大家樂

营业中

休息中

午餐 見好耐無食過 叫左佢新推既太極鴛鴦炒飯 $36咋 外賣黎講 佢都好快 味道都幾好 都足料有五六隻蝦 應該為左多啲顏色 所以灑左幾粒青豆系面😅😂個人中意白汁個邊多啲😋呢個價錢仲包一杯低糖綠茶 好抵！

_______好味指數：🌟🌟抵食指數：🤑🤑大家樂其實真係好趕時間而附近除咗佢又冇乜嘢揀先會食，而我之前因為做gym要食得清淡啲，但又想食肉所以就去咗✅叉燒飯我叫叉燒飯一定講三樣嘢：瘦叉，少飯，走色。不過每次拎餐就算見到張單寫齊三樣嘢都有大機率漏其中一樣以上。可能係燒味師傅太忙，成日都見到得一個師傅係燒味部，要體諒嘅。而瘦叉又係睇運氣，有啲乾到好似柴咁，有時又直接比肥叉你，不過今次算係不過不失

鐵板燒當然冬天吃更加惹味， 這次剛好經過街坊店大家樂， 口痕想試鐵板牛扒就點了一個。這次我點了西冷牛扒加洋蔥汁。 牛扒非常嫩滑大概也應該加了鬆肉粉， 配上洋蔥汁， 非常惹味。 旁邊還有粟米和千島腸， 口感清新。餐廳環境非常寬敞，不過地方不算太衛生。

細個屋企樓下有大家樂所以成日幫襯，嗰時最鍾意就係食一哥焗豬扒飯！而家搬咗，同朋友出街食飯亦都唔會去食大家樂，所以都好耐好耐冇食過。上個禮拜出開中環，lunch時間度度都排隊，於是就走咗入去大家樂食回憶中好好味嘅焗豬。好可惜已經食唔返細個嘅味道🙁首先啲飯好乾，有啲乾到一粒粒會”銀”親啲牙，然後個炒飯底無乜蛋香，細個嘅時候個飯底係黃色㗎，今次個飯白雪雪，唔仔細睇都唔見有雞蛋☹️啲豬扒又好鹹喎，係得個可樂冇變過。

同事講咗好多次，大家樂嗰炸魚柳早餐好脆，最近日日食都唔厭。終於今日，我哋就約埋一齊去大家樂食早餐，個早餐名幾好聽：🐟🍳南冰魚柳配炒滑蛋，熱奶茶$33(我加多$7要個無糖麥片，同事仔就要咗個火腿通粉)我哋坐喺取食物櫃枱前面第二張枱，坐低之後，我同同事講：「我想要杯熱水洗下啲刀叉，疫情下，乾淨啲好啲」。點知佢一去到櫃枱，都未出聲，中氣十足嘅員工已經問：「你係咪要熱水呀，我聽到有人話要杯熱水」。咁誇張，員工出餐之餘，還耳聽八方！抵讚🤣👍！講返個炸魚早餐😆，個魚柳🐟真係好脆好食，炸漿不會太脆，蛋亦香滑，配個濃滑港式奶茶☕️，開心其實好簡單❤️。

今日行完街之後衰貪方便食左個好難食嘅晚餐同男朋友兩個人食左海南雞飯($54)同打邊爐餐D海南雞雪藏味好重,個餐湯又好重味精同咸,油飯就正常嘅...但成個餐都唔係好夠熱....個邊爐($69)就叫左莞茜皮蛋,有豬肉,午餐肉,炸魚皮,肉丸,菜同米線D午餐肉同米線煮左一陣就已經散開左...豬肉同菜都算正常,其他都係怪怪地咁所以都係可一不可再...同樣嘅價錢其實食到好多更好味嘅嘢,大家真係唔好貪方便...

大家樂的海南雞飯，約53-63元不算便宜，去骨雞泰式路線，醬料只有兩款，以椰香飯配搭。雞的份量偏少，外皮黃澄澄還泛著油光看起來十分誘人，挾的時候感覺非常地滑嫩，有點咕溜咕溜的感覺，吃起來口感真的是很不錯，雞肉外皮超滑，肉質也是非常軟嫩，以肉雞來說算好吃的。附有薑蔥及泰式辣椒醬，泰式醬的水準一般，淡淡的薑香及辛辣感能點出雞肉本身的肉質甜度，可惜飯只有椰香飯有椰味，並沒有傳統油飯的雞油香，略為美中不足。

好少晚餐會係中環大家樂食飯，今晚幫同事溫習，就相約大家樂，貪佢人唔多又夠光。 叫左個切雞燒鴨飯，d雞好滑，又唔會有血水，大家樂雖然連鎖式快餐店，但燒味質素其實唔錯，比好多燒味舖都好味

健康同低碳飲食好多時都貴，不過用心揀下其實都有平價啲既選擇既！如果想完全走碳水化合物可以直接叫佢走多士。食完要去做尖，所以就打算咬一兩啖多士。星期六中環既大家樂雖然無番工日子咁多人，不過都絕對唔少人。等自助落單等左幾分鐘，落完到拎餐都十分鐘。！！！注意！！！自助落單可以備注叫佢走汁！通常啲汁都多糖又唔健康的。份量做一個早餐都叫岩岩好。佢既雞扒好滑，連皮食既油脂已經好香，真係無必要要汁。滑蛋係有牛奶香，不過略嫌熟左少少。如果想 再低卡啲可以要煎蛋。不過下下都咁好無人生樂趣！多士我食左三分一塊，佢本身幾厚，食哂成塊會爆碳水化合物quota!

誰說快餐店食得嘅就只有例牌茶餐兼且用料普通。來到大家樂，你絕對可以合理的價錢吃到餐廳級的食物。最新有來新鮮食材配製作而成的海鮮焗飯，食時帶有濃郁的香蒜味，加上啖啖鮮嫩魚塊及豐富海鮮，鮮味十足，非常超值。大家樂一向嚴選優質食材，為顧客炮製佳餚，打造全新的美食，今次推出的新品是以新鮮海鮮配上香濃忌廉汁，入口散發淡淡油香；而每一口散佈滿忌啖啖的廉汁，搭上煙韌帶點溶化的芝士，令焗飯更有口感，包你食過翻尋味。

大家樂既燒味飯雖然唔算話好高質, 但勝左質素夠穩定一定唔會伏先! 今次叫左個tea set 細碗叉燒飯+春卷, 飲熱奶茶雖然話就話叫細碗叉燒飯, 但份量其實都唔會太細叉燒岩岩好半肥瘦, 每一啖咬落去都有肉汁, 好好味配埋食燒味飯必配既薑蔥油簡直冇得輸佢春卷雖然話得一條, 但一D都唔細舊, 材料亦都好足, 但就油左小小, 唔夠乾身佢D奶茶都唔錯, 茶味夠濃, 唔駛落糖都已經好好飲大家樂作為香港人平時食開既連鎖快餐店之一, 質素雖然稱唔上話非常好, 但總括嚟講算係唔錯, staff亦好好禮貌,繁忙時間嚟講好難得

未夠鐘食飯，又落大雨，不如去大家樂食D嘢，下午茶餐，而家真係幾好，有半份三文治茶餐，吳食得太多嘢既我啱哂吳會浪費，朋友就食炸🐔脾茶餐😊係咪區份吳同，食物質素都好D，之前係某區食好差，點解甘參差😨半份三文治➕熱🍋茶=下午茶時光炸🐔脾➕凍🍋茶=下午茶😬😬三文治—-焙烘程度適中，不太濃又夠烘焙的香味，入面有煙肉、火腿、芝士、生菜沙律醬，味道配合得恰當👌熱🍋茶——茶味夠濃郁，檸檬亦夠份量😊炸🐔脾——炸得夠脆又香口，肉質亦夠嫩，吳錯👌中環昵間大家樂都幾好坐，仲有兩層甘大，認真舒適👍

大家樂 (中環)中環干諾道34-37號華懋大廈地庫及1樓-----🤣雖然自己係屋企都可以整 但係公司三文治依然係b仔心愛ge下午茶選擇之一 唔好以為大家樂一定頹 超級脆ge多士 裡面有 番茄🍅火腿 厚蛋 生菜 芝士 煙肉 材料非常豐富 再加上份量適中ge沙律醬 個個美味而滿足ge感覺真係言語難述 🥰幸福就係甘簡單-----B仔整體評價：8.5/10個👍🏻B仔抵食程度：8.5/10個👍🏻B仔環境評分：7/10個👍🏻B仔味道評分：9/10個👍🏻B仔回頭機會：10/10個👍🏻-----

我真係第一次食一人邊爐！$70幾蚊係中環食晚餐已經好抵架啦😆😆😆我叫左豚肉同牛肉鍋，老實講，個d肉真係唔係好掂，不過呢個價錢仲要係大家樂，不可強求d咩既。當係體驗下一人邊爐啦

今日真係做到好辛苦，喺中環放工，一支公唔知食乜，天口涼涼地，想自製「小確幸」，梗係打邊爐。唔係特登想食大餐家樂，但夜晚嘅中環，真係冇乜好食，要食平民嘢，快餐店真係一個幾好嘢選擇。大家樂有幾好食？心照啦，都唔明點解咁多人寫食評，咪又係工場整出嚟，畀分店翻熱之嘛，平民價錢，唔通好食到識飛咩？大家樂打單先搞笑，我嗌個X3餐，美國榖飼牛窩，轉個烏冬，加個檸樂，八十大元。坐定定等攞餸，佢個系統係食物還食物，飲品還飲品，亂到七彩，有個客坐低先翻轉頭，同水吧阿姐講畀漏兩杯嘢，仲俾阿姐鬧，都幾好笑，但食大家樂，預咗㗎喎，你估五星級酒店呀？相反，點火個阿姐好細心，雖然其實都係真係資深嬸嬸，搭地鐵都就快可以兩蚊。佢醒目嘅程度係一個眼神就知個客要點火，點火出手快，快得嚟又唔粗魯，唔粗魯之餘仲要好禮貌，令我對呢間大家樂完全加分，忘記出品部嗰種粗聲粗氣。食物方面，冇乜特別，味精水浸熟啲食物。唯一值得提，係粒唔知咩雲吞，細粒過魚旦，如果人手包嘅話，都幾嘥工夫，細粒到如畀一個正常男人，食五十隻以上先有機會飽。