大喜屋

营业中

休息中

大喜屋有多間分店，今日比朋友捉咗嚟位於沙田廣場嘅大喜屋。晚市早場由五點開始，兩小時無限任飲任食，人均都係二百幾蚊起，性價比高👍🏻👍🏻日式放題勝在種類繁多，大班朋友或者家人一齊嚟都一定揀到啱食嘅😆😉沙田分店竟然仲有港式點心😲放喺自助區度自己選擇，大大粒嘅燒賣、蝦餃、小籠包都係任食嘅🤭自助區仲有炸物、熟食、前菜沙律、水果、甜品櫃等，每一款都好吸引👀👀其他美食就可以用QR code落單，咁多人都冇漏單情況，實在抵讚👍🏻刺身方面都有超過10種😋😋小妹推薦長腳蟹、好似珍寶帶子、同埋油甘魚，每一本都相當新鮮肥美🥰🥰❤️壽司🍣就推薦魚子醬珍寶帶子壽司、藍鯨吞拿魚腩，件件都新鮮鮮甜，食多兩件都可以回本啦燒物就必食燒羊架，啖啖肉又帶孜然香👍🏻另外一定唔可以錯過嘅係燒菠蘿同埋燒原粒金枕頭榴槤😆😆榴槤燒過之後，口感反而更加綿密，而且甜度反而更加高👍🏻👍🏻比目魚、乳鴿等都相當唔錯😌蒜香燒蠔都係必食之選，每一隻都好似手掌咁大隻😲😲避風塘瀨尿蝦相當惹味，食完要再encore最後又點少得食埋甜品呢，雪糕櫃放滿雪糕杯、雪條連雪米糍都有❤️🤭H記雪糕食多幾杯就回本啦🤗

真的覺得中伏，這樣的價錢不值得，食物款式少之又少，質素也不是太好。尖沙咀那間也是這樣不會再考慮幫襯他們了希望其他人都不會像我們一樣中伏現在還有這樣的店可以生存？❌

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷大喜屋@沙田平日午市$248/位，以而家物價嚟講真係超值！💰💁🏻最吸引梗係佢嘅刺身啦！🍣 每一片都新鮮到爆，三文魚、赤貝、同埋甜蝦樣樣都鮮甜無比，啱晒刺身控！💁🏻烤生蠔絕對係出色之作，上面啲炸蒜多到好似唔使錢咁，超級正，生蠔仲要勁大隻，真係食多幾隻都回晒本啊🦪💁🏻估唔到佢仲有足料蟹黃粥添！極多蟹黃絕對係驚喜之作！食完刺身想暖返個胃就啱晒！🔥💁🏻飲品方面仲有自家製冷泡茶，茶味香濃，飲落去配放題啱啱好！🍵💁🏻最後重頭戲一定係甜品區啦！布甸同蛋糕嘅質素竟然可以咁高！奶味香醇又唔會太甜，仲有10款以上既雪糕同生果任你揀！真心推介大家要留返個肚食甜品呀！🍰🍦是否推薦↩️？✅yes 性價比高！質素高！驚喜多！

好耐冇食放題啦，今日約咗朋友一齊去食大喜屋，真係好多款式刺身種類多，而且鮮甜肥美，而壽司亦都好多唔同嘅款式，平時最鍾意都係炙燒左口魚邊，一定會食好多，但係今次見到多咗一款叫藍鯨吞拿魚壽司，同埋榴連壽司，榴連fans一定要嗌呀！燒物方面，一定會嗌牛舌、羊架、燒生蠔、大蝦！一品料理今次都有個新款：避風塘瀨尿蝦，避風塘做得好香好惹味瀨尿蝦啖啖肉，除咗瀨尿蝦之外，入面仲有炸魚皮，推薦呀👍🏻今次實在太飽，如果唔係可以食埋佢哋嘅甜品，好多雪糕選擇👍🏻👍🏻

沙田人唔會無食過呢間放題，我就食過兩次了。今日早收工就約左朋友來大食特食。刺身方面必點海膽同拖羅手卷，回曬本。海膽係有質素架！海鮮控的我熟食方面就推薦瀨尿蝦，好多肉。最重要係而家可以加$15隻大閘蟹！超抵啊👍每人只限2隻大隻鮑魚彈牙、厚燒鰻魚啖啖肉！自助區仲有甜品、海鮮類、生果、雪糕，種類好多元化。Häagen-dazs雪糕都有4隻味~推薦果仁味，馬卡龍都幾好食。飲品各式各類都有，今次試左熱門的鴨屎檸檬茶，唔使比幾十蚊出去飲。總括而言，真係好抵食好滿足♥。🥢大喜屋 🌏沙田沙田正街21-27號沙田廣場1樓33-35, 44-46號舖

今日想分享一下我喺沙田嘅日式放題大喜屋嘅美食體驗！呢間餐廳真係區內唯一一間食物咁齊全嘅放題，食物種類多到上百款，真係食到你心滿意足，無論你係海鮮控定係肉食者，呢度都可以滿足你嘅味蕾！😋🍞 首先，我試咗佢哋嘅鵝肝多士，呢個真係一個驚喜！鵝肝嘅滑溜口感配上香脆嘅多士，簡直係天作之合，令人一試成主顧！而且，佢哋嘅薄切章紅三文魚，鮮味十足，色澤誘人，食落去真係好享受！🐟🦪 除咗呢兩樣，仲有油甘魚、帶子、象拔蚌同埋長腳蟹，全部都係新鮮到不得了！特別係燒生蠔，味道鮮美，肉質彈牙，真係令人回味無窮，食完一隻想再食第二隻！🦀🍈 而且，佢哋仲有一個特色燒榴槤，香氣四溢，甜而不膩，榴槤愛好者一定唔可以錯過！每一口都充滿榴槤嘅濃郁味道，真係好滿足！🍰🍶 除此之外，大喜屋仲有大量日本進口酒精飲品，清酒同梅酒全部都係任飲，真係好抵！我試咗幾款，味道都好正，特別係清酒，飲落去清爽無比，配上美食，簡直係絕配！🥂🍱 另外，佢哋嘅午市套餐只需88蚊起，任飲任食，實在太划算！熟食包裏面嘅所有嘢都好美味，無論係炸物定係燒物，味道都好正！而且，仲有一個定食套餐，選擇多到你眼花撩亂，真係好想一一試晒！✨👨‍🍳 侍應收餐盤嘅速

唔喺第一次幫襯依間。每次都因為刺身較大件同新鮮先嚟。但出餐服務真係愈做愈差。第一次叫咗嗰刺身，等左25分鐘先嚟。之後不論叫壽司熱食小食，冇半個鐘都唔出，12點47分叫嘅，可以13：30分先俾，做放題做到甘離地，都係第一次有甘過份嘅質素。明明見住啲職員出餐喺好忙，人哋叫果款食物喺有嘅，點解去到自己叫嘅就冇，有啲過份..其實相差都唔夠十分鐘....三番四次同職員講出餐問題，但都好似當冇到甘。以後絕對唔會再幫襯依間鋪

早餐食完個包就無野落過肚🥹忙完個時間又介乎下午茶同晚餐之間，仲思考緊嘅我就比人帶咗去食放題🤪五點左右已經唔少人等，餐廳好大環境闊落，等了約十五分鐘就可入座晚市放題 1730-1930離座（需加一）星期一至四 $𝟐𝟔𝟖 星期五至日 公眾假期及前夕$𝟐𝟕𝟖༯ 刺身/壽司各款魚生整體新鮮厚身幾有質素刺身除基本三文魚 吞拿魚 油甘魚外赤蝦同甜蝦都係必食之選‼️夠鮮甜另見有蟹鉗但食落麻麻地壽司飯粘粘的少許醋味每次必定❗️不斷encore海膽手卷🤤一啖一嚿 口感軟滑帶甘甜可惜拖羅手卷一般般食落似吞拿魚蓉加有其他食材🤔༯ 燒物/炸物炸物例牌有天婦羅 炸蠔等更有鵝肝多士 鵝肝大過塊多士鵝肝都細緻油香 多士好脆口而串燒我地同樣點了例牌串燒🤣牛舌軟嫩多汁 油脂可以且香口雞軟骨正常發揮 榴槤卷（壽司類）同燒榴槤中選後者因為個人感覺榴槤加飯有少少怪😅燒的雖偏乾身但能保留到榴槤香不過不失有興趣可以試༯ 鍋物/熱食/湯品烏冬拉麵 牛肉鍋等 最後點了蟹王粥顏色偏橙似南瓜粥 濃稠度中等咸度可以且內有不少粗條彈牙鮑魚每次都會叫幾碗食嘅牛油粟米而係自助吧攞咗碗花膠湯試試出奇地都唔錯 膠質感高無乜味精花膠都軟彈不腥 亦有蟲草花

都有一段時間冇食過日本放題、今次去到沙田呢邊食一間有中式點心嘅日式放題、朋友話除咗呢度高質素之外仲有好多特別嘅形式全面都未必有㗎！首先有清酒梅酒任飲加上有海鮮凍蝦，青口任食！ 點心方面有我最愛食既小籠包，再加上唔同既包點叉燒包，奶皇包都有！當然唔小得蝦餃燒賣！出面廳有好多唔同既水果，香蕉，西瓜、哈密瓜，提子、仲有沙律菜！當然仲有唔引同既開胃冷盤菜！酸辣鳳爪、同魚皮除左開胃，仲好好食爭好入味！中華沙律，螺肉都唔小得！手拍青瓜好清爽！呢度平時12時開場會好full,大家記得早d黎排隊！之後當然食主菜：三文魚刺身、油甘魚同北寄貝，帶子刺身，仲有牡丹蝦！另外左口魚，芝士蝦同海膽壽司就一定唔可以錯過！最後令我覺得意想不到，呢度警員有避風塘焗生蠔，椒鹽炒賴尿蝦，龍蝦多士同鵝肝多士！真係超級抵超級回本！仲有一副好特別嘅榴連壽司味道好creamy!口感好正！當然香甜既栗米唔可以錯過！最後必食既甜品我覺得係榴連炸彈、熱牛奶燉雪燕，同Häagen-Dazs雪糕啦！除左任食之外，甜品種類仲有好多！例如泡芙、大福、布甸、糯米磁、仲有唔同既芝士蛋糕！沙田大喜屋放題專門店沙田正街沙田廣場1樓33-35，44-46

朋友倫敦回來度假，相約到沙田逛商場。期間朋友說想吃日式放題，我們說不如去就近的沙田廣場的大喜屋，之前嘗試過其他分店覺得不錯。平日工作天還沒到12點半，大喜屋門口居然還有人在等位，而餐廳內人頭湧湧，坐無虛席。這情況與今時今日香港飲食業生意淡薄叫苦連天真是對比鮮明。入餐廳後，看到兩旁擺滿了各色各樣的中式、日式，和西式色香美味的餐前小食和餐湯，水果吧有切的整整齊齊，新鮮的時令水果，各式各樣的茶水，咖啡… 幾個高大的冷櫃擺滿了各種的罐裝飲品，有汽水、罐裝茶、啤酒，真是琳琅滿目。大喜屋的雪糕櫃和幾盤糖果糖更是吸引了無數笑語歡天的小朋友。坐下來後用手機掃描barcode後點餐，非常方便，只見餐單裡有各種日式刺身，壽司，天婦羅，焗生蠔，燒榴槤…就連中式的燉花膠都有。大喜屋的食材新鮮，口感和味道極佳。餐單食材供真係應有盡有，讓我們目不暇給。由於是午餐去，食量有限，我們眼闊肚窄，想每一樣都試試，但是大喜屋放題的美食無限，我們是無法盡情享受放題無限的美食。經過幾輪努力，我們還是抱著渾圓的肚子滿意地離開大喜屋。

與朋友在沙田行完街攰攰地想食D好野，見到有大喜屋，諗都唔諗就入咗去。野食包羅萬有！✨️點了鵝肝多士，嘩，鵝肝超厚身超大塊，煎到外脆內軟，有脆卜卜多士墊底，食落唔油膩，超讚。✨️花膠烏雞湯，落足料，非常鮮甜濃郁。湯料中見到不少花膠，燉到非常軟，入口即溶，感覺食到好多骨膠原！此外仲有鮑汁燉花膠，超大片，非常軟淋入味，又係回本之選。✨️刺身款式多，全都都好新鮮。不得不讚竟然有海膽手捲和長腳蟹腳任食，鮮甜味美!✨️海鮮控仲可以食到醉鮑魚、燒草蝦、西京燒銀鱈魚和避風塘瀨尿蝦等菜式。✨️燒金枕頭又係必點，非常香甜軟滑，燒過更加添了一股火炙香氣。💗中午放題可以食足3個鐘，可以慢慢食，食飽抖一抖再食，好寫意!

近日聽很多朋友都介紹大喜屋放題食物很多樣化，味道很好，食材很新鮮，環境很舒適。今天放假就和朋友來試吓，體驗一吓先。入到店裏，真係應有盡有，一般日本菜放題的刺身，壽司和海鮮就不能少，真係要講吓海膽手卷，很多海膽很新鮮，紫菜很脆口，最令我驚喜是就連廣東點心都有。甜品很多款式，全部都獨立一份包好很衛生，因我食放題第一時間就係睇甜品先是我的至愛。Haagen.Dazs雪糕都有好多口味，水果方便一般的西瓜和哈密瓜必有，近中秋節就連時令柿子都有，真係好滿足。

我同為食朋友最鍾意食放題，因為款式齊全，見到咁多選擇就好開心😊，今日去咗沙田廣場大喜屋，晚市五點開始，我們去到已有很多人排隊入場，我們跟隊五點入坐，幸運地被安排卡位寬敞舒適。🤩飲品區啤酒汽水，冷泡茶、珍珠奶茶多種飲品🍻任揀，自助區有冰鎮海蝦🦐海蜆，冷盆小食、生果、糖果果仁、炸雞章魚燒、多款點心任食。刺身先點松葉蟹腳、赤貝、馬刀貝、仿鮑片、北寄貝、象拔蚌還有最愛的甜蝦同北海道帶子等刺身好新鮮，還有花雕醉鮑魚個甜酒味道非常配合。其他有壽司推介黑松露帆立貝、火炙壽司最愛七味芝士燒大蝦、創作壽司必食芝士飛魚籽玉子燒、三款手卷平分秋色、炸物每次都叫芝麻雞翼。一品料理係另一個高潮，厚切鵝肝好甘香多士脆卜卜，燒乳鴿皮脆肉嫩，燒鮮蠔原隻連殼燒鮮味加上特製炸蒜真美味。😎最後一定要食埋甜品同雪糕才是最完美。🤣

今日同另外2位朋友，一共3人食定食半放題。其實好多好食嘅日本料理都是全放題嘅客人才可以”即叫即做” 。半自助餐基本上食較便價嘅熱食同水果。主要係一份定食。而且限時 90分鐘，不滿座！傾偈嘅時間都不太夠！ 所以想盡情開懷大吃，都係要食全放題。餐廳做午市定食餐也好（$100/位），日式放題也好（$248/位，長者88折），經營也是需要花心思，迎難而上。

自己喺呢度返工嘅，經常呢返工嘅時候都會見到呢一間放題，而門口呢永遠都會擺放一個俾人排隊嘅東西，覺得應該真係會好多人食，於是呢一次放工就決定過嚟試吓啦因為自己食嘅嘢唔多，所以其實都好小事放題，而今次呢一個日式放題第一下當然係要叫佢嘅刺身啦，我自己係好鍾意食甜蝦同埋三文魚嘅，所以呢就要預早就嗌多啲刺身，因為佢上菜呢都唔會話好快嘅喺刺身方面，大家就可能要先叫咗呢一個部份先啦。味道方面呢都係不過不失，喺放題嘅角度嚟講呢已經算係幾唔錯㗎啦。而另外呢都值得讚係佢其他好多唔同嘅選擇啦，甜品就一定有好多唔同選擇啦，另外亦都會有一啲熟食包括炸物啦，佢有個炸榴槤好的都好出色可以一試