多花園韓國料理

营业中

休息中

原來餐廳有兩層，我哋坐咗上面室外冇冷氣 但係本身天氣涼就冇所謂😆好豐富嘅前菜🤤仲要任添🤩雜錦拌飯 ($120)好大份簡直係二人份量🤣 各種蔬菜都好新鮮，煎蛋都煎得好靚，但係就冇肉🙁 泡菜豬肉煲 ($130)份量都係唔細 湯夠辣 豬肉都唔少 肉質嫩😋整體嚟講價錢雖然唔平，但係份量十足 味道夠正宗 會再幫襯☺️ —𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $150 𝗉𝗉🌟 𝗈𝗏𝖾𝗋𝖺𝗅𝗅 7/10📍 多花園韓國料理上環永樂街127號地舖—𝖿𝗈𝗅𝗅𝗈𝗐 @𝗈𝖺𝗍𝗌𝗇𝗐𝖺𝖿𝖿𝗅𝖾𝗌 𝖿𝗈𝗋 𝗆𝗈𝗋𝖾!

朋友介紹是呢間韓國餐廳，雖然睇過評價麻麻哋，但係試咗一次之後，覺得比出邊嘅韓國餐廳正宗，同埋前菜可以refill，唔似出邊咁樣，得一款泡菜，或者最多三四樣，呢度啲錢再加埋， 應該有八至10樣，唔會食到悶。再加幾個主菜，就已經可以好飽，而且啲牛好好食😋呢個牛好好食以上係老板幫手燒既蝦，豬頸肉，同埋鱔，都係超級好食，仲要唔使自己燒

成晚得我同friend兩個人一張檯，初初仲覺得奇怪，食完就可以理解點解係咁啦。130蚊泡菜豬肉鍋，數下得三塊肉，又薄又細粒。d泡菜最多值十蚊，賣十倍……180蚊牛肉炒粉絲都係得六塊肉……商家真系cheap到咁…..對得起呢個價錢咩？？前菜就好多，但係全素，目的就係你食前菜食就飽，就不會在意主菜。我地即場complaint，根本唔理睬…..服務都係麻麻，倒d水都唔暖睇下可以撐幾耐啦，食物質素差，又超級唔抵，生意差不反思好唔開心的一餐，又貴又難食，絕對唔會再去啦！

Walked pass a few times since it’s close to my apartment, so I decided to go there one night with 4 other friends to try it out.The food there is delectable and close to authentic, if not perfect. Servings are also generous, although we were still able to finish almost everything since the food are really good!As the appetizers they are free, they gave us the usual kimchi, some greens and the most surprising one is crab. I never had those crab as Korean appetizers before. Which is very tasty.We

📍多花園韓國料理上環永樂街121號地舖上環係幾多野食嘅，但韓國野真係一隻手指數得晒：梨花苑、微笑Box、O’taste同埋新開呢間～行過一於試下！餐廳有2層，上層係天台，有幾把大嘅沙灘遮；環境幾chill。食嘅嗰日係陰天，唔sure夏天會唔會好熱。呢間小菜係可以refill嘅。泡菜——唔係好入味，只係表面有調料，味道唔辣、甜甜哋； 茄子——兩餸飯嘅味道; 菠菜、芽菜——正正常常用麻油醃製嘅味道；薯仔——暖暖哋，好奇怪，唔似韓國小菜；芹菜——幾fresh，但雪得太凍。韓式豬腸湯 $115 另收加一Menu張相係紅卜卜嘅，但佢一上枱係奶白色，呢料又少，真係睇見都唔開胃。好彩都有跟韓式辣醬自行調味，不過要再追加一份辣醬先同佢menu張相隻色一致，但係調好味再煮一煮會好食啲。血腸得2-3舊左右，再加一兩舊肥豬肉（有毛）咁。大家都係上環韓國料理，都係有賣血腸湯，都難啲唔攞梨花苑嚟比較。梨花苑$100樓下，而且好味啲多料啲，冇咩事我都係去返梨花苑～我忍受到梨花苑嘅服務！

今晚同屋企人落咗去試燒肉同海鮮煱，傾傾下先知師傅姨姨原來係韓國人黎。以同質素韓式餐廳而言，性價比都算正常，值得推薦，會再去試其他美食。環境：新開關係，佈置裝修餐具各方面都冇嘢好挑剔，仲有二樓天台可以坐添，唯獨有一樣要扣分，枱底火爐冇做隔熱散熱措施，一向枱底望就係裝油嗰一個金屬兜，如果食燒肉食煱之類嘅嘢，對腳就會入咗暖爐，今日我著短褲就唔小心燙親，所以要去食燒肉火煱的話要著長褲。服務：態度好好，師傅姨姨更加成日笑容滿面，特別知道識講兩句韓文嘅話，就笑得仲開心。菜式選擇：正宗韓國餐廳，唔會話因應香港人口味或者跟潮流，硬加一啲奇奇怪怪嘅菜式，依點值得一讚。食物品質/份量：可能係韓國人關係，更加接近原味，燒肉仲要係厚切黎，份量方面有個人餐，而一個煱既份量，兩個正常成年人去食絕對夠食飽晒。地點：地鐵站行過去5分鐘都唔洗，行出去又有電車同巴士搭，都算方便，食完行一行消化吓，就可以搭車周圍去。