大城小廚

营业中

休息中

.識我嘅人都知我成日去九龍城打波 🎾 最近又成日去啟德體育園睇演唱會 🎤 打波或者演唱會前後當然要搵嘢食醫肚🍴 呢間港式小菜餐廳絕對係快❗️靚❗️正❗️嘅好選擇.🌟 乳鴿 🐦 唔好以為淨係茶樓先有得食呢度嘅紅燒乳鴿水準甚高外皮酥脆 肉質細嫩 🐦 帶有濃郁的燒烤香氣 ♨️撕開腿肉可見熱氣騰騰的肉汁💦 正😄.🌟 冬菜蒸黃花魚 🐟 潮州老醃冬菜鹹中帶微酵香 加埋黃花魚一齊蒸🐠 冬菜的鹹香與黃花魚的鮮嫩結合🧂 更能帶出魚肉嘅鮮甜🥹🥹.🌟 豉椒炒蜆豆豉和青椒的香氣突出♨️蜆肉大大粒 新鮮彈牙無沙無腥係鑊氣嘅體現啊🤤🤤.🌟 鐵板海鮮炒烏冬鐵板上桌時應熱騰騰 又係🈵🈵嘅鑊氣海鮮有蝦🦐 ，魷魚🦑，元貝等等烏冬麵條Q彈 海鮮新鮮加上黑椒汁後口感豐富 超級惹味.隨便點幾樣都好味😋又快上菜呢間餐廳仲要每日供應超過2️⃣0️⃣0️⃣款菜式基本上你想食嘅嘢喺個Menu都一定搵到咁多野揀 日日黎食都唔會悶🫡🫡.最近餐廳做緊優惠🤭🤭叫小菜即刻送啤酒🍺 高質素和➕親民價格CP值🔝 真心可以晚晚唔使🙂‍↔️煮飯.📍九龍城福佬村道33-35號.

🥢我哋平時久唔久都會叫餸食飯🍚今晚去開九龍城附近🚗經過見到呢間啲小菜款式勁多🥬我哋比佢個蒜茸粉絲蒸開邊蝦吸引左🤩二話不說就貢入去試吓先😋🐠五柳黃花魚：我哋好鍾意食魚🐟呢度有好多唔同魚嘅菜式✅我哋好有興趣試吓呢個五柳黃花魚呀😍五柳嘅酸甜味令到魚嘅味道提鮮不少👅黃花魚比較多骨😅但係好鮮甜好滑💯正👍🦐 蒜茸粉絲蒸開邊蝦：好少開邊蝦咁大隻架💯蝦夠鮮甜又爽口👍粉絲又多仲索晒啲蒜茸香味❤️好咪到我哋吃光光呀💯好推介✅🐡豉汁蒸日本帶子豆腐：個帶子勁新鮮又夠彈牙✅好有咬口呀❤️豆腐夠曬滑嘟嘟💯好鍾意佢上面鋪滿晒好多豆豉👍好惹味呢🥳🥛熱杏霜：我就唔好熱杏霜😝但hubby就大愛😍話夠濃又好飲❤️滿意呀👍🥤凍檸樂：好耐無飲可樂😛飲咗條氣就順返晒😍爽呀😙

❣️上個weekend見得閒就入左九龍城行街🛍️ 兩條友行到咁上下見餓 就去左呢間茶餐廳食個dinner🍽️雖然鋪頭望落同普通茶餐廳無咩太大分別睇完餐牌直接嗌左三個餸 上菜個下先知一啲都唔普通 味道幾有驚喜❗️❗️😳🔸《豉汁蒸大鱔》 $158🔸鱔肉超肥美 厚度夠適中 豆豉配埋魚肉嘅鮮味送飯一流啱啱上黎熱辣辣 鱔肉脆口 魚油逼曬出黎🐟忍唔住都食多左兩啖飯🍚👅👅🔸《脆皮炸子雞 半隻》 $138🔸原本唔係太鍾意食炸子雞 但見係食評幾多人食就膽粗粗嗌黎試下🤣🤣估唔到食落有雞味之餘仲要唔鞋口 外皮夠薄脆 雞肉夠鹹香入味🐔唔洗點准鹽都好夠味❣️食食下先知原來係用文昌雞 難怪咁嫩滑啦🙈🔸《蝦乾金銀蛋浸時菜》 $88🔸食咗咁多肉梗係要嗌碟菜平衡返啦🤭可以揀邊款菜 我地就揀左白菜仔🥬 蝦乾皮蛋鹹蛋算俾得多 唔似出面落幾粒當裝飾清淡得黎有唔同配料調和 成餐食得好舒服～✨咁啱最近餐廳有新優惠🈹 ✨嗌小菜送啤酒🍺一班fd嗌幾個餸 每人送罐啤酒 飲飽食醉正到🍻🤣🤣去開啟德行街或者睇演唱會嘅 過黎食飯都好方便 夜晚開到11pm🕚如果大家去開附近嘅不妨去試下 支持下本地茶餐廳啊～💕

「九龍城除左去啟德睇演唱會，食泰菜以外，仲有街坊小菜」小編今次就帶埋大家黎到九龍城，同大家介紹一間街坊認證既街坊小菜 一 大城小廚 🌟秘製陳皮骨 $98招牌推介，一字骨炸得金黃，帶點酥脆感，加埋甜甜地既秘製陳皮柚子醬，私心大推🤤👍🏻👍🏻🌟土魷蒸肉餅 $72蒸肉餅肉質肥瘦均匀啖啖肉，加埋鹹香既土魷，絕對可以話系白飯殺手🤤👍🏻👍🏻🌟砂鍋雲吞雞煲 $148湯頭香濃，加埋雞件同大大粒既鮮蝦雲吞🤤👍🏻🌟魚肚蝦乾鮮竹浸勝瓜 $92高湯清清地，勝瓜煮得夠腍夠入味，加埋大大塊既魚肚、支竹同蝦乾🤤👍🏻*而且每個小菜都會送啤酒/汽水一罐📍大城小廚地址：九龍城福佬村道33-35號地舖

去啟德體育園睇演唱會之前，近近地，和朋友先到九龍城搵食。經過「大城小廚」，看見餐廳推出新優惠，還有點小菜送啤酒添！如果去開啟德行街，來這裡食飯，也是不錯的選擇。😋是日選擇：1️⃣蒜蓉粉絲蒸開邊蝦🍽蒜蓉香氣濃郁，蝦肉新鮮，粉絲吸收了蒸蝦過程中的精華，令整體味道更加豐富。2️⃣脆皮炸子雞（半隻）🍽外皮金黃香脆，雞肉仍可保持鮮嫩，調味恰到好處。3️⃣魚蛋河🍽魚蛋彈牙，湯底清鮮，加添辣椒油，更惹味。4️⃣紅豆冰🍽紅豆的自然甜，淡淡奶香，回想起兒時的味道。

九龍城泰國野就食得多，打冷都係第一次，仲要叫小菜送一罐罐裝飲品，認真抵得黎味道都好唔錯✨🙌🏻西蘭花炒龍躉龍躉新鮮，魚皮煙韌痴口，炒西蘭花有鍋氣，切得大件之餘份量都唔少，雖然價錢mark得偏高，但都真係俾足料🤤鮑魚雞煲有5隻鮑魚，雞嘅份量都多，有鍋氣，調味比較重，送啤酒一流蒜蓉粉絲蒸茄子係金銀蒜，睇得出有心思，好香蒜蓉味，落左比較多油但唔會好油膩，粉絲吸晒沙汁超級惹味，調味都係偏咸，適合送啤酒

「以為街坊小廚只有鑊氣，竟藏著海鮮宴席的格局！」 海鮮處處見巧思，蟶子王肥美無沙，豉椒汁鹹辣平衡，重點是吸汁後的粉餅外脆內綿。另再整兩隻龍蝦，食日本伊勢龍蝦芝士伊麵（時價）肉質爽彈！薑蔥炒蟹同蟶子王都新鮮，正！❤️‍🔥❤️‍🔥❤️‍🔥果然高手在民間！若硬要挑剔，大概是海鮮菜需提前一日預訂，但好貨值得等待。下次家族慶生，絕對會再訪！老闆娘超好服務😊😃😄會按人數建議海鮮分量，主動提醒「今日蟶子靚過鮑魚」 👍🏻👍🏻👍🏻

之前都試過同老公食過哩間下午茶，覺得幾抵食，今次試吓叫外賣我哋叫咗一個焗豬扒飯加熱奶茶同埋一個時菜牛肉炒河加熱奶茶外賣原來有九折，所以總共食咗$98時菜牛肉炒河超大份，唔係平時下午茶份量味道都好食 ，河粉唔算炒得好腍，而餸方面都算多，但牛肉比較薄一點另外，焗豬扒飯，份量都足夠，但豬扒比較嚡身同乾身，感覺就一般般不過有九折後，性價比比較高，下次都會再試吓其他食物😁

跟家人中秋節食飯，點了多款餸菜，但忘記影相！食物質素好好，出餐快，新鮮熱辣！有條有理，不會混亂！😋下次再有朋友或者家人聚會，會再選擇呢間，交通方便，大家搭車不會困難！四通八達！

同小朋友係付近睇牙保，無諗過咁早走得，求其係附近搵間餐廳食嘢，十一點多時間尙早，本想叫沙嗲牛麵餐或直接lunch，點知比個早餐牛角包相吸引左..十級後悔..我哋叫左L18葡式豬扒包，L19秘製醬汁熱狗包&叫L15嘅煙肉火腿田原香脆牛角酥...熱狗包好正常，普通茶餐廳樣。豬扒包賣相已經好一般...而我個L15牛角酥被入錯單，變了L5嘅鮮油奶多..因此，我個牛角酥要等了又等，催左好幾次，最後足足等左半個鐘先到..都算，隻牛角酥一放上枱，我心裏立即打了個突...賣相十分差，塊蕃茄刀工仲要勁好，可以切倒燈影蕃茄喎！我真係第一次食倒，圖文不符到我堅想講粗口..我唔啱，舖租貴架嘛！$38個餐，我唔應該期望咁多..幸好，味道正常，求其兩秒將個包隊左入口。都知大食嘅我一定唔夠飽，不過我唔會再係度買餐，免再買多個“失望”😤

搵位度：🌟🌟🌟好食度：🌟🌟🌟🌟抵食度：🌟🌟🌟🌟九龍城啲茶記依家我算比較多幫襯，周不時食吓早餐午餐咁樣，其實就唔算好平，但係選擇都算多，地方都大。試佢手勢就試佢豆腐火腩飯，我覺得真係幾好食，啲火腩肥瘦均秤，豆腐普普通通，勝在鑊氣都幾夠同埋好多菇，份量唔細食晒個飯都仲有餸剩。雖然係普通餐牌叫唔係午餐項目，但都包到個餐湯，加少少錢有個嘢飲。另外分享個人經驗，佢外賣都等得算耐，服務態度亦都麻麻，街坊食肆係咁㗎喇。

1月中嘅星期日，同阿爸阿媽係九龍城食理晚飯先番屋企。我哋只係3個人食，叫咗4款食物，二個菜，啫啫煲芥蘭，味道夠惹味，鐘意濃味的會喜歡。鯪魚球剛剛炸起，夠曬熱又脹卜卜，唔錯。福建炒飯比較濕，我唔太鍾意，料係好多，足料，鐘意食濕炒嘅朋友會喜歡。呢度晚餐時間，客人都多，但未至於要等位。好多一家大小黎食飯。上菜都夠快。

逛完九龍城，諗住隨意找間粉麵吃免回家煮😁，見‘’大城小廚‘’有下午茶潮汕粉麵，我們便入去找個位坐下，下午茶也有很多選擇👉中西潮食🤣💥牛腩粗麵+熱奶茶 >>$46👉👉牛腩半肥瘦，軟淋有牛味，麵有咬口，清湯。吃完沒口渴，該沒有下味精。😊💥墨魚丸粗麵+熱奶茶👉👉嘩嘩。。。墨魚丸好爽口彈牙，咬到有墨魚，還拉到墨魚鬚出來。。。哈哈，正貨👍🍜一般粉麵店墨魚丸都是粉團，完全吃不到墨魚囉。。更不會有彈牙口感🙂‍↕️👉👉奶茶略嫌不濃郁又不香滑👎🙂‍↕️

7月尾嘅星期日同爸爸媽媽喺九龍城食晚餐，諗唔到食乜。求其入咗間茶餐廳食，叫咗兩個菜同一個雞煲同魚頭煲。原來個魚頭煲係湯，魚頭已經碎晒，分開湯料上，有啲皮蛋個，湯幾好飲，魚頭係冇肉嘅。蔬菜就純叫湯上，正常水平。仲有叫咗個星洲炒米。呢間餐廳都好多人幫襯，滿座時候，會坐得好迫，亦都比較嘈°如果同朋友聚會，就唔係太適合°當係飯堂都可以°

我今日去咗一間茶餐廳，真係發現咗一款超正嘅招牌菜！我一定要同你講下佢哋嘅「焗椰香咖喱雞扒飯」，真係令人舌尖上嘅享受！首先，話到呢碗飯嘅咖喱醬，真係咁香嘅香氣令人忍唔住流口水！佢哋嘅咖喱醬係以椰漿為基底，入面加入豐富嘅香料同香料，味道濃郁而且帶有一絲絲椰香。每一口飯都可以充分沾到呢個香濃咖喱醬，完全係一個味蕾的享受！而雞扒呢，絕對係呢碗飯嘅亮點！佢哋嘅雞扒煎得金黃酥脆，外層夠脆，內裡嘅肉質卻仲保持咗嫩滑多汁。每一口咬落去，啲肉汁就會噴出嚟，真係令人欲罷不能！雞扒同咖喱醬嘅結合，味道層次分明，每一口都係一個驚喜。總括而言，呢間茶餐廳嘅「焗椰香咖喱雞扒飯」絕對係一個讓人驚喜嘅美食選擇。無論係香濃嘅咖喱醬，酥脆多汁嘅雞扒，定係豐富嘅配菜，都係一個完美嘅組合。如果你係咖喱雞扒嘅愛好者，呢間茶餐廳絕對值得一試。快啲去試佢哋嘅焗椰香咖喱雞扒飯，肯定會讓你回味無窮！