大家樂 (南豐中心)

营业中

休息中

平時lunch, 如果想吃焗豬扒飯，我只會去大家樂。大家樂的一哥豬扒飯外表吸引，每次去拿餐的時候，也總會看到焗至美輪美奐的豬扒飯而且蕃茄醬夠多夠濃，配料加入多種蔬菜，如蕃茄、蘑菇、青豆、菠蘿等，可減低豬扒的膩感。另外豬扒不會焗得太乾身，一般也能保持水準，呷下肉質較"淋"身。再配一杯冰凍的可樂，簡單但完美價錢$50有找，價錢合理而且大家樂每區都會有，豬扒飯隱起都無有怕

因為知道大家樂又出番呢款厚吐司, 今日專登黎食個TEA的. 今次呢款叫做"西班牙腸芝士碎蛋厚吐司", 比之前的款式有點不同了, 一試之下, 嘩 不得了~比之前果款仲要更加好味! 印象中之前果款吐司上面的配料同PIZZA好似, 食落口就好似食緊PIZZA咁, 今次呢款除了有食緊PIZZA的感覺(因為有少少青椒粒和西班牙腸)之外, 仲有粒粒碎蛋, 同埋芝士味更加濃, 吐司上面舖既配料厚厚一層, 焗出來聞落好香食落味道口感好豐富在快餐店食到呢樣咁好味既野都相當驚喜, 希望大家樂會長期有呢款吐司下午茶啦!我揀了配春卷, 少少脆口, 少少熱, 味道都不錯的. 跟餐的雪菜肉絲米就不過不失啦, 純粹為左想飽肚D而點的熱奶茶就維持一貫不錯的質素!

下午茶一試大家樂嘩 $21 西多士加紅豆冰，一見就選到心水西多士分為兩半件，個色有d黑，好似炸耐左少少咁，試試係米真 西多士有陣少少油溢味，似乎d油可能一般，好在糖槳有d蜜糖味，加埋溶溶地的牛油，油溢味冇咗！西多士原來有花生醬做內容，有花生碎、口感好好，好香濃花生味，整體咁價錢，抵仲有杯紅豆冰，冰量剛剛好，食完西多一半飲，入口甜味適中，紅豆原粒，又大粒，好淋好香紅豆味，粒粒香甜，紅豆冰又有得飲又有得食，ok喎

好耐沒有去大家樂吃晚餐喇！去到見有2人餐，但這個二人餐只限外賣，又想試下，於是買了外賣便上去朋友屋企到吃。肉醬意粉的份量也足夠兩個女人吃，可是男人一個吃光才飽，香草盬烤雞都入味和有口感，一口接一口，就把香草盬烤雞吃光，薯仔波波同粟米便留到尾聲先食，買之前已經諗住會吃剩，估不到可以吃完意粉再吃完隻雞後還可以吃埋薯仔波波，軟淋淋。粟米加少少牛油超好味道，最後還有沙律，沙律有蘋果味道尚算可以，吃完還飲埋可樂，完美的晚餐過後發覺原來我地好大食另外也再叫了一份豬扒焗飯做消夜。

睇廣告見到有個$88燒雞二人餐，超級抵，所以買來試下！$88 包括一隻燒雞，兩條粟米，薯波，兩盒沙律，一個大肉醬意粉，兩罐可樂，確實非常抵食。隻燒雞唔算大隻，但亦唔係燒春雞咁細，味道唔錯啦，有啲香草味，色水燒得金黃，都有雞味，肉質算嫩！薯波有十粒之外，外脆內綿，好味！沙律係什果沙律，醬比較多，普普通通。肉醬意粉，酸酸甜甜濃濃蕃茄味既港式肉醬，牛肉碎好多，上面有少量烘溶左既芝士，意粉偏硬，但整體味道唔錯。兩罐汽水係較貴既可口可樂，唔係百事，都好有誠意

和朋友相約行街，但臨時被放飛機，只好自己一個食午餐，然後再去睇場戲。行到南豐中心的時候見到大家樂無人排隊，於是決定入去食燒味。可能太耐無食大家樂，所以今日見到烏冬好驚喜，一於不食燒味飯，改成燒味烏冬。叉燒烤得軟身，偏瘦的肉質也不會硬，油雞一貫味道，配薑蓉非常好味，烏冬為平價烏冬，不彈牙，但以此價錢來說差不多，整體上不差。

諗住趕撘尾班車，5:30去食tea,點知最后一個豬扒包比前面買左，極灰心唯有㨂其他，點知找到好野：燒鴨米+紅豆冰都只係$27，即㨂冇尤疑。係水吧等左陣先切好隻脾，諗住快快手手拎埋位食時，極唔小心成杯紅豆冰倒瀉左，水吧阿姐好好人，即刻二話不說沖過杯比我，真係感激不盡，要讚呢杯窩心紅豆冰！而碗米粉真係冇欺場，真係有成隻脾，平時去大家樂食燒味飯都只係比骨我，今次真係要讚下

食宵夜，揀左黎呢間大家樂，貪佢夠大多位坐，唔使等。雲吞麵併滷水豆腐紅腸雲吞大大粒，都有鮮蝦味嘅，雖然及唔上雲吞麵舖，但都夠爽口彈牙，麵亦無鹼水味，合格。牛雜麵併滷水豆腐紅腸牛雜滷得入味亦夠淋，湯底比雲吞麵濃味，唔錯。滷水併盤就一般啦，唔太鹹ok啦。廿九蚊唔包餐飲，但已經好平好抵食了。

　　大家樂是幾所連鎖快餐店中我最喜愛的一家，因為不論在食物的款式、味道上都比較讓我感到滿意。　　廣告上說到早餐的南冰魚柳加碼，我就來試，以外賣自取的方式用餐，點的是南冰魚柳煎荷包蛋多士配熱奶茶。　　雖然已擱著了一段時間，但魚柳並沒有因之而變得濕濕的，它的脆漿也不會很厚，質感也不會很韌和很實，而且魚柳真的有比以前大塊啊。只是我記得以前的沙律醬是加了蛋黃的，不曉得是不是因為隨外賣的沙律醬要用小膠盒盛載，因之無法放太多東西，所以沒加進蛋黃了。　　厚多士是黃金的色澤沒錯。　　奶茶更合我的口胃，濃得來又不會苦澀，茶與奶是黃金比例。　　是以大家樂一直是我最愛的連鎖快餐店。

    與朋友仔2人一齊去大家樂打邊爐,2人叫的不同火鍋~什錦牛肉鍋 $52 (龍蝦湯底)龍蝦湯底方面唔會好濃,搶晒蔬菜的味道,帶有少少番茄味,有幾件切件的番茄好吃~個gas爐幾夠火喉,不斷滾滾滾~所以水份蒸發得較快,total加左3次水,service真不錯的 樓面員工又polite,:chopsticks:蔬菜 (用大size便當盛放)多片生菜,小棠菜,南瓜1件,芋絲2件,勝瓜2件,烏冬一包,種類真係幾多!另一層便當有:chopsticks:牛肉共很多片,很幼長的切條~ 非常之美味!!什錦火鍋的「什錦」包括..:chopsticks:獅子狗卷 2件 – 質素不錯:chopsticks:脆皮腸 – 外皮卜卜脆~雖然唔覺有芝士味,應該係脆皮腸吧,質感還不錯~:chopsticks:粟米 2件 – 需要花較多時間來滾熱才100%熟透~:chopsticks:冬菇 一件~本身已洗得好乾淨:chopsticks:豆腐2件 – 即使泡得耐都唔會散開,很軟滑非常豐盛的一人前火鍋~更加喜歡醬料方面有普通豉油,日式芝麻醬(很喜歡用來沾烏冬吃)及蒜茸粒+蔥花!非常之開胃~我地2人再加$6 :chop

早前女友睇到廣告講流心玉子石窩燒話好吸引就收工一齊試下,其實平時都少食呢類快餐因為覺得唔抵仲唔荒好食結果當然中伏啦碳燒豬扒石窩燒飯 x 2原來呢d叫碳燒...以為認知仲以為係茶餐廳炸豬扒飯,再加d芝麻上去...(佢仲有配一小兜豉油)簡單d係..用燒窩裝住既 豉油汁炸豬扒飯流心玉子湯窩(泡菜) x2拎果陣已經懷疑佢比錯清湯,要撈一撈先有返少少顏色,再撈底之後才變紅色碗湯完全係好似食完泡菜湯麵剩返既湯底咁, 結果當然係咸到要買水飲啦估唔到一係唔食,一食就領你野

最近温度转凉，来这里吃火锅的人真多。我选了沙爹锅底，火锅有肥牛，2只大虾，鱿鱼，豆腐，2个饺子，2片生鱼片，还有一个类似制作蛋糕的塑料装的鱼粉，2个肉丸，生菜，白菜少许，一盘乌冬面。加拿大肥牛很新鲜，鱼粉可以自己随意添加到火锅，有海鲜味道，乌冬面最好吃了，口感好，滑，也不会因为煮太久而烂掉。沙爹的锅底好到掉渣啊，汤好喝。调料是自助的，尤其这里的服务真是很好，服务很热情周到。有点小郁闷的是火锅写的4人套餐，其实很多香港人是2个人吃一锅的，我们实在是大胃王啊一个人就要了一锅。以后有机会再吃额。

係南豐行街, 2條友唔想食貴野又想飽肚, 已經剔除M記, KFC, BURGER KING同太興有間越南餐廳, 但興趣同信心不大, 最終選擇左大家樂想食D比較住家菜同健康D的野, 就叫左2個2餸飯1. 家鄉豆腐: 好滑滑的雞蛋豆腐, 有少少豬肉碎, 加埋香味冬菇, 爽口馬碲, 差D同朋友爭食HAHA2. 京都骨: 平時的京都骨個汁係橙色, 好似甜酸醬咁, 但呢個係啡色好似牛腩汁咁的色, 但食落又的確係酸酸地少少甜, 無一般橙色汁的咁重味, 唔錯, 肉排都夠林3. 糖醋魚塊: 個汁太"傑", 好酸下, 炸魚塊不過不失4. 南乳粗斉: 有紅羅白片, 木耳, 茄子, 豆卜, 四季豆, 冬菇等, 但配南乳汁感覺唔多MATCH朋友唔夠飯, 食哂飯仲有餸剩, 問水吧阿姐加飯都俾左一碗仔佢食物整體唔錯, 但唔多夠熱, 只係微暖TOTAL 70蚊到落樓

1:30 P.M. 荃灣依然人山人海, 下午茶時段, 除美心外, 好想再去大家樂幫襯 。唔知點解, 間間大家樂提供的食品好似有出入, 個多月前去葵芳果間見過公司三文治後, 一直未遇上, 昨日去到問也沒有提供 。點了一個义燒瀨粉配以可樂, 另一個鼓油雞脾配以紅豆冰, 2個餐加埋都係44元, 抵 !义燒瀨粉- 比想像中削, 叉燒份量不多, 但夠瘦及軟, 瀨粉反而份量多, 但只得一條菜芯, 眼闊肚窄下食完都有點飽, 但不及熱狗果個餐咁滿足, 唔知點解 。而杯可樂, 都幾淡, 冰不多但係無乜味。而鼓油雞脾配以紅豆冰, 都幾多人叫, 鼓油雞脾賣相好吸引,食落去都夠味, 小朋友至愛, 加上全隻夠熟, 但不是煮得太耐, 唔錯 ! 紅豆冰, 紅豆適中, 都幾大杯, 甜味剛好奶夠滑, 真的幾好 !

Lunch 完行行下又肚餓轉到快餐店去探頭看看~雖然下午茶時段多左好多set 選擇但來來去去既組合都差唔多點了一set share~ 有奶油脆豬+雪菜肉絲米粉+紅豆冰今次想介紹奶油脆豬奶油脆豬雖然係某一茶餐廳既名著但呢度既都唔係太差帶點軟林林既麵包淋上甜甜的練奶同牛油而且熱辣辣烘得好脆口值得一讚~