大家樂

营业中

休息中

其實我覺得以前嘅鐵板餐真係比而家嘅鐵板餐好好多 以前係酥皮湯加粟米 而家唔知點解變咗一串唔知係未薯片咁嘅嘢都唔知咩嚟（串嘢仲超級熱氣），強烈要求變返粟米 唔好再整個串野就最好啦 唔該哂～仲有收銀員嘅態度可以好啲

呢個商場唔多嘢食，其他嘢都唔係好敢試，所以就揀咗大家樂。從來都未食過咖喱雞髀飯，不過我記得大家樂嘅咖喱係幾好味嘅，所以就試吓。果然冇令我失望都係呢一個咖喱汁個咖喱好香好濃，而且個雞髀好嫩滑。

突然想食咖哩牛腩飯，附近得大家樂只可以揀大家樂啦🤣🤣除左叫左咖喱牛腩飯仲加錢要左羅宋湯🤣白飯好多，仲有唔少蔬菜添，但蔬菜冇咩味要加埋咖喱汁先得！！咖哩牛腩入面薯仔好大舊，薯仔好食，唔係完全煮得好淋個款，仲有少少爽口既牛腩有牛味，但份量都多既但唔大件，偏細舊🤣🤣羅宋湯唔係好夠熱，味道嫌淡，咩冇味！！睇佢顏色好紅以為好夠味，但原來唔係咁🤣🤣但入面蔬菜都好多入部都好軟淋！湯既蔬菜同飯既配菜係一樣🤣

今晚未夠6點鐘就食我既癲拿😍食肥牛鍋十下十下($52)😎Yo~一個人打邊爐又有咩可怕2018年無打過邊爐🤔2019年今日至打返😏今次揀左沙爹湯底辣死寶寶了😑食晒好飽沙爹湯好香濃唔駛加湯食到最後食物方面都算新鮮我好介意就係拎我個牛鍋個陣問水吧職員拎杯水時，個水吧職員竟然叫我"阿姐"😡😡😡其實我好後生年紀仲細過呢位職員大嬸好多年仲要大大聲同我講後面有水自己拎我覺得個職員好無禮貌好似驚死其他人唔知我要拎杯水咁個職員講完就拎左半杯熱水俾我😒

最近突然想食焗豬，去過唔同餐廳食過都係覺得唔滿意。思前想後，應該都係大家樂的一哥焗豬最好食，哈！果然冇令人失望！😊😊 蕃茄汁、蕃茄粒、菠蘿粒、抄底飯、有蛋包住的原塊豬扒，味道平衡得很好👍🏻👍🏻😋😋😋好耐以前都黎過依間大家樂一次，上次衛生很差，所以有一段時間冇黎。今次黎整體衛生感覺好左，最難得係食物盤都係乾淨的，真感動。叫野飲要加6蚊唔太抵，隨餐唔叫野飲都有杯茶，43蚊咁豐富算係咁啦😆

以前好中意去大家樂食紐西蘭牛扒，無他，喜歡啖啖肉的感覺，時隔一段時間，今天再去。這個餐已經變了種，以前我記得有意粉和餐包配，比較港式，宜家配酥皮湯同牛油粟米。以前賣五十幾，宜家賣六十六元。我要了黑椒汁，等了差不多二十分鐘現有得食，大堂經理都忍唔住要催廚房快D出個餐。件牛扒依然大件，厚身，有肉質，嫩，一貫港式牛扒風格，鐵板夠熱，淋汁後吱吱聲好high，黎大家樂食牛扒就要這個感覺。個酥皮湯我覺得一般，因為個湯太淡，無味，酥皮好容易食到周圍都係，比較鬧攪。個牛油粟米一D牛油味都無，好似就咁滾熟，而且粟米無甜味。個扒是好食，但個湯同粟米就認真麻麻，我都係覺得以前個餐好D，我寧願加錢但餐不變。

今天午飯在樂華商場大家樂吃飯，可能由於暑假，午飯時間空位還是很多，也好，不用逼。我們點了兩個餐。粟米肉粒飯陪熱阿華田 $40。粟米肉粒飯的配料有粟米，青豆，豬肉粒，打了個很稠的欠，作為午飯，配飲料才40元，我認為可以了。洋蔥雜扒飯配茶走 $46。洋蔥雜扒飯配茶走，講明雜扒，起碼有三樣，就三樣，不多也不少，一塊雞扒，一塊豬扒，一條廚師腸，配洋蔥汁。先講個汁，洋蔥味不太突出，似是燒汁多D，雞扒和豬扒煎的幾香，腸仔就是普通腸仔一條。反而茶走好飲，茶味夠，練奶也多，出黎效果濃郁。

有近三十年歷史的樂華商場 （lok wah commercial center) 近日大裝修，不少食肆都關門易主，令到附近上班的商場租戶，老師學生，以及街坊們，都搞到“無啖好食”！好彩，樂華村間大家樂仍在，而且食品質素不錯，更重要的是人流較同區大家樂為少。想舒舒服服hea住食個tea, 會是一個不錯選擇！P.S. 大家樂的21元懷舊tea set, 紅豆冰加西多，吃出童年美味和回憶！

最近睇電視，大家樂有個新廣告，有貼地男神咁岩經過大家樂，幫襯下先之前介紹過大家樂超值下午茶，價錢抵之餘又好味，今日試下燒鴨瀨粉。有成六件燒鴨，當然每件細細舊啦！燒鴨皮唔太脆，浸左落湯度更淋，師傅算有良心，肉多過骨，肉好大陣燒鴨香味，但肉有點鞋鞋地。湯似乎係滾水沖，所以自己DIY，落美極調味此餐最抵就係杯紅豆冰，大大杯，奶同紅豆都份量適中，冰唔會過多，紅豆雖然未至於起沙，但都好淋，不過不失

1，餐具要自己取餐具，村內客人都是上年紀多。2，員工態度差，問左兩個員工攞杯茶，足足問左3次先有回應，第一個聽到我要求要杯茶，之後扮作聽唔到，我知她扮作聽不到我，第二個亦是一樣，隔左20秒我再向她說，她才拿杯茶給我，我看得出不是忙，而是管理十員工有問題，一間上市公司内的員工，穿上公司制服，对着客人每講一句說話和对客人溝通的態度都是代表著公司的。3，在購票則的顯示屏為什麼沒有下午茶特價餐，如$23.....，而其他大家樂就有，這給人感覺生意手法有問題，而村内居民在不願見之下只好接受。4，至於食物方面，食才也新鮮，味道適中，与其地區的大家樂差別不大。5，價錢方面在村内与其他食店比較亦算ok。

真係好耐冇黎過【大家樂】了，午飯時間經過就入去食試試吧。就黎碟【豬扒肉燥飯】跟【羅宋湯】吧～肉燥味道不錯的，味道冇乜特別，但調味適中冇過鹹太淡，肉燥口感軟軟的，送飯一流，表面仲有蔥花呢 半只雞蛋一睇就知道老咗少少，但快餐店嘛，要求唔好太高，拌入啲肉燥度送飯食其實ok的～ 講真一句，豬扒味道真係唔錯，軟軟，熱辣辣的，幾香，炸得亦唔錯，冇炸過火 就係細塊啲囉跟餐嘅羅宋湯就差少少喇，味道唔係話差，但覺得味道單調咗少少，可以配料唔夠新鮮，味道唔夠出吧 飲完亦覺得有啲口乾乾的。整體味道不過不失，但相對直接對手嘅水准黎講，冇衰到好似亞視咁已經好好了

跟男友到大家樂吃滋味"花生醬西多士"選配了紅豆冰~夏日炎炎~飲杯紅豆冰, 確是一大樂事!西多士炸得香脆, 不錯不錯!!~而紅豆冰的紅豆還是煮得不夠軟, 但凍凍的,甜甜的, 配上好味西多士已很滿足!!

間中都會嚟呢度開餐，一哥焗豬扒飯好多時都係我在大家樂嘅慣性選擇．無他嘅，都係因為：份量固定　（唔驚唔同鋪會唔同量）味道一致　（呢個真係要讚，出咗咁耐都無走樣）但係有時都會有唔好彩嘅時候．例如啲番茄變咗但佢地照用．．．雖然話就話變壞未必會知，但我指嘅係一眼就望得出變咗（唔係爛咗），但佢地仲用！！！果番茄顏色都黃黃帶綠，其實應該係熱過了頭壞咗，如果細心啲，聞一聞就會知．講咗咁多．．．其實係我上次喺呢度食嘅深刻烙印，幾個月前囉．今次再食，點知有驚喜．啲番茄新鮮又好食．豬扒也鬆軟．看來今天走運喇．不過因為素質唔穩定，所以比個 OK 咁啦～

若然冇落觀塘食lunch, 這裏便一定是我的指定飯堂, 在我2年預科生涯中, 10次lunch有8次係到食, 真係食到有哂感情. 是日, 同友人們探完老師, 再回到大家樂的懷抱一哥焗豬扒飯x4: 通脹關係, 由從前2塊豬扒變成1塊大塊的, 但份量仍是縮了水; 菠蘿亦由4粒降為2粒. 雖然味道仍好, 但從前一個焗豬食到十成飽, 現在卻大打拆扣了 幸好凍奶荼保持水準, 大家樂的奶荼有專人試味, 有質素保證沒有著校服, 沒有學生餐, 沒有跟餐飲品...校服你往那兒去跑了?