大力素食

营业中

休息中

在香港的我們，為了簡單方便及傳統，好多家庭都會買一個盆菜回家。肉食的盆菜，各大連鎖食肆都有做，甚至，連7-11都會在過年的日子賣盆菜，盆菜早已經走出了新界，變成普羅大眾的過年美食。對，一般的盆菜是肉的。但，好多人過年的年初一都會食素，咁素食的盆菜要在什麼地方找呢。答案就好簡單，素盆菜這東西，基本上，在香港經營的大部份素食館子都會在農曆年前後推出。這一年，我如常地要去元朗我馳名港九盆菜店取貨，而該名於農曆年前後的繁忙時間是不做素盆菜的。於是，我們就要在同區找一家齋舖訂一盆了。今年，太太想起了屯門的《大力素食》，大家都知道《大力素食》於元朗有分店，於是找電話訂了，初一當日，親自去取。 《大力素食》的盆菜，看得出是非常豐富的。而且，同一個款式，在他們的食材店及屯門總店都有售的，其樣子同用材應該都係相差不大。過年的日子，一定要預訂，山長水遠取回家了，一打開，我同太太同大叫，好豐富呀。雖然有許多都是素肉，但過年間唔中這樣食下，其實又冇所謂既，要我日日都這樣吃素肉，就不太行了。盆菜的材料，有素雞，素鴨，素鰻魚，素蝦，素鮑魚及不同種類的素魚蛋，素丸等等，面的一層非常之豐富，及令人感覺到過年應有的富貴

脆鱔、冬蔭功雲吞、公司三文治都好好食。無錫骨都唔錯！下次一定會再黎食，最好叫多啲朋友一齊，可以叫多幾個餸。仲有甜酸骨都好好食！哈哈^_^一定要介紹朋友仔一齊去呀！

個老友生日....成班同學話想搵啲特色嘢食下.....諗來諗去唔係日本放題就泰國菜.....唔係打冷就打邊爐.....跟住其中有一個提議.....阿媽生你咁辛苦....不如食返餐齊幇媽媽積下福拉......諗落又好似幾有道理.....反正我哋平時日日都係食肉獸.....食返餐清清地補數囉......話時話佢裏便鋪頭細細...仲要成日排隊等位.....不過素食既款式又真係幾鬼多.....睇到人都花多眼亂唔知食乜好.....首先食個魚肚羹.....我建議如果四個人去叫個細嘅就得啦.....千祈唔好叫一鍋....因為一定食唔晒呢個水餃不得了....啲質感同真嘅豬肉水餃一模一樣.....同樣地叫個細嘅就得啦.....至於呢個黃花魚......味道一般般......呢個牛仔骨都係麻麻地.....海鮮炒飯尚算可以.......不過最正係個價錢.......四個人都唔使每人一舊水.....尚算超值啊

兩口子泥到元朗揾野食， 但又唔想食肉， 就試呢間齋菜。叫了齋老味， 欖角叉燒， 酸菜豬肚。 齋老味有幾隻味， $26, 份量岩岩好，感覺好抵。 我最鐘意就係欖角叉燒， 叉燒炸過外脆內軟， 加埋蜜汁好好食。 酸菜豬肚就比較突別， 雖然豬肚口感不太似豬肚， 都好食既。

吃素菜個人不喜歡選擇加工食物。難得來一趟元朗，當然想試試，舊店吃過，不算驚艷，但卻好味。新店位置不好找，我也是拿著google map羅庚指引我，舖面小了，但也可以接受。下午三時多，樓下也滿座，我一個人已經要坐到去門口位。一個人吃不了太多，要了羅漢齋生麵，鮮菇油菜。生麵份量不算多，羅漢齋的菜，菇，馬蹄都好好吃，湯頭不會太鹹，只是油了點。鮮菇油菜，碟頭不算大，一個人份量絕對夠了，其實和羅漢齋的配料相差無幾，菜也是那幾款為主，主力以白菜仔為主，芡汁帶麻油香而份量還是比較多，整碟菜不算太鹹，可以接受的。兩樣賣單HKD121，你說貴嗎？我覺得可以接受的。

I am not a vegetarian but recently many friends are converting so I try try lor.We ordered two sets, soup and a big assorted plate of vegetarian delicacies.Sets: sweet sour "pork" and eggplant 魚香茄子咕嚕就麻麻地，maybe really need pork.Eggplants had mushrooms so a bit different from the usual type. They didnt pretend to mock meat which I appreciate.The best was the curry 小食, 超推介！

幫襯大力講緊已經是在元朗大馬路頭的商場內08-09年的事了，同朋友千里迢迢咁入元朗去食過幾次，當時舖面很大，裝修又很典雅，有個很亮堂的觀音好莊嚴，去元朗如果想食齋，都會諗起去“大力“，所以印象都深刻㗎已好耐無去了，最近發現“大力“原來搬咗，去無咁旺嘅朗屏西鐵站附近的居民區，上下兩層的細店，比以前是細了三份二吧，但一見到“大力“二字，都有一種久別重逢的感覺……入到去見到裝修的風格沒有再承襲以前大舖時代的經典高雅，現在的裝修陳設走的是“入屋路線“，很親民，大落地玻璃外面看入去都好明亮整潔是日帶同信佛的鴨D健二去晚餐南瓜例湯煲得很濃郁，有家的感覺，二人分都夠飲$15清炒百合雜菜不油脂，素叉燒外香脆內軟，十分正素小菜兩味，一濃香一清淡，白飯例湯各一碗，很簡單但滿足

今日去元朗【大力素食】食素，叫了1碗我致愛❤（粉葛湯）和素車仔麵（時菜素牛丸魚旦湯烏冬）🍲好味道😘👍👍👍正。 — 覺得肚餓──在大力素食 元朗 mighty vegetarian。個湯底好清甜完全冇落味精，坦坦地又好似有啲猴頭菇味啲白菜好心先好似係新界有機站出來緊。食完之後成個人fresh 晒光課程新的一天

不喜歡食太多加工食物，因此叫送都係以自然食物為主。什菌時菜，將鮮菌的野味配以生菜一起炒，香菇帶出陣陣香味，入口生菜爽，鮮菇嫩，汁濃味美。豆腐鰻魚，所謂鰻魚只是腐皮紫菜卷，切片與豆腐一起煮，紫菜咸味透入腐皮，豆腐亦將少許咸味帶走，能令人一食再食。菠蘿咕嚕猴頭菇，猴頭菇本來就好似肉一般的質感，平時煮送已經感到口感特別，又好食，現炸再配以菠蘿咕嚕汁一起炒，非常惹味，送飯之選。乾燒伊呢道菜平平無奇，越平淡越見真章，炒得夠鑊氣，伊麵乾身，磨菇不腥，傾刻已食清。

年前由交通廣場搬到媽横路， 鋪面細了，變了兩層只有200 呎既餐廳。父親節晚飯， 食客仍然好多，無預訂就無位menu:咕嚕肉猴頭菇豬肉用左猴頭菇代替， 猴頭菇用生粉炸過， 模擬生炒骨既口感，加上菠蘿，紅黃青椒同甜酸汁，味道同葷菜無異鼓汁豆腐鰻魚'鰻魚'係腐皮+紫菜，包住西芹同甘筍油炸而成。 賣相勉強似，但味道一d 都唔似鰻魚。 鼓汁味道偏淡。雜菌時菜雜菌多過菜，汁都係偏淡干燒伊面入面有幾舊菇， 但出奇地夠味而且炒得都乾身，但有少少油總括來講，我覺得搬左之後味道好似差左，份量唔多， 但3個人食4碟野就好飽，飽到第二朝都唔覺餓。 所以人話食齋好快會餓都唔一定者

是日初一，跟老公一起跑完步去食齋菜。非常多人，等了四限二人檯才能入座。點了兩個連飯的菜，本來想點齋鹵味可是已賣光...最後加了兩碗中湯 ($7@)。等了一會便有湯，份量不錯，除了青紅蘿蔔還有很多豆類，很足料而且味道很好。可是主菜有點失望，飯很大碗，可是餸的份量真的很少。咕嚕排骨 ($52) 只有四塊，其他便是菠蘿三色椒等配菜，味道不錯。魚香茄子 ($52) 份量也不多，茄子只有十條左右，其餘的都是雜菜。味道有一點點辣，有一些素魚粒，醬汁濃淡適中。總括來說，味道沒有太大驚喜，而且以客飯來說份量真的太少。飯餸分開點的話當然份量會多很多，但性價比又要低一點了。星期六日及齋期更設加一，下次再遇齋期會去別家了。