大家樂 (城市中心)

营业中

休息中

外賣🥡野菌吉列魚柳意大利粉🍝配冰凍低糖綠茶。野菌切得非常碎，差點看不到，份量少得可憐。意大利粉的汁醬超不夠，且淡而無味，完完全全失敗。吉列魚柳，厚厚的炸粉硬到咬崩牙，完全沒有入口鬆脆的感覺。魚柳薄薄，魚肉與厚粉的比例是2:8，好似吃炸粉漿真有點兒過份吧！整個份量而言，男士是吃不飽的，唔上唔落。

每天都在快餐店享受閒逸的早餐，點一份健康早餐，看看報，聊聊天，充好了電，開始一天的生活。香港的快餐店提供了價格便宜又選擇良多的餐飲，是我們香港市民的福氣。但清潔方面需要改善，喝水的時候會有清潔劑的味道，希望不是我特別敏感。

今天來到砲台山的大家樂，帶埋了兩個外賣午餐回家享用。一看餐牌，焗飯頗為吸引，所以二話不說便選了兩個焗飯。不消一會兒，熱騰騰的飯盒已拿在手了。回到家時，焗飯還是熱的。～一哥焗豬扒飯大家樂一哥焗豬扒飯不用多説也知其質素。那濃濃的鮮茄汁和半溶芝士已有足夠的魅力，再加上大片原全不韌的豬扒和蛋炒飯，真是無懈可擊。還有那些菠蘿粒、青豆粒、洋蔥🧅和鮮番茄🍅，更是錦上添花了！～濃汁焗厚切牛脷飯四片小牛脷焗得很容易切開或咬開，味道亦適中。炒底飯配上番茄醬汁，吃起來更惹味。若芝士份量可加多些便更理想了。

今天下午茶到大家樂外賣，要了份公司三文治及檸水$28。差不多下午三時，櫃檯拿餐的下午茶客已有十多人。外賣等了十二三分鐘才有，剛要自己入袋時，阿姐已走近幫手服務有禮。公司三文治，雙層焊底白麵包，一層有生菜蕃茄火腿，另一層有煙肉炒蛋，一口咬落有少許沙拉汁散出，口感十足。檸水有四片檸檬，用木棒(以前膠攪棒現在已轉用了木棒)壓一壓檸檬出哂味。其實放三文治的膠盒也可轉用紙袋。

第一次在大家樂同食早餐，多數我都會買外賣食的，但因為今日返工前比較早所以選擇食完早餐先返工😂😂😂。睇了好耐都係揀咗一個$25的早餐😂，腸蛋多士麥皮餐。因為現在支付寶可以儲印花，所以我就揀最平的$25餐😅😅😅。抵食👍🏿

今朝早唔洗返工，去左大家樂食早餐。平時因為工作忙錄，我好少外出食早餐，多數簡便食個包就算。今日甘好日唔洗返工，當然要外出食份早餐高興下。我今日叫左份午餐肉蜜汁雞扒餐，飲品當然係奶茶。人大左愈來愈鍾意飲熱飲，以前無論任何天氣，夏天定冬天，我都會飲凍飲。唔知係咪同身體健康有關，年紀愈大，飲熱飲個人愈舒服啲。此外，大食的我加左炒麵，食飽啲，早晨精神啲。雞扒早餐盛惠三十個半，熱飲唔洗加錢，炒麵就加六蚊，合共三十六個半落樓。今時今日這個價錢都算合理，當然，平啲更好

一直都很喜歡大家樂的肉醬意粉，份量夠大，而且十分美味，價錢亦不貴，是窮學生的選擇。於是拿著學生證購買了學生餐，$32元正還有冷飲。由於人流多，便外賣回家吃了。意粉一如以往十分美味，配上肉醬，一流。而且還有芝士，吃起上來還有小量拉絲的感覺啊。雖然是連鎖餐廳，但個人認為每間肉醬意粉的質素都差不多！大家樂來說我最愛我莫過於肉醬意粉與排骨菜飯。雖然近年物價一直上升，但質素卻沒因此而下降。哈哈，做學生還是真多優惠呢。

五香肉丁公仔麵 奶油豬 檸檬茶 26.5比25細，唔係啩? 噚日Boxing Day食咗平價早餐， 諗住今日再食多一次， 但可能晏咗少少， 冇咗個餐。 咁就試下五香肉丁公仔麵配奶油豬 去到攞餐， 心諗:唔係啩?!26.5比25細 麵細，包又細。 五香肉丁公仔麵 26.5俾香港版出前一丁都得啩， 又唔係要你俾個日本版出前一丁我。 五香唔夠五香， 辣到飛起， 無奈。 奶油豬 牛油勁大塊，好肥。 檸檬茶 成個餐最好居然係佢， 解辣，解肥。 點都諗唔明點解26.5比25細， 唔通我要求過高?

火腿蛋三文治 雪菜肉絲米 奶茶 25蚊平價早餐 難得Boxing Day今日早起去大家樂食早餐， 原來有3件頭25蚊平價早餐， 為慳錢，你可以去到幾盡? 梗係叫吓平嘢食啦， 當Boxing Day禮物。 火腿蛋三文治 普通嘢， 不過勝在唔會因為平價而太細份， 都勉強讚吓啦。 雪菜肉絲米 大大碗， 味道好足， 驚喜。 奶茶 真係要鬧， 十分咸， 你估我飲緊蒙古奶茶咩? 整體排名: 1.雪菜肉絲米 2.火腿蛋三文治 3.奶茶

燒味以內，燒味飯以外 成功爭取聖誕長假 其實係攞年假， 自制長假。 當然悠閒唔食早餐， 難得大家樂有燒味烏冬， 唔駛食硬飯， 當然要食燒味雙拼烏冬。 叉燒燒鴨烏冬 冇嘢飲 當然唔好期佢好似稻庭烏冬咁好食， 但想食燒味時， 不失為一個唔錯嘅選擇。 但喺炮台山， 好味特色嘢多， 價錢都貴啲， 畢竟我哋呢邊， 唔計十幾蚊雲吞麵， 今餐價錢算okay啦。

点的是70的星斑火锅，结果刚接过来端盘放到桌子上它就翻了……一共撒了3个，当时都要吓哭了，服务员很快就过来清理，还给了我新的。好感动啊！味道方面鱼片好新鲜。虾和和墨鱼滑乌冬很弹牙。肉有肉香。豆腐好吸汤，汤底好鲜甜。

今日一家四口到大家樂食早餐，呢度裝修無耐，環境不錯。雞扒煎旦，雞扒細過小朋友手掌，而且唔夠juicy,煎旦尚算合格，半生熟好滑溜。另一份吉豬炒蛋，吉豬份量大小可接受，肉質也算juicy,但炒蛋就太dry了，令人失望。價錢不斷加，同質量成反比。

是日例休，打開報紙，看見大家樂的厚切一哥焗豬扒飯由即日起至 4 月 14 日做特價優惠的廣告，中午 12 時起開賣, 只售 $18 一客。正猶豫要不要動身去買，說時遲那時快，家父從外回來，手上正是厚切一哥焗豬扒飯一盒！原來他一早已出去排隊買了回來（還要每人只限買一客），想多買也不行。而且有食友說有分店開售半小時不到已賣光，真厲害！不知幾多年沒有吃過大記的焗豬扒飯了，所以份量有沒有縮水就不得而知（小時候總覺得它是全大家樂份量最大的食品，那時還未懂吃鐵板餐嘛），不過暌違多年，味道總算沒有褪色，仍是厚厚的洋蔥菠蘿蕃茄醬蓋著原塊豬扒（那個「厚切」雖然不是認真的厚，但總比有些地方薄如紙的豬扒強了）配乾爽的蛋炒飯，雖非什麼山珍海錯，卻是平實窩心的美味。當然加埋親情滿分，食落總覺得特別好味！謝謝爸爸！*\(^o^)/*

過了差不多大半星期才記得寫。小肥之前來過，話呢度新出的青口意粉勁得，好奇之下便同太太來試試。$33加$5要了蒜蓉包同羅宋湯。我選了較喜歡的千層麵，因為對大家樂的青口信心不大。畢竟呢個世界一分錢一分貨。個羅宋湯都幾細碗下，比大家樂正常的更小，都幾失望。蒜蓉包又無乜蒜蓉，都係果句，一分錢一分貨。千層麵係整定的，去到櫃檯即刻就拿出來。唔使等十分鐘。嘩，不過真人同上鏡相差好遠。我呢盆野已經散晒，唔講都唔知係千層麵。食落其實都OK好食，唔會太漏亦唔會太咸。只係上碟時的狀態極差。不過如果畀我選擇，我會覺得美心好食D。老婆無食pasta，食左免治牛肉飯。

忌廉海鮮焗飯 ~ 本來一心係諗住食意粉既 , 點知去到睇個餐牌竟然係冇 , 走去問下d stuff , 佢地話係office既安排 , 真係好失望呀 , 唯有退而求其次揀左一個忌廉海鮮焗飯做lunch , 點知真係"賴"哂野...好難食!!!首先係忌廉汁好淡又稀 , 而且個券飯仲好似縮左水咁 , 平時我一定食唔哂成盒 , 今日竟然食左幾啖就已經見底 , 所謂既海鮮就係得兩塊勁細既魚柳﹑幾條得一半既蟹柳同2隻手指公咁既size墨魚仔 , 加埋d椰菜同洋蔥做配菜 , 就收成$29一個餐 , 我寧願去食茶餐廳囉。