大壽司

营业中

休息中

以前款式多好多 有泰國日本菜 壽司真系魚生大大片。宜家去到 都唔g有咩好食了都系一般刺身拼盤 燒物一般般 倒是烏冬系列ok既 價錢尚算可以掛住以前d串燒 烤肉串 啊啊啊啊啊啊啊。d位好逼 唔太好坐😂😂大排檔既日本餐

大壽司，顧名思義緊係唔細啦，呢間鋪係東區都叫出名，出名D壽司刺身夠大件。舊舊都有拳頭咁大，第一次黎食真係會嘩幾聲。不過同壽司相比，我比較鍾意食佢既日式料理，例如石頭鍋飯、石鍋烏冬咁，再配幾件壽司。今日食左呢個日式芝士鰻魚石頭鍋飯。原條鰻魚配上濃濃既拉絲芝士，真係好過癮。不過要小心既係石鍋好熱，唔鐘意食飯焦既話黎到就要快手搞搞佢。同埋千祈唔好high到個石鍋邊。今次另外叫左個三文魚手卷，手卷黎左即時有D後悔，咁大個一定飽到上心口，但一啖一啖既三文魚涵真係好滿足。咁食法都唔洗100蚊落樓，仲平過食food court呀!!

同朋友一齊食生日飯，有個朋友早到拎住蛋糕話想借個雪櫃擺下，點知店員唔比🤦🏻‍♂️慘...我地多數都係叫刺身，叫到好似食刺身放題咁😂首先呢個三文魚腩刺身係好味既，舊舊三文魚腩都有足夠既油脂同埋咬落去有少少融化既感覺，所以三文魚腩好快被我地清曬了☺️但生蝦刺身就真心麻麻，其實佢個醬係好味既，但個蝦真係不太新鮮，唔夠凍既感覺，所以呢個生蝦刺身可以唔洗叫😞呢碟刺身都係同樣既問題，真係唔夠新鮮同埋有d暖既感覺，唯一覺得新鮮既就係墨魚刺身啦，其他個d刺身放題既質素好過佢天婦羅就有驚喜既，炸得好脆同埋隻蝦係大大隻既，本人覺得好好味😋而其他個d三文魚壽司都係唔新鮮，同埋朋友們覺得呢間既服務態度好差🤦🏻‍♂️

過海果邊我就完全唔熟路, 我依d新界人一年都唔過五次海, 今次朋友帶路去左西灣海, 日本有間壽司大香港有間大壽司..依個肥牛不得了, 有成一磅一百蚊都唔使, 四個大人食極都食唔哂咁三文魚旗, 見識少依個未見過都未食過, 估唔到咁好味！依條縵魚同手脾一樣咁長, 一上枱個個都嘩嘩聲, 鰻魚唔多骨, 都帳腥味, 正呀！再唻一d sushi , 件件都好新鮮, 舊飯又唔乾身, 紫菜都仲卜卜脆架！海膽手卷, 又係好推介！樣樣都一個字：正！環境唔錯, 等位都唔算耐, 好滿足既一餐！

晚上八點多來到西灣河, 太安樓的海南雞飯原來星期三休息, 摸完門釘, 去其他地方搵食。經過大壽司, 飯市時間已經有人在等位。等左約十分鐘, 好快便安排入坐。落單叫左加州卷, 劍魚腩壽司, 火炙三文魚壽司, 芝士蟹棒壽司。。。 等左四五個字, 可能廚房漏單, 搵店員幫手追單, 食物好快就上晒來, 店員爽手服務抵讚! 壽司大件, 飯量係平時的三倍,整體味道都不錯! 來到西灣河如果唔想食車仔麵, 海南雞飯又無開, 太安樓小食唔夠清淡, 可以去試下大壽司! **飯市時間要稍等一陣, 好快有位!

係西灣河行行下想食壽司，剛好見到間大壽司，咁就入去試下。入到去要上一層樓梯坐，環境都唔算太迫。見到個餐牌樣樣都好想叫，咁就叫到成枱都係。點知黎到d壽司真係非一般既大，連條三文魚都長過人，如果係女仔我勸你唔好叫得咁瘋狂。佢個雞軟骨不得不推介，勁好食，一路傾計一路食必備。叫左個海膽試，因為好多地方既海膽都會有陣唔好既味，今次都戰戰兢兢咁試試佢，估唔到一d腥味都無，重好鮮甜，還我唔食海膽既朋友都話good。不得不讚讚佢。佢個餐牌都有好多唔同種類選擇。一次真係不能夠全試，不過，美中不足即是下次要再過黎試過。

這個什錦刺身飯好抵食，味道不俗， 價錢合理，100蚊都唔使有咁多款刺身，還每件都好大size, 一個人食，見到咁新鮮的刺身都真係好開心! 其實這店平日都排長龍嘅，無論lunch同埋夜晚都會有這情況，今日我就是晚了，所以去到好快攞到位，咁就大食一番。 估唔到咁晚都可以咁豐富! 食到尾仲有好多飛魚子送飯。睇comment仲話呢度啲wasabi特別香、特別新鮮! 試咗之後我絕對同意，不過d飯就硬咗少少，要改善一下!

以前食過好多次，態度都可以，但今次態度超差。同行有3大2細，有2架bb車，一行入去有個後生仔咬住香口膠態度超囂張，話2架bb車放唔落，唔知比咩位我地，之後就有個長頭髮女侍應就問我可唔可以收車，我話可以收一架我手抱住，我話有一架比bb坐住食野，之後黑面黑足成程，之後有個男侍應問佢我地坐邊佢擺位比我地，個女侍應好串咁話唔知啊，點知，邊有位。但全場得2枱客之後我唔出聲等佢帶位，之後佢指住最入個卡位同一上樓梯個位，我驚bb車會阻到人所以我就話坐最入個個位。因為之後我要收車所以停左一邊執下個車籃位先收到，個2個侍應由頭黑面黑到落尾。雖然食物質素ok，但唔會有下次

本身約好咗同朋友一齊嚟大壽司食嘢嘅，但係 一入門口帶位見到我哋有兩架bb車就即刻黑口黑面。。我哋三個大人兩個bb有兩架bb車。本身食過都知有樓梯好唔方便 上左去之後上面長頭髮女樓面同一個有平陰既男同事又再態度好差好差問幾多位啊 仲要一路食香口膠一路講。個長頭髮女樓面就話我地2架bb車要我地收起 我朋友就收起佢個車 因為自己bb一定要坐自己車5可以收起。都諗住食5到嫁拉 旦點知佢又冇問題 個女樓面安排左個最入最逼既卡位 我朋友就抱住個幾個月大既bb坐卡位 我同個女就坐對面 最有問題係個女樓面識拉開最出個位比我拍bb車 旦係冇諗過拍原車之後大人係入5到去坐 係個過程中令我個女撞親個頭當然之後成餐飯過程 班樓面企埋一堆 禁住個咪一路望我地一路講成餐飯既過程就好似地獄式折磨 個2個樓面係冇過黎 係另一個肥肥地既男同事幫我地上菜 拎野碗大壽司都5係第一次去食，次次埋單都係係度埋5會叫我地洛去埋 連埋單比錢我老公都係自己比人叫洛去埋 旦洛左去要企住等人洛黎埋 之後等左一陣我老公幫我地推埋2架車洛去先有人洛去埋單 比個錢都好似比成班人圍住玩咁

話說呢日個fd話要帶我去食大壽司，本身以為都係一間普通日式料理，點知原來內有玄機!玄機就係:原來大壽司係賣特別大舊既壽司，真係食一舊都已經飽lol我個fd就叫左Big big 壽司。而我就叫左個滑蛋豬扒飯啦，好香既汁同埋滑蛋，配上即炸既豬扒，好酥好軟，咁既價錢食日本野算係幾抵食。

放工經過西灣河, 唔係太想食太安樓, 是但揀間餐廳, 大壽司長年都有幾個人排緊隊 平日晚上都一樣。我們選擇搭枱 所以等幾分鐘就入得。用餐地方都係係角樓 入門口後要上樓梯。坐低後選擇困難症發作本來想叫手握壽司set 但好彩無叫到 因為見到對面食客個壽司set 份量有2-3碗飯咁多最後叫了幾個份量少d的 食多幾樣嘢不要抱著食日本料理的心態去大壽司 因為他們的味道就係 有d hong kong style 係comfort food這晚叫的食物食玩都好滿足 尤其 芝士吉列豬排壽司 和 明太子餃子雞翼豬排仲暖的 入面的芝士溶溶得 外面籺滿蟹子咬落外脆內軟雞翼入面還好juicy食得非常開心

呢間店嘅壽司好大件 種類又多而且價錢唔高非常抵食比起其他壽司舖呢間算高質嚟食過好多次 佢哋嘅wasabi非常新鮮 一溝豉油就融曬唔會一嚿嚿而且佢哋仲有其他麵食、飯個啲特別推介烏冬 唔會煮太淋 啱啱好炸天婦羅亦唔錯仲有泰式生蝦 雖然呢個貴左啲但好好食另外店員服務都唔錯落單執枱好快手冷氣有啲凍怕凍就記得帶件褸店舖更加有魚生出售三文魚都好新鮮又唔會好腥或者有雪藏味誠意推薦呢間壽司舖都幾就腳幾易搵係間茶樓隔離就係大件夾抵食得嚟又唔貴

星期六晚同屋企人去食，一上到去發現冇乜客食，好似有陣up住嘅味😐個地下仲好污糟...我地叫左三文魚刺身，炸蝦卷，帆立貝壽司，青瓜卷味道都不過不失，都算ok。但係油甘魚壽司同劍魚腩壽司就唔掂，油甘魚同劍魚腩都好唔新鮮，好腥而且好多根，難食重點係班侍應，由我地入到去坐低到走，4、5個人企係出餐位係咁傾係咁笑。上菜果陣，明明個枱中間勁多空位唔擺，特登擺係枱邊邊又唔講係咩壽司。。次次都要我地自己擺翻枱中間，方便大家夾。仲要成班侍應係咁係到食野🤦🏻‍♀️食野好心都企埋一邊角落拉，對住曬啲客食😅好張揚，你地翻泥開工定開餐？？？ 講野又冇禮貌，語氣又惡，見到個金毛侍應執張枱都要坐係到執，雖然冇乜客姐，洗唔洗hea到咁😓咁既食物質素同服務質素，冇下次！

所謂嘅“大”壽司，我只能夠話佢冇呃你，好_大舊實的的飯糰上面擺塊魚，你唔講係壽司我真係估唔到係乜嚟。可能係佢呢間嘢嘅特色掛，舊飯猜到成個波咁，改名叫大飯糰會比較符合，我好少咁浪費食左塊魚生留低舊飯，但係呢間嘢真係另我破例要做一次！拉麵就超級市場貨啦，唔好食亦唔難食，不過睇返價錢又唔要求得佢咁多…唯一好食係生蝦個“汁”，同外面泰式生蝦d汁唔同，幾特別。最後就係講吓服務態度，惡劣，好似欠佢哋錢咁，完！

這家壽司店其實吃過很多次的了~每次來都是吃午餐。今次倒是第一次是來吃晚餐的耶，未到6點左右便來到~所以要先排隊等開門看到有不少一家大細的在等呢!! 如店名那樣子，這裡的壽司很「大」的一件喔！！蒲燒海鰻 ($18/2件)壽司飯真的超大一舊啊！大概最少有平時吃開的2倍飯量左右海鰻雖然不特別肥美，但也不太差~而且蒲燒汁也夠惹味。蟹棒小卷 ($12) & 肉鬆沙律小卷 ($16)前者的味道很正常吧。後者的口感很有趣，雖然有沙律醬~但吃起來不會覺得膩香芒加洲卷 ($48) 卷物也是很大的一件啊！上邊那片芒果超酸 >_____<！！另外這裡也有一些特別優惠，像 牛油煎珍寶帶子 ($26)基本上只吃到澴厚的牛油味道吧。最後還點了一碗 燒豬頸肉湯拉麵 ($48)雖然這碗拉麵沒有特別大碗，但就價錢來說是頗便宜的啊！配料像粟米之類的也有～而且湯也不是味精的那一種，還有蛋!!豬頸肉很嫩口、麵條也很彈牙呢~