大壹冰室 (已結業)

去完一田，準備搵間餐廳醫肚。行到海霸街，見到門口有5-6人排隊，門口亦貼左好多張雜誌新聞介紹，下午茶款式亦好多，就決定試試. 唔記得餐名，但總括來講，d扒好好食，好入味，但可惜飯有d凍... 日式野菜雞肉炒飯，份量岩岩好，重點係好多雞肉...下次再試試晚餐先

今日同老公去荃灣廣場對面的大壹冰室食午餐，平時見到好多人排隊，今日我地早去，所以可以即刻入座選擇好多，有24款，眼花撩亂跟餐送紅湯同蒜蓉包，羅宋湯好濃味，有點鹹，酸味同辣味好重，我不太喜歡蒜蓉包就幾好食！板燒黑椒紐西蘭穀飼肥牛配珍珠飯上枱果陣好香鐵板熱辣辣，店員會淋上燒汁，肥牛迅速變熟，老公話個汁甜甜地，好味好開胃，肥牛亦好淋同充滿牛味，珍珠飯入面有紅米，感覺好健康！西西里蛋包海鮮炒飯我最鍾意食蛋包飯，所以好開心今餐可以食到蛋包飯入面係西炒飯，有蝦肉做配料，味道岩岩好，蛋皮煎得好香，略嫌太薄，不過整體都好好食！

因為平時間中都會響荃灣廣場睇戲，自然就會試左唔少位處周邊既美食。大壹冰室正正位於荃廣對面，其實都想試好耐，一來見雜誌又推介過，二來經過望見個格局同門口既menu 都好吸引，但總係未有機會試過，有時又有小人龍，就會轉軚食第二間。今日早左少少到，大概七點左右，門口無人排喎，即沖入去。因為都小小趕時間睇戲，叫餐果陣多口問侍應姐姐，嗌牛排會唔會等好耐，佢就回應話如果我趕時間可以叫廚房整左先，哈哈，咁就照嗌牛排了。威靈頓牛扒薯角，第一次食酥皮包住牛扒，感覺幾得意幾新穎，而且有黑松露醬夾響中間，所以好香。牛扒食落好淋，岩岩好，但又唔會有血水。餐枱個面係好靚既馬賽克拼圖。三文魚墨魚麵95蚊，略嫌個汁同個麵有啲唔夾咁。下次都會再黎食，都唔錯。

朋友個個話好味, 第一次幫襯, 今天試下蛋包飯, 雖然係下午茶餐, $45都幾大份, 賣相都ok, 可惜敗在個茄汁底, 不知是汁太多還是太濃, 食食下感覺有d膩, 食吾晒, 服務一般, 不知是否要帶位, 還是隨便坐, 問了幾次waitors, 才有反應。

黎到大壹冰室，外面都有些舊式冰室既樣子，但入到去似西式既格局。我地就叫左個番茄芝士焗豬排意粉黎到夠熱，意粉還好，唔會太硬，但豬排真係差少少，太過淋。黑松露帶子蛋包飯充滿濃郁黑松露味，蛋皮薄，帶子都唔差，炒飯幾好。 喜歡黑松露既可以試下。值得一提既係杯奶茶，夠滑，唔錯!總括而言，價錢同份量都算成正比，份量都多，有湯有包。但食物既質素未算話係好食。

難得的星期一晚上不用ot.立即相約好友到荃灣睇戲食飯。荃灣廣場附近開了不少新餐廳，唯獨大壹最少人排隊，就試一下。餐廳雖小，但裝潢漂亮。晚餐款式多而且便宜。 叫了一個二人set 先來餐湯，餐包和沙律。餐湯是波菜忌廉湯，正常無特別。餐包的牛角包不夠熱。沙律菜新鮮，加上意大利黑醋還可以。 小食揀了肉醬墨西哥片，芝士加上肉醬夠香夠脆。 主菜:手打和牛漢堡，漢堡標榜是自家製，肉味重多肉汁，配上半溶芝士，不錯 另一款主菜：黑椒雜菌炒意粉，賣相差，上枱完全無美感，不過食落口好香菇味，不過不失。 甜品系焦糖燉蛋，又系凍既

一尼個包 包底吾知浸左d咩水 一pat野 一陣怪味 再尼個湯 。冇咩味都算 杰撻撻 我自己溝水先飲得落杯凍華田 哇 勁稀! 叫佢再沖 就咁加左d糖水落去 都係同一杯 當我吾知咁喎主菜個鐵板極品牛柳粒飯 一上菜個下已經文到lone 味 再文多陣 連個鐵板都有陣臭味 個牛肉 不過不失 但一定吾係特別好食價錢同質素不相等 成餐食到好燥底 勁叉!!

今日同屋企人行街經過大壹冰室, 平時經過成日見到要排隊 今日唔洗排就衝左入去哩度位置都多, 但有點窄, 迫迫既感覺!裝修都幾特別架!  好多不同既裝飾! 今日LUNCH TIME黎到叫左2個SET LUNCH!板石燒 粗黑椒紐西蘭 榖飼肥牛 配 珍珠飯 同埋香辣沙甸魚炒意大利粉!配忌廉或羅宋湯!同埋餐飲!我选左配忌廉湯! 飲落去唔係唔好飲, 但係我自己覺得太勁奶味! 店員過黎執拾時問 我就講左原因比佢知道, 店員細心咁話換返羅宋湯比我! 羅宋湯味道好濃又足料! 係杰既! 好味呀! 主菜到了!板石燒 粗黑椒紐西蘭 榖飼肥牛 配 珍珠飯鐵板肥牛 黎到時牛肉係生既！店員一邊幫忙落黑椒汁一邊幫忙整熟啲肥牛！所以鐵板一定要夠熱, 大約炒左2,3分鐘肥牛就熟哂!店員再加D 黑椒汁落去珍珠飯度!配菜仲有D 蘿蔔,洋蔥同埋青瓜!洋蔥配埋黑椒汁令飯同肥牛更加香!美味呀!另外係香辣沙甸魚炒意大利粉!配沙甸魚好特別, 但沒有什麼辣味!用洋蔥, 磨菇, 紅椒炒, 稥加少少草! 意粉炒得好香! 又夠乾身! 都好好味呀!最後飲品仲有即磨咖啡!但味道就比較淡!總括SET LUNCH好味又抵食! 

之前路過見多人排隊無試。碰巧上週六下午茶路過只有兩個人排，等咗一陣就有位啦。因為我是一個人的緣故，起初坐在四人位，旁邊的兩個人差不多埋單，我見有些二人枱離枱，我未點菜，於是問侍應是否要調位，免得食食下要我走位... (一個人食嘢好多時就係咁...) 佢話唔駛，咁我就照坐。點知到份餐到咗時，真係要我調去二人位，我同侍應講我之前都講咗啦！！不過我都好合作調位，下一次就安排好啲，免得要客人食食下走來走去。先講講環境，裝修有點特色，座位主要是卡位，燈光有點昏暗的，傾計食下嘢好似唔錯...... 但牆邊好大塊剝落！？講番主要的嘢，就係食物。下午茶選擇頗多我點咗一份朱古力蛋白西多。從餐牌看來頗吸引的。可是送來的是這個樣......沒想過會炸到咁燶，賣相好差，而且十分油，每件都好多油。也因為分開一件件來炸，更加吸油。廚房可以做好啲先吸下油才上碟吧。即磨咖啡味道還可以。總體這個價錢來說，環境OK，食物則太差了。

最近去荃灣行街，去到荃灣廣場對面的大霸街食大壹冰室，裝修都幾特別，我食過兩次，覺得水準唔穩定，第一次好食，第二次水準下滑，keep 唔到水準，大失所望!門口有個大餐 ，HK$29有兩款小食。我叫咗蕃茄墨西哥雞件同即磨薯蓉焗法式田螺，味道此KFC 雞加茄醬，下次我都係唔叫啦！平都係吟話！香辣墨西哥雞件－味道此KFC 雞加茄醬，感覺中伏！即磨薯蓉焗法式田螺－螺肉好淋食得出係加工食品，味道不過不失！芝士焗鮮茄豬扒飯$69 －第一次好好食，有飯蕉而且卜卜脆，第二次食，好此電飯煲煲出來的白飯！上面加鮮茄醬有D入望！香煎厚切三文魚扒HK$105 － 三文魚扒上面有泡沫，入口肉質好滑，應該用上slow cook做法, 味道唔錯。飯和紅米一起，感覺好健康！個Dinner set 有送餐飲，唔該要杯熱檸水啊！大壹冰室地址：荃灣大壩街75號地下TEL：2555 0300總消費：$ 223評分：（以5個＊為滿分）食物：＊＊＊環境：＊＊＊服務：＊＊＊衛生：＊＊＊抵食：＊＊＊

路過附近， 見佢menu有特色西多士，又有egg benedict, 所以入去試試。 唔多講了， 免浪費自己太多時間。西多的賣相同實際味道有好大落差， 過燶， 油味重， 甜味不足（冇糖漿的）， 部分超硬，入不了口。egg benedict 凍既（整定？）， 麵包硬，超韌，我要用把刀 “吉斷” 塊飽。 熱咖啡暖既， 只奶茶最正常。

見前畸寶同事話呢度個威靈頓牛扒好得，於是特登嚟試吓。啲位都幾窄，而且服務好差，侍應處於遊魂況態  其實收得$140一個餐，抹吓個碗邊得唔得呀? 主菜嚟，威靈頓牛扒，size唔算大，直徑約10cm酥皮底部已濕，酥皮與牛排之間有層菇醬，幾重菇味，所以跟嗰個野菌汁反而多咗，嚿扒少少overcook。配菜嘅矮瓜好甜，薯角就炸得過硬 如無必要，無下次

這天早班完結後拖著疲憊既身軀來到了荃灣不如意的事情接二連三 繼工作上的挫敗感後 再來就是在ATM提款忘了拿鈔票為什麼事情都要再同一天一起發生晚飯時間在街上遊蕩看到不錯的餐廳都停下來看到看餐牌對「冰室」的地方有特別的親切感看到門外美美的餐牌就進去了「兩位」 整間店也滿座 被安排到角落的兩人座旁邊有可愛的擺設陪伴食飯 桌面是繽紛的馬賽克的拼圖 加錢可以點酥皮湯作set dinner那個酥皮很香很脆口 忌廉湯很滑很足料 威靈頓牛排配薯角厚切薯角炸得香脆可口牛排被酥皮包裹著 有股特別的牛油香味牛排加上酥皮 口感很多元 很想再來一客 香辣大蝦蕃茄蔬菜面辣味不夠重 但蕃茄醬汁卻很惹味拼上的大蝦啖啖肉 不過有點像雪藏蝦很滿足的晚飯可惜是店裏面積太小 座位不算闊落坐得太太舒服不過店內裝潢有特色 值得加許一讚

朋友好介紹，之前佢食過，味道吾錯今次帶我去食，呢間餐廳開在荃灣廣場對面，完全吾難搵。餐廳服務員算多，上餐時間好快，晚餐有湯+飲品+主菜，價錢吾算太貴一般既白湯即磨咖啡，咖啡好香，味道吾算大苦，入口吾姐錯主菜：羊架配意粉，羊架配肉汁，令羊架有更深層次，羊架吾會有陣味， 好易入口，而且羊架吾會過份熟曬，好易切開，食完好滿足

之前食過兩三次，都覺得OK，今日諗住返叮，點知大失所望。 叫咗焗豬扒飯同埋西冷牛扒（7成熟）。先講餐湯，叫咗個菜湯同忌廉湯，但菜湯超咸，飲唔落 ，忌廉湯就ok!再嚟焗豬扒飯，好酸，太多茄醬，而豬扒又好硬，同之前食完全跟係兩回事。塊七成熟的牛扒見到就已經覺得乾爭爭，切落去乜汁都冇，食落又嚡口! 飯又凍冰冰，食到一半已經要放棄！唉，唔怪得星期日嘅晚飯時間（7點左右）都冇人排隊啦，因為keep 唔到啲質素！