多毛

营业中

休息中

我哋玩好開心店舖裏每隻貓都好溫馴，我哋摸佢抱佢都好乖乖呀👍，不過希望逗貓棒可以增加多啲～因為有啲客人攞咗之後有排玩都未輪到下一個，所以增加多啲新貓貓玩具更好，講到食物質素比到我驚喜呀好多貓Cafe嘢食一般！但呢間好味仲有職員的態度非常之好有問必答～一定會推介俾朋友幫襯

一去到，有兩個女仔reception帶位，叫我地要兩個餐，咁我咪點餐我仔就走去同貓貓玩，有隻貓在睡覺，佢就放左個cushion喺貓貓上，我在點餐，都已出聲叫佢不可以，過左1分鐘，有個矮+ 短髮男人，黑口黑面地問我，你無看清楚注意事項先入座？下一句佢就話，再這樣，請你離開！當時我才剛到店5分鐘⋯就叫走，痴線！首先我不想掃個仔興、亦是我仔錯，我同佢講我會注意。然後我地見到其他人有抱貓貓玩，有個男仔抱抱下，掉埋隻貓落地；有個女人捉住隻貓影全家福，都無比人話！我仲走去安慰俾人掉落地嗰隻貓。我仔又學人抱貓，平時我們去的貓餐廳不可以抱貓，他第一次抱，有d抱得不對，我影完相都打算教佢抱，但那位矮男士已捷足先登，叫我：「好好睇住你個仔啦！」再同我個仔講：「貓不是玩具，不是俾你玩的！」我話首先入門口嘅時候冇人俾我睇過注意事項你自己請員工什麼質素，你自己最清楚有什麼理由反過來問我？然後人抱住貓貓輪流影全家福，掉貓貓落地，你無話佢我仔抱一抱，你走黎話佢？你玩針對啊？！佢回答我佢喺廚房炒緊意粉，就望到你個仔抱貓，見不到其他人做錯。佢遲d會睇返cam!真心有問題！我話，聽日俾個特首你做吖！遲d⋯⋯

我個小朋友一直好鍾意小動物，每次去公園見到貓貓狗狗都痴住玩，自己無養寵物，所以聽朋友推介many mo cafe 有得食有得餵貓🐱就即刻book左去。星期日一早11:30am就到了，坐了在窗邊位，目測有20隻以上貓貓，店員仲好細心分左邊d可以玩、乖d、或怕羞d好快間餐廳坐門左，拍拖上黎的都好多，記得訂位～ 食物口味正常，不過不失，提大家每半個鐘先可以餵一次野食，太細個小朋友餵可能會好驚，因為貓貓們會一次過衝埋黎，所以大人一定要幫幫手

隨意walk in一間未去過既貓貓cafe😛好彩有位☺️☺️戴上鞋套同消毒手仔就入得！晚市最低消費每人一個套餐 包餐湯/沙律🥗同飲品😆百零蚊又有得食又有得玩😌😌一眼望過去勁多貓😍😍😍隻隻都好可愛呀🙌🏻有時掛住同佢地玩 都吾想坐低食嘢先🤣🤣超喜歡黑白色既bb貓 勁好動勁貪玩 係度玩既時光過得好快 玩到店舖收工🤣🤣開心又減壓👍🏻👍🏻👍🏻▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 香煎大蝦辣蕃茄意粉 ($108)大蝦份量大方 而且好彈牙 意粉味道吾錯 合格有餘👍🏻❀壽喜燒洋蔥牛肉夾餅配薯角 （$98）唔想食咁飽可以揀呢個🙌🏻薯角仲係熱辣辣❀ESPRESSO TONIC (+$15)❀凍檸茶⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分為滿分✨ღ味道：7.5ღ環境：8ღ性價比：8.5ღ回頭再食機會: 8.5

這間咖啡廳可能是貓咪最多的餐廳🐱🐱大約有40隻貓咪在餐廳的各個角落出沒！哪裡都能看到可愛的貓咪😆餐廳還設有舒適的榻榻米桌子供應各種飲品～當天的餐湯是濃郁的忌廉粟米湯口感豐富！充滿了大量的粟米粒😚招牌菜之一是墨青口龍蝦汁忌廉長通粉鮮香龍蝦味道～青口同樣新鮮嫩滑👅長通粉有彈牙的口感！雙層芝士安格斯牛肉漢堡配薯角漢堡有兩層厚實多汁的漢堡肉排🍔肉味濃郁，加上芝士和蕃茄讓整個漢堡更加豐富美味！搭配酥脆的薯角，唔錯😛

貓真係多到影都影唔哂老實講，去得貓Cafe都唔預D野有幾好食，但佢哋嘅食物質素……首先呢，餐廳比較節儉，一粒車厘茄係分3份🤭一個沙律🥗有3份（即係一粒）另外最食得人嘅係意粉🍝都會分布左節儉嘅車厘茄🤣見佢Manu 咖啡咁多種類，我叫咗杯flat white，一見到佢嘅外貌都心知不妙飲咗一啖，我可以同你講應該叫latte定cappuccino出到黎都會同呢杯flat white一樣多奶多泡而無味🙄️因為一人要叫一個set，重有個跟set 凍檸茶，同行對食要求已經好低，都飲得1/3，佢話好難飲😅另外重有個甜品，個窩夫🧇好驚人😦咬落去沙沙聲，真有口感，甜到食唔落當係我本人問題，但用粗糖整窩夫，重要整好D糖都重肉眼可見，食落沙沙聲，未免太出色，想試食沙嘅感覺可以一試😌要好多貓佢哋幫到你，但想食野自己諗🤣🤣🤣

多毛 Many MO Cafe地址：旺角彌敦道732號寬成樓1樓 上次同個女去朋友屋企玩完貓之後，日日都話要同貓貓玩，感岩見到呢間貓貓cafe，睇食評話好多貓貓，所以即刻book黎同個女去食🤗🤗墨西哥nachos 配 蕃茄肉醬 及 他他醬 $68好大碟nachos，有輕微嘅辣，配埋蕃茄肉醬，酸酸甜甜，啱好中和翻個辣，小朋友都食到👍👍卡邦尼意粉 $108份量適中，加埋碟嘅裝飾，令人好有食慾，啊女好鍾意食🤗🤗👍👍SUPER 夏威夷薄餅 $108薄餅上嘅配料好多，上到檯仲係熱辣辣！正😍 香脆炸薯條 配 黑松露醬 $58薯條係大大一條😊😊配埋黑松露醬！超滿足！餐廳好好，有紙仔介紹你點樣同啲貓貓相處，同埋有相片提示你每一隻貓嘅性格，好細心👍👍啲貓貓好溫馴，可以仼人摸同抱！啊女玩得超開心！

同我嘅猫奴好姊妹嚟旺角樓上嘅一間貓Cafe @manymo_cafe ，一去到門口就已經有隻貓貓眼碌碌咁望住我，超級好可愛,入到餐廳簡直就好似一個貓貓樂園，可愛嘅貓貓全部周圍走來走去，呢度瞓吓嗰度挨吓，我個心俾佢地完全溶化咗，原來成間Cafe入邊有成40隻不同品種貓貓，而且每一隻都會掛上頸繩和名牌，其實唔同顏色嘅頸繩亦都代表左每隻猫唔同嘅特性：🔸️黑色：乖巧學生，可以輕手捉摸🔸️粉紅色：為食學生，餵食時請小心🔸️紅色：曳曳活躍嘅學生，可能會突然間跳上你個身度🔸️黃色：膽小嘅學生，摸佢嘅時候就要溫柔啲掛住玩貓係咁影相亂咁打卡，我覺得自己好似影緊呢個貓貓的人生百態咁，每一隻貓都好friendly, 完全唔怕人,得閒lur吓你腳板，有時會爬上枱諗住去食嘢，再唔係瞓到成個貓貓球咁樣冇反應，老實講對住佢地真係乜脾氣都冇晒，超級療癒！貓Cafe其實都有最低消費㗎，每人要order一個main set 和一杯飲品，講真以Cafe食物來講，味道絕對屬於中上呀！🔸️香煎大蝦辣蕃茄意粉 自家製鮮蕃茄微辣醬汁，富有清新的酸甜味，意粉軟硬適中，大大隻大蝦，爽口彈牙，以牛油微煎，上面灑上適量的黑胡椒，辣辣地，整體味道確實

位於旺角樓上的一間貓Cafe，Cafe都像回到家的感覺，Cafe 入面有超過40隻貓咪，除咗有唐貓仲有英國短毛貓，可以一邊享受住豐富嘅美食，一邊感受被貓包圍嘅環境，點咗一份套餐就可以留到一個半鐘頭時間，鍾意貓嘅朋友一定會好鍾意呢度。我同朋友點咗兩份餐點同點咗一份小食，價錢都唔算貴，現場仲有好多家庭，好多媽咪都帶埋小朋友過嚟玩，同埋貓貓都好乖，不過要小心，因為佢哋好鍾意圍住啲嘢食，一不小心就會食咗你啲嘢食。牛角包全日早餐主打牛角包外脆內軟，每一口都帶來令人愉悅的口感，滑蛋、煙肉、三文魚、炒雜菇、仲有條腸仔，感覺係幾豐富嘅全日早餐，我鍾意佢三文魚唔會好鹹，食完餐點都覺得好滿足。日式唐揚炸雞估唔到佢呢份日式唐揚炸雞咁酥脆，香脆嘅外皮和多汁的雞肉，每一塊雞肉都經過特殊的調味和油炸，味道更加濃郁，認真咁講覺得佢呢份炸雞都幾好味！雙層芝土安格斯牛肉漢堡配炸薯角雙層芝土安格斯牛肉漢堡包含咗兩層芝士和高品質的安格斯牛肉，每一口都充滿了濃郁的肉汁和芝士的香氣，搭配香脆炸薯角，男仔朋友話呢一份真係覺得好飽🥰冰凍特濃朱古力香濃朱古力凍飲絕對係夏日必點嘅飲品，香濃而解渴好味，上面有忌廉同朱古力醬。

今次係第二次黎玩啦！啲貓貓真係好正丫、好乖又摸得又肯同人玩🤪食物方面不過不失啦、我鐘意佢地啲野唔太重口味、適合我地呢啲老人家。不過星期六日真係要book定位過黎、好多人！最好閒日過黎玩、舒服啲推薦大家黎玩下貓食下野、價格都相宜、環境又幾舒適

//27 09 23 晴天🌞16:30 旺角 寛成樓@manymo_cafe/ 貓奴集中地 /終於搵到間「人貓比列極高嘅喵喵Cafe🐈」，第一次有成40隻貓陪住自己，我當然要好好咁服侍佢哋啦🤵🏻‍♀️！ManyMo Cafe係間唔收入場費嘅餐廳，只需要滿足最低消費額，就會有90分鐘嘅時間⏰，可以一邊食嘢，一邊同「喵星人」聯絡感情。店裏面嘅「喵星人」，亦配戴咗唔同顏色嘅頸帶，總共分為四種：黑色溫順、粉紅為食、黃色細膽、紅色活潑。其實，佢哋每隻都非常之乖巧，除咗一直會安靜咁瞓喺你隔籬討摸摸之外🤭，仲會熱情咁同你一齊玩逗貓捧🪶。而最最最緊要嘅係，佢哋絕對唔會搗亂食客枱上面嘅食物 & 嘢飲。另外店員作為貓奴，對主子嘅服侍亦都十分周到，作為食客，我感受到滿滿嘅愛啊💕～*入餐廳前要先消毒雙手及更換鞋套-焦糖雪糕窩夫 HKD$88 凍檸水 加 HKD$5———————————————————————賣相美觀 打卡一流窩夫即整熱辣辣上碟 雲呢拿雪糕配上大量焦糖醬 食完真係好滿足配料非常豐富，會有：Louts焦糖餅乾、棉花糖、爆谷每啖都又脆又軟 多重口感享受經典炸魚手指薯條 HKD$68凍美式咖啡 加

放假唔想留係屋企，點指兵兵事但上咗架巴士諗住遊下巴士河就返屋企，去到始創附近見到有個好靚嘅招牌，完全吸引咗我眼球就即刻落車，睇下咩黎啦，反正無嘢做。去到樓下，又唔見有招牌喎，好彩管理員叔叔主動問我，係咪去貓貓cafe阿？貓貓cafe係一樓。我又乜都唔知，傻更更膽粗粗咁上咗去。一上去嘅感覺勁正，啲貓貓好似迎接你咁本身都唔係好肚餓，諗住飲2杯嘢就算，點知隔離枱食果個意粉好吸引，好香，我又叫咗個又幾好食喎，感覺無味精，一啲都唔口乾！齋食個lunch我覺得都ok貓貓會主動走黎撞你超正我會再黎的等我阿，校長

近排多左好多貓Cafe，呢間位於旺角既貓Cafe應該開左唔算耐，睇返ig佢地係今年5月開始營業一入到去已經見到一幅好大好靚既貓牆🤤有樓梯有爬架可以比貓貓休息訓覺同玩，睇見都開心🐈地下有一塊大地毯，可以話係一個互動區，係度玩或者摸下貓都好正整體環境都好舒服，美中不足係冷氣好似唔太夠，有啲位置冷氣唔到有啲熱。超級得意貓仔用頭托住訓覺🤤🤤食物方面正常發揮👍🏻👍🏻即叫即工煮新鮮熱辣唔算等得耐🙏🏻

Many mo cafe係旺中同始創中間好多唔同品種既貓，有大有細，有懶，有貪玩，有啲痴人，有啲剩係訓教，快啲時間每隻都同佢哋玩吓同佢哋建立下關係，咁就好好玩㗎喇有埋貓玩具借用，撚貓一流，打卡一流雙層芝士安格斯牛肉漢堡 配 炸薯角 $158是日沙律今次去撚貓，貓先係重點見有set就叫左個set漢堡有兩層芝士，給了我充滿濃郁芝士味的享受。安格斯牛肉非常嫩滑，口感豐富。漢堡的麵包鬆軟，吃起來不會太乾。整體而言，個漢堡夠熱，夠足料，係比想像好食。炸薯角外酥內軟，炸得夠熱夠脆就好食，薯角配漢堡，一流。跟餐包左個是日沙律，正正常常。推薦白桃梳打 +$15，它是一種清爽的選擇。這種梳打帶有白桃的天然甜味，結合了氣泡水的清涼口感。最後，墨西哥nachos配蕃茄肉醬及他他醬$68是一個不可錯過的小吃。這些脆脆的玉米片搭配著濃郁的蕃茄肉醬和他他醬，給人一種滿足的味覺享受，肉醬熱既，加分。總的來說，貓好玩，野好食，它的口感、味道和價值都非常出色。如果你對撚貓有興趣，強烈推薦大家黎撚貓食野！白桃梳打+$15墨西哥nachos 配蕃茄肉醬及他他醬 $68Many no cafe旺角彌敦道732號寬成樓1樓

【旺角•多毛】@manymo_cafeππππππππππππππππππππππππππππππ全港人猫比例最高猫Cafeover 40隻貓喵免入場費邊玩邊食🌻｜脆香單骨雞翼｜HKD 58脆香單骨雞翼嘅調味非常合適，鹹淡適中。食落去既可以嚐到鹹味嘅雞肉本身味道，又可以感受到調料帶嚟嘅獨特風味。🌼｜墨西哥nachos 配 蕃茄肉醬 及 他他醬｜HKD 68墨西哥nachos配蕃茄醬和肉醬的組合，是一道兼具口感和風味的美食。酥脆的玉米片配上酸甜微辣的蓄茄醬和肉香濃郁的肉醬，令人一試難忘。🏵️｜經典炸魚手指薯條配熱朱古力飲料｜HKD 83炸魚手指是由白魚柳製成的長條狀食物，經過炸至金黃酥脆。它的外皮酥脆，內裡鮮嫩多汁，帶著淡淡的魚香味，十分美味。常常配上蕃茄醬一起享用，增添了豐富的口感。🍁｜蜜糖芥末醬煙肉芝士牛角包｜HKD 58 牛角包的鬆軟和韌性，非常適合沾著蜜糖芥末醬一起品嚐。蜜糖芥末醬的甜味和微辣的味道與煙肉的鹹香非常搭配，增添了整個牛角包的層次感。🍁｜鮮奶抹茶｜HKD 20這杯抹茶還有一點點的甜味，讓整個味道更加平衡。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比