大家樂 (海聯廣場)

营业中

休息中

好日唔去大家樂食飯，食完即刻屙嘔肚痛，真係多得大家樂唔少。琴日夜晚因為趕住有嘢出去做，又唔想走去食麥當勞，所以唯有走去大家樂食飯。平時都唔會走去大家樂，大家樂啲餐飲水準有幾差大家都有目共睹，估唔到依家差L到食完可以轉過頭對住馬桶嘔返碟飯出嚟。基本上去到都冇乜嘢好叫，咁就嗌咗個黑椒牛扒焗飯嚟食，落完order唔使1分鐘個飯已經出咗嚟，嗰下已經feel到伏伏地。個飯唔使時間焗?全部焗飯就咁放喺側邊保温有order就就咁攞出嚟就算？DLS攞到埋位打開個飯真係熱都唔熱下，充其量都係溫嘅啫。可惜我趕時間我冇攞返入去叫佢整返熱，點知食完即刻feel到個胃勁唔舒服，想嘔但係又唔係好嘔得出。到今朝食咩個胃都係頂住頂住咁，仲要屙屎係屙水出嚟。即刻請假睇醫生，醫生話應該係食咗唔乾淨嘅嘢。鬼唔知阿媽係女人！多L謝！以後唔幫襯！

Tea time 好想飲紅豆冰，經過大家樂就去食個下午茶。想增肥就叫個花生醬西多士。。。 就如圖，個樣，好次返炸幾次咁。。整少花生醬，仲唔記得俾糖漿🙈，第一次食咁冇味嘅西多。 咖哩角比較正常，因為都係廠出。雞翼ok架，夠蜜糖。紅豆冰最好🤣 紅豆少少淋，又夠甜。

今日男朋友話佢一定要食飯，唯有陪佢食大家樂啦！大家樂d晚餐我真係冇咩心水想食，去到大家樂我真係R爆頭都諗唔到食咩好，唯有偷男朋友個飯幾啖食啦，一陣先買小食haha男朋友叫左香酥大蝦西冷鐵板餐飲凍檬茶（$68）但跟餐個周打魚湯賣晒要轉做羅宋湯，辣肉腸芝士扭紋粉又賣晒要轉做炒飯。。。個羅宋湯雖然杰身唔稀，但太鹹！所謂香酥大蝦似乎係打邊爐嘅蝦，味道一般。說好的西冷呢？變左疑似早餐用嘅牛扒XD大家樂去食個早餐或者下午茶都ok，晚餐就可免則免了。。。