多毛 (已結業)

啲貓貓都好肥，啲毛又好蓬鬆又令🥰大部份貓貓抱起身都唔會掙扎，又好黐身，有幾隻摸一摸就會瞓咗喺度，任摸唔嬲🥰店員仲會抱一啲比較乖嘅貓比我哋抱，仲有介紹啲貓嘅名同埋性格比我哋聽，最有印象真係刀爸！每次玩逗貓棒佢都好主動同玩得好high 🤣興奮到跳高去捉添！嘢食方面，就正正常常，同其他cafe差不多，但個壽喜燒夾餅真係個牛肉真係幾好食👍🏻輕食嘅最佳選擇😋去貓貓cafe主要原因係同貓貓玩🥰難得有黐身嘅貓cafe，但去到3-4點係啲貓貓午覺時間，店員話要同貓貓玩都係最好喺12點嗰陣時去，係貓貓最精神嘅時候🤩下次一定會再去搵佢哋玩🥰

係IG見到foodie介紹呢間貓cafe，咁啱喺附近直接踩左上去，上到去職員話可以walk in就入咗去，一入去就見到幅好大既貓牆，同埋真係好多貓！唔知係咩原因，佢地啲貓都唔係太怕陌生人，唔會掂一掂就彈走，呢點要讚下，問左職員比唔比抱貓，職員話只要溫柔對待，貓貓唔反抗都ok，有教下點抱食物方面叫左卡邦尼意粉同吉列豬扒烏冬，質素正常，同埋份量都OK，飲品就係隨餐跟既可樂，總括而言我覺得以主題cafe黎講，個價錢都算係咁，出面食個意粉都要百幾蚊，但呢度用食物消費代替入場費，比人感覺都幾抵玩最後有其他客買左啲雞肉餵貓貓，係幾過癮，不過問職員既時候話已經賣哂，無得玩

假日下午二時入座，座無虛席。全場六，七個小朋友追住啲貓玩，抱起貓咪，貓咪逃走，繼續追貓，又抱起。店員沒有阻止，甚至主動抱起貓咪，送到小朋友懷裡。貓咪數量不是特別多，看不出是人貓比例最高。大部分貓咪都不親人，只有幾隻會到處走，或者係瞓咗教。食物正常。環境同店名一樣。食物擺上枱，好快就有毛。整體感覺店鋪不愛錫貓咪，幫襯等於傷害，不會再去。

環境感覺一般，坐位有啲逼但都尚可接受。貓貓打理得麻麻，眼睛清潔得唔乾淨，嘴仔下巴皮膚又有一撻甩毛😢食物方面嗌咗$108嘅卡邦尼意粉送餐湯同飲品，係我食過最難食嘅卡邦尼，個意粉份量少，冇乜味又冇咩汁，只有火腿同蘑菇做配料，餐湯就係金寶罐頭開出嚟嘅忌廉湯，呢個價錢咁嘅質素我真係唔會再幫襯！

啲野食咁hea咁難食又少都好意思賣百幾蚊罐頭湯加極唔新鮮既沙律貓咪又有皮膚病又傷又冇精神又吹到自己有幾多幾多貓隔離urban照顧啲貓好你地多多聲人生第一次負評加blacklist

依家貓貓Cafe真係我去過最正嘅Cafe🐱其實之前去嗰間urban cafe都已經覺得好正而且好多傻貓貓，但係因為嗰間都算係最出名嘅其中一間，所以長期都好多人而且要排隊，加上太多人我哋自己玩都唔太放鬆（啲貓貓俾人搶晒🤣）但係呢間有可能係因為下午時間冇乜人當時淨係得兩枱客，所以基本上可以玩晒咁多貓貓，而且呢間嘅貓係最痴身❗️呢樣嘢要重點講，因為真係太可愛啦，而且嘢食方面到出色嘅，基本上冇咩好挑剔，通常貓Cafe都唔會太追求嘢食出眾，但係呢間我覺得個質素唔錯嘅，呢個價錢好滿意😍

我同frd約咗去呢間新開嘅cat cafe，由於地址小僻，出邊天氣熱到痴線，搵咗好耐先搵到。但去到先知要book位，有個員工行出來通知已經停止派籌，我哋又熱又sad。我地企喺門口諗住涼兩三分鐘冷氣就走，因為真係熱到嘔。點知門口個waitress好似睇怪物咁望住我地點解仲唔走，我地解釋話出面熱到滿頭大汗，我地等唔到位，所以涼兩三分鐘冷氣抖下啖氣即刻走。點知佢勁惡咁恥笑我地，大聲話：ha?當呢度咩地方啊？要嘆冷氣去對面商場喇！真係超存人情味，同埋個waitress態度超西，好冇禮貌。雖然冇食到，但我同frd都會blacklist呢間嘢，未試過有咁差嘅體驗。Urban cafe好好多，食物質素好，waitress都唔會咁冇禮貌話個客人。

我在約定時間到達，我按門鈴等開門，我見無人回應便按多一下，點知過多一陣有個店員走出尼同我講“你見唔到呢度好多人架咩？你係咁叮咚叮咚都無用架！” 我真係未見過咁無禮貌既店員，就算做到燥覺得煩都唔應該對啲客發脾氣，況且我只係按左兩下咁大把，需要咁樣閙個客人嗎？未坐入去已經無心情食另外野食方面，炸豬扒烏冬，炸粉勁厚，厚過塊豬扒，意粉沙律pizza一般般，加$15既白桃梳打亦只飲到好假既香精味，咁既價錢唔值，urban cafe好好多

滿心期待去貓Cafe玩，話明係Cafe咁梗係諗住食物都有少少質素啦，大蝦煙三文魚凱撒沙律，蝦同煙三文魚就正常冇問題啦，雖然都冇乜味㗎啦，但係你寫得係凱撒沙律，你包粒又冇煙肉碎又冇，我都冇咁好戲，你連啲菜都好似擺咗好多日生晒銹咁，你叫我點食得落，啲菜仲要好似喺垃圾桶攞返出嚟咁樣，全部都霉霉爛爛，凱撒沙律唔係比凱撒醬，比普通沙律醬，咁就唔好寫自己係凱撒沙律，仲要係用普通沙律菜唔係用羅文菜，之後都唔會再嚟㗎啦😞

之前朋友介紹說旺角新開了貓貓cafe，看到又多貓貓又可以任摸，心動立即安排時間去朝聖！Cafe 的社交平台有電話可what's app預約，當日未夠鐘店員就打來問係咪黎緊，嚇得我以為記錯時間，留枱10分鐘~進門前要先著鞋套和消毒雙手～鞋套機壞了，要自己套上鞋套。店裡貓貓真的很多，目測起碼20隻，Lunch time時份有一半貓貓都在睡覺，很可愛~沒有入場費，每人最少點一個套餐，QR code下單，不過就有點混亂，店員又重新問我們點了什麼，看回menu和相片後發覺原來連套餐的餐湯/ 沙律都漏單了，沒有給我們。掛住玩貓當時沒有發現啦。食物質素是正常的，有加一服務費。薯角還有三件在碟上店員就想收碟了。好評是給努力賣萌的貓貓啊~ 感覺是店開始紅了，人很多。。。見到有客人強行抱貓，地面都有跌了的碎食物（未清理），希望店員多加注意呢。

旺角最近新開嘅貓貓Cafe🐈🐈‍⬛！目測約有40隻貓貓，每隻貓貓都有自己名牌戴住唔同性格分類嘅頸繩，個個都好精靈活潑😍無論係環境地方定係貓貓都好乾淨冇異味店員會不斷keep住吸塵執枱清潔，以免貓貓誤食場內提供逗貓棒道具同貓貓互動，亦可以買貓貓小食餵下仲有個鈴鈴俾客人召喚全場貓貓，場面好震撼🤣免入場費，可以邊食邊玩😙-👍🏻雙層芝士安格斯牛肉漢堡配炸薯角(包沙律或餐湯及餐飲) $158牛肉漢堡厚切大塊，double兩層，夾住半溶芝士，食落都有少少肉汁薯角脆卜卜又唔油膩，我地顧住玩貓攤凍咗都仲係脆口，整體唔錯😌味道：7/10性價比：7/10-👍🏻香煎大蝦辣蕃茄意粉(包沙律或餐湯及餐飲) $108鮮蝦煎得幾香幾有驚喜，蕃茄肉都juicy，仲有啲菇粒意粉蕃茄味就唔算好濃，但辣味就有嘅，酸酸辣辣咁，味道正常發揮不過意粉稍為煮得腍咗啲啲🤏🏻味道：7/10性價比：7/10-👍🏻柚子蜂蜜梳打 +$15 & 朱古力咖啡 +$25跟餐本身包咗美式咖啡/檸茶檸水/汽水，其他飲品就補返差價-每人最低消費一個套餐，入座起計90分鐘，但如果當時入座率唔高，就可以坐耐少少😛整體嘢食以貓Cafe嚟講唔差，但講到尾去得貓

三月同朗朗係太子上堂 搭巴士返屋企經過見到個燈牌好搶眼叫manymo cat cafe原來4月尾先新開架星期六自己上完去一次星期日再帶朗朗去😛今次仲有爸爸陪玩🫶🏻Cafe勁多貓 一定有隻係附近貓貓都好鐘意同人玩 唔怕生保未試過抱貓同r肚肚既我今次都成功🥰如果叫貓貓雞肉餵貓貓仲會出現勁墟冚場面🤣朗朗好鐘意貓貓 都有輕輕摸佢地又係咁望住佢地🤣係餵貓太踴躍有d嚇親😂D嘢都好食 最低消費一個set最平都係$88有湯/沙律同飲品漢堡包🍔雙層牛肉勁厚身薯角朗朗過話好好食😋下次再去採貓貓先多毛 (旺角)旺角彌敦道732號寬成樓1樓

之前行經旺角，見到對面有個發光彩色嘅貓貓燈招牌，知道有間新貓貓cafe ，已經諗住等佢開業去望下。終於見到有貓貓行來行去啦😍，即衝上去望下先，見到這裏貓貓有好多，好聽話，有啲好活潑，有啲好文靜乖乖。食物都唔錯，今次試咗卡邦尼意粉😋👍🏻。這間🐱🐱Cafe以學校為主題，有貓校長(黑色嘿) 掛住個煲呔好得意☺️。我好鍾意一隻叫毛獅王，圓嘟嘟好可愛唷😍仲有有隻叫利申，望望下，個friend 話佢似一個韓星。佢比對一下，又真係幾似😂😂😂下次會再去。地點都好方便呢👍🏻

係ig上面見到呢間新開既貓Cafe，即刻book去試下位置係旺角始創隔離，都唔算難搵，樓下望上去就見到好大個燈牌寫住Many Mo Cafe上到1樓禁門鐘入去，即刻已經見到好多貓🤤Cafe空間好大，枱凳唔會密密麻麻，有好多位置同貓互動，坐底之後就QR落單點野食，選擇唔算多不過main set都有10樣8樣，仲有snacks其他簡去到主題玩貓🤤 呢度有一幅好大既既貓牆，啲貓有啲會係上面訓覺，有啲就跳黎跳去，重點係啲貓真係超超超超超級嗲人，有幾隻貓係不斷不斷要你摸佢😂😂 又會係咁用個頭撞你😂 真係超得意佢呢度仲可以買雞肉餵貓貓食，cafe會比個”召喚之鈴”😂 啲貓貓已經訓練到聽到叮叮聲就知道有野食衝哂過嚟，超正總括而言呢度係好家庭式感覺既貓cafe，強烈推薦！！