大哥大魚蛋 (已結業)

其實如果無人買就請你即叫即做。今日買咗一盒章魚小丸子和一杯鐵觀音。這裡的小食其實唔平。但佢哋話如果買小食+飲品會平$6，我又想飲杯清茶，所以就試一次。講真我係真係有點肚餓想食小食。但這間食店真心貴。都唔知選擇咩好？魚旦應該可以。因為個名都叫大哥大。但$15只有3粒。老實講幾好食都只係魚旦。除非你好似長州魚旦一樣大。唔係我睇唔出有咩理由要買這個價錢囉。你話租貴但老實你哋都只係做外賣。客人完全無佔用你哋的地方。講返食物：包裝都幾靚。雖然唔明白和巴士有咩關係，但見個包裝就真係幾開心。問題係個主角小丸子🧆第一口已經覺得想叫佢從新做過⋯真係離譜。唔熱的都算。硬到不得了。根本係放左一段好長時間先比人。其實你哋如果買唔曬就唔好做太多。如果要保持個品質就一定要落單才開工做食物呀。食落去根本似人地收鋪買唔曬的貨尾一樣。如果我唔係行開咗。我一定會返去叫佢要做過。$20都係錢呀。出名買香港小食。唔通日本小食就Hea做咩⋯飲品我就點了翡翠鐵觀音。佢有兩個價錢的。但佢哋根本無問我要邊個款式就幫我決定咗。雖然我唔介意。但其實如果你自己會幫客人做決定。分兩個價錢做咩？口感都係普通鐵觀音。有個茶包在里面，可以都幾夠味

朋友住將軍澳，去左將軍澳揾朋友，去左厚德街市內的食街的大哥大魚旦買左杯鮮果茶走糖，水果茶不會因走糖而失分，主要因為百香果足夠，令水果茶本身已經有足夠的甜度，不過建議一定要搖匀先飲會比較好。

放工肚餓，搵野食心血來潮想食格仔餅眼見北記鷄蛋仔好多人，睇下格仔餅仲要加到$19，真係貴到離譜行去街市望下有冇抵食之選見到大哥大 ，有古惑格仔餅，幾得意見到仲有其他野食，燒賣魚蛋，牛雜同台式飲品一於就試下格仔餅$15，格仔餅係即叫即整要等大概5-10分鐘，格仔餅第一啖非常surprise邊位十分脆口，而且好多醬包裝還貼心紙袋加厚卡紙，拎住唔會太熱，又唔似北記d醬滴到個紙袋濕哂又穿而且老闆和店員都十分有禮貌是誠意十分既小食店

今日放工等牙媽既同時當然就去隔離條食街睇下有咩好西食啦見到一班人同老細傾計傾得甘開心又食得好開心甘就揀左佢來食～好簡單甘叫左魚蛋$15、燒賣$10同埋加$18換左杯水果茶（買小食加野飲就可以正價減$6）魚蛋同燒賣都平時食到既高汁好多聽到老細講係用鮮魚肉難怪甘爽口彈牙 又鮮甜D唔似街邊果D一係多粉一係多肥膏同埋老細既豉油係加左麻油 所以撈落燒賣特別香！而魚蛋就係大大粒魚蛋我見證老細新鮮炸完再煮同埋聽老細話加埋海鮮醬真係幾正！食完兩樣老細推介我加錢換水果茶對於坑口市民來講多間好餐廳/小食鋪 實在好支持唔幫襯～領x加租...怕又搞到高汁小食店/餐廳快又汁...又無野食所以以行動支持！～加水果茶亦相當唔錯好似肥媽都推介過～哈個人鐘意佢無甘甜 同埋 生果夠新鮮最怕水果茶D水果又霉又臭衰則～價錢的確貴左少少份量唔算多 但味道搭夠同埋老板有用心去經營又會推介最好既食法比客食所以的確係好高汁～同好難得

TKO Gateway 既 Foodlane 基本上好多都試過，係差呢間大哥大魚蛋🤔店內除左有魚蛋賣，仲有其他港式小食，例如燒賣呀，炸丸呀，連水果茶都有😋今次就點左招牌既大大粒大哥大魚蛋試下，15蚊得3粒，雖然係比平常食到既大粒，但對比長洲大魚蛋好似都係細粒啲👉🏿👈🏿 所以感覺有啲貴🙍🏿咖哩汁尚算惹味，但就略嫌唔夠入味，只係喺魚蛋皮先會食到有咖哩汁既味道🙈而魚蛋肉質就幾彈牙，都唔錯既👍🏿

嘗過了一字炸雞翼同芋圓燒仙草……雖然感覺有點"伏"，但我是一個富冒險精神嘅為食者 。所以，繼續向前走……隔幾個舖位……有間大哥大魚蛋，停步多望兩眼 想起雜誌有介紹過，但某程度又知……咁大粒魚蛋應該唔彈牙，唔係我"飛佛"！ 魔鬼與天使在我天靈蓋上盤旋了一會……還是接受了魔鬼話！ 老闆還說著其店的魚蛋是用鮮魚打的…… $15 只有三大大大粒魚蛋，可選原味或不同辣度。 此回是魔鬼的"誘騙"…… 魚旦太零彈力兼冇魚鮮味、咖哩又唔夠香 可惡的魔鬼，我會記住你……！

Only tried this place because of the big fish balls.The texture of these fish balls were foamy and springy just like the Chiu Chow Fish balls but it contained more fish skin than fish to give it flavour.You get three big fish balls for $15 and there is spicy or non spicy available.The spicy one was too hot for me to handle.