多賀野 (K11 Musea)

营业中

休息中

⭐️豚鴨沾麵沾麵湯keep住用火保溫，唔怕食到最後凍哂，用咗唔同材料熬製，有雞肉、鴨肉、魚肉、豬肉的香味，仲有啲蜆肉海鮮點綴。拉麵見到會喺舖頭新鮮製作，麵條較粗煙靭，亦都幾索汁。

🍜啲拉麵好吸引——一入到口，個湯底香郁，足夠辣，啱晒想刺激下味蕾嘅朋友。豚鴨沾麵就有點「鴨味」，湯底滑溜過河，鴨肉嫩口，沾完麵，個味入晒心房。觀塘炸雞真係啖啖肉，是但咬一啖，即刻「肉汁四射」——甜甜地烙過對面飲品stall嘅味道，真係好夾！嚟到甜品，蘋果雪葩有種「初戀嘅感覺」，甜甜嘅蘋果跟住微微嘅酸，清新解膩。最後一碟，靜岡綠茶可樂幾出奇，清新綠茶mix埋嘅可樂，幾正。總括嚟講，食一餐，女神都會對你投懷送抱噃！🍴

喂喂喂，嚟到多賀野食晏真係一場發現美食嘅旅程啊！首先話你知，佢哋個極上蟹皇沾麵，真係好正啊！軟殼蟹炸得啱啱好，又香又脆咁，滿口蟹膏仲係後辣辣地，撈埋啲麵同醬料一齊嚟食，簡直係味道炸彈，引爆晒我嘅味蕾👅！而家再嚟講講粟國塩味沾麵，佢啲湯底清香得嚟有深度，我食落去覺得得意喎，豚肉粒溶到我嘴裡，整個心情都舒泰晒，但唉，叉燒嘛，佢有啲涼哋，吖吖嘛，下次我直接食佢哋嘅拉麵好喇🍜。有冇搞錯？日式煎餃子個餃皮煎到脆卜卜，就啱晒我嚟！裡面啲餡料保持潮濕彈牙，食落去即刻興奮起嚟⚡。最後必須大讚下自家製黑胡椒雞啊！件件炸得外脆內嫩，雞肉多汁，同啲香醇黑胡椒醬拍檔，食落就話唔埋啲嘴都唔得啦！😋多賀野嘅環境同服務都唔錯，食物口感同味道都有驚喜，港島區想輕鬆食個日式沾麵或拉麵，記得過嚟試吓喇！🍜🥢👍🏻

座位闊落，舖頭喺一線地段，收費昂貴，閒閒地拉麵食$150。雖然收費昂貴，但係值得一試嘅。今次點咗醬油拉麵：- 醬油湯底清，味道平衡而豐富，加分- 蛋正常，沒有特別，不過正常已經好難得，加分- 麵比較粗身，掛湯 ，加分- 蔥花唔多，紫菜正常，不影響評分份量偏少，但味道好，真係抵俾貴啲。呢間多賀野係米芝蓮推介店，今次嘅探訪覺得名不虛傳，雖然見到其它食評好壞參半，不過味道係主觀嘅，尤其香港唔多出名食醬油拉麵嘅舖頭，個人認為佢喺香港係其中一間最好食嘅醬油拉麵。

多賀野 如果比我揀一個香港最出色既拉麵店 🍜我會揀多賀野拉麵呢間係K11 Musea 店舖裝修好有日本特色 🎌佢既拉麵有醬油鹽味拉麵 兩隻都好出色 醬油拉麵 有種好香既醬油味 配埋手做既拉麵 簡直係perfect match 如果麻麻地醬油味可以試下鹽味拉麵 本身已經好鍾意日式既鹽麴味 清得泥又唔會好鹹如果有budget既 餓底仲會推介 銀鱈魚西京燒 $204 佢既西京燒整特非常之出色！ #餓底推介 #多賀野拉麵

收工諗住食個快既，行過K11 Musea見到有間拉麵就行入去試試，標榜住京都Best 10拉麵，心諗應該好勁啦，雖然過往都中過好多次呢啲過江龍伏，例如金色乜乜乜呢啲🤣 都試一下啦🤣分別叫左一個豚鴨沾麵同芝麻辛辣拉麵。點知個沾麵黎到麵心知有少少不妙，唔知係我對沾麵既無知定係間鋪對沾麵認知錯誤，個湯水到一個點喎，完全0掛湯，要用羹架埋湯先有味，呢個真係對沾麵既一大侮辱🤣 麵質唔差既，有蛋香麵粉香；叉燒都算淋滑，有煙熏味；糖心蛋帶少少酒香，不過不失。而湯拉麵方面都不過不失，但係呢個價黎講真係唔太值，某啲food court 拉麵仲好過佢其實，未至於可以自稱京都Best 10拉麵😂 果然車肽人都係啲可以比錢買既頭銜🤒

看到小紅書有人分享這蟹皇沾麵，真係好吸引，今日買外賣回家試試看。蟹皇沾麵$188這沾麵湯汁質感濃厚，有濃濃的蟹皇風味，十分creamy，加上蟹膏和蟹肉, 鮮味倍增，蟹味爆燈，正！加上用氣炸煱翻熱炸香的軟殼蟹脆口，啖啖肉，炸得不油膩，配上粗身彈牙麵條，QQ的，掛湯力一流，好吃.餃子$55 餃子是日式餃子，餃子皮薄，加上豚肉饀料，脆口有汁，配合沾麵幾合拍。

偶然行入去，一個裝修幾特別，坐得舒服的日式店，蟹肉薯餅，皮薄，有點油，銀鱈魚飯都幾好味，啖啖肉，皮脆肉滑，栗國塩味拉麵，加咗芝麻幾好味，叉燒有咬口，麱質彈牙，糖心蛋幾好味，但外貌有少少似中式麵😂😂

個人認為值得一試，有不少新奇的口味選擇😎👍🏻芝麻辛辣叉燒拉麵 HKD 138Takano Spicy Sour Ramen辣度夠👍如果怕辣的你 會建議試食其他選擇🫣拉麵口感正常 但不算驚艷🤔蒲燒鰻魚定食 HKD 148Grilled Eel Set鰻魚不錯 口感鬆軟 鰻魚汁正宗 配上白飯一流👍略厭鰻魚份量可多少少自家製黑胡椒炸雞 HKD 52Deep Fried Chicken with Black Pepper炸雞鬆脆 咬開炸雞 肉汁豐富👍蘋果雪葩 HKD 68Apple Sorbet 蘋果味濃🙌🏻略甜了一點 但整體味道不錯👍靜岡綠茶可樂 HKD 38Shizuoka Green Tea Coke靜岡綠茶🍵味道配可樂挺清新的 不過可樂味卻不算突出 若想試新口味可一試！Overall, it is worth trying and they have a few innovative options that are quite interesting! I would recommend the Grilled Eel Set which tasted traditional, ju

多賀野 尖沙咀k11東京多賀野拉麵於1996年創立，在日本相當人氣，曾連續幾年獲得米芝蓮必比登推介，在2019年來到香港開設分店。K11分店算係人氣高食飯時間多人排隊，裝修同服務都ok。 多賀野醬油拉麵湯汁由鰹魚乾、雞肉、豬肉製成，麵條為自家製由日本4種麵粉、2款蕎麥、雞蛋及鹼水再熟成兩天製成。麵條質地煙靭掛湯，湯汁偏甜，糖心蛋有點熟過頭，叉燒經過火炙半肥瘦味道ok。 極上蟹皇沾麵沾麵湯底由魚湯加蟹肉蟹皇煮成，蟹味唔算重偏減，但絆上一小杯蟹肉同蟹膏保證真材實料，呢個麵係無叉燒，不過有軟殼蟹、筍及半隻糖心蛋做餸，都算幾豐富。麵質自家製成，有質素保證。至於性價比同味道，個人口味私心建議食返醬油拉麵。

嚟到K11 Musea睇戲，呢度岀名多好嘢食當然喺度搵飯食。朋友想食日本野，見門口無人排就入左去試。睇返多賀野嘅主打菜式係拉麵同沾麵，又成日拎啲拉麵大獎。雖然係咁，個人唔太好拉麵同沾麵，所以我叫左個蒲燒鰻魚定食。鰻魚唔算太大份，不過都厚身，加上醬汁關係，所以呢個份量都足夠。蒲燒鰻魚定食 $148朋友就叫咗個極上蟹皇沾麵，濃濃魚湯配上蟹肉，試左一啖覺得味道幾濃，麵身彈牙，可惜軟殼蟹炸得太乾，唔係成個配搭都幾夾。極上蟹皇沾麵$188不過整體而言唔算好令人難忘，就係一間較好嘅拉麵店，要排隊就唔值得了。

為了用埋剩餘的Kdollars，便決定到K11 Musea晚餐。 今次我和老公隨意選了多賀野，點了一份多賀野醬油拉麵、一份豚鴨沾麵、一份自家製蟹肉薯餅.及波子汽水。現在凡惠顧任何一款拉麵，再點一款飲品，便可享有任何小食半價優惠，較只點小食，不要飲品的價錢更特惠，相當吸引。1)醬油拉麵湯底清甜，一喝便知不是味精湯。叉燒肥瘦相間適中，溏心蛋亦做到流心效果。2)豚鴨沾麵麵質爽口，豚鴨湯不會做得太杰身，呻一啖湯，吃一口拉麵，美味非常。3)自家製蟹肉薯餅做得非常出色，薯餅炸漿夠薄，外皮鬆脆，一梳梳蟹肉餡料鮮味十足，加上熱辣辣，令人吃不停口。

今晚約咗朋友係K11 Musea本身想食壽司🍣行過見到呢間拉麵店唔洗排隊就入去試吓啦今次叫左極上蟹皇沾麵 $188超出色呀🥹份量超大軟殼蟹即炸勁脆口🦀仲要係一隻嘅份量細碟仔有蟹膏同蟹籽蟹肉蟹膏濃濃，蟹肉好鮮甜有蟹肉再配上鮮味濃郁的蟹熬湯一啖湯一啖麵好邪惡呀😂麵係偏厚身煙靭的質感好有口感👍🏻 必點品❤️日式煎餃子🥟 $58皮薄多肉汁自家製吉列炸蠔$78超出色鬆脆的炸皮唔係外間的吉烈炸粉咁厚皮又多粉蠔🦪大大隻，好鮮甜多汁入口又滑😋水蜜桃汽水 $38蘋果汽水 $38鹿兒島A5和牛拉麵 $198最失望同唔值的一樣食品😔和牛好韌，唔係入口即溶湯底淡而無味不推薦😣總結： 環境坐得舒服，有籃比你放置手袋蟹皇沾麵同吉列炸蠔念念不忘下次再encore🤤

真係冇試過咁無語。。。睇完煙花冇嘢食就選佐哩間，但個面真係好淡，完全冇拉麵嘅感覺，湯淡，面硬，可能係限定原因，只能話我食唔慣，牛肉都算嫩滑，好有牛肉味咯，蔥都好新鮮。

伏到出煙，以後都唔會再食呢間麵店。今日見到有人排隊仲以為會應該會好食。點知非常令人失望。啲拉麵唔好食，麵不掛湯，得過死鹹，湯味道怪怪的，整體仲差過自己整嘅即食麵。辛辣拉麵好油，湯裏面仲放咗炸菜，似返咗大陸食麵多過似食日本拉麵，味道有啲係即食麵。兩碗麵嘅叉燒同蛋都十分普通。咁嘅質素，仲要落單後等半個鐘以上先上到枱，查店員是否漏單，店員話要煮晒全部客人嘅沾麵同小食先會開始煮拉麵，如果落單時講明我就會即刻走人。