夢工房西日料理 (已結業)

唔知點解咁多  "笑哈哈", 除左平真係諗唔到。大部份食物質素一般, 刺身唔靚。係任食....不斷寫不斷上唔齊, 又冇串燒, 其他選擇唔太多。餐廳細, 坐位迫完全笑唔出! 

今日又出動去食食食，而餐廳的防疫措施依然做到足👍🏻，入餐廳時都必須要先用洗手液洗手。這間餐廳是朋友推介我去的，一般去葵芳逛街都可能去新都會廣場那邊食飯，沒想到原來在地鐵站附近都有一間隱世的放題餐廳，價錢公道，品質亦佳！現在很多放題都已經電子化，客人可以用自己手機下單，十分便利。食物款式都好多，有刺身、壽司、燒物、火鍋、炸物、雪糕、甜品等等。有幾款食物我和朋友都不斷追加，第一款必定係刺身，刺身種類雖然不算多，但勝在新鮮！必吃的是三文魚腩！又新鮮又肥美！另外焗蠔亦非常鮮甜，蒜香焗蠔蒜味較重，個人較喜歡芝士焗蠔，芝士幼滑，生蠔🦪飽滿，當想再追加的時候已經沽清，所以必定要在第一輪的時候多點一些！另外壽司亦非常出色，特別是黑松露帶子壽司，黑松露味濃，帶子又大又鮮甜，而且壽司飯亦充滿醋香。另外吃火鍋亦是一種特色，初時以為所有湯底已經故淸，但原來要吃火鍋要主動和職員聯絡，他便會為我們送上湯底，我們主要吃菜，菜亦非常新鮮，如果款式多一點會比較好。炸物首推榴槤炸彈，愛吃榴槤的你千萬不要錯過！整體來說，我有機會亦會再次光顧，每人不用$200，便可享用這一頓性價比甚高的放題！

今日和太太去葵芳逛逛，午餐選擇了地鐵附近一間日式自助餐，$88一位，2小時任飲任食壽司、小食沙律、手卷及拉麵等。若加$48升级，就可以有多些選擇，包括刺身、炸物、甜品、鐵板燒及火煱，算是不錯吧！午餐不想吃火煱，所以想主攻刺身及其它。等侯時間不用太久，防疫措施也做足，量度體温及用消毒液清潔雙手後，便被帶領入座。環境看似很舊，但其實是他們設計風格，加上每張枱都有小小屏風防止飛沫傳播，讓客人食得安心，安排得不錯。刺身：每款刺身都非常新鮮，多款任君選擇。當然選了自己喜歡吃的希靈魚籽、立魚、象拔蚌、墨魚、鮑魚等，特別喜愛希靈魚籽，不但新鮮而且爽口，這些新鮮刺身食材實在太吸引。壽司及手卷：推介火焰芝士三文魚及火焰XO醬和牛壽司，肉質肥美，order兩次也不過份，而且勝在放進口裏有熔化的感覺，口感一流。拉麵及一品料理：雞肉拉麵及蟹膏雞粥，細細碗很別緻；特別推介蒜香雞翼尖，蒜香味濃，還有少少辣，值得一試！鐵板燒：我只選了羊架，我喜歡羊架，廚師切得雖然薄身，但易入口，帶有少少羶味，但配上醬汁真不錯。炸物：order了薯絲蝦、榴槤炸彈、流心芝士蝦丸、蒜味單骨雞翼、脆香三文魚腩骨、吉列蠔、日式炸蝦餅。很少

今日同屋企人去完馬灣玩，到夜晚就諗住搭車出葵芳附近食野，咁啱想起呢間野，之前食過幾次都冇中伏，點知今次中伏🙄，首先D刺身唔差，擺得入口既，有麻麻地日本野餐廳既水準，我地叫咗個蒜香烤蠔，D蠔焗完縮到得一節母指咁大，食落冇蒜味，好彩D蠔唔腥姐，最嬲就係蒜蓉雞翼尖，D雞翼尖上枱個陣仲有血水，我地成兜都冇食，D野又少份量，一份烤菇同一兜焗蠔一樣份量，都唔知夠唔夠一個人食，咁既食物質素仲要178加一，食大XX放題好過😡

在葵芳地鐵站附近有家不錯的日本料理店，除了有午市供應之外，還會有放題供應😆。價錢只是HKD$88，升級放題加HKD$48，價錢不算貴可以接受😆。一進大堂就是自助區，有飲品/甜品/火鍋配料等等，飲品也有擺放常溫飲品，很適合不喜歡飲凍飲的朋友。店舖裝修以西式工業風格為主，燈光柔和很舒服☺。💥午市升級放題 HKD$136，有刺身/餐前小食/炸物/葷食/鐵板/主食等等供應。由於不想浪費，所以食多少就點多少。刺身食材新鮮，吃得出鮮味🤤🤤。炸物很酥脆，但要熱辣辣吃才行🥰。食物素質不錯，期間看到人流不斷，挻受附近上班族歡迎😆。下一次再來吃吃午餐才行😆。

今日同朋友嚟到夢工房食晚餐，我哋叫咗刺身，分別有鮑魚片刺身，啲鮑魚片好鮮甜，而且凍嘅程度啱啱好，之後仲有叫黑松露帶子，虎蝦壽司，北寄貝壽司，中拖羅壽司，啲黑松露好香，帶子好鮮甜，虎蝦好新鮮，好爽口，北寄貝好鮮甜同埋新鮮，中拖羅好嫩好滑，而且啲飯唔會黐埋一舊，粒粒分明！之後我哋叫咗楊物，薯絲蝦，出面嘅薯絲炸到卜卜脆，裏面嘅蝦好爽口，仲有紫心香芋丸，出面炸得好脆，裏面好有咬口，外脆內軟，仲有日式炸餃子，炸得啱啱好，餃子皮有啲脆，裏面嘅肉好鮮甜，好Juice！仲叫咗粟米沙律手卷，啲粟米唔會太凍，好甜，加上啲沙律醬又唔會太多，小小酸酸甜甜，好開胃！蟹籽手卷，啲蟹籽好脆，而且出面塊紫菜都好脆！我哋仲叫咗新鮮菠蘿，啲菠蘿好多汁好甜，中華沙律好爽口，份量啱啱好，而個枝豆好甜，凍食一樣好味！仲叫咗個濃湯煮蜆，啲蜆好新鮮，啲湯有鮮味，但又唔會搶咗啲蜆嘅鮮味！鐵板燒方面，叫咗羊架，羊架一啲都唔騷，肉又夠嫩！天婦羅分別叫左松葉蟹棒天婦羅，同芝士獅子狗天婦羅，蟹棒天婦羅外面嘅脆皮好薄，好鬆化，而個蟹棒好嫩，炸得剛好，獅子狗天婦羅，啲芝士好似流心咁，一咬就有d 芝士滲出嚟！串燒方面，叫左芝士牛油什菌，鹽燒多春魚

難食到嬲😖啲野食差過佳寶自己買黎煮嗌左肥牛 第一次見肥牛係成舊都係白色既肥膏無粉紅色 真係無誇張 見到都反胃！好多野食畫左幾次order紙都無黎到好肯定呢度咁多既好評入面真既唔佔一成實在太恐怖的放題經歷不過講句公道說話啲炸物係食得落口既但放題食樣樣野都咁差真係好唔滿意真係被openrice d評價呃左唔想再有人受害 決定寫篇100%真實既評價俾有興趣黎食既人一個警惕從來都無食過咁難食同咁核突既食物食舊白色肥膏都夠敢serve客人希望你地可以尊重下真金白錢俾錢黎食野既客人

葵芳係購物美食勝地就眾所週知，難得今日出到黎行街街，就同朋友黎到好爵中心呢度覓食入到商場上一層就會見到呢間夢工房西日料理，位置相當易搵方便！餐廳門口位置放左飲品&雪糕雪條櫃，有茶、果汁、汽水，任君選擇！環境佈置以年輕人最愛既工業風為主調，有時間可以欣賞下佢掛牆型格既裝飾品電子化點菜方法：用手機scan餐廳提供之QR code紙，進入網頁點菜壽司類🍣：呢間餐廳既壽司刺身類選擇唔算好多，但食材尚算新鮮，size夠迷你，飯細細舊，試多幾舊都唔驚好快會飽推薦佢既左口魚天富羅類：食日式放題我必叫天富羅！而呢度我誠意推薦佢既茄子🍆，廚師好有心咁切到扇形咁炸，卜卜脆口感十足！蝦天富羅🍤大大隻又夠彈牙！好味到我忍唔住叫多兩碟甜品🍮：呢度甜品主要以雀巢雪糕杯&平時超市買唔到既特色味雪條e.g.玄米茶、焙茶味🍵，鍾意茶味既朋友可一試！由於我用左OpenRice 餐飲劵既關係，加一後每人130都唔洗就食左個午市放題，認真抵食！

迷你蒲燒鰻魚丼配細湯烏冬($58)＊鰻魚唔腥有一塊，配紫菜珍珠米飯，再配一個細湯讚岐烏冬，一個人都夠食，雖然有免費紫菜珍珠飯，可以唔使追加。味道方面，個烏冬意外地又幾彈牙，食落去似係讚岐烏冬。因為價錢方面都幾平，一心只係唸著係d cheap cheap烏冬，故覺得餐廳平得黎又幾有誠意！不錯不錯👍🏻👍🏻＊包一杯熱飲同甜品(menu寫包2杯，如果唔夠飲可以問吓)＊除咗套餐，呢度仲有放題，價錢亦好平＊午市套餐有8折優惠，抵食

今日來到葵芳，見到呢間【夢工房西日料理】做緊promotion，午餐8折/午市放題$88，望入去人唔算太多，環境乾淨，就決定試一試呢間餐廳地方算幾寬敞，我哋兩個人都可以坐四人卡位，坐得幾舒服午餐8折(冇加一)，連兩杯熱飲及免費追加紫菜珍珠飯，不過最後只係來左一杯熱飲(可能需要同侍應講明)同個餐都夠食，所以就冇追加一個紫菜珍珠飯。埋單時亦需要留意一下，因為我哋張單係正價而店員都收我地正價，最後問一問都有俾返個八折19) 鮮茄牛肉手打鍋燒烏冬個湯好濃郁番茄味，肥牛算多，烏冬彈牙，整體味道算幾好，另送是日甜品啫喱門口有部夾公仔機，獎品有酒、汽水、半價、八折、一個人頭免單優惠、公仔等等，幾有趣以環境、價錢同食物質素來講，【夢工房西日料理】嘅午市套餐好抵食，下次可以來試來放題

係openrice買左餐飲卷，平均百五蚊一個人！又有新鮮刺身、即炸炸物、壽司...基本放題要有既野食都有齊，重有打邊爐添，咁既價錢，重有咁多選擇，性價比高當然你唔好期望勁好食，但食物質素唔係hea你果隻

刺身啲肉好散又無味又唔新鮮，熟食係凍既。串燒又燒到乾柴咁好硬，羊架似發育不良咁好肉酸個樣，仲係生既，見到都唔想食，象拔蚌同八爪魚食落口感好似食緊膠咁，真係可一不可再。從未食過啲放題可以難食到咁。奉勸大家食之前諗清楚，啲好評都唔知點得黎，我都係比啲評語呃左過黎食。食呢間野我真係嬲到第1次係openrich留評語，仲有想講個蟹棒千其唔好叫，好似食緊塑膠咁，全場最好食我諗就係支MELONA蜜瓜雪條其他無樣好食。

昨晚我們一班朋友食完Dream Marker覺得好唔掂。廚師得三個人。夠鐘又唔入得場。點歺的Server又Down咗。點了廿幾分蠔，等到找數後才出兩隻。點了廿份三文魚刺身，又無。點了三份雪糕，一碟都冇。出到櫃面找數，等了廿分鐘都無收錢。

真心，唔知道系唔系我黑仔，呢間放題真系好水皮~~先由最基本的刺身開始講~~睇買相，其實已經扣分，haha~~唔知道你地留唔留意到， 個種類，真系好少~~蝦只得一款，北極貝同吞拿魚等等都沒有，質素，都系大眾水平~~沒有任何優勝之處~~~其實同價錢ge 放題，只少都靚靚仔仔，或者三文魚大大塊，但係呢間，瘦到~~呢碟壽司其實真系好差，如果十年前，其實系合格噶，但系而家呢間嘢的壽司居然總系 大大舊飯~~~舊吞拿魚好唔新鮮，有D苦苦地~~我立刻吐左出來~~呢D炸物，全部都系用超厚炸粉去整，唔多講，鐘意就去吃~~焗蠔都系同其他地方水平差唔多，平平無奇~~（但系最緊要，買相真系好差~~）好難食的羊鞍，真系好難食，首先，好重油脂，而且配上左一個極度奇怪的醬汁~~一點點脆口，同肉汁都沒有~~

見到網上有好多關於呢間餐廳嘅好評，今日咁啱經過附近，就黎試吓，中午放題非常抵食， $150一個人，就有刺身、壽司、火鍋、沙律、甜品、飲品任飲，試咗佢好多嘢食，包括刺身、肉類食品、同火鍋，新鮮程度及味道都可以，但係就未算好好食，而且午餐放題食物種類非常少，食食吓都唔知可以食乜嘢，但係價錢都算實惠，同樣價錢，喺旺區可能只能夠食一個Lunch set餐，望咗下佢嘅晚餐放題，好似多好多嘢食，如果要試，可能晚餐時段比較好啲。另外，餐廳位置非常近地鐵站，葵芳地鐵站A出口，到商場門口，上扶手電梯就係，都係一個地點方便嘅餐廳。