多花園韓國料理

营业中

休息中

今晚同屋企人落咗去试烧肉同海鲜㶽，倾倾下先知师傅姨姨原来系韩国人黎。以同质素韩式餐厅而言，性价比都算正常，值得推荐，会再去试其他美食。环境：新开关系，布置装修餐具各方面都冇嘢好挑剔，仲有二楼天台可以坐添，唯独有一样要扣分，枱底火炉冇做隔热散热措施，一向枱底望就系装油𠮶一个金属兜，如果食烧肉食㶽之类嘅嘢，对脚就会入咗暖炉，今日我著短裤就唔小心烫亲，所以要去食烧肉火㶽的话要著长裤。服务：态度好好，师傅姨姨更加成日笑容满面，特别知道识讲两句韩文嘅话，就笑得仲开心。菜式选择：正宗韩国餐厅，唔会话因应香港人口味或者跟潮流，硬加一啲奇奇怪怪嘅菜式，依点值得一赞。食物品质/份量：可能系韩国人关系，更加接近原味，烧肉仲要系厚切黎，份量方面有个人餐，而一个㶽既份量，两个正常成年人去食绝对够食饱晒。地点：地铁站行过去5分钟都唔洗，行出去又有电车同巴士搭，都算方便，食完行一行消化吓，就可以搭车周围去。