻仲有足料檸檬薏米水，無影到🙈作為一個車仔面愛好者，覺得滿足😋

大埔廣場有另外一間車仔麵店係我以前讀書時期好鍾意幫襯嘅，但近年水準每況愈下，喺呢頭真係好麵難求。最近有朋友話廣場有間新開車仔麵好味，等我又出動試吓先😋買咗外賣三餸一麵，清湯米線+紫菜+滷蛋+聰明哥豬扒(+少少辣汁)。店家分咗湯，餸同麵底亦都有隔開，到食嘅時候湯都仲係熱辣辣，米線同餸亦都唔會過淋👍🏽 米線滑溜又有口感，不過我覺得清湯普通，下次再食會叫其他湯底🤤 餸方面就三種都好出色👍🏽👍🏽👍🏽 紫菜好好食、冇沙，辣汁加咗喺餸面，同紫菜好夾，麻麻辣辣，正👍🏽 滷蛋好入味，仲好味過唔少滷味店賣嘅滷蛋👍🏽 聰明哥豬扒我屋企人食嘅，佢話炸皮脆薄，豬扒入味、唔韌唔鞋，好惹味，相信堂食會更好食👍🏽 店家仲附送咗一小包菜甫，菜甫微辣好開胃，好想用嚟整菜甫蛋😂總結：餸嘅種類多，唔只得丸嗰類hea嘢，而且試三款餸三款都好高質。麵底湯底正常發揮，期待試其他湯底😋

好surprise一間茶餐廳格局嘅小店竟然有乳鴿賣～老老實實，門口真係好普通，唔係朋友食過推薦真係唔會幫襯！因為老豆鐘意食乳鴿，於是買隻返屋企試吓…首先讚一讚係佢外賣用紙盒，環保得黎又可以透氣，返到屋企放咗大半個鐘都仍然非常香脆另外可能佢炸前有醃過，味道好入味，完全比得上酒樓級數肉質方面好juicy，咬落仲保留肉汁，完全唔會炸過頭炸到又乾又燶。最後要讚係個服務態度，個收銀嘅店員好好禮貌有機會再試吓個炸豬扒同車仔麵先～

夜晚一個人試吓呢間新開未食過嘅小店比我想像中多客人店員姨姨非常有禮貌地安排坐位$38 三餸 $46 四餸除咗餐牌上嘅選擇之外仲有另外張貼係枱嘅特別推介都可以揀面對咁多選擇 心大心細見到對面姐姐食豬扒撈麵 檸檬薏米水決定跟！但我叫咗沙嗲汁湯麵另外兩餸係豬手同咖喱魷魚果然要加兩蚊嘅聰明哥豬扒 物超所值炸皮脆薄 非常香口入味 推介！豬手有胡椒湯味 魷魚爽湯底方面 沙嗲汁好味但較淡 可能叫撈麵會濃啲🤩檸檬薏米水感覺滋潤可以嗌少甜更加健康～～見到隔離枱食乳鴿 同胡椒豬肚湯 食到舔舔脷仲話抵食過一田睇到我流晒口水下次都試吓先埋單 店員姨姨問好無食 同推介下午茶大埔街坊可以去試下

好好食既懷舊蝦子麵，醉雞又岩岩好，豬扒脆脆地勁好味，仲有個蠔仔煲好野味，唔係住大埔既都推薦入黎試試，我大膽講句包唔會失望，最緊要係四眼老闆係真香港人，全力支持唔洗講野！

朋友介紹了一間車仔麵叫我去吃，所以到了吃午飯的時間我便去試一試。我叫了一碗招牌麵加咖哩汁，咖哩汁的味道夠辣，豬大腸都好夠味。豬扒都是好好味，聞到好香，不會干。吃完之後都好飽，份量都好足夠。下次再帶埋朋友來吃！😋