夢見屋 (已結業)

皇牌士多啤梨蛋糕北海道3.7牛乳軟雪糕 $36.個名好長好霸氣 個menu張圖又握得下人🙈行到腳軟明知要收加一都照入去坐 就知我好攰😂.一望就知哩個甜品唔值36 什麼皇牌蛋糕其實係普通既海綿類蛋糕 心諗唔好吹大d🙈🙈🙈士多啤梨又係得一粒切開一半有兩件 仲有士多啤梨醬 一入口就知普通貨色😓個3.7牛乳其實係幾香滑 但我又唔覺好奶味 得個甜字 唯一想讚既係夠凍 我懷疑係維記雪糕而已.咁既質素又細杯竟然收36 咪玩啦😂

明明人超少都等左成廿幾分鐘 個雪糕就咁用個紙杯載住就算 賣相真係好差 同張相完全兩個樣 仲要發現個雪糕已經溶左差唔多一半喺底 完全唔值35蚊 最離譜就係 埋單找少左成10幾蚊

今次第二次去，見到轉咗新侍應，人多咗，以為態度有改善，其實只係新人沒熟習好少少，但係唔知佢連個廚房都換人，我地三個，叫單點有飯類意粉類，點知碗飯食落米唔多熟，日本米飯竟然有硬粒即生米，有冇搞錯，到底係咪日本米？當然我唔敢投訴，點知會唔會。。。公道一句意大利粉就ok有保持，3個人只有一個ok，飲品咖啡茶都係算啦，水準冇變，一般來講，飲得冇肚痛已經當冇事，想拍照生米係點，可惜係影唔到效果出來，不過，唔想自己再摶，價錢唔平，但係飯真係估唔到不能入口。其他小食未試過唔敢評。應該唔會再去。

We went into this restaurant wishing to have some decent desserts late in the afternoon on a hot day. Had the worst "Green tea with green tea ice cream" of my life. It was basically a mix of water, ice, greentea powder and a scoop of low quality green tea ice cream. The other dessert we ordered was ice cream mixed with strawberry cake, which was presented to us in a small paper cup. We were expecting something similar to what was shown on their menu, something nicely put together in a glass cont

經過門口櫥窗， 放滿了林林總總的抹茶雪糕， 還有令人看了變心心眼的蛋糕櫃 ，真的以為「夢見屋」只係食甜品。 入去睇左個menu， 原來佢啲主食都幾特別， 除了咖哩、烏冬、及丼飯之外， 最特別可算是茶漬飯。最後叫左日本明太子雞肉茶漬飯及 韓式泡菜豚肉茶漬飯。 茶漬飯有2款前菜-沙律及醃青瓜， 主角茶漬飯一碗 及一壺湯。日本正宗嘅茶漬飯其實係所有餸菜及配料同飯分開的， 吃掉部份後，最後再將湯倒入去飲，好少會將大部份嘅餸菜放落碗飯到， 呢度一定唔會係正宗日本茶漬飯 ，堅.港式囉！同朋友分別點了 日本明太子雞肉茶漬飯及明太子雞肉茶漬飯， 一放在眼前，好明顯就知道一個較濃味(韓式泡菜豚肉茶漬飯) ，一個較淡味( 明太子雞肉茶漬飯)， 年跟飯的湯底都不同， 當年明太子雞肉那個湯較清淡，韓式泡菜豚肉的湯較濃味啦！ 每碗飯內都有亁紫菜碎伴飯， 紫菜加湯喝起來會更美味。韓式泡菜茶漬飯更有兩大片紫菜， 大紫菜可用來包著泡菜豚肉飯一齊食， 作用可中和韓式泡菜本身的濃味程度。其實個茶漬飯更附有wasabi, wasabi可放落湯攪拌後才倒落茶漬飯 一起飲用或食用， 我覺得放左wasabi落去成個湯更突出同好味

入到黎冇人理就自己坐低啦,跟住點餐女店員態度.....咁既價錢都明既冇要求就岩。於是點左炸藕片,雪糕綠茶飲品同一件tiramisu。黑口黑面“哦!”咁就行左去,其實我想講我張枱冇餐具。跟住達低杯凍水同件蛋糕。蛋糕都食完諗緊點解杯雪糕飲品咁耐,原來3個店員嘻嘻哈哈圍埋係蛋糕櫃前面個counter講緊點整杯飲品。跟住話“嘩好肉酸呀。你幫我食左佢。”之類。結果杯野出到黎一如所料,匙羹插實雪糕,啲飲品滴滴下賣相肉酸好難飲,綠茶似水而且無論雪糕中全部係冰粒。突然又擺但盤炸藕片,我話“唔好意思呀可唔可以比隻叉我呀?”女店員黑左面一下,冇應我就轉身去對面張枱攞盤餐具丟過黎。今次第二次黎,記得上次啲店員係隔離枱訓覺同傾計,果時態度都未有咁差。今次真係大開眼界,食物質素差左,炸物變凍上!!炸藕片粉厚冇味飲品極其難飲。蛋糕櫃唔夠凍蛋糕出水。我以後唔會再幫襯。難怪每次做野經過,都咁多吉位,客人越黎越少!!檢討一下點解會咁吧!!

雖然這家價錢偏貴，但是勝在午休時也基本不用排隊。今天試了蒲燒鯛魚茶漬飯，大讚！！鯛魚充滿膠原蛋白，連平時不愛吃魚的我也覺得好好味，蒲燒味道也很好，茶泡飯湯也很鮮美，推薦一定要來試一下。

食完壽司，肥髀仲要食甜品， 壽司店旁邊就有間西式蛋糕店，入去牆邊位置坐低！ 咖啡店格局，光猛乾淨！店放低熱茶！原來呢間係Italian Tomato嘅餐廳！揀好就落單！食物好快到！ 北海道3.7牛乳Mix抹茶軟雪榚（$25）呢個肥髀食，瓦碗上賣相靚！可惜雪榚比較實，抹茶同牛乳味都唔太突出！ 栗子千層夾心餅（$55）叫呢個因為價錢最貴，而且未試過呢款！幾層酥餅唔夠酥脆！較韌好難切開！我要用兩支叉先可以切開，栗子味唔突出！朱古力蛋糕比較實！忌廉好滑！ 熱檸茶：夠熱正常店員有禮，我唔知下午茶餐包唔包我揀嘅蛋糕，女店員會幫我查證！我哋食完再坐一段時間，都唔會趕人！悠閒食一餐下午茶！

曾經係太古既夢見屋食過, 俾我感覺係好唔錯, 見公司附近開左, 同同事決定食好少少, 咁就中左伏....因為同事未到, 我就係咁刨個MENU, 樣樣都好似好吸引好好食咁我比較偏向食有汁既濃味野, 等到同事黎就叫野食, 不過個侍應就好似仲發緊夢咁, 落漏單...我自己就叫左個咖哩牛肉湯烏冬, 日式咖哩本身唔辣, 但佢應該係用粉開掛, 因為我仲食到少少粉粒.....味道還可以, 不過$68既話, 我會expect佢係大碗少少/ 好味少少.....我1個女仔, 食完都唔夠飽....另外兩位同事都係叫左日式蜆意粉, 真係好慶幸自己冇叫, 呢個根本就唔係「日式蜆意粉」, 應該叫做「『日式』+『蜆』+『意粉』」, 除左隻碟, 我真係唔知有咩可以叫日式....蜆, 我見到有既......意粉都有.....但真係如你所見, 個意粉超乾, 你係唔好以"雪"入口的. 成個意粉已經做得唔好, 仲要係冇味.....個意粉仍然唔夠1個女仔食食完, 結果3個人, 係完全唔夠飽, 要再買野返公司食味道, 服務都唔得, 應該唔會再返黎呢間分店食

呢排搞保單, 連續幾日要上AIA Tower 簽名, 見到呢间好有日本風味既夢見屋, 食過佢地既 Italian Tomato蛋糕,印象非常好, 今次吃個飯應該都會幾日式。未夠七点一個人唔洗排隊, 入左去無日式既熱情招呼, 員工亦無咩表情, 揾個位自己坐底,同去左茶餐廳無分别。menu 好精美, 傳統日式餐牌圖文並茂, 樣樣都好好食甘。又想食茶漬飯又想食咖喱飯, 最後決定食日本既招牌菜, 咖喱吉列豬扒, 78蚊, 好食既話, 價錢可以接受。飯到左,同個圖完全唔同,同樣好求其, 個扒炸到有點深色,唔知係咪油太舊。食左啖,ok la.... 質素一般, 咖喱就食得出係日本咖哩, 當然唔通印度咖喱咩！基本上成碟飯唔係特別好食又唔係難食, 杯茶飲完又唔添, 堂食要加一,咩服務都無, 78蚊加一成80幾蚊, 服務同食物質素同快餐差唔多!!希望下次黎食茶漬飯會有驚喜。

今天去咗天后食飯，諗住試下夢見屋點知....真系唔係太好食我平時好鍾意食cabonara, 見呢度有幾種可以揀，所以就想試下點知味道只有蛋味，吃不出平日cabonara creamy 的味道可能因為蛋放得太多，意粉的汁有微微一粒粒的蛋碎，簡直就好似食緊蛋炒意粉茶漬泡飯的因為飯未熟所以有啲硬，諗住換的時候，侍應竟然同我們講飯原來就是硬的，於是我們換成了另外一樣食物。牛肉泡菜烏冬的味道普通，像日本711的烏冬，不過不失 栗子蛋糕是當天最好食的東西了是italian tomato 應有的水平聽說太古的夢見屋食物還不錯，希望這裡的食物數質會改善吧!

新開張 好多人排隊。店員個個無表情。排佐45分鐘先有得坐。期間好明顯好多走台冇人清。好不容易入到。話menu冇得嗌。得lunch set。    Fine 四個set睇到都唔想食 是但嗌佐一個海鮮飯 一個雞扒乜飯 兩倍抹茶。     難食到死q佐。香港地 第一次覺得好嬲 等咁耐 冇服務 冇得選 又難食 個海鮮飯得兩片魷魚 幾條海鮮毛。乜q都冇。飯超硬。抹茶好似水！ 難頂。唔明新開就咁質素 可以撐一個月？ 

我在附近返工，見到裝修了幾個月也未開張，本來很期待，最近終於開張了，每晩也有很多人排隊，門口嘅display又好吸引喎，我估應該幾好味，誰不知，我中伏了！入座後，叫了五六次才有店員理我（仲要是我站立大動作揮手他們才迫不得已過來理我）。當晚我點了香蒜三文魚蜆肉意粉，加點了湯及飲品，本來想點雪糕抹茶，但店員話巳沒有雪糕幾天了，所以我只好點抹茶算了。意粉一上，我便肯定有90%中伏。意粉完全冇賣相，好似打風咁亂哂，其次意粉的色澤無光，麵身發脹，撥開意粉還有水汪汪，這類意粉的烹調應該是每條麵條爽身令立立，不應有太多汁。 一吃，味道淡荗荗，100%失敗。個餐湯仲離譜，做汁都嫌佢太稠，d粉多到呢，個湯是一bat bat的。唯一杯抹茶叫做好d，有抹茶味，但太細杯了，仲要另外加十元才有，店家未免太孤寒了。叫埋單也叫了四五次，當時我已經一肚氣，但店員連幾元也當是老馮咁唔找俾我，要我主動問佢地才在收銀機攞返出來，嘩！呢間店簡直是極品.......惡劣，我以後都不會再幫襯！ Sorry, 當時在盛怒下del咗d相。

日日中午飯都好頭痛, 食來食去都係嗰幾間, 最近新開了夢見屋, 立刻幫襯.中午套歺價錢尚可, 包歺湯和咖啡或茶.今天的歺湯是蕃茄忌廉湯, 好滑的湯底加入了粒粒碎蕃茄肉, 好味, 可惜份量太小了.主菜選了香蒜欖油炒意枌, 意枌硬度適中, 配以車厘茄, 略嫌香蒜太少帶不出蒜香.歺飲點了咖啡, 這咖啡沒有香, 沒有甘, 沒有濃, 應該是我生平覺得最難飲的一杯.