大家樂 (愉景新城)

营业中

休息中

位於荃灣愉景新城的大家樂，相信是上班族平時午餐的常見選擇。這次試的是肉丸蕃茄意粉，蕃茄醬味道偏酸，肉丸口感較實，意粉略濕但仍算飽肚。整體味道普通，份量足夠，適合快速用餐。 環境： 店內整潔，午市人流多但出餐快。 價格： 約 $40 包飲品，屬快餐店合理水平。 食物質素： 食材一般，味道偏淡，適合簡單的一餐。 食物種類： 港式西餐的選擇眾多，配搭靈活，適合不同口味。 如果你想要一份快捷又不太重口味的午餐，這款意粉可以考慮。

吾怪得叉燒咁便宜都無人排隊前幾日睇到Facebook 話大家樂叉燒$30半斤，睇落好抵，因為以前都有食佢地燒味都吾錯咖。今日4點幾去到想晚飯加料，仲睇到貼住哩個特價poster，但又無人排隊，以為執到，點知道中伏叫左肥叉，單都寫得清清楚楚，但返到屋企打開，全部瘦咖，最大獲應該吾系梅頭，好硬，如果老人家估計食吾到。另外，亦一d燒烤味都無，就算有燶邊都吾系燒烤味，肉味奇怪，絕對吾系傳統的叉燒味道。以後咪搞我。

今次試咗燒肉、雞翼、紅腸同鹹蛋飯，真係好滿足！燒肉外脆內嫩，肥瘦適中，味道香濃。雞翼煮得剛好，肉質鮮嫩，醬汁味道恰到好處。紅腸香味四溢，配上鹹蛋飯，飯粒鬆軟，鹹香可口，絕配！仲有熱檸檬茶，清新解膩，非常舒服。整體而言，呢個套餐味道豐富，適合聚餐，值得推薦！

大家樂和一粥麵同期推出咖喱飯，比拼兩間質素，大家樂令人失望。$39價錢不算貴，仲有紅豆冰送，望落都幾多炸雞，但實情係全部炸粉炸漿多，雞肉非常少，似食炸漿多過食雞肉，而且全部有骨，似食單骨雞翼，其實應該講比單骨雞翼更差，只是切剩的雞骨頭，沾上大量炸漿就當炸雞，完全無誠意。咖喱是日式甜咖喱，咖喱汁份量亦好少。

【年年團圓飯推介養生滋補盆菜登場】黎緊新年又點少得同一家人食返餐盆滿缽滿嘅團圓飯，我每逢過節都心思思要訂盆菜，大家樂今年推出的「鮑魚花膠海參福袋盆菜」啱晒一大班人，真材實料，成座山咁高，有6隻原隻極品蠔皇扣鮑魚，3件挪威花膠及6件加拿大海參，所有食材都香濃鮮美，食到停唔到口，獨立包裝，夠曬貼心，盆菜配料超級足料😍材料有：、黃金福袋、茄汁中蝦、蠔鼓、花菇、南乳炆蓮藕、南乳炆腩仔、鴨掌、炸魚蛋、栗子、枝竹、芋頭、蘿蔔及西蘭花味道有驚喜〰️南乳炆腩仔帶少許鹹香😋仲有爽滑飽滿的花菇以及吸湯又易入味的蘿蔔 枝竹、芋頭🏻隨時隨地同家人分享鮮味，讓你暖笠笠過冬，一家人齊齊整整係屋企食飯就最溫馨。

好耐之前食過咋咋淋鐵板餐印象好好，今次咁啱經過就再食多次~最期待佢既酥皮湯，同埋一串薯片真係好吸引😍唔知係咪因為即整所以都等左一段時間...一上菜即刻將D醬倒落鐵板到，即刻咋咋聲超過癮！不過舊蕃茄比我咋燶左🤣🤣食左薯片先，嗯....唔脆既？！有啲失望😥唔緊要再試下個酥皮湯先！塊酥皮完全癡左係個碗到郁都郁唔到😥見到隔離枱拎左碗湯去換左個沙律，唔知係咪因為呢個原因呢🤣不過其實個湯都OK既，熱辣辣幾好飲。不過塊豬仔骨就都幾難切，雞扒就還可以，下次都係唔好叫呢個餐🤣

今日諗唔到去邊度食野，就簡簡單單係大家樂食算喇叫左一客咖喱牛腩飯連飲品，60幾蚊咖喱牛腩同飯係分開上，凍奶茶另外加$3咖喱牛腩放上番茄同紅椒，賣相ok牛腩份量都夠合理，汁都好豐富，不過就油膩左D牛腩比較硬同有少少鞋，應該係煮得唔夠時間，牛味都可以；牛筋就煮得夠時間又岩岩好，腍得黎仲保持有咬口咖喱味感覺重味左少少，食完有d 口乾白飯砲左少少蔬菜，感覺健康凍奶茶就正正常常，甜度高D整體黎講係正常水平，唔會難食

冬天就係要食鐵板燒啦！我今日去咗大家樂叫咗一個鐵板西冷牛扒。個牛扒用上鬆肉粉，所以好嫩滑，唔會太乾。我揀咗洋蔥汁，好惹味。埋邊仲有粟米同千島腸，增加咗風味。餐廳環境寬敞舒適，唔會太吵。而且個價錢都唔貴，適合一家大細食。我覺得呢個鐵板牛扒比起其他快餐店嘅質素高好多，牛扒又大塊又多汁，唔會有鞋口感。洋蔥汁又唔會太甜太膩，好岩我嘅口味。粟米同千島腸都好新鮮，唔會有雪藏味。總括黎講，呢個鐵板牛扒係我食過最好食嘅一個！

今天去政府部門，去錯地方，急急成功找到了，完成任務。胃部嗱住嗱住，疲憊的身軀，要立即相信器官既訴求，空肚食過早既午餐。大家樂既超值午餐連熱飲（$37），hea 既我，遇上hea既一碟炒飯。好彩那杯水準穩定既熱奶茶。冇期望，冇失望。

一向都係都係大家樂嘅粉絲，最中意食佢嘅鐵板扒餐，今次見到仲有酥皮湯！正！鐵板塊牛扒大大塊，不過配菜就小啲啦！ 酥皮好香脆但裡面嘅湯就唔喺咁好飲喇！杯楊枝甘露 OK 好味！整體黎講簡單一想食餐鐵板餐就大家樂啦！

去左荃灣去大家樂，霸個靚位据個靚扒，咁今期佢有幾款扒餐選擇，我記得有牛扒餐，我食呢個既雜扒餐啦。呢個餐有一塊豬扒、雞扒、仲有一條司華力腸&玉米。首先豬扒煎得幾好，外皮煎到金香可口夠哂脆口，D肉又唔會話韌。雞扒肉質好滑，份量好大塊，雞扒層皮亦都煎到金香可口。仲有條司華力腸都好好味，唔會話好重腸仔既味精味。今次就配左黑椒汁，個汁唔會好辣，但又夠味，加埋個玉米，成個套既份量都好充足好飽。但係佢個酥皮湯就真係唔得啦，個酥皮冇問題既都係好香酥好好味，但個湯就唔得啦，佢個所謂既羅宋湯係淡得黎得胡椒味，直情可以叫胡椒水。

好耐冇去食大家樂，琴日食咗個牛扒餐，真係影真嫲嫲，牛肉好明顯用粉醃過，完全冇乜牛味，我發覺大家樂嘅嘢做得越嚟越差，而家市面上好多新開嘅茶餐廳好食過佢好多，仲要個牛扒餐唔係平

估唔到大家樂都出咗一款咁高質嘅飯！係日式嘅流心溫泉雞蛋🥚♨️再加台式嘅肉燥 肉燥唔會太肥太乾 仲有啲冬菇粒粒 撈飯一流🐷🍚再加埋大家樂嘅招牌港式燒味 非常之豐富✨

大家樂出左個趣脆三文治盒，睇poster勁吸引，擇日不如撞日，就今日tea time去左附近間大家樂買黎試下。落完單搵位坐果陣，眼見有8成的食客都嗌左尼個三文治盒。搞到我等緊既時候好期待。 ⦁趣脆三文治 $31今期是芥末蜜糖汁吉列豬扒三文治，入面塊豬扒炸得好香脆，仲要係熱辣辣，差少少辣親果咀。仲有塊豬扒肉質唔乾啖啖都勁juicy。例外芥末蜜糖汁令到成個包冇咁乾身，整體配搭好fresh。 今期果口味我都幾鍾意，唔知下期出咩口味呢？好期待⋯

嗰日去咗食餐包+煎牛扒+ 牛尾通，普普通通，價錢算合理，奶茶夠熱，係牛扒有少少凍左另外加咗個炒麵，份量比較細希望下次個牛扒可以熱返少少，餐具有少少污糟但都仲接受到😂