大壹冰室 (已結業)

黎到荃灣得一個鍾食野，見到呢間唔叫多人就入去試下。環境ok，坐得舒服，價錢又合理丫，平價西餐，叫左個牛扒，珍珠飯好味，牛扒中中等等不過不失，個磨菇汁都ok呀。五十幾蚊有湯有野飲，都唔錯呀

一聽起冰室！相信大家都會以為係以前果啲懷舊冰室。但係黎到大壹冰室，你就會發覺原來係一間裝修新既西餐廳。👍🏼👍🏼今次我就試左黑松露蛋包飯。味道真係唔錯。大家可以試試

下午茶好抵食，裝修好舒適，跌左部電話，店員好好人幫我拎翻出黎好有氣氛的餐廳, 兩個人叫左3個tea set pizza即叫即焗，意粉薯角份量都好夠再次感謝店員既熱心幫忙😃

星期四晚同女朋友試食呢間既西餐 水準麻麻首先黎個湯包 羅宋湯太水 味有點淡 而蒜包都幾脆👌再黎2個扒 本人叫左7成熟T骨跟飯 女朋友叫左9成熟肉眼 黎到切一切發現2個扒個熟度調轉左😂女朋友唔鐘意食生又廢事麻煩就同佢換 味道：4/10外觀：7/10份量都幾多可以跟薯菜 飯 意粉最後涷濘菜不過不失

今日一田sale last day 當然要出去睇下買唔買到戰利品！但出發前要去填飽肚先 見到附近呢間店外有條人龍 而且輪得都幾快 就決定試呢間喇！店裡坐滿食客 通常叫得冰室都係老字號 雖然未知佢開左幾耐 但個人好鍾意佢枱上既pattern 懷舊之餘仲好吸睛叫左個set lunch 包湯 餐飲同一份蒜蓉包（$49）咁多野食呢個價錢算幾抵了！賣相okay 但味道淡左d 要落辣椒醬先夠味同開胃 建議可以落返多少少鹽/ 黑胡椒粒 咁食落味道會好更多！

偶然經過荃灣食個下午茶，價錢好抵，冇加一，超值。我食咗一個芝士吞拿魚焗意粉 仲有即磨咖啡，都係36蚊 ; 如果加多四蚊 仲有湯和多士。40蚊出門口，有食午餐嘅感覺。 熱辣辣的焗意粉唔會好冧，芝士味濃郁，即磨咖啡有回甘的味道 ; 再加一個自家製粟米味忌廉湯，多士超脆 ; 再加上懷舊裝飾，坐咗一個鐘 連晚飯都唔使食。

去到荃灣平時都係掃街為主今日見到有間餐廳一直都好想試 平時見人山人海 都無機會試 就係大壹餐廳 食下午茶見到menu有好多種唔同嘅食物 見唔係好餓就點左一個芝士肉醬焗薯角 加多杯熱檸茶 芝士肉醬 有拉絲嘅感覺 肉醬唔係太鹹又有鮮茄味最重要 焗薯角 仲有少少脆脆哋唔會話濕得滯 鋪頭裝修 帶點懷舊 美國風 望到入面 廚房嘅一群廚師全部都係年青人冇諗過可以煮得咁出色 真係好後悔 開張咗咁多年 今日先嚟試 下次一定要再食可能係食午餐或者晚餐相信都會一樣咁出色 我見其他抬大部分人 都係飲即磨咖啡 下午茶最得人鍾意 轉即磨咖啡都唔使加錢 充滿誠意。

難得平日放假，我便到荃灣逛街，好好享受人流少的商場。購物後，便去吃一點東西。經過餐廳看到不少雜誌報紙介紹這間餐廳，而且下午茶價格相宜，所以我便踏入餐廳。餐廳的裝修很有格調，但環境不太乾淨。餐廳內有霉味，十分不舒服。座位設計尚算舒服，但剛好我坐的位置，是較窄走廊的旁邊，所以要不停地避開侍應。我點了炸魚薯角，薯角正常，炸得尚算乾身，頗脆。炸魚亦炸得夠，但有點油「益」味，而且不太脆，有點太硬。咖啡算可以，有丁點苦味，稠度較淡薄，香氣不算濃郁。

進入餐廳前睇過食評話無味，見到有人話可以再試，以為改善左並相信門面張貼的電視台/報紙等，試過後就....！原來是真的,無味。分別點左兩個午餐： 西冷牛排飯及黑椒洋蔥猪排炒意粉，包紅湯，蒜蓉包一片，熱飲。湯：好淡，要自己加鹽加胡椒蒜蓉包：乾得唔好食，蒜蓉少得無誠意猪排意粉：猪排是烚熟就算，肉質起渣無味，連洋蔥都唔甜，其豉油炒意粉唔香無味，只是加色而已牛排飯：肉質算過得去吧！黑椒汁麻麻啦！坐位係逼既，因對坐會腳踫腳，淡而無味係米健康d就見仁見智，定係"因價就貨"或是"廚藝特式"？有食評話可以再試，仲咁多人排隊，的確贊！對一間冰室而言，一般。埋單$106。

放假行山日，LUNCH要食飽D先得，荃灣真係好多野食，睇到眼花撩亂🤔係心思思既時候，見到呢間食店有人排隊，門面又有D報章就決定揀佢啦😆兩個人好快有位，安排左坐卡位呢度燈光偏暗，營造個好柔和好RELEX既環境LUNCH SET有好多選擇，真係好多個都想試，見到隔離枱食鐵板都只不係過$5X，仲要係熱辣辣鐵板，SASA聲!!😱但因為行山，唔可以食太油膩既野餐湯-羅宋湯呢度既湯真係好健康，平時果D唔多唔少都會有D油浮面，但呢個係完全無!!不過 越唔健康越好味 呢個湯酸左D、鹽又少左D、辣味又無Not my cup of tea😵餐包-牛油法包多士法包多士烘得非常脆，唰唰聲。雖然牛油只係薄薄一層，但已經好夠鹹香😋忌廉汁波菜焗龍利魚柳意粉 $49小插曲，職員可能落錯單，黎左個普通忌廉龍利柳意粉。送上枱同相片有出入，感覺頽好多😖但我係個芝士怪加焗魔，呢個又無芝士又唔係焗既野，我又點會收貨。結果等多兩個字先黎到個意粉，頸都長埋😨忌廉汁好結身且多，每條意粉都可以掛到汁😍波菜新鮮，好綠且焗完都仍然保存到菜既爽口感龍利魚柳有兩大件，煎到少少焦，好味意粉又彈牙，整體唔錯大壹冰室雜錦肉扒配黑椒汁 (紅米飯) $

行街行到好累，見門口餐牌有好多野食選擇，入去得一張吉的4位檯，我同妹妹坐在一邊，另一邊即刻有客入座。落單，好快有餐包同紅/白湯，我地要左紅湯，除左勁咸就係辣，餐包有少許蒜香牛油，好快就上我個7成西冷牛扒意粉，個西冷好大，全熟，我都食唔晒，但唔係好夠熱，意意有淡淡黑松露味，軟硬適中，唔算好彈牙，餐廳有3個服務員。好靜，但廚房好熱鬧，入面交談聲我會聽得一清二楚，幸好無講粗口，否則破壞整個氣氛。妹妹的三文魚焗飯，味道未有意想。

平時都比較少入到荃灣食飯，琴晚嚟到附近，見大壩街成排餐廳得大壹冰室有人排隊，門口又貼住咁多廣告，睇menu見佢價錢又抵，一心諗住會有驚喜。同男朋友每人叫咗一份餐，加$29有兩個小食，雞翼正常，薯角好難食，唔脆，仲有雪藏味。主菜1 酥皮燒汁牛肋條：酥皮唔錯，好香，又唔會太漏：燒汁冇味，唔講唔知係燒汁！牛肋條質感唔錯，但都係無味主菜2 板石燒粗黑椒極品牛柳粒：一嚟到就好香，加完汁仲香！聞落係100分，食落就重口味咗少少；肉質難食，睇落似極品，但食落原來又係比鬆肉粉乸到林晒嘅肉，好差好差

噚晚同朋友黎左呢間 kitchen one 食飯，就點左個黑松露帶子闊條麵，好失望，帶子冇味，啲麵因為撈到啲白汁都只係得少少味，失敗。重點個白汁好似溝左水，又淡又稀，唔知想點。成晚得個白湯、個包同環境係最好。順帶一提，啲侍應生態度中規中矩，不過個個都好似好呆好眼訓，特別係帶眼鏡個位。

星期六放左工同朋友去食下午茶，見到這間餐廳有人排隊及見到廚窗都post左雜誌訪問，所以就排隊試下。排左15分鐘，要齊一半人才可進入店舖食野。我們點左牛鐵板燒及一個烤餅。賣相都可以。個牛鐵板燒，睇相以為係生上，仲要同侍應講要多汁，他仲話好多汁，點知送到上台見到原來係肥牛，仲要係無咩汁，無汁點可以食，乾爭爭意粉點食，總知我唔叫這個鐵板肥牛，完全無特別，本身想食西冷牛，總知唔好俾張相欺騙。兩個價錢一樣58元。另外一個烤餅，那個還可以接受。

今日經過大壹冷室，覺得佢入邊啲裝修幾靚，所以入去試吓。我叫左一個美國費城烤西冷，同埋要左個紅湯。個紅湯好淡，仲有陣苦味。好似煲左好耐既菜乾湯咁。最離譜係個西冷，完全切唔開，入口有種好奇怪既雪藏味，又難嗅又難食😡。成個餐淨係食到幾條薯條，其他完全係垃圾，賣單60蚊😒臨走，我地同個店員講，你地既扒好難食，佢只係好簡單答左一句"係呀"。我諗大壹既店員應該聽到慣晒，難食係正常👏🏻而且衛生都一般，店員執枱個時，用布將枱上面用過既牙籤同污糟野掃晒落地。😑我完全想像唔到一間裝修咁靚嘅冷室，食物既質素同衛生係咁差。平時經過間冰室都見到好多人排隊，但今日試完真心失望，只能說一句「可能冤豬頭都有聞鼻菩薩」😌