大家樂

营业中

休息中

有陣時食野食到悶悶地都吾知食乜好 就夜晚黎左大家樂食 ，貪佢快靚正，價錢又唔算太貴，由細食到大，有湯有包有汽水有肉有面，良心食市，而且款式多多，有中式嘅炒粉麵飯，又有西式嘅扒餐焗飯等等

焗豬扒飯係我其中一樣喜愛嘅食物。前幾晚就嚟咗位於土瓜灣北帝街嘅大家樂食晚飯，見有焗豬扒飯，當然唔會錯過啦。所以就點咗一個厚切焗豬扒飯配熱鴛鴦，一共$47。焗豬扒，非常大塊同厚切。表面加有蛋漿，食落一啲都唔鞋口，而且入味得嚟肉汁好豐富。配料有菠蘿粒、番茄及青豆，個番茄醬汁非常惹味，飯亦係炒完之後先至攞去焗，所以特別香口。呢個焗豬扒飯我絕我覺得絕對冇得輸。熱鴛鴦味道亦好唔錯。呢度嘅焗豬扒飯，我絕對會再返嚟幫襯。

今晚又是一個人吃飯，在街上行來行去，都不知道要吃什麼，又在想起大家樂的一個豬扒飯，便去吃。當我去買票時，發現一哥豬扒飯又再加價，連飲品要$47 ，心裏有點不舒服，因為今次已經是由2018年，不知不覺加了多少次。拿到了豬扒飯時。發現表面的豬扒好像有點不同，當我撥開了面頭的茄汁之後，發現豬扒有個盤那麼大，而且非常之厚。原來大家樂已經選用了另一大塊的豬扒，而味道亦都唔保持得好好。這個令我非常喜歡，下次有機會再吃。

今天中午返完教會之後，回來土瓜灣，有點肚餓，不知道吃什麼，便來到這裏。這裏的下午茶有很多款式，粥粉飯麵，三文治樣樣都有，我今天選擇了叉燒燒鴨米粉，另加熱咖啡$30。叉燒偏瘦，而燒鴨皮脆肉嫩，湯頭非常之熱，算是一個不錯的燒味米粉餐。咖啡是的滴漏咖啡☕️，味道帶點甘，是我非常喜歡的味道。

自從對面大快活開咗之後，呢到嘅客好明顯分簿咗。咁清靜d都好嘅，嚟食下午茶啦。自從上次食話公司三文治d料好簿好少，隻雞翼又唔熟之後就無嚟過喇。下午茶嘅餐牌有更新到嘅。個細叉飯都係繼續好水準，飯香軟加埋叉燒汁好好味。叉燒半肥瘦係好嘢嚟，諗嘅唔乾唔硬。熱齋啡係正常嘢。隻雞翼凍嘅。算。啱啱好熟架咋，唔多掂...炸雞脾都係正常嘢，落咗好多味料，不過都仲食得嘅。個沙律唔好睇，太少紅色橙色，蘋果得兩粒，大部分係薯仔，仲有好多沙律醬。汽水係正常嘢。呢個飯都係正常嘢。可以食。見到人地點嘅公司三文治好正，最少有兩吋厚，d料見到多同菜新鮮。烤好靚，好想試。下次試下先。不過隻燒雞翼真係可一不可再喇，支持唔住... ...

我以前不嬲都好鍾意飲大家樂嘅咖啡,覺得佢係好香好滑,但係我今日居然好失望,杯咖啡一啲咖啡味都冇好難飲，諗佢哋嘅出品有問題應該要改善下😡， 仲有要提一提有啲服務員嘅態度都係麻麻， 除咗收銀小姐有禮貌之外， 公司要檢討下啦🙄

今晚又來到大家樂，為的又是豬排飯$467連咖啡或茶，一路吃都無事，直到吃到近骨的地方，入口時，發覺有些不妥，吐出了見到有根，以為無事，點知再看骨位，發現有紅色的，應該未熟晒，不過已經吃到尾聲，如果唔係我一定去換過。😱😱😱😱😱😱😱

每當我肚餓，我都會不其然地想起大家樂的厚切焗豬扒飯餐$47連熱咖啡。芝士、蕃茄、洋蔥、菠蘿、青豆鋪滿了整個碟，芝士經過烤焗之後，散發濃郁的香氣，配合洋蔥、菠蘿令到成個豬排飯層次豐富。而蕃茄汁香濃得來又不會太利害，豬排🥩的厚度不是太厚，只算是正常厚度，不過size都鋪滿個碟，豬排表面經過炸和焗之後，軟軟的表皮保存了肉汁，吃落不會太乾身。今晚排隊取食物時，發現同一時間有幾個客人同時購買豬排飯，所以我一直覺得大家樂的厚切焗豬排飲，是市面上極具競爭力的産品。

晚市食到口淡淡，就食大眾化既大家樂，但其實而家大字頭既快餐店，價錢已經唔再大眾大部份街坊都叫d性價比相對高既菜式例如焗豬飯，碟頭炒飯咁，而我鐘情燒味不過呢間分店我食過好幾次，每次收銀都係做得好差，落單落多兩個餐就搞唔掂，問完又問，有個肥既女經理大大聲係水吧講同事事非，試過掛住傾計個客差杯野飲都沒沖..但我都係叫燒味一望就知點解，特別再執過，燒味師傅態度好，自己斬完自己上埋餐盤，呢日我好彩咁岩有鴨比雞比，利申唔係次次有，但就算唔係比都好好味據我所知大家樂全部燒味都係執己燒，只不過差在邊間分店自己燒，邊間第二間分店燒好送來，大家樂既白切雞🐔真係嫩滑開，間間都係，滑得黎肥美，唔會話好似一般燒味舖咁個骨位血淋淋燒鴨都好香濃，配埋格離d炸花生🥜好香酥脆要提下晚市食呢個餐有一個位留意，咁多年都係咁，燒位雙拼套餐係貴d，因爲唔係碟頭燒味飯，唔係頭頭尾尾之外配埋老火湯，白飯，普洱茶包茶，如果好似我咁加特飲係貴d，因爲唔係轉配野飲，係加配，杯普洱茶沒得唔要不過建議點都keep返杯茶，因爲食食下就發覺其實杯茶好消濟，話曬成個套餐都沒菜，但燒味質素貞係跑贏！仲有個老火湯，堅足料，老黃瓜豬骨扁豆湯。

新年不是很多茶餐室開，這裡一年365日都開，環境不是豪華，只是簡簡單單，平日很多上了年紀的爺爺奶奶在這𥚃坐，因為有空調，又不會趕。過年期間，它不會加價，不過會將平日的下午茶套餐，加了沙拉，再將價錢提升。今天我要了熱狗、沙拉、雞翼，$39，包熱飲。熱狗用上芥末沙拉醬，有芥末味又有酸甜味，我好喜歡，至於熱狗腸，外皮脆，非常好吃。沙拉就係蘋果薯仔，沒有甚麼特別。雞翼外脆內軟，咬開有汁流出，味道剛好，掌握得非常好。

今天上午忙到午飯時間都過了，惟有出去大家樂外賣個下午茶醫肚下午大約二時半到了店內，食客不算多，買了燒鴨瀨粉，配個粒粒紅豆冰，三十大洋重有找，抵食！燒鴨瀨有五、六件燒鴨，重係有脾有胸，絕不肥膩，味道不錯

在現今百物騰貴的都市，一餐飯起碼要50－60蚊，就算自己買餸煮飯，都要30－40蚊，又要洗又要煮，唯一好處就是可以多吃蔬菜及新鮮的肉類，而有些做法要求很多廚具，好似做一個焗豬扒飯，就之少要一個焗爐。今晚焗豬扒飯癮發作，又來到大家樂吃它，其實我點解咁欣賞大家樂的豬扒飯，因為它的飯面有芝士粒和新鮮蕃茄，再加上已經加工過的茄汁，更加令這飯變得更香。至於豬扒是連骨的，豬扒經過炸過處理，再放在飯面上面，雖然已經唔脆，不過反而更加好味👍另外我都幾欣賞果杯咖啡的味道❤️飯連飲品共＄44，都算好值得😋

通常我唔知晚餐食甚麼，我都會記得大家樂一哥焗豬扒飯，因為質素有保証。仲要＄43，包熱飲，現在已經超值啦！😁估唔到今晚的豬扒飯，有一件半豬扒，平時都只是有一件的。所以今晚食得好飽。😋溫馨提示：千祈唔好叫外賣，因為會少D份量。

為左省錢所以下午茶當晚餐，今日去到大家樂嘅嘅時候5.45，人唔多，好快就有得食。我叫左一個$26嘅燒鴨湯米粉配熱檸水。賣相唔錯，菜心睇落都好新鮮。燒鴨唔算多，而且都幾多骨，而米粉份量剛剛好夠我食。

每次去到大家樂都想吃它的豬扒包，因為之前吃過它的炭燒豬扒包覺得好正，所以好想再吃。而我已經試過見到水牌有豬扒包，而最終係冇，要轉沙爹牛包。今天終於有了，我當然要叫，包＋飲品共$24，算平，😋😋😋當我咬了一口，就知道同我之前有好大分別，因為之前係炭燒，今次係炸的，雖然都算不錯，可惜我都有D失望。