大呷台灣 (已結業)

夜晚行過入去試下，一試中伏。番茄牛小排麵番茄湯太鹹牛小排夠肉味，可惜煮得太老麵好似煮過放一邊，等叫就咁加湯整番熱咁，成餅野要自己整番開，要用筷子同匙一整整先整得開。紅蘿蔔有d硬，岩岩熟。跟餐既鹽酥雞，未食過咁難食既鹽酥雞...餐飲叫左珍奶，珍珠䅻埋一堆，勁腍...餐$88, 飲品+8, 再加一，成惠106。真係太難食，要留芳百世。唯一正常係waiter既服務，有笑容。環境正常，坐得鬆動，人少傾計唔會理你。

係中環收工想快食個晚餐，搵到呢間係中環100皇后大道中附近既台灣餐廳，可能係平日夜晚，人流唔多，即刻有位坐。同朋友一人揀左一個麵食。魚片蕃茄湯麵，啲魚片都幾滑，個湯超濃蕃茄味，而且啲麵仲蕃茄做既麵，所以如果鍾意蕃茄既人，一定唔可以錯過佢個蕃茄湯麵。牛肉麵牛肉都幾嫩滑，同埋份量好足夠，麵係台灣果種寬麵，口感唔會好硬身，煮到岩岩好口感。另外一提，餐廳好特別，播左好多香港經典既歌曲，有啲舊到同朋友係到估歌仔。

今日收工朋友帶咗去咗附近一間台灣小店食，因為一收工就去，大概 1930到都唔會話太多人，一到就有位坐，幾啱收工想舒服快食嘅中上環打工仔。我哋兩個人食，因為想食多幾款少食，所以叫咗一款麵幾款少食一齊Share大呷紅繞牛肉麵 $68牛肉麵湯有酸菜配搭幾好，麵都幾入味，軟硬度啱啱好，覺得可以再彈牙啲就更好了。牛肉都淆得幾軟腍，唔會起渣痴牙。古早味蚵仔煎 $78價錢係略貴，不過味道都可以，煎得幾香口，有少少燶邊，蚵仔都幾多，加返埋有啲菜，味道算係幾有台式風味。皮蛋肉鬆拌豆腐 $48小編個人係幾鍾意呢個皮蛋肉鬆拌豆腐，特別夏天食好爽，一上到嚟涼拌好夠凍，肉鬆夠乾身，豆腐切得好薄好勁咁，皮蛋再多啲會再開心啲，呢樣前菜夠開胃滿足，個人嚟講就會鍾意醬再少啲嘅～台醬拌茄子 $38茄子係炸過嘅拌茄子，係熱食加咗涼拌醬汁，茄子肉炸咗之後好軟身，配埋醬汁都唔錯大呷小籠包 （4隻）$38如果大家叫都要早啲叫定先，因為都要起碼 10分鍾蒸。蒸好熱辣辣咁上，皮唔會太厚不過又未去到好薄，肉都幾多汁，湯汁熱辣辣湧入口咁都不錯古早味珍珠奶茶 $28因為叫咗黑糖冇微糖，個人略覺有少少太甜，不過好似通常黑糖嘅飲品係咁～配埋小

味道：⭐️⭐️⭐️⭐️中上環一帶CP值高既台式餐廳不過座位位置就比較狹窄❶ 大呷小籠包 $38即叫即整 等候時間大約1️⃣0️⃣分鐘皮薄餡靚 一咬落去就爆曬汁🤤入口熱辣辣 食嘅時候記住小心啲啦♨️❷干貝蔥油雞扒乾拌麵 跟上湯 $98雞扒嘅份量大面 炸得相當酥脆可口🐤至於拌麵就有好多既干貝絲 好有咀嚼感 🍜醬汁嘅味道恰到好處🧂令到簡單嘅拌麵滋味倍增🆙如果食落覺得太乾 可以淋少少湯🥣❸大呷紅燒滿漢三寶牛肉麵 $118入面嘅三寶係指牛腱、牛筋同金錢肚🐂湯底有滿滿嘅藥材味👾麵條既質感煙韌有咬口👹三個來自唔同部位既牛都相當出色🧩牛腱睇上去堅挺 入口又相當柔嫩😀牛筋燉得軟腍😃金錢肚就爽口入味😍呢碗牛肉麵就正好一次過滿足三個願望🧞‍♀️❹古早仙草奶茶 $33飲落唔會太甜 滑嫩既仙草份量都好多🍬❺紫心地瓜粒粒芋頭 $33軟綿綿嘅芋頭加埋煙韌嘅地瓜🍠令到成杯飲品嘅口感非常豐富👍🏻

Taiwanese braised minced pork with brine soft yolk egg 古早肉燥飯伴滷香糖心蛋🍳 $58糖心蛋做到流心嘅效果，連埋啲少少酸嘅榨菜、正宗嘅滷肉同隻蛋撈埋飯一齊食好正😋份量雖然睇落唔多，但其實食落去已經好飽Dried scallop in dried shallot oil tossed noodles 干貝蔥油乾伴麵 🍜 $88 呢款乾嘅拌麵值得推介👍🏻口感煙煙韌韌嘅台式拌麵連埋啲蔥花、干貝一齊食已經好有台式風味，仲有一碗蔥花湯送埋添，有兩款食法選擇！Steamed minced pork dumplings 大呷小籠湯包 🥟 $38小籠包雖然要等10幾分鐘，但係即叫即蒸好新鮮呀，每一個入面都有滿滿嘅湯，一咬入面啲湯汁多到出晒嚟好滿足，個小籠包外皮仲整到好薄🥰Assorted mushrooms with sesame oil, soy sauce and rice wine in casserole 鍋燒三杯野菌 🍄🥘 $88呢款餸菜入面有超級多嘅野菌，包括冬菇、秀珍菇同埋雞髀菇，連埋啲洋蔥一齊食有少少藥材味都唔錯，個鍋仲可以一路烤

疫情無得飛，真係好掛住台灣d野食🥺🥺今日去上環見到呢間野，即飛入去食，呢間野真係一解台灣美食之戀😘店舖地方唔大，但坐都算舒服😌野食種類都算好多。兩個人叫左個牛肉麵、小籠包、涼拌茄子、蔥油雞😘😘😘野食口味都好地道，好有台灣風味，野飲叫左黑糖薑母茶、冬瓜茶（個人覺得有d甜，忍唔住加左d水😅）野食份量唔算多，所以可以人少少黎都可以叫多幾款野食。服務態度都算唔錯，都有禮貌同親切嘅。p.s疫情好似做緊下午茶，85折，抵食🤪🤪🤪

平時lunch time都會去果頭食飯，次次經過個男仔都好熱情，想招待入去食次次經過都無理，今日終於決定試一試可能我早食飯入到去得一兩台有人，不過係將啲枱分得密密麻麻，位置比較細同埋窄我同我朋友去食，咁啱後面又係有兩個人，之後竟然安排我哋坐埋同一張枱，當然中間有分隔。。。但係個問題係嗰下間鋪嘅座位9成都係吉嘅，真係一嘢就要我哋坐咁近？去到叫咗個午餐雞扒飯，味道可以份量都OK，有珍珠奶茶飲，味道不過不失唔難食嘅，但我珍珠奶茶好垃圾，茶又苦又成，珍珠林晒一啲都唔好食，杯野仲要唔夠凍嘅！我冇話過走冰喎所以而家都係食過一次就算唔會再有下次

最近發掘左好多近中上環嘅餐廳！🤓呢間就係其中一間😗雖然以台灣野黎講定價算幾貴🙈但啲野食都幾好味！尤其推廌個鍋燒三杯野菌😆😆🔻🍜大呷紅燒牛肋條麵 $98湯底唔算濃，有淡淡嘅藥材味👍🏻👍🏻另外比左一羹台灣酸菜，啲牛肋條幾入味但係個人覺得唔太夠淋🙈🙈啲面係粗麵嚟，幾有口感！😍🍜蔥油綜合田園乾拌麵 $93 佢有一碗乾拌麵，好好多xo醬同蔥係上面🤤🤤佢仲配左碗清湯，如果覺得食拌面太乾嘅時候可以加啲清湯落去🤗🔻<推廌❗️> 鍋燒三杯野菌 $88一上枱個時超級香！同埋平時食三杯雞都好鍾意佢啲味道，今次係三杯野菌都幾特別😍另外佢加左好多九層塔、蒜、薑同洋蔥落去，啲野菌吸哂啲味，口感好豐富🤤🤤正呀😆🔻紫心地瓜粒粒芋頭 $33 💜💜一開始飲覺得太甜，但之後覺得佢同個乾拌麵係絕配！另外入面真係有一粒粒芋頭，幾好食😂

叫咗個蔥油雞拌麵同蔥油雞飯一啲都唔好食，無雞味個啲汁得個甜字，小籠包皮又厚，個滷水大腸好肥，唔會再幫襯成餐飯得個杯凍檸水係合格，啲其他嘢未試過所以不評論。我只點了這幾款餸

平時啲台式餐廳多數都係主食，肉燥飯、紅燒牛肉麵呢啲多數都有，但好少有呢間咁多小食嘅選擇🥰一於喺度試多幾款小食啦😁 滷豆腐 $25呢個我超鍾意😆豆腐好滑結實，唔容易散😍而且唔止面頭有味，入面都好夠味。個汁唔係淨係得鹹味，仲有花椒八角等濃濃香料味。所以話愈簡單嘅菜式愈見到餐廳嘅誠意。 大呷小籠包4隻 $38雖然話要等10分鐘，但其實都好快到😁湯汁好充足，肉質鮮味juicy，整體好香🥰🥰價錢唔貴。 古早味蚵仔煎 $78蠔嘅數量非常足夠🦪薯粉煎餅煙韌度高而且夠味😊唔油膩但好香。 古早蔥油雞 $88肉質嫩滑，好入味，唔會太濃。上面嘅配料有啲甜甜地😝唔錯。 鹽酥豆腐粒 $48呢個即炸即上嘅豆腐粒，上枱時仲見到啲泡卜卜卜。熱辣辣香口嘅感覺令人諗起台灣夜市😊豆腐夠滑。鹽酥嘅鹹香充足。 黑糖古早珍珠奶茶 $28平時對台式餐廳嘅飲品通常都唔抱咁大期望😝但呢杯出乎意料地好😊夠哂大杯，黑糖味焦香，茶味都重，唔會好甜。珍珠淋而煙韌😊個人覺得好過出面啲手搖。 另外，店員非常有禮😊，值得稱讚。

It seems we walk by this place a lot but never really gave it a try. But after so many years it's still been here, we thought ... why don't we ever try this place? So we came here for dinner.Meny is in English and Chinese. They have a la carte and also value for money sets that include a drink, main and snack. Ordering is done by checking off what you want on the menu. We decided to order from there.For the drink, I ordered the milk tea boba. It was flavorless. The entire thing wasn't not sweet.

炸粉好厚...雞扒好重雪味，仲有少少苦小籠包皮好厚又蒸過龍，不過醋就無出事（之前見到有人話有蟲）薑茶勁淡咪又勁甜三杯雞就..鞋又苦...又乾身..個炒米粉就餸還餸，粉還粉分開既，可以改名做新竹碟頭米粉................................真係無下次..半價都無用

星期日行中環，經過見到食台灣野，都想食所以試下，入到去樓面招呼我坐低，叫左個肉燥飯及鹽酥雞，肉燥飯味道可以，但肉燥太乾，鹽酥雞唔夠味，好在樓面員工友善，招呼好，下次可以再來試下其他野食

今日出中環有野做，食過快下午茶香酥雞扒新竹米粉：米粉無過淋口感爽口，湯夠味但略嫌咸左少少，雞扒彈牙有肉汁但外層略嫌稍硬，另外湯較咸但反而雞扒就唔夠味三杯魷魚燒：的的骰骰一口過，裡面有魷魚粒增添口感，有魷魚香但略嫌唔夠濃小籠包：4隻痴埋一齊，其中兩隻仲痴住個蒸籠，一夾就整爛左個皮啲湯漏晒就黎，賣相扣分。湯夠多，肉餡淋滑但味道唔夠濃，只能算係不過不失總括黎講呢檔野質素平平，不過難得搵到間有得食新竹米粉嘅台灣菜(可能我見識少)，算係加番少少分新竹米粉天下第一，沒有之一

之前試過這裡的滷肉飯和牛肉麵，覺得唔太好食和抵食，今次再試是因為見她的午餐餐牌頗吸引點了台醬鹽水鴨拌麵餐加鹽酥雞$78，鴨的份量都不少，皮薄，肉質實得來不會鞋，幾有咬口，味道加上台醬頗濃郁的，而麵都幾好食，軟滑，醬汁甜中帶點蔥油香，我知道好邪惡，不過偶爾一餐也不錯的配的鹽酥雞份量也不少，店家頗大方呢，不過炸得比較乾和硬身，不太juicy，所以不推介了另外點了仙草奶茶$8，茶味竟然是港式奶茶味，所以唔太夾