大吉居酒屋 (已結業)

同事last day 一齊去食大吉(我係第1次囉)前一日打去book 位 先知道原來得兩個鐘食野但雜誌有coupon 見148 加一 都ok ar一去到個場好逼同感覺局速同埋嘈(音樂好悶好舊)埋位坐sofa order 野食比較其他放題 選擇唔多但ok ge ..同事黎左幾次 約略知道咩好食咩唔好食但大家都係咩都叫黎試下先三文魚侍應話每日番 ~所以都唔差燒物不過不失偏咸 (我係ok 食得咸都覺得偏咸~)焗豪仲有牛柳粒~ 超讚烏冬 牛肉鍋 等和物一試無妨壽司同手卷就麻麻啦 留番肚食其他吧啦侍應好快手高效率 清吉碟又換碟 又加水 下下都多謝可惜好麻目 好似機械人~同事話依到不嬲冇咩太多笑容~可讚係有禮貌左對於我呢 我覺得依個價錢唔好要求勁多服務好都得未夠 都係加油加油野食要有質素 放題要多選擇嘛要留意依到會走單咖但侍應會好快幫你跟番~~可以再黎只不過耐唔耐黎食就算lu 因為冇咩野特別吸引 特別出色佢有既其他日式放題都有 分分鐘仲好!!

係尖咀想搵日本野食, 朋友諗起網上有人提過呢間....結果中計上去前BOOK 左位, 去到不用等不過D位真係非常唔好坐, 而且檯同檯之間太少空間點野食, 速度尚可, 不過員工的"快速上菜"好危險, 成日好似會整跌野咁刺食----選擇不多, 不算新鮮炸物----好油, 唔熱燒物----咸蟹粥----見人地好大鍋, 2個人一定食唔晒, 唔敢叫焗蠔----比較可以一試之前講佢地D員工好似打衝風咁, 之後就出事, 佢地路過推跌左碗湯, 我朋友成身都係...之後個員工講左句"冇事冇事"就走左去.....佢當然冇事, 我朋友就成身都係....最後好唔高興的離開, 呢間冇下次

其實想試大吉好耐....上黎open rice都睇過好多次....終於約好朋友去試下....早四日已經book定位....打去book既時候已經問..."你地係咪余人生果間呀?"confirm左係....就落booking....但態度真係麻麻地...叫我當時要留意電話...冇聽的話就取消booking...心想唔係ma....我都係firm晒先打黎book 位...到時如果真係miss左call...咪大鬼鑊...好大精神壓力囉...唯有咁諗...佢都係唔想浪費張枱啫...好喇...當日...第一次真係miss左個call....打返去又唔通喎...好彩過多一陣佢又打返黎....book左7點...我地4個人....遲左幾分鐘到....去到奇奇怪怪咁....坐低左既時候...有個侍應走過黎話我地只可以食到20:45...仲話我book錯地方...唔係book呢間....下........唔係ma...我再問...咁你地個電話尾數係咪7117呀?佢答我唔係............我心有不甘....睇到枱面個牌...同我講既no.係一樣....叫第二個侍應黎問...你地分店個電話係咪71

寫這個食評之前，看過其他一些食評，特別是劣評.....坦白說，自己親自試過，絕對唔係咁差吧﹗起碼比較同級既放題，已經係唔錯.....如果硬要去將$148既質素去同高價既比較，似乎不太公平吧﹗言歸正傳，昨日同女友去吃，遲了BOOK位，幸好還BOOK到，坐BAR枱都OK啊﹗有COUPON只係148加一。坐下先吃魚生，三文魚厚切、甜蝦同象拔蚌都好鮮味﹗壽司細細件飯岩岩好，可以一口一件﹗食左蟹柳、火焰吞拿魚、鰻魚....都有水準﹗天婦羅熱辣辣，蝦亦好食.....咁一定係有少少油架啦~小弟同女友都覺得OK wor~串燒真係幾ok，串燒和牛係最好，牛肉沒有燒乾、仍有肉汁....帆立貝亦可以，不是出面一些放題般，燒完再叮番熱咁乾哂,......串燒蝦就平淡少少....另外都試左冷蒿麥麵，軟硬適中，不錯﹗服務都唔錯，又經常加水，漏左單亦即刻追....唔似之前有d寫食評既朋友講到咁差.....食物款式都ok夠多，又有罐裝汽水任飲.....加埋一才$16x一個人，已經值回票價吧﹗

朋友介紹, 如果你食到個量, 都抵番既, 不過...魚生其實個樣好似幾靚, 食落我覺得同元氣個d差不多, 差過板前...象拔好差九成熟食都超咸, 本人已經係濃味人...都接受唔到, 由其d牛肉...嘔焗蠔, 燒雞翼同炒蜆係推介~可能咸d想你飲多d汽水(任飲)唔使食咁多勁迫, 手爭會批到人個隻, 5個人可以book房*請早*

之前我去過亞士厘道分店食過，幾surprise. 覺得好好食，水準很好！可能有比較下，我覺得漆咸道這間分店的食物水平就麻麻。今次我們用左9月份優惠，每人$148+1~刺身依然好大件，厚切，不過略欠新鮮。炸物的味道好似怪怪地咁，不像出面的那樣。壽司類:　都算正常出品，如果不太喜歡多飯的就岩晒，因為佢地整得ｄ飯好少，配料就好足。牛肉鍋的味道同亞士厘道分店一樣～都是甜甜地!秋刀魚，鹽燒蝦都唔錯～　不過，辣蝦就好唔掂，冇咩味！不過，呢間的服務好一流，一落單就好快送到我們枱，侍應又好勤力，不停幫我們換碟。地方很寬敞，坐得好舒適。

之前聽朋友話味道ok同埋價錢又唔錯所以黎試有8折卡 每人$157左右啦 有朋友生日^^刺身: 3文魚幾新鮮 好味 甜蝦都ok 2樣我都覺得唔錯炸物: 炸蠔好正!! 可能我本身比較鐘意食炸蝦蕃薯個d都可以 我無食太多 但朋友話ok不過章魚小丸子我覺得好難食 建議大家唔好點蟹粥好好味 呢個真係值得一試 好甜有蟹味 一定要點!!牛柳粒都係一個唔錯既選擇 幾香 有蒜味 正到一流我足足食左3碟牛柳粒呀哈哈 真係好味和牛串燒反而覺得麻麻地 好咸同埋好硬 食左1串就唔想再食烏冬好好味 好"煙"un 大家都可以試下熱烏冬 唔錯的冷"橋"麥麵我就覺得麻麻地 食完都唔想再食 ....焗蠔無食到 但聽朋友講話味道都可以牛肉壽司味道可以 鰻魚卷值得一試 秋刀魚都好味^^價錢唔太貴 食物味道都可以 值得一試既 !!!

上次食放題已經是五月的時候，上次在沙田的味房居食屋，今次就在開飯喇選了位於尖沙咀分店的大吉試試～我今次有在網頁上印了優惠捲來$148/位(未加一)刺身總括來講，款式種類都ＯＫ多，但新鮮同肥美程度比起板前的還要差！不會覺得特別鮮甜和肥美！手卷類普通，紫菜都不脆！所以都沒有興趣試！燒物焗生蠔最美味，點了幾次！另外，和牛和雞軟骨，雞翼都燒得香口！和食銀芽炒帆立貝，ＯＫ好味！韮菜炒蜆，份量細少！炸物大部分都幾多食，因為剛炸好就即刻上菜，新鮮熱辣！其實還點了好多，但是整體都沒有特別印象，上菜快但有漏單的情況，而且坐位同坐位很迫，不太自在，感覺同隔離枱太近，他們的對話我都聽得很清楚！有比較才有進步，現在新開了很多不同的放題，感覺以那個價錢比較只屬於中下，一次就足夠，下次未會來！

因為今日係Kit正日生日,所以我就前幾日已經訂左位食呢間"大吉居酒屋 Izakaya Daikichi訂左6個位,有我同kit 2位, +4位朋友,我地每位都係食左160蚊左右,仲有個生日蛋糕送...不過大家都知道la,送既野,多數都唔係點好既野,個所謂的生日蛋糕... 實在太唔ok la,上面d剌身... 一d都唔新鮮....因為今次訂房果陣有指明想要係房到攪~所以今次同上一次有d唔同,個Feeling都唔同d,因為如果坐出面, 有一種感覺,坐得太迫, 食得唔舒服... 所以今次係房celebrate 個生日Party.. 不過都發覺可以因為出面細 + 窄,出面講野既聲簡直係...傳入黎都幾大聲所以建議大家去試選擇係房攪就最好Close The Door First! 如果唔係同d fd 傾計都聽日唔係好清楚其實大部份我地食既野都覺得唔錯,List 入面既野,我地都通通都差唔多點曬...我地食左好多,都算係捧住個肚走~不過..走果陣,個部長就行埋黎問我地d剌身有咩問題,我就講左句, 係有d唔新鮮, 甚至d三文魚剌身d味有怪怪地冇左個鮮味.then 個部長就講左句,令到我好無奈既野 :

刺身除左三文魚外, 其它都怪怪地噤.(其它東西,尤其係炸物,好多都走單.不過刺身可能平價野,呢樣唔會走單,因為你叫得多你都唔想放入口.好似食刷子膠噤.食物:燒粟米,和牛肉串燒,雜果salad,鰻魚細飯,芝士鰻魚roll都okay.其它就好一般.燒雞扒有雪味.搞錯.:其實平價自助餐又要賣廣告,真係要諗正諗楚,正就唔洗賣重廣告,又話咩生日優惠不過見人地個煙花坐都幾得意幾特別,真唔係睇左大食男女有coupon我都唔會黎啦.每人用二百蚊去食粟米,雞扒呢d.街巿十蚊八蚊磅的凍肉.你可以食足一個月.我都明白,出街食飯係志在同一班朋友hea下,吹下水,不過人大左都想食翻d有質素的野,二百蚊一位,太唔值了,我估學生哥先會上當哎.尤其一大班人,每人二百蚊加埋成千幾蚊.其實真係有好多choice.唔洗過黎食任食.任食埋d平價野,仲要走單.叫四份粟米份量,就一件粟米斬開四份.即係話一件斬開九萬幾件當一份.做得噤cheap就唔好學人做咩任食放題啦. 餐廳生存之道, 食物質素行先,香港人好多都食得起, 你睇下outback呢d.等位等到傻.走低價路線, 都挨唔到好耐, 元朗好多例子,日本野,平係毋用,要好食.隔

這天和成班同事去食大吉,因有同事生日,所以選擇此地. 而且生日o個個人是唔洗收費,只要你是這個月生日,所以好抵呀.三文魚 : 好新鮮吞拿魚 : 唔掂,無o麥味道.希靈魚 : 我架至愛,正.甜蝦 : 好鮮味又甜,所以食左好多魚立 魚 : 無味,可以唔食蟹粥 : 必食,又鮮味又多蟹,正炸帶子 : 又乾又硬,唔好食.炸蟹鉗 : 這個唔錯,有口感天婦羅炸蝦 : 這個都是必食天婦羅炸南瓜 : 唔好食,好硬天婦羅炸芋頭 : 都是唔好食,好硬天婦羅炸蕃薯 : 一樣好硬,可以唔食串燒冬菇 : 好味串燒雞翼 : 一般串燒牛肉 : 好味,值得食鰻魚芝卷 : 好好味道軟殼蟹卷 : 好多飯,可以唔食火炙三文魚壽司 : 唔錯,細細件火炙牛肉壽司 : 一般,可以一試扉貝抄芽菜 : 都幾清,又好味羊胺 : 羊味有點重.秋刀魚 : 成條上,唔好食魚架人,就唔好食.總結以上之食品質素及價錢真是值得再度光顧.還有員工服務態度好好,值得一提.

好耐無去過大吉食放題了! 見返一些熟悉的侍應感覺很親切! 大吉未完全做放題時我同husband已經係佢0地0既常客, 仲好記得當時有很多日本人係到食飯, 飲酒, 而家自從全面禁煙, 加上完全做晒放題後, d日本人就無晒了! 返而多0既係香港客, 一家大細跟朋友一起去食放題。食物方面:今晚跟老公又再去, 點了很多食物, 刺身、壽司、燒物等等... 不過今次d刺身麻麻地, 尤其係三文魚刺身, 好似以前0既刺身新鮮及有魚味多d, 壽司當然係鰻魚芝士卷! 真係好好味! 今次去多0左一d新0既食物, 例如一d mini 手卷, 個mini吞拿魚腩手卷最impress, 好好味! 個garlic prawn應該係新0野0黎, 都幾野味的, 不過好重garlic favor, 無晒d prawn味, 個芝士蠔亦都好好味! BBQ粟米好味! 但係我都係鐘意之前一粒粒0既牛油粟米粒粒多d!服務方面:雖然侍應無乜笑容, 好似好累咁, 但係佢0地做0野好有效率, 一舉起紙就會有人來收紙, 又好快手收拾桌上一些吉碟, 沒有漏單, 見我唔小心丟下了筷子, 即刻拎過第二隻新0既筷子比我! 非常有效率及有禮貌! 我

呢間野唔會再幫襯!! 事緣有朋友慶祝生日, 原先係訂左20:45, 但我同女友到了, 咪行入去向服務員查詢一下。點知那位小姐的態度極為惡劣, 又以懶係有禮貌的句子回答我:「呀先生, 你地BOOK左八點九, 講你出去睇下張紙, 我地門口有寫架, 你出去等下啦, 唔該」。呢種態度即係監獄風雲, 周潤發同阿SIR講:「我大聲唔代表我冇禮貌, 阿SIR 」一樣。那種又串又大聲的態度, 已經令我即刻唔想幫襯佢。不過有朋友生日, 又訂左檯, 為免唔想大家掃興, 所以唯有繼續留低等!! 好喇, 終於有得入去坐, 門口個服務員就攞住張紙係咁搵人入房坐, (我估係有人訂左, 但係冇嚟)之後條友仔就俾左間房我地坐, 我就同佢講, 我地8個人喎, 條友仲話:「冇問題, 坐得落」。點知一入去, 仲細過我屋企間房(公屋有幾大, 大家心照), 佢竟然要我迫8條友入去。我地曾嘗試爭取坐出大廳, 見佢有位係吉左, 條友又話有人訂左, 死都唔俾我地。(後來到我地埋晒單, 張檯都係冇人坐)間房又冷氣不足, 成晚一路食就一路標汗, 完全唔掂。 食物又唔掂, 問佢攞芥辣又叫左幾轉先攞嚟, 刺身又唔新鮮, 連飲

星期一和朋友試了一次，覺得整體味道合理，埋單每位163連加一，絕對值回票價以下評分以4分為及格，十分最高。所有食物也及格的1.鐵板蒜片牛柳：6/10個人覺得不錯，味道香濃，但吃一、二粒己經很膩2.焗蠔：5.5/10我不太喜歡那沙律味3.鹽燒蝦：5.5/10鹽燒味道不強烈4.鹽燒雞翼：5/10一般，不過不失5.燒王米：5/10玉米很硬，「燒」的感覺不出6.燒雞扒：4/10全場最難食，太硬，而且有點苦味7.鹽燒秋刀魚：朋友說不錯8.吉烈炸帶子：4/10很硬，也不夠熱9.吉烈炸蝦：7/10夠熱，新鮮10.吉烈炸蠔：朋友說不好吃11.吉烈炸墨魚丸：4.5/10不夠熱，墨魚味不夠12.蟹肉雜菜沙律：6/10蟹肉味道不錯13.雜果沙律：6/10罐頭什果+西瓜+蘆薈，可以當甜品食，味道一般14.番茄沙律：6/10不錯，用一些不知名的醬油浸住番茄15.刺身：我没有吃，朋友說部分不太新鮮16.銀芽炒帆立貝：5/10只有一粒很少的帆立貝，銀芽味道可以接受17.鮮蟹肉粥：8.5/10很好吃，有蟹味18.北海道牛乳海鮮窩：8.5/10很好吃，豆腐用百福，有蝦、魚等海鮮19.鰻魚芝士卷：5/10一般，絕不是好吃

一早知道有Coupon先抵食, 同埋星期日至四先平, 所以特登揀左星期四同女友黎試試.坐低叫左幾round 壽司同刺身, 三文魚幾肥美同新鮮, 北寄貝同甜蝦都好味食完頭輪熱身, 開始食我最鍾意既燒物--鹽燒秋刀魚. 食落夠味, 整得都幾好食, 另外個鹽燒青魚相比之下就失色左少少, 燒海蝦都唔錯, 不過當然冇正宗做燒物個d咁好食啦食緊途中見到隔離枱個焗蠔好似幾好味, 咁我地又叫黎試試啦! 食落比想像中好味喎!! 我初初以為係焗到一"pat"野, 唔慌好食啦, 誰不知食落去"蠔有蠔味", 驚喜之作!另外仲試左個菲菜炒蜆, 事關平時出街都係豉椒炒多, 食落都唔錯, 不過豉椒就惹味d.美中不足係--餐單冇麵豉湯!! 冇得叫呢樣硬係覺得差咁d野咁囉...