大壹冰室 (已結業)

大壹冰室雖然叫冰室，但其實佢走西餐廳路線，價錢比一般茶記貴，而且仲要加一，不過食物質素同份量都相對令人滿意。晚餐 menu 選擇好多，我好鍾意羅勒嘅味道，所以揀咗蝦兵蟹將羅勒醬闊條麵，知道餐湯係白湯後，就再加十蚊轉酥皮湯，因為我覺得酥皮一定係配白湯先最好味。另外想讚下個餐飽，係蒜蓉飽，牛油同蒜蓉味都突出👍。主菜比想像中大份好多，而且配料都唔少，蝦兵有成五隻，蟹將係一個蟹蓋，上面釀滿入面有蟹肉嘅蝦膠，又鮮味又彈牙。意粉又係勁多，軟硬度剛好，醬汁好 creamy，食得出好香濃嘅奶油味，反而羅勒味唔算突出，算係美中不足之處。

Super salty. Seems to have tons of soy bean sauce and salt in them. The fish was eatable, but the rice-shape noodles were just too salty to taste. The scallops in the fettuccine are small, only 1/4 of the normal size. The fettuccine were too sticky.

-{黃店💛沙田港式西餐之選☺️}呢間幾年前已經成日去食下午茶 返工喺附近就試吓午餐😛🤤龍蝦汁海鮮焗飯🤤 ($53)有蝦粒 蜆肉 魷魚 每一啖都係海鮮🙊魷魚特別多🤣仲有拉絲😆飯底可以炒香少少 不過真係好大碟😙👖褲評: 6.8/10總括而言性價比真係好高😋50幾蚊包埋湯蒜蓉包 加熱飲 但個人會鐘意西西里蛋包飯多啲！性價比: 8.8/10服務: 8/10環境: 8/10🚩大壹冰室🚩地址: 沙田沙田圍9-11號田園閣地下C號舖 #fuudjai #fuudjai黃店 #fuudjai港式 #fuudjai沙田

🍳性價平極高的海鮮蛋包飯✌️️份量很多 餡料都好豐富 唔hea🤣$55 價錢包括了餐湯 蒜蓉包 還有熱飲午餐這樣的價錢 是多麼吸引😍 -

之前一直只嚟過吃午餐，覺得價錢相宜而且味道唔錯最近睇openrice 食評，發現都幾多人嚟晚餐而且評語正面，所以在晚市暫停前一晚專登嚟會一會佢地嘅威靈頓牛肉 同埋羊扒威靈頓牛肉份量大概係手掌大小，酥皮只係蓋在牛肉上，不是包住，酥皮內只有磨菇汁，味道ok但唔覺有菇，牛肉幾乎全熟不過唔韌，配菜薯條就熱辣辣又脆價錢好似係$120 羊扒可揀6成或8成熟，肉質嫩滑，配菜的薯條都係好出色 價錢$130總括嚟講，屋企附近食肆算味道ok, 但價錢就略貴。

當晚想吃西餐，OpenRice揾到附近有呢間港式西餐廳，就試試佢啦！話就話係「冰室」，原來不是茶記，餐牌全都是西式食物。先黎一紅一白，白湯特別提下，因為係少見嘅黑松露忌廉湯，白湯本身都係普通開粉嗰啲，但加左黑松露之後即刻好味好多，味道層次即時提升！ 紅湯就普通冇乜特別，正常野。另外仲有個蒜蓉包，唔錯，幾香口。美國精選肉眼扒($110):因為我叫左七成熟，食落會有啲韌，肉就普普通通啦，呢個價錢都係嗰啲貨色，佢個汁就幾好味。波浪薯條夠脆，落左啲seasoning好正！ 拌碟有1/4條粟米都好正！白汁忌廉焗三文魚粒($79): 焗飯是炒蛋底，飯偏濕潤，三文魚ok，我鐘意佢啲三文魚有啲生生地有啲就全熟，整味道ok的，唔錯。想讚下店舖的裝修及擺設好特別，牆上掛滿各式各樣懷舊收藏品，睇得出裝飾上好俾心機👍🏻喺呢個地區來講，此餐廳算係好好食！晚餐價錢可接受，當然午餐來吃會更經濟。想吃西餐的話，可以一試💛。我自己都會再encore 😊👍🏻

做得飯堂必然係品質有保證😍櫻花蝦🌸炒飯，炒飯乾身、軟硬度適中，有少少帶子、蟹籽點綴，唔使太多材料，已經好好味😋豬頸肉烏冬已經食左N次，仲未嫌...證明真係好食，小朋友每次隔一段時間就要嚟食卡邦尼意粉🍝⋯⋯唔夠熱，有少少🤏瑕疵不過都唔係差，以茶餐廳價錢，有大餐廳水準，正確嚟講，好過好多餐廳🍴凍檸檬茶，另+$3午餐仲有紅、白餐湯+蒜茸包講真價錢平、水準高，無加一，認真-抵！小插曲：等位期間，見侍應奉餐去隔離鋪，服務一流，仲要夠晒環保♻️唔使用咁多塑膠盒，餐具🍴抵讚😍😍😍

💛💛💛💛💛💛💛💛🧡🧡🧡🧡🧡🧡🧡🧡本身去沙田圍食時代冰室，但未到七點已經排緊隊了，見到呢間又係叫冰室，於是行去試吓。******************************威靈頓牛扒配薯菜酥皮好脆，入面有包住菇、醬汁同牛扒，牛扒好軟熟同煮得啱啱好，不會過熟，但size偏小。******************************龍蝦汁海鮮焗飯醬汁好香，海鮮算多，但食食吓咬到有骨。🤭🤭******************************餐茶熱奶茶無咩特別，但凍朱叫咗少甜都仍然好甜。******************************整體ok，環境都唔錯，價錢相宜。

河畔花園附近不嬲都好多嘢食，今次試咗呢間其實係西餐廳💛🤪，雖然佢個名叫冰室，但係入邊啲嘢完全唔係平時茶餐廳見到嗰啲。如果冰室價錢來講確實有啲貴，但你當佢西餐廳咁食又唔係好過分嘅，個裝修都算唔錯，係可以慢慢傾偈同朋友食嘢嘅好地方晚飯時間成個餐牌都係套餐，價錢$70到百幾蚊都有，全部包餐湯、餐包同餐茶。冰室啲餐茶仲有其他特飲選擇，例如黑牛我個人好推薦蘑菇湯，佢個湯加咗黑松露，飲落真係好香以分量來講呢個都算多，啲肥牛多到唔知點形容雖然個樣同我喺Pepper Lunch食都係差唔多，但勝在大兜啲，又有啲伴菜同餐湯餐包同餐飲。侍應上枱之後會幫你淋汁，識落唔會好乾，啲配菜上邊白色係芝士個三文魚扒望落去冇餐牌咁大舊，但都算不過不失

豬軟骨烏冬（配豬骨湯）$52食極都唔厭，真係次次都食，唔悶咩？小朋友：我就係喜歡呢個味道。無法理解都相信好食，其實餐廳仲有其他好食；下次試吓啦⋯⋯下次先講🙈黑椒豬扒炒意粉$49，豬扒超多有點乾、硬；呢個價錢真係無投訴😅最喜歡每次上枱都熱辣辣，黑椒味唔算太辣，洋蔥香口惹味😋餐湯有蘿宋湯、粟米湯，紅湯較咸，白湯較稀；另有一年蒜茸包，食完超飽😚😚檸檬茶大大杯🥰餐廳格局，有卡位；座位舒適，唔收加一更抵👍🏻

以往疫情緊要時，只有買外賣回家吃沒有寫食評，今次有得來堂食所以在這裡寫食評。這裡的服务和以往一樣冇乜特别白汁粟米忌簾湯，味道還可以不過不失。龍珠的三文魚混鹅肝醬球法包，我就覺得有点水準只可惜法包燶了，扣了点分。最近沒有影相的美國熱狗包味道與質數不錯，所以刻意在這裡提一提。在這裡食下午餐不要求高的話算經濟。

尋晚去左沙田圍嘅大壹冰室食飯，疫情下，兩個人都可以坐得比較寬鬆，冰室亦幾有懷舊特色。叫左一份法式燒羊架配野菌汁 $90 同一份威靈頓牛柳配野菌汁 $95 ，兩份都係配薯條同忌廉湯。忌廉湯比較淡同稀，蒜蓉包嘅蒜蓉亦都一舊舊。羊架有兩舊，味道唔錯，冇羶味，肉質嫩滑。薯條比較有驚喜，十分鬆脆。而令一份威靈頓牛柳比較失望，雖然一百蚊都冇乜期望，但等左二十分鐘，肉質頗鞋，酥皮亦好林，不過薯條的確唔錯。總括而言，佢食物嘅質素有待改善。

食咗大壹冰室好多次，第一次食佢個下午茶。因為見到我最愛嘅鹹蛋黃，仲要配芝士同埋多士呢個咁新穎嘅配搭，忍唔住要試一試🙈都有名你叫「邪惡芝士鹹蛋黃焗多士」真的好邪惡，但明知肥死都要食係咩原因？因為真係超正！先講個多士，烤得剛剛好唔會太燶，入口相當脆口，而且厚度適中，每入口都會有脆脆的聲音，好正！多士面舖滿咗濃濃的鹹蛋黃醬，絕不孤寒。鹹蛋黃嘅fatty味好濃厚，有少少油令到個蛋黃入口好smooth唔會太結太實，鹹度都啱啱好。再上面配一塊芝士，老實講塊片裝芝士有少少失望，好似好hea咁掉塊卡夫落去，令到整個賣相失晒分，不過因為芝士本身都有啲鹹味，食落個味道又同鹹蛋黃醬好夾喎！多士、芝士同鹹蛋黃本來係風馬牛不相及的配搭，竟然係咁好食！我俾90分！！

因為經過附近，見到出面有頗多人排隊，於是就決定排埋一份。店舖裝潢以懷舊做主題，所以採用原木暗色為主調。雖然係冰室，但下午茶以西式同日式為主，並唔似一般茶餐廳下午茶。叫咗煙三文魚蜆肉天使麵，三文魚份量正常，白汁煮得濃郁，不過可惜蜆肉分比較少，但係天使麵都算份量充足。40幾蚊一個下午茶來講算相當飽肚，相等於午餐嘅份量。希望下次可以試吓佢嘅晚餐！

今日放假，去咗河伴花園搵姐姐一齊食lunch😛黎到佢既地頭，當然叫佢帶我去搵食啦，最後佢推薦去食大壹冰室，咁一於就去試吓啦☺️第一次黎食大壹冰室，冇諗過lunch set都有咁多選擇，有選擇困難症嘅我，揀咗15分鐘，最後終於決定左叫蟹棒櫻花蝦天使麵。lunch set包一個餐湯、一杯餐飲同一塊蒜蓉包，咁多野食加埋都係49蚊炸，真係平到爆，重點係食物都唔錯，性價比極高😍餐湯有紅/白二款，我就揀咗紅湯，冇諗過有咁多料😂睇圖都見到，啲櫻花蝦勁足料，鋪到成個麵都係😝蟹棒都好好食！整體黎講真係唔錯😇