大家樂

营业中

休息中

晨咁早入屯門寶田邨，發覺寶田邨係無乜嘢食，就同朋友過隔離良景廣場食早餐，去咗大家樂，算係穩穩陣陣的選擇，而家大家樂早餐啲價錢高咗好多，啲配搭又唔似餐廳，又唔似茶餐廳，唯一好處就唔使等位。睇咗幾轉餐牌終於決定到食甚麼，其他真係唔多啱食，就叫咗兩個中式早餐，相對豐富，有皮蛋瘦肉粥，粥好綿滑以粉開，不過好食就得。炒麵夠味，麵質就普通，加甜醬好食啲，蘿蔔糕有一條條蘿蔔，仲有粒燒賣同迷你油炸鬼，味道係正常，只係豐富咗個早餐同多樣嘢食。

尋日去咗大家樂嗌咗個叉燒四寶飯🍛。呢個四寶飯包括叉燒、紅腸、雞翼同埋半隻滷蛋，加埋翠綠嘅小白菜，睇落好豐富😋。首先講叉燒，雖然唔係最頂級嘅，但都算有肉汁，唔會太乾。紅腸切得厚薄適中，口感唔錯，味道偏甜🍬，同白飯配埋一齊食幾好味。至於炆雞翼，軟腍得嚟唔會過腍，調味適中，啖啖肉汁，真係好滿足。滷蛋切開半隻，蛋黃係半熟，滷水味道滲入蛋白，幾有層次感🥚。飯底係白飯，煮得啱啱好，唔會過硬亦唔會太糯，配埋上面嘅餸菜，食落去好有口感。小白菜亦唔錯，保持咗爽脆嘅口感，同油膩嘅肉類形成咗對比，食落去唔會覺得太膩😌。整體嚟講，呢個叉燒四寶飯係一個唔錯嘅選擇，價錢合理，味道唔錯，份量亦都夠飽，會推薦俾鍾意食叉燒飯嘅朋友們👍。

午餐到大家樂食，居然出左我最喜歡的鴛鴦炒飯，仲要37元包飲品，仲要仲要包杯低糖綠茶喎！好抵食呀！不過飲落都唔係低糖架啦！對我黎講岩岩好，唔會無糖咁唔好飲。衣家想食鴛鴦炒飯就連去酒樓都唔係咁易食到架！唔知大家樂係咪玩經典酒樓風呢！兩種口味既沖激感真係好正呀！😂而另一款就係金菇肉絲燴伊麵，衣兩款都係細個時去飲茶午餐必點之食。

之前一直都有食開大家樂既TEA SET，因為佢地既TEA SET有好多CHOICE，有燒味瀨粉，西多士，炸雞髀，公仔麵等等。而且價錢方面唔貴，都係HKD$30 - 40就有交易。見今日8號風球，又好耐未食過大家樂TEA SET就諗住再食返一餐。點知...水準已經下降了。首先講講個主打炸雞髀先，以前都好好食架，雞肉滑又多肉汁，不過今次就炸到好乾，又冇乜肉汁，同埋D肉都好「鞋」啦。西多士都係呀，冇左脆口既感覺，得返笠口既感覺。但係值得一讚既係凍檸檬茶，個茶底可以話係VERY GOOD。

6月5日晚經過良景，見好耐無幫襯大家樂，諗住去睇吓佢有咩新茶式，點知衹得燒味、鐵板、焗飯和湯飯，當下都好失望，但因唔想周圍搵野食，就入去點咗個諗住會好穩陣嘅(脆爆燒肉四寶飯)，第一啖食嘅燒肉衹覺好咸😣😫然後覺得好韌😑，佢話嘅----(脆爆)去咗邊?而其他如紅腸和雞翼都係得勁咸!連嗰半邊咸蛋都係乾淨淨!🤨咁我點食呢？而我老公嗰碗鴨腿湯飯，D鴨腿勁鞋😟熱檸檬水面有層油點飲🙄🤨以後打死都唔會再去幫襯!!😤

小弟不幸患上上呼吸道感染，病住咁落樓下搵早餐食。由於炒麵同蘿白糕都係我既至愛，所以無視醫生既叮囑，直接落單點咗。食物：鼓油皇炒麵好有童年回憶，我覺得幾好食，味道甚至比茶餐廳出品更好。蘿白糕估計係煎好後，用機保溫，所以唔係熱，只可以話室溫。感覺不過不失，咬落尚算有口感。火腿我諗無咩好comment，只可以講無燶位，所以好環境：早餐時段，人流稀疏，多數四人位只被一個人佔據。但大部份空位留有上一手食客的餐盤、廚餘。

今天休息，一個到到附近商場辦年貨，清早起來心開朗，食番個早餐讓自己嘆下世界都好！屋邨最經濟實惠莫過於係大家樂早餐，廿幾蚊野，都食得好滿足，呢度D奶茶咖啡又夠水準，不過近來腸胃差，今日轉飲凍檸水做早餐啦！隻蛋好好食，大陽蛋半生熟，蛋汁最正啊！另外個蘿蔔糕，又夠蘿蔔味，但係無咩臘味，瑤柱咁，扣左少少分，不過份量夠，好飽肚啊。凍檸水普通野無咩好講，但係呢間服務一流，D啊姐收野好快，又有禮貎，加左佢唔少分。早餐咁抵食得過。

每年都要期待下大家樂既打邊爐 就有如老麥既蝦堡一樣。不過又貴左啦，咩都貴😪。叫左個　x2 .肉都ok 唔算太柴皮。但打邊爐最重要係咩呀，咪就係湯底。煲左好耐都無咩蕃茄味😩 仲要煲多陣都無晒湯 要加呀姐d清湯。唯有點豉油搭夠。個福包其實真係唔係咁好食。可以不要👹

早餐來來去去都是那幾款，好久沒有吃中式的，於是外賣自取了糯米雞回家。店員態度不錯，臉帶笑容。一哥糯米雞＄28 連熱飲糯米雞拳頭大小，材料包括雞翼一隻，冬菇半隻還有蝦米⋯⋯一粒，醬汁感覺是蠔油。糯米：偏硬，份量蠻多，但竟然荷葉香味，。雞翼：一隻，醃製過，有味道但肉質偏硬。蠟腸：一片，半肥瘦，不過不失。冬菇，蝦米，醬汁：正常，但醬汁偏少。凍奶茶：沒茶味，也沒奶香，還好夠凍。以糯米雞來說，像是拿雞翼來當噱頭，卻忽視其他東西，個人來說，沒荷葉香味的糯米雞直接稱為糯米飯比較好。價錢來說$28,足夠飽還有飲品，不能要求太多，以附近來說，有更好的選擇也不屬於抵吃的範疇。而且這質素並不能稱為一哥。最後附上官網現實對比照。不能要求100%一樣，至少，醬汁能否給多一點點？

早前有事放下午假去了屯門良景邨,就約了屋企人在屯門良景吃午餐，因為對良景不熟悉，求其揀去快餐，剛好經過大家樂,良景分店不算太旺,我們揀了麵食系列，我已經少去大家樂,覺得又貴又不好吃，看下良景得唔得,這間客人少,坐得十分舒服，我覺得今次這個新系列出奇地又OK ,豬軟骨就麻麻地好吃，豬軟骨肉質口感有些小鞋,反而個麵又OK,奶茶尚算OK,環境又幾好,地方夠大坐得舒服，服務都OK食物水準豬軟骨麵，豬軟骨味道麻麻,反而麵OK好吃，湯不算太咸,味道清清地又OK奶茶，我覺得還可以，奶夠滑茶味亦夠油菜，我覺得一般服務我覺得OK環境這裡幾好價錢50元,還可以接受番吃未必再去

在天澤商場大家樂第一次食豬扒包下午茶餐，同事果然冇介紹錯，豬扒不是乾柴，好厚又嫩，配洋蔥同醬汁，好好味今日食過翻尋味，喺良景商場大家樂再叫這個餐，但完全兩回事，豬扒仍然係厚身，但個包係冇醬汁，而且洋蔥係生嘅，配指定湯粉，今日係火腿扭紋粉，但連個湯粉都係淡而無味。雖然明白每間分店嘅師傅水準不一，但相差太遠，實在令人難以接受

材料不錯，牛肉和豬肉份量足夠。如果有海鮮選擇會更好。湯水有番茄湯，沙嗲，和豬骨選擇。豆腐乾比較差，如果用純豆腐會比較好。水餃一般，是豬肉水餃。炸魚皮幾好，跟出面吃的差不多。烏冬是給一個份量，一個人吃絕對夠。

細碗叉燒飯雖然只是少少的一碗飯但是飯很多所以吃一碗已經很飽了~叉燒不算太瘦質感還可以~雪菜肉絲米粉...有很多肉絲而且米粉的量也不算少…叉燒湯米粉米粉量不算多可以接受…柯華田奶很少不夠奶味…

紐西蘭爵士牛扒我喜歡吃澳洲和紐西蘭的羊扒，那種羊膻味和嫩滑口感真不錯，放進烤爐，不需要添加任何調味料也覺美味。這次吃的是紐西蘭的爵士牛扒，廉價餐的牛扒一般都加了些蘇打粉或鬆肉粉，牛味淡薄或是全無牛味，不過次吃的牛扒在廉價的牛扒餐之中算是不錯，也有點牛味，肉也細嫩而只有2、3處有些硬的根部，那黑椒汁也調得美味。價錢比家附近的茶餐廳便宜而且味道好一點，份量就是茶餐廳的多。要吃牛味濃郁的安格斯牛扒，當然不在這裡，但吃廉價的牛扒餐，這裡是不錯了。

萬萬想不到，自已會在大家樂獨個兒開飯，太耐未試過一個人食快餐店，感覺有點失落，但總算有自已心水選擇。大家樂午市通常也有蒸飯系列，趁學生潮未到，快手買了個章魚雞粒肉餅飯。價錢有點貴，但對住我這個飯桶來說，份量也有點多，而且章魚的硬身彈牙質感在肉餅中起了重要角色，飯粒總算分明，加的是包裝煲仔飯豉油，不知不覺，竟然差不多吃清光，才發現自已飽得撐。食物中規中矩，但服務要一讚，因呀姨要兼包裝外賣與執檯等工作，但禮貌很好也很盡責，即使遇上學生潮也保持笑容，有傾有講，中上的快餐食物加上好的服務，還是給個笑面吧。這商場的翻新開始成型，連譚仔也有，又傳有金水壽司?!會不會將來連吉野家也有? 但從人流來看，知道所有街坊、學生都是繼續擁護新裝的祥景較多，人情味濃。