大家樂 (已結業)

11.1.2007 (Thur)晚市蒸飯套餐 配搭原盅燉湯/原煲老火湯+ 燕麥米蒸飯+ 油菜/上湯浸時菜+ 中國茶原盅燉湯：- 淮杞海螺燉豬- 人參雞另有4款原煲老火湯，每日輪流推出：- 赤小豆粉葛鯪魚煲豬- 花生眉豆煲雞腳- 杏汁粟米甘筍煲豬- 青紅蘿蔔煲牛4款燕麥米蒸飯，每日輸流推出：- 花菇鮮雞蒸飯- 南瓜豉汁排骨蒸飯- 鱆魚花菇雞粒蒸飯- 馬蹄肉餅蒸飯(配鹹蛋半隻) 我當晚揀了人參雞燉湯& 花菇鮮雞蒸飯，而當日油菜係白菜仔。個人參雞燉湯油比較多，但有好濃湯味，而且有好多雞件，都o.k.。花菇鮮雞蒸飯好大碗，1個女仔應該食唔晒，熱辣辣，而且燕麥米蒸飯好有咬感，雞件亦好好味，唔錯。碟油菜都好大碟，而且佢將蠔油分開上，非常好！總括講，以$34食到一個水準以上晚市套餐，大家樂真係做足100分！

(3/7/06)靚靚大家樂,貼牆的二人座好舒服。我食咖哩龍脷柳飯,唔洗等就有,賣相好靚,龍脷柳煎得金黃色,好有蛋香,可惜味道較咸。咖哩薯仔o岩o岩好。朋友食排骨菜飯,在counter等左好耐,(乜呢度唔係快餐店黎架咩?)仲係話炸緊,我見隔離女士,等另一樣野都等到忟,雪糕紅豆冰都溶埋,幸好店員好樂意換過杯。我o個杯熱檸茶,也被主動換過杯熱既。咁個菜飯ok啦...,排骨就唔似上海做法,似炸豬排而已。好味就得喇。

同男朋友去海港城行去好累好累,想去下午茶食點東西.大家樂執過成為cafe,整得幾靚.男朋友食茄通/多士炒蛋,男朋友話茄通淡了少許,但都有好多蕃茄,多士不熱,但焢到金黃色幾靚,炒蛋混埋栗米一起,幾好味.我食的炸魚沙津好得呀,炸魚熱騰騰,外脆內軟.用來點炸魚的沙拉醬有蛋白0係入面,好食呀~ 另外個沙津就全部都係沾滿沙拉醬的薯仔,薯仔新鮮,好味,所以男朋友食哂:]另外紅豆冰幾甜,不會太多冰,但紅豆不夠多.其間男朋友拎野食時見到個食客拎兩個合味道柸面去柜台要求職員"JUMP 滿佢" ,個職員同我男朋友都O 了咀,不過最後都JUMP 滿了比佢,我見到個男人仲要拎住個托盤托住番埋位,真係笑死我.

有一次,我同我太太,同我既son去美孚間大家樂吃lunch,我叫左碟白汁大蝦牛肉炒意粉,我太太同我既son就share一碟炒飯,當食佐一啖,就發現一粒芝麻'禁'細粒既蟻,個waiter好似唔想換個碟,就行返去美孚總站開工,(途中我食緊煙)有個大家樂既waiter跑過來撞跌我支煙,好似想同我道歉(食物有蟻),之後就無端端返上去,跟住我同班同事講,佢地話大家樂D人係'禁'衰。

以前兩間大字頭既快餐店好似好難分高下，但近年大快活真係進步唔小，相反大家樂就算無退步都可以停滯不前，真係唔知點去評好，春卷個底太多油，麵包唔多新鮮，隻燒雞翼得熟唔均勻，見佢十五蚊算平當佢合格啦，比足面

試過lunch 食飯,人又多又難揾位,連個飯難食,淋晒咯!可能太多人做唔切,個飯都好似未夠熟就要serve俾客,差左d!但係晚巿就好好多啦!個餐上面d配料都放得好好,感覺截然不同!

大家樂既集團式經營好唔好食就唔講喇, 係人都食過啦!不過呢間就真係我見過最有效率既一間, 可能因為營業高啦, 又多人做野, 廿幾人排隊都唔洗10分鐘就攪點晒!! 趕時間都無有怕!!

食左個公司三文治餐連紅豆冰,等都唔駛等... 個公司三文治整得幾求其...個籃上面有d珍珍薯片, 少少奇怪...餡有蛋(勁薄), 蕃茄, 生菜同火腿,(包係烘底)紅豆冰依然好味...$20都唔駛可以食到你飽, 一試無防,我下次試燒味先!

昨天係度食tea,叫左厚多士+6蚊一碗雪菜肉絲米,厚多士一般水準啦,我最suprise係個肉絲米,的肉絲唔係就咁掉落湯水裡面烚熟,而係炒或煎過架,因為我見到有被炒或煎過既微黃色,無諗過佢地會咁樣煮囉,即時令到碗原本平平無奇既米粉變得美味,抵讚,有誠意既做法要加分!4分係比佢地既誠意,希望keep住啦!p.s 昨天見到有4個印巴籍人士叫了2份燒味飯,佢地因為有4個人食所以要求加飯,我見到加左好多飯比佢地,真係抵食囉,即時令我想起係呀'活'食飯既經歷,差好遠.

想講星光行地庫嗰間......晚餐時間叫咗個即炒小菜套餐「上湯浸菜膽雞」,初時有啲期望,以為用砂鍋上,點知我誤會咗,原來只係隻碟上面放幾條菜加幾件雞浸喺上湯咁樣,一夾起條菜放入口,凍嘅,再夾件雞入口,又係凍嘅,夠膽死重話即炒,少少暖都冇,重要賣$34,搵笨!橫掂都係食凍雞,早知食海南雞餐好過!

今晚又嚟大家樂開飯, 上次試左沙樂美腸肉醬意粉, 今次試鮮三文魚芝士汁意粉.賣相一般, 個汁冇咩芝士味, 似白汁多D. 三文魚肉碎濕濕, 有D"鞋", 相比肉醬意粉好食D!!

星期六下午一點九去到，水牌上已經有好多午餐款式「售馨」，如果唔食燒味，都冇乜你揀。我知兩點鐘開始下午茶時段，但係呢間店位處遊客購物區，大把客，當時真係全場爆滿，有好多人排隊買午飯，駛唔駛控制午餐供應數量咁緊呀？！講番食物，叫咗叉油雞飯，燒味普普通通，但係啲飯就好硬！

同媽咪Shopping後, 又係時間食晚飯叫左小菜套餐:蟹肉羹- 清清地, 唔錯! 金盞粟米班塊- 賣相幾好! 用兩塊類似春卷皮墊底, 班塊好有口感, 再加埋西蘭花粟米粒, 真係唔錯既配搭.楊枝甘露冰- 多料....正!如果唔係敢大食, 兩個人share一個套餐已經好夠.

點解呢間大家樂咁唔pro 架? 尋日星期日行完街, 諗住食d野, 又未夠兩點, 諗住等佢一陣啦。點知一等就等到變長頸鹿!真係不得不投訴佢。話晒都係尖沙咀top 既商場, 每日都有咁多人幫襯佢, 做野咁d次序既。等緊果個亞姐上"下午茶"上牌既時侯, 等都等到火滾! 拎住個牌來來回回, 都唔知佢想點。擺左上去, 又除番落黎掛落一格, 呢個動作不知重覆左幾多次。有個類似高級少少既亞姐, 望住佢掛牌都唔幫手, 向度指指點點。指指點點係冇用架, 動下d 手腳啦。呀! 不過老實說, 佢都唔算冇幫過手, 有幫佢整過一兩個牌, 掛番落下一格架。收銀又收錯錢, 一個焗豬飯兩點半後收幾多錢又攪唔掂, 仲有冇焗豬飯又冇記住。總之換黎一肚氣!灣仔胡忠果間, 好pro 架, 收錢又快, 比食物又快, 連幫手整外賣袋果個亞姐( 人家個年紀仲大過尖沙咀果邊)都好快手, 好醒目。唔該再培訓先比佢去尖沙咀做啦。

今日食左扒香草雞胸紅米飯伴荔枝燒汁～係個少油既健康餐！個雞胸好似係煎既，但好明顯真係比平時少左ｄ油wor~仲有d 菜伴碟~um~唔錯!唔錯!０岩哂ｋｅｅｐ　ｆｉｔ一族！$27 有埋野飲,都算係咁啦!