夢工房西日料理 (已結業)

年多前試過晚餐， 性價比一般般啦。 見到裝修咗好似都唔錯喎， 就去試下午餐先。我哋準時1130到場， 好快安排入座。 用qr code落單， 諗住方便快捷啲， 好啦落咗單之後有排等...... 大約等咗20分鐘先有少量頭盤到枱， 心諗兩個鐘頭到底食唔食得完。午市壽司都算唔錯，但係選擇實在太少， 而且魚生不停漏單。 唔只魚生，連牛扒羊架都一樣漏。 算了吧，叫火鍋幫補一下。火鍋選擇都係一般般， 牛肉味道當然唔會好好， 蝦同蜆還過得去， 其他不值一提。唔知係唔係午市甜品選擇比較小一點，印像中過往食過晚餐種類多啲啲。見到有附近做嘢嘅呢食set， 我諗可能set性價比會高一點。

很久沒有見我的舊朋友，他在葵芳工作，因此我們相約下班後，在葵芳共聚。我們都想找一個坐得舒適 的地方聚餐，朋友說這間「夢工房」西日放題環境舒適，二百元有找便可吃到豐富的放題，於是我們便決定來這間餐廳吃晚飯。餐廳位置方便，於葵芳地鐵站出口直行一分鐘便到。餐廳的裝修和風格非常特別，有大量卡位，坐得非常舒適。餐廳採用無紙點餐，只需透過手機掃QR Code，點選食物。餐廳的服務態度也很好，上菜和收碟的速度很快。食物的選擇十分多，有小食類、刺身類、手捲類、拉麵類、火鍋類、炸物類等等。不得不讚的是黑松露帶子壽司，先吃到帶子的清甜，黑松露的鮮味隨後釋放在口中，齒頰留香。花之戀壽司帶有甘香的三文魚魚油脂味卻不膩口！此外，雞軟骨也是必點之食物之一，雞軟骨啖啖椒鹽味，軟骨非常爽脆，吃到停不了口。炸物非常出色，送上桌時熱呼呼的，它的粉漿透薄，炸得剛剛好，很脆口。朋友大讚蝦天婦羅大隻又彈牙。刺身很新鮮，特別是三文魚刺身，鮮味濃郁富甘香。甜蝦大大隻，又鮮味，值得推介。近餐廳入口的位置也設置了自助區，有脆響鈴、炸魚皮、爆谷等小食無限量。飲品方面，選擇十分之多 ，有罐裝、包裝和樽裝飲品，任君選擇。雪糕雪條也很多選擇，

講真食過咁多次放題，呢一間係我食過最垃圾嘅一間，食物款式少，態度服務又差，環境衛生惡劣，價錢其實係負擔得起但係咁嘅質素$100都唔值首先，落單落咗好多次啲嘢食都冇送到，係咁催佢又冇解決到問題，叫服務員叫咗好多聲睇見你都唔應你，啲嘢食極之難食，未食夠就係咁吹你埋單，攞嘢飲嗰陣時個飲品櫃真係污糟到你唔信，係就係有打邊爐，七個人只可以用一個煲仲要嗰個煲係細個喺大家樂打邊爐嗰啲煲 ，真心無奈 啲嘢食真係超級難食⋯⋯ 真心建議大家唔好食。 難食到你哋唔信呢間野，仲要服務態度好差，最重要嘅係環境好惡劣⋯⋯ 純粹個人感受大家見仁見智啦⋯⋯

放工同男朋友去食放題，就喺葵芳地鐵站出口附近，一上電梯就見到，一分鐘都唔洗，超方便！裝潢大玩復古工業風，挺有格調！飲品以罐裝為主，款式挺多！旁邊凍櫃有蛋糕、盒裝豆腐花和啫喱杯而家好多放題都用手機落單，呢度都不例外， 嘟完入座紙上的Qr code 就可以開始叫野食！有刺身、壽司、小食、沙律、拉麵、炸物等⋯最先到係濃湯煮蜆和蒜香雞翼尖，一個淡味d ，一個濃味d ，我自己就鐘意蒜香雞翼尖多d，雖然煮得過腍，但勝在帶辣夠惹味！多春魚一向必叫！咬開好多魚籽，正！三文魚和三文魚腩刺身切得厚身，新鮮有光澤；甜蝦肥美，味道鮮甜！焗蠔有芝士和蒜香兩種口味，同樣細細隻，男朋友話蒜香味比芝士味出色，入口蒜味濃郁，無腥味！另外仲叫左中華沙律和炸物，食埋就開始火鍋！首先要同員工講左要咩湯底先，湯底有壽喜燒、豬骨湯底和粥底三款選擇！我純粹想清清地滾下蔬菜煮個麵，所以擇左豬骨湯！火鍋配料同樣喺手機落單！其實一入門口已經見到兩個雪糕櫃，入面有齊不同款的雪糕、雪條和吱吱冰，所以我地一早留定肚食雪糕啦

年尾收爐時候和同事 到葵芳港鐵站乎近的"夢工房西日料理"食晚餐。 由於 晚飯時間 尚早，所以 很快便可安排入座 無需排隊 等位。我們坐下後 同事便先order壽司 ，和刺身， 壽司 款式也有多種選擇 。 有曰式甜蛋刺身 ， 新鮮的 蟹柳 刺身， 醬料鮮味 的 鰻魚刺身 。餐廳內還有 天婦來的提供， 和 脆卜卜的 的炸物， 還有個人喜愛的榴槤 炸球， 榴槤炸球的外皮金黃色，而且香脆 ，內裏的榴槤味也很 有 榴槤的香味。還order咗一碗蟹粥 ，蟹粥味道鮮美，而且粥內還有 蟹肉， 果然 充滿海鮮味。 餐廳內還可以 提供火鍋供應 ，火鍋的配料食物也有很多選擇， 有肥牛， 肉丸， 和其他豐富的火鍋配料提供，認真超值 。有飲品方面， 有 汽水，多款果汁 ，隨便 任選享用。還有甜品，糕點 ，歡迎自取 。雪條，雪糕、也是無限提供 ，同事 們 到是捧腹離開，非常 享受這頓晚餐。👍

太耐無去食放題，新一年的開始當然約好友去填肚醒胃。食個放題充充電量，再去打拼。就附近葵芳地鐵站夢工房，繼續非常抵食。照樣保持多種精美壽司和刺身焗蠔這些必食的，水準幾好，不過好像好似有沙，抑或是個殼太脆天婦羅日式放題當然不可缺少，又大又暖又脆的新蝦同蟹柳等等，非常平穩水平。整多塊羊架同蟹粥。雖然蟹粥有好多雜蘑菇，但味道都有輕輕的蟹和味。不夠喉，可以食埋叉燒烏冬，香濃麻油味，𣎴算太大碗，暖暖胃唔錯。叫埋小小火鍋，完滿一餐。食完餐廳內設有夾公仔機，可以去玩玩，個夾有力度，可以夾到，但可能要配合少少運氣。

住葵芳很久，第一次吃夢工房放題，估唔到這麼便宜的價錢吃到如此高質的放題食物，真的非常驚喜。刺身選擇多，包括：很少餐廳有的象拔蚌刺身、三文魚腩、墨魚、帶子等等，每款刺身都非常新鮮。象拔蚌、三文魚腩及墨魚刺身我們叫了三次，很滿意。熟食應有盡有，包括熱辣辣薯條、香脆炸魚皮、炸榴連，香脆雞翼等等。蒜香雞翼尖，好入味，唔洗去元朗都有得食b仔雞翼尖。天婦羅茄子及甜薯天婦羅厚度適中，好好食。甜品及飲品選擇種類多，我們都有自己喜歡的甜品及飲品。

聖誕節過黎葵芳睇聖誕燈飾 當然吾少得食野啦 有人推介過黎食放題 所以就黎試試啦入到黎人數超級多 幾乎爆場 所以都期望味道會好好食 落單系用qr code 相對用紙系比較環保 呢度食物選擇吾算話超級多 但都可以接受所以就咩都試下啦食甘多野之中最推介系牛扒 好淋 味道亦不錯！但羊扒就麻麻地 因為口感比較硬壽司一般般 都算可以接受既而牛肉真係好難食 我都係第一次食甘難食既牛肉 食左一淡即刻放埋一邊焗壕真心麻麻 有沙 仲好細舊 味道又一般炸蝦卷同天婦羅炸蝦都可以一試 幾好味壽司拖羅都係麻麻地環境都係比較污糟 而且服務麻麻地

今日咁岩喺葵芳做嘢，諗左好耐食米線好定係食日本嘢好最尾都係呢間度食🤣其實佢嘅lunch set我之前都食過幾次㗎啦，覺得又抵食又好味今次就嚟試吓其他唔同嘅set啦嘩嘩嘩lunch set都有差唔多成30款，價錢有40幾蚊去到80幾蚊都有，而且仲加埋嘢飲㗎除咗正常WhatsApp之外，因為佢係放題店，所以都有一啲小食同埋壽司可以用優惠價錢去加購，我之前就試過加佢個三文魚腩嚟食，好新鮮鮮甜真係好味架我今日就帶咗一個鮮茄稻庭烏冬鍋配牛肉（$60）首先上咗一個胡麻醬沙律，沙律菜都好新鮮，分量一個人啱啱好，唔會太多太少。嘢飲方面我就帶咗一個熱柑橘蜜，冬天暖暖地幾舒服最後個牛肉烏冬鍋真係用一個火鍋嘅小窩上枱嘅，見到啲濃湯我就流晒口水啦，即刻試一啖蕃茄濃湯，食得出佢真係用新鮮蕃茄煮出嚟，超級鮮甜，同埋真係好濃郁，比我想像中仲更加好味而且佢啲份量都好多，烏冬都食得出唔係普通cheap野，牛肉就係收起燒牛肉配洋蔥，好滿足呀，果然無揀錯

好撚難食，服務態度超差，食物質素超差，88蚊呢個價錢都唔值。以後唔會再嚟 一堆大媽侍應 有時聽唔明廣東話 其他侍應情緒智商好低，缺乏能力作為一個服務行業嘅侍應 大家唔怕伏可以一試。

陌生區份，同朋友求其搵間餐廳食飯聚吓，放題嘅好處就係食物多選擇焗蠔麻麻，細隻之餘，好腥... 而一品料理中嘅濃湯煮蜆係最好壽司有十四款可揀，中拖羅、黑松露帶子、火焰左口魚邊都算OK刺身有十二款可揀，甜蝦刺身有腥味，唔係咁鮮；墨魚刺身嘅品質算正常甜品種類算多，估唔到有新出嘅黑牛雪條，仲試咗焦糖海鹽雪糕，OK~我哋揀咗呢個時段︰18:30-20:30，經openrice訂座有9折，折後每位大約$170；放題形式，食物質素就真係只屬一般，所以試一次就夠。

我都唔明 點解我的朋友個個都咁鍾意食西餐，反而我就好喜歡食壽司，每次都要食好多舊先滿足到我，所以食呢d中午放題就岩我了。呢到平平地任飲任食，同朋友慢慢邊吹水邊食野好正呀。小食都有幾款，沙律前菜幾款， 而壽司大路野都有齊唔驚冇野食，但當然要求高d多d，想食再好d，咪加錢冇問題的。我最欣賞呢到手卷，細細件放落口岩哂咀型，同朋友不知不覺就會越食越多，越飲越多，一次半次放鬆下唔怕啦。汽水款式都好多，最後唔夠可加錢食雪糕，但我地太飽了，所以冇加。

「又到聖誕，又到聖誕....」這句開場白在最近的食評已用了好幾次，的確越來越近聖誕佳節，除了忙於買聖誕禮物外，還開始約好友吃聖誕飯，就趁今晚黎開葵芳睇中醫，就約葵芳之友預早慶祝聖誕。因還未熟悉葵芳，就由葵芳之友帶路，她選了一間放題店，價錢經濟實惠。店子門面特別，走進內裏的裝潢就更有特色。紅泥磚牆身掛着各式各樣的鐵牌、黑膠唱碟、數字牌等等，還掛了一個個色彩繽紛的熱氣波，好得意。餐店地方都算幾大，設有多張二至四人枱，亦有多排闊落的卡座和十多人的長枱，還有幾間主題特別的獨立房間，可讓大夥兒熱鬧一番。晚巿放題任食2小時，不同時段入座收費不同，星期一至四5:30pm-6:30pm前成人收費為($168+10%)；6:30pm-8:30pm入座成人收費為($188+10%)；8:30pm後入座成人收費為($158+10%)，還有全時段成人收費為($268+10%)，而星期五六日、公眾假期及前夕5:30pm-6:30pm前成人收費為($188+10%)；6:30pm-8:30pm入座成人收費為($208+10%)；8:30pm後入座成人收費為($178+10%)，還有全時段成人收費為($288+10

提早預祝冬至，一家人出去食餐冬至飯，中菜一係貴到飛起，一係比人訂哂枱，所以今次轉戰了食放題。放題每位都是$200，還有火鍋供應。食物款式很多。刺身有三文魚腩，味道肥美鮮甜，八爪魚等刺身等不錯。燒物有牛扒、羊架、三文魚等，其中三文魚肉嫩滑，油脂豐富。天婦羅粉漿較厚，不過勝在熱辣辣夠脆。炸蠔、蝦丸及雞翼等炸粉較厚，不過勝在即叫即做。烏冬爽口，是豬骨湯底。其他林林總總的小食，全部細細碟，不用浪費。清酒、啤酒及梅酒任飲。雪糕、芝士蛋糕等女士至愛的甜品。

這間位於葵芳的夢工房西日料理，以日式放題為主，而且價錢比較便宜，所以每晚都很爆場。飲品款式很多，汽水、茶及啤酒等。雪糕雪條自助取用，但只是普通的雀巢。刺身款式都有十數款，質素都不俗，沒有因價就貨，味道鮮甜。放題必食的天婦羅及炸物，前者粉漿不會太厚，而且不會太油膩，後者炸得香脆，新鮮熱辣炸起。羊架、牛扒等燒物，羊架騷味較重。焗蠔比較細隻。燒三文魚尤其好味，啖啖魚肉。其他食物款式多，味道不錯。整體性價比高，適合朋友或家人聚會。