大利清湯腩 (已結業)

天后的路線的延續，今天又吃牛腩，不過不是華姐的，而是在旁的大。其實大利這個品牌是老字號來的，往昔是挺多分店的，今日再吃又如何呢？又是午飯時間，自己一個人，也是同樣的組合，來一個清湯腩河加蘿蔔，也是當然的要爽腩，但今天要多吃一點纖維，所以淨點了一大碗腩汁蘿蔔，也不用等多久，就有得吃了。也是慣性的先喝一口湯，這兒的清湯也清，而且沒有華姐那邊的油，但就是清得沒什麼牛味，咁就弊個加零九了，沒有油光的原因也很明顯是因為，用來煲湯的牛是少得連牛脂也沒太多可煲出來，所以沒有飲得碗底朝天了，而河粉也是滑而有米香的，不錯，但我愛的爽腩又是令我失望了，爽腩好吃的地方，是那邊邊位置大大塊的筋膜，今天的筋膜全不爽口，是奀皮得很的筋膜，配着那不太腍身的瘦腩位置，真教人失望。蘿蔔一碗十元，竟有六件超大碼的，但此品最奇妙的地方，是那跟來的所謂腩汁的湯，味道是很甜而怪怪的，而且明顯沒什麼牛腩味，其實這情況來不是頭一遍，所以真的有點好奇店家是如何弄出來的，但怎說也好，蘿蔔也是無渣清甜，吃着吃着，也輕易清掉，但所謂的腩汁湯就一滴也不多喝了。吃也算是吃飽了，但就是沒有如上回在華姐吃時那種心靈上的滿足。往昔的名店，但如今江河

這晚不想吃飯，吃碗粉便算，上次試過「華姐」，今次便試其左鄰右里「大利」。要了必吃的清湯腩河，牛腩味濃，肉已炆腍，稍嫌帶肥的部份不多，少了點油膏香味，湯底很清澈，但少了點我喜愛的陳皮或羅漢果味，因這是另一門派的招數，然而湯味亦很甜，河粉是幼條的，吸收了牛腩和清湯的精華，齋吃粉也是一種享受，吃了一碗後，感覺意猶未盡，體內像缺少了甚麼，其實區區一碗粉又怎能果腹，再點了一碗金錢肚河，金錢肚樣子像蜂巢，咬落爽脆，與牛腩的咬口截然不同，雖然牛腩一定是主角，而金錢肚絕不是茄厘啡，祇是牛腩取了大多數席位吧了！連盡兩碗後，身心舒泰，我已充滿力量！吃過灣仔「大利」，「華姐」，和天后「大利」，個人較迷戀灣仔「大利」，愛其牛腩肥瘦均勻。話得說回來，誰最好，祇吃一次是不能作準，要多吃幾次才可定論，況且每人的喜惡皆不同，但無論怎樣，這三間都是我杯茶。

朋友講要去天后食清湯腩, 唔會令我失望, 但最衰係唔記得左邊間先係佢講嗰間, 於是點指兵兵之下, 就點中大利..食既係一碗招牌的清湯腩, 腩身都ok爽, 肉偏少少靭, 但係擺件腩去到個鼻邊已經聞到勁牛味, 合格了.. 湯就淡少少, 一邊食, 一邊點辣油, 不過可能肥part多左d, 食到一半有少少肥膩既感覺, 開始"捱"上的波兒了..三十幾一碗, 都算ok, 但係唔係好似朋友仔講到話難忙, 又好似差少少..

又心思思想食華姐，點知人龍長又長，等的話真的會餓扁。最後見未試過大利，一於過黎呢樹。果然，同華姐很大對比，呢度只有半滿呢...牛筋河先飲一啖湯，很清，但不夠鮮甜，應該沒有味精。河粉索曬味，正!至於作為主角的牛筋就較為一般，煮既時間不夠，所以食落是爽口而非我喜愛的淋淋口感，兼且唔夠入味。牛腩米所有牛腩都是瘦瘦的，又鞋又韌又痴牙，絕對不合口味。大概一段長時間都不會來，因為實在想不通這裡曾是名店之一。

第一次來食大利既清湯腩, 真係好鮮甜好好味!!!! 第一啖食落口立即有驚喜既感覺, 比想像中好食!! 雖然貴左d($3x), 但係真係值喎. 我覺得佢好食過隔離果間, 隔離果間既湯係好清甜好好飲, 但係個坑腩好普通, 無乜特別. 而大利既係腩和湯都好, 令人印象深刻.

I have dinner here sometimes and although not a big fan of beef brisket, would like to say that in my eyes, 大利 is better than 華姐 almost each time.The biggest difference is 華姐's beef is usually too tough - but understandably probably because this type of beef cut takes longer to cook and they're more popular? Not sure.I know 華姐 used to work in 大利, but unfortunately the latter is still better, although not that good either.大利 in the old Central shop was way better than both of these!

23/1/2009 (星期五)今晚係年廿八，我係維園打完波之後，唔知食セ好，於是走去天后的電氣道食牛腩河，華姐同大利兩間舖係埋一齊，睇完花市的人都找地方食飯，兩條人龍都咁長，於是就揀咗大利，下次再試華姐。排咗近25分鐘隊之後，終於輪到我啦，叫咗一碗招牌的牛腩河，牛腩很整齊地舖在河粉上面，賣相唔錯，坑腩唔肥，很有咬口而且唔痴牙，湯底很清，算係水準之作。不過價錢就略貴，要$30碗。舖頭內很多客人，座位略嫌擠迫，下次要揀非繁忙時間再去食過。

上星期日去扮靚靚，想起附近有清湯腩，之前試過華姐的，又試試這間吧!一入去便有位，不用等。我要清湯腩，蝦子餅要双拼(清湯腩 & 牛肚)再加一碟油菜，先喝一口清湯...味道不錯，不會大咸，牛腩又"淋"又滑。上次食華姐清湯腩有D夠"淋"，有D唔"淋"，所以我覺得大利的清湯腩好味D。牛肚就唔"淋"，仲冇牛肚香?!至於油菜就最差..."淋Pat Pat"，入口即溶 仲收13蚊。如果再去我都只會係為咗碗清湯腩。

今日又提早晚飯, 5:00 已黎到, 上次試過華姐, 今天再遇大利 要了一碟牛腩飯($38), 付上清湯一碗湯清而不油膩, 但又有淡淡牛腩味成日聽人講會燥火, 飲落又無呢個感覺喎 ! 牛腩較瘦, 絕對又唔韌, 食完全無'痴'牙, 水準比華姐的更高, 這裡做到我要的清湯感覺, 而華姐的牛腩多點脂肪, 而比較”溜”, 以生菜薦著白飯, 所以飯不會太水”溜溜”, 一碟飯也輕易幹掉。

食完祥利, 遊了一陣天后, 又回到華姐 & 大利之選不約而同, 原來我同老爸都分別食過華姐了, 那今次就大利吧~~大利比華姐少人, 一入去, 三個人坐左最埋邊的枱叫左一個淨腩, 一個腩汁蘿蔔心諗 $10 一碗蘿蔔有得幾多, 一上枱, 竟然可以足料到這地步, 真的對老闆的老實有點感動~~ 腩汁蘿蔔的汁好甜, 蘿蔔味又不會被腩汁的味搶去, 相輔相成, 真很不錯再來淨腩, 有咬口之餘又不 un ~~ 有牛味, 但湯有點油, 好似無華姐的清~~但已比一般麵檔好。坐底已經六點十, 仲要交人回家晚飯, 今次就試少少先~~擇日再來﹗

以前住係天后, 大利同華姐的清湯腩係宵夜精選 (8年前, 天后夜晚得4,5間食肆再加一間7仔, 食宵夜唔係好多選擇; 而家就成條食街), 搬走之後, 就未再食過大利同華姐今日難得經過, 就入左去大利食 (再因為趕時間, 大利人少d)清湯腩河: 牛腩5件, 有肥有瘦, 同以前一樣, 燜得好好食, 又夠香味, 再 加埋清湯, 好味而不肥膩, 奇怪就係, 食清湯腩, 叫河粉係好過叫面, 唔知點解呢

一向都係食開華姐, 幾年前食過一次大利印象都ok.今日見華姐多人走入去試下啦, 比返次機會佢.一坐低個阿姐已經唔係幾好禮貌, 叫左一個牛腩河佢比我o既feedback係"係咁多拿" 咁.算.牛腩河到泥d牛肉散落兩旁, 求其到爆.牛肉五塊左右, 肉本身冇乜肉味而且係牛腩之中最瘦果part, 又鞋又痴牙,慘過煲湯瘦肉.湯淡左, 但飲完一陣已經覺口渴..河粉ok啦25蚊一碗, 我求其去間茶記食潮式滷水腩冇咁嬲.招牌都做得咁求其....

大利清湯腩 味道似燒腩終於都尼左試大利都幾貴...不過都值得因為真係幾好味一碟 清湯腩飯 + 奶茶45元正但係第二度都真係幾難試到呢d 腩肉食落去可謂驚為天人咸鮮兼備的腩肉...嫩軟剛好瘦肉帶嚼感之餘....又有少許肥油完全帶出豬肉香正斗!!!!而且肉又夠多.....d 飯又會撈左d 清湯腩汁哈~~呢d 先叫享受呀!!!一定要尼試!!!

今日同男友會經過天后果邊, 所以去電氣道搵野食最初諗住試下華姐清湯腩, 不過男友聽同事講佢地試過隔離既大利清湯腩更好所以最後我地都係去左大利, 下次再試華姐之前睇過食評, 所以都揀左比較多左推薦既清湯牛腩河 $23 (4分)清湯金錢肚河 $23 (3分)個湯幾清, 飲落去有 d 胡椒味, 幾好, 無乜油同味精令我諗起之前旺角既羅坤發, 不過呢邊個味無咁濃, 比較易入口飲完一啖又一啖...清湯可另 order ($4)牛腩食落去, 唔算 un, 爽口金錢肚幾淋下, 都 ok不過可能我地都係鍾意食柱候果種唔係佢唔好味, 只係唔係我地杯茶

呢間野唔止清湯腩惦, 連蘿蔔都很有水準.麵有咬勁, 湯夠清甜, 雲吞同牛腩都很好.不過價錢就貴左D, 唔係一般湯粉店的價錢.